Ịjọọnụ 1:29 - IWE ỌNỊNỊ

²⁹ Eyinẹhẹ anị, Ịjọọnụ ô re Ijeesu, ọ màa vẹ ịdị anị. Dị ịjọọnụ ka, “Wee re Ozi Atẹmẹ Ohomorihi ana a vaa sị mẹ̀ ịsọvọ dị ọ̀ kụ̀ ịvị anẹhẹ kwooze!

Ịjọọnụ 1:29 ပူးပေါင်းရင်းမြစ်များ

Ọyịkụra 28:38

Avọọ Eerọnị mẹ̀ vaa jị ọ za ibe anị nị. Ọnọọ vaa mẹ ka ma dọ avaba ịsọvọ anị Anisirẹrị ẹ̀ẹ mẹẹ mị, ẹ̀ẹ daka nyeeyi ẹ maa mẹ̀ ẹ.

Ayịsaya 53:10

Ama ô ze Ẹnẹyịmavara eyi ka ọ̀ vavọọ rị ụya. Isu anị ọ vị ịsọvọ ana mẹ ka à vagu ịvị yị aza nị. Agụvị avọọ, o vee re ezi anị; o vee kú orubo. Ọnị Ẹ́nẹyịmavara vaa sị mẹ̀ ịsa o sì ka ọnị aa mẹ nị.

Ayịsaya 53:11

Ịjị òo re avaba ịsị ẹ mẹ agụvị ụya ọnị ọnị rị, ayị anị vee hine. Agụvị ịsa ene reè tù ọ, ozi ahụ amị ana vị ọnịrẹyịzẹyịza vaa mẹ ka, aza ọrụrụ-ọrụrụ ẹ̀ vara ọnịrẹyịzẹyịza, agụvị ka ọnị ọ rị avaba ụya ịvị ẹnịnị nị.

Ayịsaya 53:7

 mẹ ẹvaya yọ, dị a sị ụya rị ọ nị, ama ẹ yị ha irenu ka ịrẹyị ọnyọọnyị. Anka ozi atẹmẹ ana a sị aa naa wụ avọọ, atẹmẹ ana aa naa wụ mẹẹ̄ jẹẹ sii, avọọ o mee re ẹtẹ kẹnẹ, dị ẹ̀ yị kà ịrẹyị nị.

Ihoseya 14:2

Ộ kà ẹnịnị ẹ dà ịpẹ, dị ẹ vaka Ẹnẹyịmavara na. Ẹ dà ịpẹ ẹvagu avaba ebira odivi ịvị ẹnịnị, dị ọ dọ wa agụvị dị ẹnịnị ẹ zụ ga a.

Ireevi 10:17

Sị́ ẹ́ vẹ dị wẹ̀ yị yà aha ọnya ịnị ẹkara ajẹngụ Ẹnẹyịmavara dị wa rị ịsị ịsọvọ ịvị ọnọnị nịnị? Ịsa ọyịrị ọnịnị ọ́ vị̀ nị, dị Ẹnẹyịmavara sị yị wụ nịnị nị, agụvị à sị kụ́ ịvị ịragụ aza anị kwooze nị.

Ịzakaraya 13:1

Ẹnẹyịmavara Ochẹtẹẹngụ kà a ịjị ụmẹ òo si tù, enyi vee si hụụnị ẹtẹ ana vaa nyịna ezi Idevidi ẹnịrị aza ene hi Ijerusarẹmị hụụnị ebira odivi ẹnịnị ọnịrị ẹvụvụ ori ọnị ẹ yaa hẹkẹ.

Ịrịka 18:1

Ẹnẹyịmavara ọ ka yị Eerọnị ka ọnịrị ezi anị beri avaba anovwoovu anị ẹ vaa sị eyi pe akụvị anaa mẹ ịnị ajẹngụ anị nị. Ama Eerọnị ọnịrị ezi anị kẹnẹ ẹ vaa sị eyi pe akụvị ọnị ohirẹsụ irehi Ohomorihi nịnị ẹ̀ẹ mẹ̀ ịnị ụkọrọ ẹnịnị nị.

