Ịjọọnụ 1:17 - IWE ỌNỊNỊ

¹⁷ Ohomorihi ộ sị ọda zị oze ịnị ụvọ Imosiisi yị aza; ama ayamva ọnịrị ịzẹyịza vị oni Ohomorihi zị oze ịnị ụvọ Ijeesu Ikirisiti sị yị aza.

Ịjọọnụ 1:17 ပူးပေါင်းရင်းမြစ်များ

Oyinyima 22:18

Ọ kà ọ mẹ̀ maanị wụ́ ịrẹyị anị, ọ ka anẹkụra vị ana vaa kà a ka ọ maa navọ ò zee yị ẹnị anka o mè zee yị ezi anị ịrẹma-ịrẹma.

Oyinyima 3:15

Ohomorihi ka ọnị vaa mẹ ka ẹwụ ọnịrị ọnẹẹ ọnọọ ọ̀ vị ọnịvị ẹngụ. Ọ kà Irima ezi anị ọnịrị irima ezi ẹwụ vị ana vaa vị ọnịvị ẹngụ. Ẹnị vị ana vaa chaka wụ ịrẹsụ, dị ẹwaa dà a ibezyahụ rị.

Ahẹ Ụgama 85:10

Aza vaa nyị ayị ọnya, di e yee sì ịrẹyị ẹngụ, dị ẹ rẹ yaa mẹ̀ ebira ana vọrọ ini eyi Ohomorihi, dị ẹngụ ẹnịnị rọ.

Ahẹ Ụgama 98:3

Ộ tamayị ka ọnị ộ vịdị kà a yị Anisirẹrị ka ịzẹyịza ọnị ve sii sì ịrẹyị ẹnịnị nị. Avaba anẹhẹ ẹ si o re ka Ohomorihi ọ nyị ehuna nị.

Imika 7:20

U sì ịrẹyị aza awụ pooro nị a yi nyị ka u vee vene wa Avọọ ụ mẹ̀ kà a yị Abụrahamị ohiku ayị nị vị ọyaanị, hụrẹ ụmọrụmọ ụ vavọọ kà nị.

Ịjọọnụ 1:14

Ịrẹyị ọnọọ ộ vara ọzarẹyịrẹsụ, dị ọ ra ịnị akakana ayị yị ụmẹ chee nị. Yê re igirima anị ana vị igirima ana vọrọ tụra ọza ana vị ozi ikonya Ada anị kẹnẹ. Ộ nyị ayamva ẹnẹmẹhị, dị ọ rẹ vị ọnịzẹyịza nị.

Ịjọọnụ 14:6

Dị Ijeesu tụ́ ọọ ohi, dị ọ ka, “Ẹma vị oze ọnọọ nị, ẹma vị ịzẹyịza nị, ẹma rẹẹ̄ mẹ ka ọza ọ̀ yàra nị. Ẹ yị nyị ọza ana nyẹngụ nọ ịdị Ada amị, ẹ̀ yị vị oze amị ọ zị.

Ịjọọnụ 18:37

Dị Ipayireti va họ̀ ọ ka, “Ohinọyị ẹwụ wáá vị ana vị nị?” Dị Ijeesu tụ́ ọọ ohi ka, “Ụ mẹ̀ yị kà a, avọọ yọ, ohinọyị mị vị nị. Â ma mị, mâ vẹ ịnị ẹhẹ, ka ma va sị ịzẹyịza zụ̀ aza. Ọza ene èe sì ịzẹyịza, vaa wụ́ ịrẹyị amị.”

Ịjọọnụ 5:45

Asị u ne ro o nịnị ka ẹma va naa sị ịrẹyị awụ nịnịị tụ́ Ada amị ịrẹka nị. Â nyị ọza ana va naa sị ịrẹyị awụ tụ́ ọọ ịrẹka. Ọza ọnọọ ọ vị Imosiisi ọnị ụ sị eyi tụra nịnị nị.

Ịjọọnụ 7:19

Aanịka Imosiisi ọ yị vịdị sị ọdaa wụ nịnị? Áá nyị ọza awụ nịnị ana saasa ọda ọnọọ? Sị ẹ vẹ di u wee sì ka wa wụ̀ mị nịnị?”

