Ịjọọnụ 1:19 - IWE ỌNỊNỊ

¹⁹ Aniju nịnị ene hi Ijerusarẹmị ệ tụ́ ohirẹsụ irehi Ohomorihi ẹnyị ọnịrị Anireevi nịnị ne tù Ịjọọnụ. Ẹ ka ẹ̀ họ̀ Ịjọọnụ ka ẹnẹ ọ vị ana vị da.

Ịjọọnụ 1:19 ပူးပေါင်းရင်းမြစ်များ

Ịjọọnụ 1:7

Ịjọọnụ ộ vẹ ka ọnị ọ̀ dọ ivenu yị aza ini oze Etohweyi ọnọọ. Ọ va kà a, agụvị dị avaba aza ẹ̀ zụ zị oze ịnị ụvọ anị dọ ọ wụ́.

Ịjọọnụ 10:24

Dị Aniju nịnị wara gụ kara a, dị ẹ ka, “Ịzị u vị ene ee sì ka yaa jẹẹ ne tù? Àa vị ẹwa vị Ikirisiti ọnọọ nị, wẹ rẹ̀ kụkụ kà a yị gedebee!”

Ịjọọnụ 10:31

Dị Aniju nịnị rẹ raà kụ́ ụvọ kụ́ ịrẹta ka eni è ne e hi ọọ nị.

Ịjọọnụ 11:19

Aniju ọrụrụ-ọrụrụ ệ vẹ ịdị Ịmata ọnịrị Imeri ka ẹnị ẹ̀ na sị ayị ẹnịnị nẹtẹ agụvị ẹnẹbẹnị ẹnịnị ene sú.

Ịjọọnụ 2:18

Dị Aniju nịnị họ̀ Ijeesu ka, “Sị ẹ vị apọtẹrẹwa ọnị ụ nyẹngụ sị zụ̀ yị, ana sị zụ̀ ka wâ nyị ọda ọyị maanị mẹ̀ ịsa ẹnẹnị?”

Ịjọọnụ 2:20

Dị Aniju ẹnẹẹ ka, “Te! Ịrayị ẹbẹẹva tụra ịhịnọnyị a sị dà irehi ọnọnị nị; ọnị ẹwụ wáá ka waa sị ẹkụhị ẹẹtaa tenyii dà nị?”

Ịjọọnụ 5:10

Dị Aniju nịnị kà a yị ọza ana a mẹ ụkụ aanị ka, “Ajịnị vị ẹkụhị ụhwọtụ, ọ! Ẹ yị vọrọ ka waa za odooro zị ajịnị.”

Ịjọọnụ 5:15

Dị ọnọrụ ọnọọ hụụ ịzọọ, dị ọ na kà a yị Aniju nịnị ka Ijeesu ọ mẹ̀ ọnị ụkụ nị.

Ịjọọnụ 5:16

Agụvị avọọ, dị Aniju nịnị ee be Ijeesu, di eyee sì ka ẹnị ẹ̀ wụ ọọ nị; agụvị ka ộ vavọọ mẹ ịnị ẹkụhị ụhwọtụ.

Ịjọọnụ 5:18

Agụvị avọọ dị Aniju ẹnẹẹ ee sì oze hu avọọ ka ẹnị ẹ̀ wụ ọọ nị, agụvị ka ẹ yị vị ọ jịnẹ ọda ẹkụhị ụhwọtụ kẹnẹ, ọ rẹ ka Ohomorihi ọ vị Ada anị nị, ọnọọ vị ka aa sị ẹngụ anịị pe Ohomorihi mẹ ọpa.

Ịjọọnụ 6:41

Dị Aniju nịnị nyima aa rị ihuhuu hi Ijeesu nị, agụvị ka ộ kà a ka ọnị ọ vị ịsọyịrị ana hụrẹ ẹbẹẹba vẹ nị.