Ịrịka 18:23

Anireevi nịnị kẹnẹ ẹ vaa mẹ avaba ụkọrọ ịnị ajẹngụ anị nị. Ẹnịnị ẹ̀ yaa rị ụya akụvị ana aa mẹ̀ ịzọọ nị. Ọda ọnọnị vị ana va ya ịzọọ pooro. Ẹnịnị ẹ yị vaa nyị tụ ịnị ẹtẹ ana a sị yị ịrẹsụ-ịrẹsụ Anisirẹrị ana vọ.

Ịrịka 21:9

Ịzẹyịza dị Imosiisi sị enyusẹ mẹ̀ ẹ́wụ́, dị ọ sị ọ gẹ ọchị nị. Ọza ọnị ẹ́wụ́ ọ̀ọ da rị, òo re e dị ọ yị su.

Ịrịka 7:27

ụnọ ọnya, ịdẹba ọnya, ozi ịdẹba ịrayị ọnya mẹ̀ ịsọvọ ana a rị ịra.

Ịrịka 7:39

ụnọ ọnya, ịdẹba ọnya, ozi ịdẹba ịrayị ọnya mẹ̀ ịsọvọ ana a rị ịra.

Imatiwu 1:21

Ọ vaa ma ozi ọnọrụ ọnya, dị ụ hị́ ịrẹha anị Ijeesu; agụvị ka ọnị ọ vaa dọ aza anịị háa hụụnị ịvị ẹnịnị nị.”

Imatiwu 20:28

Agụvị ka ẹmị Ozi ọza onigirima mẹ yị vẹ ka à mẹ ozi ahụ yị mị, ama ka ma mẹ ozi ahụ yị aza, dị ma rẹ sị ụhwẹ amị hị́ aza ọrụrụ-ọrụrụ varẹma.”

Ịjọọnụ 1:35

Eyinẹhẹ anị, dị Ịjọọnụ ọnịrị ezirẹma anị ẹẹva rẹ jẹẹ ịzọọ nị.

Ịjọọnụ 1:36

Ị́jọọnụ mè re ka Ijeesu aa parahu, dị ọ rẹ ka, “Wee re Ozi Atẹmẹ Ohomorihi!”

Ịjọọnụ 1:43

Eyinẹhẹ anị, dị Ijeesu ka ọnị aa nọ Igariri nị. Ô re ọza ịnya aanị ana aā hị́ Ihwiripi. Dị Ijeesu kà a yọ ka, “Waa dụ mị ịrẹma!”

Ịjọọnụ 2:1

Ịhyẹgwẹta anị, â nyị ịzị a yà aa nyị ọnẹẹ Íkana ịnị ẹtẹ Igariri. Ọnyị Ijeesu yà ịzọọ

Ịjọọnụ 3:16

Ohomorihi ộ vavọọ sì ịrẹyị anẹhẹ pooro, ne tù ka ộ sị Ozi anị ikonya gene-gene yị anẹhẹ; ka ọza tụra ọza ana àa sị ayị tụra a, asị o kuku vu ẹtẹ, ama dị ọ̀ zụ yára ị́da Ohomorihi pooro zịna-zịna.

Ịjọọnụ 4:42

Dị ẹ kụkụ kà a yị ọnẹẹ ọnọọ ka, “Ẹ ya raà sị ayị tụra a booro aanị, ẹ yị vị agụvị ịrẹyị ọnị ụ kà yị kẹnẹ; ama ẹyị ụvọta ọ sị ịrẹyị anị wụ́, ya sị yẹ ka ịzẹyịza, ọnị ọ vị Ikirisiti, ana vị Ọdọzaha anẹhẹ nị.”

Ịjọọnụ 6:51

Ẹma vị ịsọyịrị anaā mẹ ka ọza ọ̀ yàra booro nị. Ẹbẹẹba mị hụrẹ vẹ nị. Ọza ana àa rị ịsa ọnọọ, vaa yàra pooro zịna-zịna. Ọchẹngụ amị ọ vị ịsọyịrị ọnị mị vaa sị yị aza nị. Maa sịị yị anẹhẹ ka ẹ̀ zụ yàra obooro.”

