Ịjọọnụ 1:12 - IWE ỌNỊNỊ

¹² Ama ọza tụra ọza ana àa dọ ọ, dị ẹ sị ayị tụra a nị, ẹnị ọọ̄ sị ọdaa yị ka ẹ̀ vara ezi Ohomorihi nị.

Ịjọọnụ 1:12 ပူးပေါင်းရင်းမြစ်များ

2 Ịsamụwẹrị 7:24

Wa raà sị Anisirẹrị jẹẹ ka aza awụ ẹ vị pooro nị. Ẹnẹyịmavara, ẹwa vị Ohomorihi ẹnịnị nị.”

Ayịsaya 56:5

A vaa tamayị ịrẹha awụ ini Irehi amị ọnịrị ịnị akakana aza amịị gọdọ huni wàa ma ezi ọnọrụ ọnịrị anẹẹ, ọza e yi vee hí ayị awụ”.

Ijeremaya 3:19

Ẹnẹyịmavara kà ọnị ô rò o ka vị ọnị vaa sị ụvọ za awụ nịnị anka ezi anị avọọ nị. Ọnị sì ka ọnị ọ̀ sị ẹtẹ ene zoza hu kere-kere ịnị ẹhẹ yị wụ nịnị nị. Ọnị ô zi ka vị ẹwụ nịnị va hị́ ọnị Ada awụ nịnị, dị wa a saasa ọnị nịnị pooro nị.

Ihoseya 1:10

Anisirẹrị nịnị vaa rụrụ anka àarẹ ịnị òkū ọnị ọza ẹ yị yẹ ịrịka anị. Ịzị a ya kà a ka ẹnịnị ẹ yị va aza anị, a rẹ vaa hị́ wa ezi Ohomorihi ana yara nị.

Imatiwu 10:40

“Ọza ana àa dọ wụ nịnị ọzọga, ẹmị ọ rẹ dọ ọzọga avọọ nị. Ọza ana àa dọ mị ọzọga, Ohomorihi ana tụ́ mị, ọ dọ ọzọga avọọ nị.

Imatiwu 12:21

Avaba anẹhẹ vị ana vaa sị eyii tụra a.”

Imatiwu 18:5

Ọza ana àa dọ ẹngụ ozweyi ọnọnị pe ẹngụ agụvị ịrẹha amị, ẹmị ọ rẹ dọ pe ẹngụ avọọ nị.”

Ịjọọnụ 1:11

Ộ vẹ ịnị ẹkụra anị, ama aza anị ẹ yị va dọ ọ.

Ịjọọnụ 1:7

Ịjọọnụ ộ vẹ ka ọnị ọ̀ dọ ivenu yị aza ini oze Etohweyi ọnọọ. Ọ va kà a, agụvị dị avaba aza ẹ̀ zụ zị oze ịnị ụvọ anị dọ ọ wụ́.

Ịjọọnụ 11:52

Ẹ yị rẹ vị ịrẹyị ẹnịnya kẹnẹ, ama ka ọ rẹ vaa kụ́ avaba aza Ohomorihi ana gara hi avaba aha gụ tụ́ aha ọnya.

Ịjọọnụ 2:23

Íjeesu mẹ̀ yà Ijerusarẹmị ịnị ụmẹ Eche Ọyịparahu, aza ọrụrụ-ọrụrụ ệ sị ayị tụra a, agụvị ka ê re apọtẹrẹwa ọnị ọ mẹ.

Ịjọọnụ 20:31

Ẹsẹnị vị ana a chẹrẹ, agụvị dị ụ wa dọ wụ́ nịnị ka Ijeesu ọ vị Ikirisiti Ozi Ohomorihi nị; ọnịrị ka wàa sị ayị tụra a nịnị, dị ọ̀ zụ mẹ ka wa nyẹngụ yàra ị́dị Ohomorihi pooro zịna-zịna nịnị.

Ịjọọnụ 3:18

Ọza ana àa sị ayị tụra Ozi anị ọnọọ, Ohomorihi ọ yị kụkụ vaa jị ịvịị yọ; ama ọza ẹnẹ ẹ̀ yị sị ayị tụra a, ọ sị ịvị jịị yọ da, agụvị ka ọ yị sị ayị tụra Ozi Ohomorihi ikonya gene-gene.