Ịjọọnụ 6:52

Ọsọnị ộ mẹ̀ ka Aniju nịnị è nyima ee pe ẹngụụ nyị ahankata ẹtẹẹtẹrẹ. Ẹnịnị ka, “Ọ́nọrụ ọnọnị mẹmẹ nyẹngụ sị ọchẹngụ anịị yị ka ya rị ọọ?”

Ịjọọnụ 7:1

Ịrẹma ẹnẹẹ, di Ijeesu aa ngụ Igariri zịịzị nị. O yi sì ka ọnị ọ̀ varẹma nọ Ijudiya, agụvị ka Aniju nịnị ene hi ịzọọ, ee sì ka ẹnị ẹ̀ wụ ọ.

Ịjọọnụ 7:11

Dị Aniju nịnị ee sì ọọ ịzị ẹ yà rị eche nị. Dị ẹ ka, “Ịzị ọ yà kẹ?”

Ịjọọnụ 7:15

O si hí wa irenu, dị ẹ ka, “Ọ́nọrụ ọnọnị mẹmẹ maanị yẹ ịsa, ịrẹma ọnọ ọ̀ yị kọsẹ iwe da?”

Ịjọọnụ 8:22

Dị Aniju nịnị ka, “Vị ọ́ọ́ vana vaa wụ̀ ẹngụ anị nị, dị ọ maanị aa kà a ka ịzị ọnị aa nọ, ẹyị ẹ yị va zụụ nọ ịzọọ nị?”

Ịjọọnụ 8:48

Dị Aniju nịnị tụ́ Ijeesu ohi, dị ẹ ka, “Aanịka yẹ yị vịdị yị kà a ka Anịsamarịya ụ vị nị, ka wâ nyị ụhwẹ echu?”

Ịjọọnụ 8:52

Dị Aniju nịnị tụ́ ọọ ohi, dị ẹ ka, “Ya sị yẹ ka wâ nyị ụhwẹ echu. Abụrahamị ô wusu, ọnịsẹ nịnị ẹnị e re wusu; dị ẹwụ kụkụ va ka ọza ana àa sị ụvọ za ịrẹyị awụ, oyi kuku vee sú paa!

Ịjọọnụ 8:57

Dị Aniju nịnị kà a yọ ka, “Wẹẹ̀ yị va gụ ịrayị ẹvarẹwụ, dị ụ ka wê re Abụrahamị?”

Odeyi 13:25

Ị́jọọnụ màa vaa zị ụtụ anịị ta, di o họ̀ use ka ẹnẹ aza ro ka ọnị ộ vị nị. Dị ọ ka ẹ yị vị ọnị vị ọza ana aza ee zí eyi. Ọ kà, Re! Ọza ọnọọ aa vẹ ịrẹma anị, ọnị ọ yị yà ọza ana a vọrọ ka ọ̀ ngwa adava hụụnị ahụ anị.

Odeyi 19:4

Dị Ịpọọrụ ka, “Ịjọọnụ vị ana aa mẹ̀ ọyịhwọzenyi yị aza ene èe ro ịnẹ varẹma hụụnị ịvị ẹnịnị. Dị aa kà a yị Anisirẹrị ka ẹ̀ dọ ọza ana aa vẹ ịrẹma anị wụ́. Ọza ọnọọ ọ vị Ijeesu Ikirisiti nị.”

Iwe Ọhụhị Imosiisi ana aa hị́ Ọyịvatụrọda 24:8

Aza ana àa nyị ụkụ ịnị ọchẹngụ ana katẹngụ, e re ka ẹnị ẹ mẹ ịsị ohirẹsụ irehi Ohomorihi nịnị ẹẹ ka yị wa. Ẹ saasa ịrẹyị ọnị Ẹnẹyịmavara mẹ ọda anị yị wa.

1 Ịjọọnụ 1:5

Enube ọnị ị wụ́ hụụnị irenu ozi anị ọnọọ ọnị ị raa kà yị wụ nịnị yị: Ohomorihi vị ẹtohweyi, ẹ́ yị nyị etohozi ịdị anị vụrụ-vụrụ.