Ịjọọnụ 1:10 - IWE ỌNỊNỊ

¹⁰ Ọza ana vị Etohweyi obooro ọnọọ ọ vavẹ ịnị ẹhẹ; ini oze anị Óhomorihi hyakụ yà mẹ ẹhẹ nị, ama anẹhẹ ẹ yị va yẹ ẹ.

Ịjọọnụ 1:10 ပူးပေါင်းရင်းမြစ်များ

Oyinyima 16:13

Di Ihaga hị́ ịrẹha Ẹnẹyịmavara ene pè e kà ịrẹyị dị ọ ka ọnị ọ rị Ohomorihi ene re mi nị! Ọ kà Ohomorihi mi re, dị mị yị yàra nịị?

Oyinyima 17:1

Ẹkụhị ọnya Ẹnẹyịmavara o re ne tù Abụramị. Ịjọnọọọ, Abụramị ọ sị gụ ịrayị ẹnarẹwụ tụra ịhịịna. (909) Dị ọ kà a yị Abụramị dị ọ ka Ọnị ọ vị Ohomorihi Ochẹtẹẹngụ nị. Ọ kà Abụramị ọ̀ọ wụ́ ịrẹyị anị, asị ọ mẹ̀ ebira ene divi.

Oyinyima 18:33

Ịjị Ẹnẹyịmavara vavọọ sị Abụrahamị pè kà ịrẹyị, dị ọ si hu nị. Di Abụrahamị và nọ ịzị ọ yà nị.

Ayịsaya 53:3

Aza ana vọ ệ sị eyi wụ ọ, di e yi ọ tịtẹ nị. Ộ sị ẹngụ dọ ụya ọnịrị ayodu. Ọzọza vị anaa sị eyii tẹ̀ẹ yọ. Â sị eyi wụ ọ; ọza e yi ro o ka â nyị ịsị ọ vị.

Imatiwu 11:27

Ada amị ọ raà sị avaba ịsa chire mi ụvọ. Ẹ yị nyị ọza ana yẹ Ozi anị, ẹ̀ yị vị Ada ọnịnya. Ẹ yị rẹ nyị ọza ana yẹ Ada, ẹ̀ yị vị Ozi anị ọnịnya ọnịrị aza ene èe zé Ozi anị eyi ka ọnị ọ̀ sị zụ̀.

Ịjọọnụ 1:11

Ộ vẹ ịnị ẹkụra anị, ama aza anị ẹ yị va dọ ọ.

Ịjọọnụ 1:18

Ẹẹ̀ yị nyị ọza ene re Ohomorihi tụ́ eyi da. Ozi ikonya gene-gene ọnị ọnịrị Ohomorihi vị ọnya, dị ọ gụrị Ada anị ẹtẹẹtẹrẹ ọ kà a zụ̀ yị, Áda anị mẹmẹ yà nị.

Ịjọọnụ 1:3

Ini oze Ịrẹyị ọnọọ Óhomorihi zị mẹ avaba ịsa nị. Ịnị avaba ịsa oni Ohomorihi tụ́ saka-saka ẹ yị nyị ikonya ẹnẹ ẹ̀ yị vị ini oze Ịrẹyị ọnọọ ọ yà tụ́ ọọ.

Ịjọọnụ 1:5

Etohweyi ọnọọ aa zẹtẹ ịnị ịrahụ, ama ịrahụ o yi huna a.

Ịjọọnụ 17:25

Ọga, wâ nyị ịzẹyịza, anẹhẹ ẹ̀ yị yẹ wụ. Ama ẹmị â yẹ ẹwụ, ẹnẹnị ẹnị ẹ rẹ sị yẹ ka ẹwa tụ́ mị vẹ ẹhẹ nị.

Ịjọọnụ 5:17

Dị Ijeesu kà a yị wa ka, “Ada amị aà yịị mẹ̀ ụkọrọ va ngụ ọyaanị, agụvị avọọ ẹmị raa yịị mẹ̀ ụkọrọ nị.”

Odeyi 14:17

Ama aa yịị sịị zụ̀ wụ nịnị ka ọnị yà ịzọọ ini oze ịsa ozoza ọnị ọọ̄ mẹ̀. Ọọ̄ mẹ ka orihi ọ̀ọ zụ̀ụ hụrẹ ẹbẹẹba vẹ. Ịsa ịnị aarẹ aa mẹ ẹtẹẹtẹrẹ ịnị ụmẹ ẹnịnị. Ọọ̄ sị ịsọyịrịị wụ nịnị, ọ rẹẹ̄ mẹ ka ayị awụ nịnị òo hine.”

1 Anịkọrịntị 1:21

Ịnị ịrẹyọyẹ Ohomorihi, ọyị zẹẹ ka aza ẹ̀ sị ịrẹyọyẹ ẹngụ ẹnịnị yẹ ọnị. Ama Ohomorihi ọ́ọ vavọọ sì ọọ ka enube ọyịza ọnị yaa kà, ana aza ẹnyị ro ka ụra ọ vị nị, ka aza ana àa dọ ọ wụ́ ọnị ọ̀ dọ wa há.

1 Anịkọrịntị 2:8

Ẹ yị nyị ohirẹsụ ẹhẹ ọnọnị ana yẹẹ. Ẹ̀ẹ yaanị yẹẹ, ẹyị yaanị kanyị Ananyị yị ana nyị avaba ụbanyị za ọchị apavahị.

1 Anịkọrịntị 8:6

Ohomorihi ọnya ẹyị yẹ nị. Ọnị ọ rẹ vị Ada ayị nị. Ọnị ọ mẹ avaba ịsa nị, ọnị ị yàra yị nị. Ananyị yị rẹ vị ikonya chọchọchọ. Ọnị ọ vị Ijeesu ohinọyị oni Ohomorihi nyị ka ọ̀ dọ yị há nị. Ini oze anị Óhomorihi yà mẹ avaba ịsa nị. Ịnị ụvọ anị ẹhẹ ayị rẹ yà nị.

Anikorasi 1:16

Ini oze anị Óhomorihi zị mẹ avaba ịsa ene hi ẹhẹ ọnịrị ẹbẹẹba nị, ọnị ọ vị ka ịsị yee re ọnịrị ịsị yè yi zụ re, ẹhụụ anggẹẹrị nịnị ana nyị ụkata ọnịrị ọda irenyi-irenyi. Ini oze anị Óhomorihi zị mẹ avaba ịsa nị. Ọnị ọ rẹ mẹ wa yị nị.

Anihiburu 11:3

Agụvị ka Yáa sị ayị tụra Ohomorihi, ọnị ọ mẹ ka ya zụ yẹ ka ịrẹyị Ohomorihi ọ sị mẹ ẹhẹ nị; ọnị ọ vị ka ịsa ene hi ịnị ẹhẹ ọnị yaa sị eyi ayịị re aanị, vị ana hụụnị ịsa ọnị ọza ọ̀ yị zụ sị eyi re vẹ.

1 Ịjọọnụ 3:1

A! Wee re! Ohomorihi ộ da sì ịrẹyị ayị kẹnẹ ne tù ka aa hị́ yị ezi Anị. Ịzẹyịza ezi Ohomorihi ị vị nị. Anẹhẹ ẹ́ yị yẹ ka ezi Ohomorihi ị vị nị, agụvị ka ẹnịnị ẹ́ yị yẹ Ohomorihi Ada ayị.