Ịjọọnụ 1:18 - IWE ỌNỊNỊ

¹⁸ Ẹẹ̀ yị nyị ọza ene re Ohomorihi tụ́ eyi da. Ozi ikonya gene-gene ọnị ọnịrị Ohomorihi vị ọnya, dị ọ gụrị Ada anị ẹtẹẹtẹrẹ ọ kà a zụ̀ yị, Áda anị mẹmẹ yà nị.

Ịjọọnụ 1:18 ပူးပေါင်းရင်းမြစ်များ

Oyinyima 16:13

Di Ihaga hị́ ịrẹha Ẹnẹyịmavara ene pè e kà ịrẹyị dị ọ ka ọnị ọ rị Ohomorihi ene re mi nị! Ọ kà Ohomorihi mi re, dị mị yị yàra nịị?

Oyinyima 18:33

Ịjị Ẹnẹyịmavara vavọọ sị Abụrahamị pè kà ịrẹyị, dị ọ si hu nị. Di Abụrahamị và nọ ịzị ọ yà nị.

Ọyịkụra 23:21

Sị ụtọ pè e dị waa wụ́ ịrẹyị anị nịnị. Asị ụ na kụ̀ hịrẹ ẹ nịnị. Wàa na kụ̀ hịrẹ ẹ nịnị, ọ yị vaa vàa hụụnị anị, agụvị ka ẹma tụ̀ ọ nị.

Ọyịkụra 24:10

di e re Ohomorihi anị Anisirẹrị aa hẹkẹ nị. Ịzị ọ kụ́ ahụ hi vị ana sị mẹẹ ka enyusẹ ozoza nyoo-nyoo ẹnyị aanị ana aā hị́ ịsahwaya a sị mẹ̀ ẹ nị. Ộ nị anka eguhi.

Ụhịrẹyị 8:30

Ọnị vị ana jẹẹ pe e anka ọza ana sị jị ọga tụ ịnị ụkọrọ avọọ. Ọnị ọ mẹ ka ayị Ohomorihi oo hine eyinị-eyinị nị, dị ọnị nyẹmba aa jẹ pooro kẹnẹ ịdị anị nị.

Ayịsaya 40:11

Ọ vaa sị eyi pe atẹmẹ anị anka oseratẹmẹ avọọ. Ọ vaa kụ ezi atẹmẹ anị gụ vabẹ dị ọ kụ wa rị ụvọ; dị ọ tangwa aa zụ ọnyị ẹnịnị oze nị.

Arụwẹ 2:12

Ụngwẹ ọnịrị onyi aa kụ wa, dị e yee sụ ùnè hi ọnyị ẹnịnị ẹngụ nị. Ẹnịnị aa hyẹdụ vàa hi ẹtẹ oze anka aza ene e che ịsa avọọ. Dị ẹ tangwa-tangwa ee su tụ ọnyị ẹnịnị ụvọ nị.

Ịrịka 12:8

Ẹnẹyịmavara kà ọnịrị Imosiisi vị eneē re ẹngụ, dị ọnị e pe e ka ịrẹyị. Ọnị ọ mā da ịrẹyị gu yị ọ. Ọnị ọ vị ọza ene re ọnị mẹmẹ ya nị. Sị ẹ vẹ dị ẹnịnị e yị hí angwa anị, dị ẹ yaa du ọ?

Imatiwu 11:27

Ada amị ọ raà sị avaba ịsa chire mi ụvọ. Ẹ yị nyị ọza ana yẹ Ozi anị, ẹ̀ yị vị Ada ọnịnya. Ẹ yị rẹ nyị ọza ana yẹ Ada, ẹ̀ yị vị Ozi anị ọnịnya ọnịrị aza ene èe zé Ozi anị eyi ka ọnị ọ̀ sị zụ̀.

Iruuku 10:22

Ada amị ọ raà sị avaba ịsa chire mi ụvọ. Ẹ yị nyị ọza ana yẹ Ozi, ẹ̀ yị vị Ada ọnịnya. Ẹ yị rẹ nyị ọza ana yẹ Ada, ẹ̀ yị vị Ozi ọnịnya ọnịrị aza ene èe zé Ozi eyi ka ọnị ọ̀ sị zụ̀.”

Ịjọọnụ 1:14

Ịrẹyị ọnọọ ộ vara ọzarẹyịrẹsụ, dị ọ ra ịnị akakana ayị yị ụmẹ chee nị. Yê re igirima anị ana vị igirima ana vọrọ tụra ọza ana vị ozi ikonya Ada anị kẹnẹ. Ộ nyị ayamva ẹnẹmẹhị, dị ọ rẹ vị ọnịzẹyịza nị.

Ịjọọnụ 12:41

Ayịsaya ộ vịdị kà ịrẹyị ẹnẹẹ, agụvị ka ô re igirima Ananyị yị, dị aa kà ịrẹyị ini oze anị nị.

Ịjọọnụ 13:23

Ọnya ini ezirẹma ẹnẹẹ oni Ijeesu sì ịrẹyị anị vị ana yaayịtẹ gụrị Ijeesu gẹdẹ-gẹdẹ.

Ịjọọnụ 14:9

Dị Ijeesu kà a yọ ka, “Ẹhụ ọnị mị hụrẹ yà pe wu nịnị aanị, wẹ yị yẹ mịị, Ihwiripi? Ọza ene èe re mi, ọ rẹ sị Ada amị re. Sị ẹ vẹ dị ụ kụkụ rẹ ka ma sị Ada amị zụ̀ wụ?