Odeyi 3:16

Ụkata ana yà ịnị ịrẹha Ijeesu, ọ sị ụkata yị oswahụ ọnọnị aanị nị. Ịsị u wee re, dị ụ rẹ yẹ nịnị aanị, ộ mẹ̀, agụvị ka yâ sị ayị tụra Ijeesu. Ẹdọwụ ọ mẹ ka ẹngụ anị ọ̀ ta éyi avaba awụ nịnị aanị nị.

Aniroomi 8:14

Avaba aza ana àa zẹẹ ka Ụhwẹ Ohomorihi ọ̀ọ sị oze zụ̀ ẹnị, ẹnị ẹ vị ezi Ohomorihi nị.

Aniroomi 8:16

Ụhwẹ Ohomorihi ộ dọ ayị ayị ivenu ka ezi Ohomorihi ị vị nị.

Aniroomi 8:19

Avaba ịsa oni Ohomorihi tụ́, ee zí eyi ka ịhị Ohomorihi ana sị ụbanyị ezi anịị zụ̀.

Anigaratiya 3:26

Avaba awụ nịnị vị ezi Ohomorihi, agụvị ka wáa sị ayị tụra Ijeesu nịnị.

Anigaratiya 4:6

Dị à zụ yẹ ka ezi Ohomorihi ụ vị nịnị nị, Ohomorihi ộ sị Ụhwẹ Ọnịnị Ozi anị tụ́ ịnị ayị awụ nịnị, di ee nowu ka: Ada amị!

Anikorasi 2:6

Ụ mẹ̀ sị Ijeesu Ikirisiti dọ ka ọnị ọ nyị wụ nịnị aanị nị, waa mẹ̀ ebira ana vọrọ tụra ọza ọnị ọnịrị Ikirisiti sị vị ọnya.

2Ipita 1:4

Ini oze ẹnẹẹ ọ raà sị ẹyịza ọbanyị ẹnẹẹ yị ọnị ọ vịdị zẹẹ yị ịzẹzẹ anị. Ịsa obooro ẹ vị yị nị. Ộ vavọọ mẹẹ, agụvị dị ya nyẹngụ há hụụnị ịsa edivi ẹhẹ ọnọnị ọnị ọchẹngụ azaā sì, ka ya kụkụ va nyị tụ́ ini ebira Ohomorihi nịnị.

1 Ịjọọnụ 3:1

A! Wee re! Ohomorihi ộ da sì ịrẹyị ayị kẹnẹ ne tù ka aa hị́ yị ezi Anị. Ịzẹyịza ezi Ohomorihi ị vị nị. Anẹhẹ ẹ́ yị yẹ ka ezi Ohomorihi ị vị nị, agụvị ka ẹnịnị ẹ́ yị yẹ Ohomorihi Ada ayị.

1 Ịjọọnụ 3:10

Ịsị ẹẹ̄ sị ọza ana vị ozi Ohomorihi ọnịrị ọza ana vị ozi Echuu zụ̀ yị: Ọza ẹnẹ ẹ̀ yị mẹ ịzẹyịza ọnịrị ọza ene è yi sì ịrẹyị ọnọhụva anị ẹ́ yị vị ozi Ohomorihi.

1 Ịjọọnụ 3:2

Ẹwụ nịnị ẹyịnyara amị oni mi sì, booro aanị ya sị vị ezi Ohomorihi; ama yẹẹ̀ yị yẹ ị mẹ vaa yà. Yáa yẹ ka ịhị Ikirisiti ọ̀ọ vavẹ, ị vaa yà anka ọnị mẹ rẹ yà, agụvị ka i vee re gedebee anka ọ mẹ yà.

1 Ịjọọnụ 3:23

Ọda ọnị ọ́ mẹ yị yị: ka ya sị ayị tụra Ijeesu Ikirisiti Ozi anị, di ye re sì ịrẹyị ẹngụ. Ọda anị ọ vị ọnọọ nị.