Odeyi 13:39

Ọda Imosiisi ọ yị zụ vagu wu, dị ọ̀ rẹ jị ịhị yị wụ nịnị. Ama ini oze anị Óhomorihi zị vagu wu, dị ọ rẹ jị ịhị yị avaba ọza ana àa sị ayị tụra a nị.

Odeyi 8:32

Ịzị ọnọrụ ọnọọ aa kà ini Iwe Ohomorihi yị: “Vị ọ yà anka atẹmẹ ana a sị aa naa wụ avọọ nị. Vị ọ sị mẹẹ anka ozi atẹmẹ ene è yi mē nowu, àa yẹrẹ ẹyị anị avọọ nị, o yi tụ́ ohi ịrẹyị vụrụ-vụrụ.

1 Anịkọrịntị 15:3

Enube ene hu keekere ọnị mị dọ, ẹ́mị rẹ sị yị ẹwụ nịnị nị. Enube ọnọọ ọ vị ka Ikirisiti ô sú agụvị ịvị ayị, anka a mẹ̀ vịdị chẹrẹ ẹ tụ́ ini Iwe Ohomorihi.

2 Anịkọrịntị 5:21

Ikirisiti ọ yị mẹ ịvị vụrụ-vụrụ. Ama Ohomorihi ọ́ hụ agụvị ayị vara ọnị ụvọta ịvị, agụvị ẹyịrị ọọ ọ̀ zụ vị ọnya, dị ya zụ nyị tụ́ ịnị ịzẹyịza Ohomorihi.

Anigaratiya 1:4

Ijeesu ọ sị ẹngụ anị mẹ̀ ịsọvọ yị ịvị ayị agụvị dị ọ̀ dọ yị tịtẹ hụụnị ịsa edivi ẹhẹ ọnọnị anka Ohomorihi Ada ayị me sì ọ.

Anigaratiya 3:13

Ama Ikirisiti ọ́ọ dọ yị há hụụnị ịvị ọnị ọda ka yáa rị. Ikirisiti ọ raà dọ ụya ayị rị, ọ mẹ̀ sị ịvị ọnọọ yị ẹngụ anị, anka Íwe Ohomorihi mẹ̀ kà a ka, “Ọza ana àa sị gẹ ọchị, ọ sị ịvị rị ini eyi Ohomorihi.”

1 Itimoti 2:6

Ijeesu ọnọọ ọ sị ẹngụ anị yị avaba aza, dị ọ hị́ wa varẹma nị. Ini oze avọọ, ịnị ụmẹ ana vọrọ, Ohomorihi ộ sị zụ̀ ka oni ee sì ka ọnị ọ̀ dọ avaba aza há.

Ịtayịtọsị 2:14

Ijeesu ọnọọ ọ vịdị sị ẹngụ anịị yị, agụvị dị ọ̀ zụ hị́ yị varẹma nị, agụvị dị ya zụ há hụụnị avaba ịsa edivi. Dị ọ́ mẹ ayị ayị ọnịnị, dị ị kụkụ sị vị aza anị ana aa sịị vụrị ka yaa mẹ̀ ịsa ene zoza nị.

Anihiburu 1:3

Ini oze Ozi Ohomorihi ọnọọ ígirima Ohomorihi aa zịị zẹtẹ nị. Ọnị ọ vị uhwoto Ohomorihi gẹdẹ-gẹdẹ nị. Ịrẹyị anị ana nyị ụkata ọ sị za avaba ẹhẹ jẹẹ nị. Ộ nyịna aza hụụnị ịvị ẹnịnị ka ẹ̀ nyẹngụ nị. Dị ọ nọ ẹbẹẹba, dị ọ na yaayịtẹ éyi ụvọrị Ohomorihi ana nẹba hu kere-kere nị.

Anihiburu 2:17

Ọnọọ ọ vị ka áa nyị ka ọ̀ yà anka ẹyịnyara anị ini oze tụra oze, dị ọ̀ zụ yà anka ohirẹsụ ọbanyị irehi Ohomorihi ana vaa mẹ ụkọrọọ yị Ohomorihi. A zụ sị ayị tụraa, dị ọ rẹẹ̄ vayị ọza nị, agụvị dị ò zụ sí ụta ịvị aza.