Ịjọọnụ 17:26

Ma raà mẹ ka ẹ̀ yẹ ọza ọnị ụ vị. Avọọ m mẹ̀ vaa yịị mẹ ka ẹ̀ yẹ wụ nị, agụvị dị ịrẹyị amị oni u sì, ọ̀ zụ yà ịnị ayị ẹnịnị, dị ẹmịrị wa ọ̀ vị ọnya.”

Ịjọọnụ 17:6

“Ma raà sị wụ zụ̀ aza ọnị ụ sị hụụnị ẹhẹ yị mị. Ẹwa nyị wa, dị ụ sị wa yị mị nị. Ẹ raà sị ụvọ za ịrẹyị awụ.

Ịjọọnụ 3:11

Dị ma kà ịzẹyịza wụ, ịsa ọnị ị yẹ, ị yaa kà nị, dị ị raa dọ ivenu tụ́ ịnị ịsa oni i si re nị. Ama we yi sì ka wa dọ ịrẹyị ayị nịnị.

Ịjọọnụ 6:46

Ọnọọ ọ yị vị ka â nyị ọza ene re Ada amị tụ́ eyi da, oo! Ẹmị ana hụụ ịdị Ohomorihi vẹ ịnya kẹnẹ, o re Ada amị nị.

2 Anịkọrịntị 4:4

Ẹnịnị ẹ yị dọ wụ, agụvị ka Echu ana anẹhẹ nịnị aa hẹkẹ, ọ sị wa ayị gu. Ọ yị zẹẹ ka è re ẹtohweyi ene ee hweyii tụra wa. Etohweyi ọnọọ vị ana hụụnị enube ọyịza Ijeesu oni Ohomorihi nyị mẹ ohinọyị ka ọ̀ dọ há, ana nyị igirima vẹ. Ọza oni Ohomorihi nyị ọdọzaha aanị vị uhwoto Ohomorihi.

Iwe Ọhụhị Imosiisi ana aa hị́ Ọyịvatụrọda 4:12

Ka yị wa Ẹnẹyịmavara mẹ̀ pe ẹwụ nịnị ka ịrẹyị, hụụnị ịra, dị waa wụ ọngwẹ anị kẹnẹ, dị ẹ yị nyị ịsị ụ re nịnị.

Anikorasi 1:15

Ikirisiti ọ vị uhwoto Ohomorihi oni yè yi re nị. Ọnị ọ vị ọọnyị nị, ọnị ọ vị ọzọkụ yị avaba ịsa oni Ohomorihi mẹ nị

1 Itimoti 1:17

Aza ẹ̀ẹ sị ụbanyị ọnịrị igirimaa yị Ohomorihi pooro zịna-zịna! Ọnị ọ vị ohinọyị pooro zịna-zịna nị; o mē sú, ọza o mē ree. Ọnị kẹnẹ ọ vị Ohomorihi nị. Aamị.

1 Itimoti 6:16

Ọnị ịnyara chọchọchọ o reè yi mē sú nị. Ini ẹtohweyi ọnị ọ yà, ẹ yị nyị ọza ana zụ kà pee. Ẹ yị nyị ọza ene ree da, ayị rẹ nyị ọza ene zụ ree. Ọnị ọ nyị ụbanyị ọnịrị ụkata pooro zịna-zịna nị. Aamị.

Ijosuwa 5:13

Ijosuwa maa gụrị Ijeriko na, dị ọ kana eyi, dị o re ọnọrụ ana sị ụhwọ rị ụvọ tu ọvịdị anị nị. Dị ọ ka pe e, dị ọ họ̀ ọnọrụ use ka ọnịrị ọ óó ya nị avị ọnịvị anị ọ vị nị?

1 Ịjọọnụ 4:12

Ẹẹ̀ yị nyị ọza ana sị eyi re Ohomorihi da, ama yèe sì ịrẹyị ẹngụ, ẹyịrị Ohomorihi vị ọnya. Oyisì anị ọ sị gụ tụ́ ịnị ayị ayị.

1 Ịjọọnụ 4:20

Ọza ọ̀ọ kà a ka oni óo sì ịrẹyị Ohomorihi, dị aa yịị kụ́ ayị ọnọhụva anị nị, onireche ọza ọnọọ vị nị. Ọza è yi sì ịrẹyị ọnọhụva anị ene ee re, ọ mẹmẹ zụ sì ịrẹyị Ohomorihi ene è yi re?

1 Ịjọọnụ 4:9

Aanị Ohomorihi mẹmẹ sị zụ̀ yị gedebee ka oni ô sì ịrẹyị ayị nị: Ọ́ tụ́ Ozi anị ikonya gene-gene vẹ ẹhẹ agụvị dị ya nyẹngụ yara ịnị oze anị.

1 Ịjọọnụ 5:20

Yáa yẹ ka Ozi Ohomorihi ộ vẹ ẹhẹ, dị ọ sị ịrẹyọyẹ yị ka ya zụ yẹ Ohomorihi ọnịzẹyịza nị. Ẹyịrị Ohomorihi ọ sị vị ọnya ne beri Ijeesu Ikirisiti Ozi anị. Ọnị ọ vị Ohomorihi ọnịzẹyịza nị, ọnị ọ rẹẹ̄ mẹ ka ọza ọ̀ yàra pooro zịna-zịna nị.