Ịjọọnụ 8:32

Ụ vaa yẹ ịzẹyịza nịnị; ịzẹyịza ọnọọ ọ vaa sị wụ nịnịị hụụnị ọrịhị nị.”

Ịjọọnụ 9:29

Imosiisi kẹnẹ ị yẹ ka Ohomorihi ộ kà ịrẹyịị yị nị; àa vị ọta amị ọnọọ yọ, yẹ yị yẹ ịzọọ hụrẹ vẹ.”

Odeyi 28:23

Dị ẹ jị ẹkụhị yị Ịpọọrụ nị, dị ọrụrụ-ọrụrụ ẹnịnị vẹ ịzị Ịpọọrụ yà nị. Ịpọọrụ ô nyima hụrẹ ẹnẹnẹ na ngụ oruva, dị aa kà enube ọyịzaa yị wa ka Ohomorihi aa mẹ ịjọva nị. Dị aa sịị zụ̀ wa hụụnị ọda Imosiisi ọnịrị iwe ọnịsẹ nịnị ka Ijeesu ọ vị Ọdọzaha nị.

Odeyi 7:38

Ọnị ọnịrị Anisirẹrị nịnị yà ịnị ụnọmị, áda ayị nịnị mẹ̀ va gụ ịzọọ nị. Anggẹẹrị ọnọọ ộ kà ịrẹyịị yọ ị́rẹsụ ataba Ịsịnayị, dị ọ tụ́ ọọ hi ada ayị nịnị nị. Imosiisi ộ sị enube Ohomorihi ana aa mẹ ka ọza ọ̀ yàra pooro zịna-zịna va yị.

Aniroomi 6:14

Asị ụ kụkụ zẹẹ ka ịvị ọ̀ nyị ụkata ị́rẹsụ awụ nịnị! Wáa yẹ nịnị ka wẹ yị kụkụ yà ịnị ụvọ ọda, ịnị ụvọ ayamva Ohomorihi ụ yà nịnị nị.

2 Anịkọrịntị 1:20

Agụvị avọọ avaba ịsa oni Ohomorihi kà a ka ayị zụ nyị ka ọnị ọyị vaa mẹ, Ijeesu ọ vị hịịn tụ́ ịnị ịsa ẹnẹẹ nị. Agụvị avọọ ịị̄ kà a ka “Aamị” ini oze anị nị, dị yaa sị ụbanyịị yị Ohomorihi.

Anigaratiya 3:17

Ịsị maa kà yị: O si kù oni Ohomorihi wo oto yị Abụrahamị. Ịrayị akava tụra ohurẹẹwụ (430) ọ sị mẹ kwooze, dị Ohomorihi va sị ọda yị Aniju nịnị. Ọda ọnọọ ọ yị nyẹngụ du oto oni Ohomorihi vịdị reè wo, dị ọ̀ kụ́ ịsa oni o wo oto anị kwooze.

Iwe Ọhụhị Imosiisi ana aa hị́ Ọyịvatụrọda 33:4

Ẹnị ẹ saasa avaba ọda ọnị Imosiisi sị yị ẹnị, dị ọ vị ogu yị ẹnị evere Ijekọvụ nị.

Iwe Ọhụhị Imosiisi ana aa hị́ Ọyịvatụrọda 4:44

Imosiisi ộ sị ọda Ohomorihi ọnịrị ịrẹyị anị zụ Anisirẹrị.

Iwe Ọhụhị Imosiisi ana aa hị́ Ọyịvatụrọda 5:1

Imosiisi ộ hị́ avaba Anisirẹrị dị ọ̀ ka, “Ẹwụ nịnị Anisirẹrị batọ dị wa wụ́ ọda ọnị maa ka yị wụ nị ajịnị, kọsẹ anị dị wa sị ayị ọnya saasa a.

Anihiburu 9:22

Anka ọda Imosiisi, ọ sị vọ chee, a hị́ ka avaba ịsa aā sị anyaa vara ọnịnị nị. Ẹ̀ yị vị e che anya sẹ́ ẹtẹ, ọza ọyị zụ nyịna ịvị kwooze.