Anihiburu 9:28

Avọọ Íkirisiti ọnị mẹ̀ rẹ sị ẹngụ anị mẹ̀ ịsọvọ ụpẹ ọnya gene-gene nị, ka ọnị ọ̀ kụ́ ịvị aza ọrụrụ-ọrụrụ kwooze. Ọ rẹ vanaa vaa vẹ ịnị ẹhẹ ọnọnị, ama ayị vị agụvị ịvị. Aza ene ee zí ọọ eyi, aa vaa dọ ọ há nị.

1Ipita 1:19

ama anya Ikirisiti ụvọta ana vị ịsa ọkụmị-ọkụmị yọ nị. Anya ọnọọ vị ana sị mẹẹ anka anya ozi atẹmẹ ana a sịị̄ mẹ̀ ịsọvọ ẹnẹ ẹ̀ yị mā nyị ịdọtị, àa vị ụkụ vụrụ-vụrụ.

1Ipita 2:24

Ikirisiti ụvọta ộ sị ịrẹsụ dọ ụya ịvị ayị, a mẹ̀ kanyị ọ za ọchị apavahị, agụvị dị ya kụkụ sị mẹẹ oku avọọ dị asị kụkụ zụ mẹ ịvị, dị ya kụkụụ mẹ ịzẹyịza. Ini oze ụnava ana a tụ̀ ọ, ọ sị mẹ wụ nịnị ụkụ nị.

1Ipita 3:18

Ikirisiti ộ rị ụya o mè sú agụvị ịvị ayị ụpẹ ọnya gene-gene. Ikirisiti ẹnẹ ẹ̀ yị mẹ ịvị, ô sú yị aza ana mẹ ịvị, agụvị dị ọ̀ zụ sị yị vẹ ịdị Ohomorihi. Aza ệ wụ ọ, ama â mẹ ka ụhwẹ anị ọ̀ yara.

1 Ịjọọnụ 2:2

Ọnị ọ sị ẹngụ anị mẹ̀ ịsọvọ ana kụ́ ịvị ayị kwooze nị. Ẹ́ yị hyakụ vị ẹ́ẹyịnya kẹnẹ, ama ịvị avaba anẹhẹ.

1 Ịjọọnụ 3:5

Wáa yẹ nịnị ka Ijeesu Ikirisiti vị ana vẹ ẹhẹ, agụvị dị ọ̀ va dị yị hụụnị ịvị. Wáa yẹ nịnị ka ọnị ẹ yị nyị ịvị vụrụ-vụrụ.

1 Ịjọọnụ 4:10

Ịsị aā hị́ ịrẹyị ọza oyisì yị: Ẹ́ yị vị ka vị ẹyị sì ịrẹyị Ohomorihi nị, ama Ohomorihi o sì ịrẹyị ayị nị, dị ọ tụ́ Ozi anị vẹ ẹhẹ ka ọ̀ va sị ẹngụ anị mẹ̀ ịsọvọ, dị à zụ vagu yị ịnị ịvị ayị nị.

Ẹtore 1:5

Ijeesu Ikirisiti, ana a zụ sị ayị tụra, ọ̀ rẹ mẹ ọyịza wụ nịnị. Ọnị ọ vị ọnịpaapa ana ha hụụnị isu nị, ọnị ọ rẹ vị ohirẹsụ ohinọyị anẹhẹ nị. Ô sì ịrẹyị ayị. Ini oze anya oni o che sẹ́ ẹtẹ o mè sú, ộ nyịna ịvị ayị kwooze.

Ẹtore 12:11

Ẹwụ nịnị ẹyịnyara amị e reè huna a ini oze anya Ozi Atẹmẹ ọnọọ ọnịrị ịrẹyị Ohomorihi ẹnẹ ẹyaa dọ ivenuu tụ́. Ệ dọ ka ẹnị ẹ̀ hụ rẹ ẹhẹ ẹnịnị ụvọ dị eni è sú.

