Ịjọọnụ 1:13 - IWE ỌNỊNỊ

¹³ Ka aza ẹnẹẹ ẹ sị vị ezi Ohomorihi o yi véné, aza mẹ̀ẹ̄ ma ezi ana ahịka ọnọrụ ọnịrị ọnẹẹ ẹ tụra ụsụ anị nị. Ama Ohomorihi ọnị ụvọta ọ ma wa nị.

Ịjọọnụ 1:13 ပူးပေါင်းရင်းမြစ်များ

Oyinyima 25:22

Ezi ẹnẹẹ vị ẹẹva di eyee zigi ẹngụ ịnị ịrẹka Irebeka nị. Di Irebeka ka, “Ọnọnị rẹ rị aanị?” Dị ọ ka ọnị aa naa họ̀ Ẹnẹyịmavara kà ọ̀ kà a yị ọnị nị.

Oyinyima 25:28

Ayiziiki vị ana nyayịnẹ sì ịrẹyị Iisọ agụvị ka ọ nyị iravu uye ịnị avị. Ama di Irebeka oni sì ịrẹyị Ijekọvụ nị.

Oyinyima 27:33

Di ẹngụ Ayiziiki aa banyị pápàpà, dị ọ ka, “Ẹnẹ vịdị wụ̀ uye va yị mị ọnị mị rị avaba anị dị ụ vavẹ? Wáá yẹ ka ma raà mẹ̀ aduwa yị ọza ọnọọ! Aduwa ọnọọ vị ana aa sẹẹ tụra a ịrẹsụ.”

Oyinyima 27:4

Ọ kà ọ̀ Chịnẹ ẹ di o zoza anka ẹngụ oni oni sì ịrẹyị anị, dị ọ̀ sị ọ va yị ọnị dị ọnị ọ̀ rị ọ. Ọ kà ọnị ọ̀ọ sị ọ rị dị ọnị mẹ̀ aduwaa yọ di ọnị ò ve sú.

Ahẹ Ụgama 110:3

Ịhị ịrẹkụ òo si tù, isoja awụ vaa si ịnẹ ohinee kwẹẹtẹ nọ ịrẹkụ. Ẹnịnị vị ana vaa sị ụbanyịị mẹ awuruu chire. Anka eguhi mèe chiree kú ataba ẹnẹnẹ avọọ, avọọ ezwọọmụha awụ mẹ̀ vaa vẹ vee tù wu nị.

Imatiwu 3:9

Asị u ne roo, dị ụ waa kà a ịnị ayị awụ nịnị ka, ‘Ị yàaa nyị Abụrahamị ana vị ada ayị nị.’ Dị ma kà a yị wụ nịnị ka Ohomorihi ọ zụ sị ịrẹta ẹnẹnị dị ọ sị vara ezi yị Abụrahamị

Ịjọọnụ 3:3

Dị Ijeesu tụ́ ọ ohi, dị ọ ka, “Dị ma kà ịrẹyị ịzẹyịza wụ: ẹ yị nyị ọza ana nyẹngụ ngụ ịzị Ohomorihi yà aa mẹ ịjọva, ẹ̀ yị vị e tenyi ọọ ma.”

1 Anịkọrịntị 3:6

Ẹmị ee chire ịsa, Aporo ọnị aa ká enyi hi ọọ, ama Ohomorihi aa mẹ ka ịsa ẹnẹẹ ẹ̀ẹ hụ nị.

Anihwiripi 2:13

agụvị ka Ohomorihi aa mẹ̀ ụkọrọ ịnị ayị awụ nịnị nị, ọnị ọ vị ka aa mẹ ka wee sì ka wa mẹ̀ ịsa ene zée eyi nịnị, dị ụ wa rẹẹ mẹẹ nịnị.

Ịtayịtọsị 3:5

Ộ dọ yị há. Ẹ́ yị vị agụvị ka ẹyị ụvọta ọ́ọ mẹ̀ ịsa ana vọrọ, ọ sị dọ yị há, ama agụvị ayamva anị kẹnẹ yọ nị. Ộ vavọọ mẹ ịnị ka ộ nyịna yị, dị ọ vara yị ọza ọwọọwa nị. Ụhwẹ Ọnịnị anị ọ vavọọ sị vara yị aza ọwọọwa nị.

Ijemiisi 1:18

Ô zé Ohomorihi eyi, dị ọ sị ịrẹyị anị ana vị ịzẹyịza, dị ọ sị mẹ ka ya yàra nị; ộ vavọọ mẹ, agụvị dị ya vị ọnịpaapa ịnị aza anị.

1Ipita 1:23

Ohomorihi ọ sị wụ nịnị tenyi ma ini oze ịrẹyị anị ana yára, dị ọ rẹ jẹẹ pooro. Ẹ́ yị vị ọza ana ahịka oō sú, o tenyi wụ nịnị ma, ama Ohomorihi ana yára zịna-zịna pooro yọ nị.

1Ipita 1:3

À vẹ ya sị ụga yị Ohomorihi ana vị Ada Ijeesu Ikirisiti Ananyị yị! Ohomorihi ộ vayị ayị ẹtẹẹtẹrẹ, di o tenyi yị ma nị. Agụvị avọọ yáa nyị ọyịtureyi ka ị vaa yara ịdị anị pooro zịna-zịna, agụvị ka Ijeesu Ikirisiti ộ ha kwẹẹtẹ hụụnị isu.

1Ipita 2:2

Ama waa mẹ nịnị anka ozi ọwọọwa eneē sì ịrẹva oyi hú. Ẹwụ nịnị ọ̀ rẹ vavọọ sì ịrẹyị Ohomorihi ọ̀yị wụ́, agụvị dị ụ waa vịraa tụ́ ịnị ẹdọha nịnị,

1 Ịjọọnụ 3:9

Ọza àa vị ozi Ohomorihi, ọ yị mā kụkụ mẹ ịvị, agụvị ka ebira Ohomorihi yà ịnị ayị anị. Ẹ yị nyẹngụ aa mẹ ịvị agụvị ka Ohomorihi ọ vị Ada anị nị.

1 Ịjọọnụ 4:7

Ẹwụ nịnị anda ayị, à navọ yee sì ịrẹyị ẹngụ nịnị, agụvị ka ịrẹyị ọza ò yi sì vị ana hụụ ịdị Ohomorihi vẹ. Ọza ene èe sì ịrẹyị ọza vị ozi Ohomorihi, ọnị ọ yẹ Ohomorihi nị

1 Ịjọọnụ 5:1

Ọza tụra ọza ana àa dọ ka Ijeesu ọ vị Ikirisiti nị, ozi Ohomorihi ọza ọnọọ vị nị. Wèe sì ịrẹyị ada ọza, u re vee sì ịrẹyị ọza ọnọọ.

1 Ịjọọnụ 5:18

Yáa yẹ ka ezi Ohomorihi ọ mā kụkụ aa yịị mẹ ịvị, ama oō sere ẹngụ anị, dị Echu ọ́ yị nyẹngụ kanyị ọ.

1 Ịjọọnụ 5:4

agụvị ka avaba ezi Ohomorihi ẹ zụ nyị ehuna ịsa edivi ịnị ẹhẹ ọnọnị. Ẹdọwụ ọnị nyị ịnị Ijeesu, ị sị nyị ehuna ịsa edivi ịnị ẹhẹ nị.