Ẹtore 13:8

Avaba aza ene hi ịnị ẹhẹ vaa hẹkẹ uye ọnọọ; ọnọọ vị ka aza ọnị ọza ọ̀ yị chẹrẹ ịrẹha ẹnịnị dị a va yẹ ka aa mẹ ẹhẹ tụ́ ini iwe aza ana yàra pooro zịna-zịna oni Ozi Atẹmẹ anaa vịdị wụ nyị.

Ẹtore 14:1

Dị mị kana eyi nị, re, Ozi Atẹmẹ ọnọọ ọ́ọ jẹẹ ịrẹsụ Ataba Ịzayọnị. Dị aza ẹnị akawụ-akawụ oze ẹtarẹwụ tụra ẹẹva (144,000) jẹẹ pee nị. Áa chẹrẹ ịrẹha Ozi Atẹmẹ ọnọọ ọnịrị ịrẹha Ada anị tụ́ ini ibe ẹnịnị.

Ẹtore 14:10

ọ vaa yẹ ọyịkụ Ohomorihi. Ọyịkụ anị ọnọọ vị ana sị mẹẹ anka ẹchịpa ohuru-ohuru avọọ, ọnọọ ká tụ́ ini ako ọyịkụ anị ana aza ẹnẹẹ vee hú. Dị ẹ yaa rị ụya ịnị ịra anaa sị ohuru tụ́ éyi anggẹẹrị ọnịnị nịnị ọnịrị Ozi Atẹmẹ ọnọọ.

Ẹtore 14:4

Aza ẹnẹnị ẹ yị zẹẹ ka anẹẹ è du ẹnị ẹngụ, ẹnịnị ẹ yị yẹ ọnẹẹ. Ẹnịnị ẹẹ̄ saasa Ozi Atẹmẹ ọnọọ nọ aha tụra aha ana àa nọ nị. A raà hị́ wa varẹma hụụnị akakana aza, vị ẹ yà anka ịsa ịnị aarẹ ịpaapa avọọ ana aā sịị tụ́ irenyi yị Ohomorihi ọnịrị Ozi Atẹmẹ ọnọọ nị.

Ẹtore 15:3

Dị ẹyaa jị ahẹ Imosiisi, ozi ahụ Ohomorihi, ọnịrị ahẹ Ozi Atẹmẹ ọnọọ, dị ẹ ka: Ananyị yị, Ohomorihi Ochẹtẹngụ, ụkọrọ awụ ộ banyị, di o re hí ọza irenu nị. Ẹwa vị ohinọyị anẹhẹ nị, oze awụ vị ịzẹyịza, ẹ yị nyị ireche ịnị anị.

Ẹtore 17:14

Ẹnịnị vee pe Ozi Atẹmẹ ọnọọ kụ̀ ịrẹkụ, ama Ozi Atẹmẹ ọnọọ ọnịrị aza ọnị ọ hị́, dị ọ nyị wa dị ẹ rẹ nyị ịzẹyịza hi ọọ, vaa nyị ehuna ẹnịnị, agụvị ka ọnị ọ nyị avaba aza nị; ọnị ọ vị Ohinọyị avaba ohinọyị nịnị nị.”

Ẹtore 19:7

À vẹ ya jẹ, dị ịnẹ ayị òo hine, dị yaa sị ụbanyịị yọ! agụvị ka ụmẹ o si tù oni Ozi Atẹmẹ ọnọọ aa sịị nyị ọnẹẹ; ose anị ọ sị ẹngụ tenyi tịtẹ.

Ẹtore 19:9

Dị anggẹẹrị rẹ kà a mị ka: Chẹrẹ ọsọnị: Aza ana àa hị́ ka ẹ̀ vẹ ịnị eche Ozi Atẹmẹ ọnọọ vaa dàa jẹ. Dị ọ kà a mị ka ịzẹyịza, ịrẹyị Ohomorihi obooro ịrẹyị ẹnẹnị vị nị.

Ẹtore 21:14

Ọvọ ẹkụra ọnọọ vị ana a dà tụ́ ịrẹta ẹwụrẹva. Dị a chẹrẹ ịrẹha ezirẹma Ozi Atẹmẹ ọnọọ tụ́ ọnị.

Ẹtore 21:27

Ẹ yị nyị ịsa ikonya eneē du ọza ẹngụ, ana vaa ngụ ịnị ẹkụra ọnọọ. Aza ene ee du ẹhẹ ọnịrị aza eneē cheeche, ẹ yị vaa ngụ ịzọọ. Aza ana chẹrẹ tụ́ ini iwe Ozi Atẹmẹ ọnọọ ana vị iwe aza ana yára pooro zịna-zịna kẹnẹ, ẹ vaa ngụ ịzọọ nị.

Ẹtore 21:9

Ọnya ịnị anggẹẹrị ịhịmba ẹnẹẹ ana nyị ịchacha ịhịmba ana vị ohihi ụyọrị ọdịrẹma ịhịmba, o ve tù mi, dị ọ ka, “Vẹ dị ma sị ọnẹẹ ana vị ose Ozi Atẹmẹ ọnọọ zụ̀ wụ!”

Ẹtore 5:6

Di mi re Ozi atẹmẹ ọnya ka ọ jẹẹ ọ́vịdị aga ohinọyị ọnọọ nị. Dị ịsa ẹẹna ana nyị ụhwẹ, beri azọkụ ẹnẹẹ jẹẹ jesi kara a nị. Vị ọ sị mẹẹ ka vị a vịdị wụ Ozi atẹmẹ ọnọọ nị. Ộ nyị ọpanyị ịhịmba ọnịrị eyi ịhịmba ana vị Ụhwẹ Ohomorihi ịhịmba ana a raà tụ́ nọ avaba ẹhẹ.

Ẹtore 5:8

Ịjị ọ raà sị iwe ọnọọ, dị ịsa ẹẹna ẹnẹẹ ana nyị ụhwẹ, beri azọkụ ohurẹẹna ẹnẹẹ tana tụra ẹtẹ ọ́vịdị Ozi atẹmẹ ọnọọ nị. Avaba ẹnịnị ệ sị ịsa a sịị̄ jị ahẹ ene véné igita rị ụvọ, dị ẹ rẹ nyị ịchacha ọgana ana a sị igooru mẹ ene eturare ozoza yà ịnị anị nị. Eturare ọnọọ vị aduwa aza Ohomorihi.

Ẹtore 6:1

Mê re, Ózi Atẹmẹ ọnọọ mẹ̀ hụ̀ ọnya ịnị ịsa ịhịmba ana a sị vá iwe ọnọọ. Dị mị wụ́ ka ọnya ịnị ịsa ẹẹna ẹnẹẹ ana nyị ụhwẹ avọọ, ô nowu nị. Ọngwẹ anị ộ banyị anka apaana ihinẹba avọọ. Dị ọ ka: Vẹ!

Ẹtore 6:16

Dị ẹ kà a yị ịrẹta beri ataba ka è wú za ẹnị, dị ẹ̀ sị ẹnị tẹ̀, dị asị ọza ana yaayịtẹ ịnị aga ohinọyị ọnọọ re ẹnị, dị asị Ozi Atẹmẹ ọnọọ rẹ kụ́ ayị hi ẹnị nị.

Ẹtore 7:14

Dị mị ka: Nda, mẹ yị yẹ, ẹwa yẹ nọ. Dị ọ kà a mị ka: Aza ẹnẹnị ẹ vị aza ana sị ụya ọbanyị há va jịnẹ, dị ẹ nyịna awuru ẹnịnị ịnị anya Ozi Atẹmẹ ọnọọ, dị ẹ kụkụ aa vwẹtẹ sẹnẹ-sẹnẹ nị.

Ẹtore 7:17

Agụvị ka Ozi Atẹmẹ ana yà ọvịdị aga ohinọyị vaa tẹsị ẹnịnị anka oseratẹmẹ. Dị aa kụ́ waa nọ aha ene enyi ẹtẹ anaā mẹ ka ọza ọ̀ yàra pooro zịna-zịna yà. Ohomorihi vee nyee avaba ẹgọọ hụụnị eyi ẹnịnị.