Ijona 4:8 - IWE ỌNỊNỊ

⁸ Ịjị ọyị vẹ, dị ọ sị jẹ, dị Ohomorihi tụ ahị ịrịra hụrẹ oze ọnị ọyị zị hụrẹ vẹ ka ọ tụ́ ku Ijona nị. Dị ọyị rị ọ ụpa ịrẹsụ ne tu ka eyi anị o hozi, di ewu za a nya ẹtẹ nị. Dị Ijona a vụ ụva ka akaka oni ò sú nị. Dị ọ kà oni o vene sú o zoza hu ka ọnị ọ kụkụ yára nị.

Ijona 4:8 ပူးပေါင်းရင်းမြစ်များ

Oyinyima 41:6

Di o re vene re ihwiti ịrẹsụ ịhịmba ọsa ẹnẹ ẹ̀ mẹ yị ẹtẹẹrẹ, dị ẹ ha hi ịrẹsụ ọchị ihwiti ọnọọ, dị ahị ịrịịra vẹ dị ọ wara a nị.

1 Ohinọyị 19:4

di Erija ọnị si hu aa nọ ịnị ọpaapara nị. Ộ zị gọdọ ịnị ọpaapara ọnọọ tù ẹhụ ụsẹ ẹkụhị ọnya avọọ. O mè ne si tù iruvo ọchị ọnya aanị ana aā hi irotemi, dị ọ yaayịtẹ iruvo ọchị ọnọọ, dị ọ ka à kà ka oni ò sú nị. Dị ọ kà, “Ẹnẹyịmavara, ọsọnị ọ sị vị ẹnẹmẹhị, navọ wa sị ụhwẹ amị. Vị ẹmị wéé vene zoza huna ohiku amị nịnị nị?”

1 Ohinọyị 21:4

Ahabị mẹ̀ vavọọ wụ́ ịrẹyị ọnị Ịnabọtị Anijezirẹrị kà, ka ọnị ọ yị zụ si ogu ohiku anị yọ, ayị anị o si du, di o si hu aa nọ ini eehi nị. Ahabị mè tù ini eehi, dị ọ na hụtụ ịnị ịbẹẹdị anị, dị ọ và eyi kà aha ọsa, dị ọ ka ọnị ọ yị rị ịsa nị.

Ijoovu 2:10

Ama dị Ijoovu tụ ose anị ohi, dị ka asị ọ rẹ ka ịrẹyị anka ọnyẹnẹẹ ẹnẹ yị yẹ ịrẹyị avọọ. Ohomorihi ana sị ọyịza yị ọza ọ rẹ sị odivi vaka vẹ. Ịnị avaba ịsa ene tu Ijoovu, ọ́ yị rẹ va ka ọhịmị Ohomorihi vụrụ-vụrụ.

Ijoovu 7:15

Dị mị kụkụ ka, àa vana sị ụvọ hi mi ọbẹ di mi su nị, ộ dà mi hí huni ka ma maanị rị ụya nị.

Ahẹ Ụgama 121:6

Ọyị ọ̀ọ há kú wu ụmẹ ọọdụ, ẹ yị nyị ịsị ọ vaa mẹ wụ. Ụhwẹ ọ̀ọ rẹ vaa vwẹtẹ kú wụ ịrahụ, ẹ yị rẹ nyị ịsị aa mẹ wụ.

Ahẹ Ụgama 39:9

Mee kú irenu, mẹ yị vaa kà ịrẹyị ọnyọọnyị agụvị ka mâ yẹ ka ẹwaa sị ụya ọnọnịị rị mị nị.

Ịrẹyị Ọzwọzịsa 7:9

Asị ụ rẹ hụra kụ ayị, agụvị ka ọnụra kẹnẹ ọọ hụraa kụ ayị nị.

Ahẹ Isoromọnị 1:6

Asị ụ sị eyi wụ̀ mị nịnị ka maa ta mine agụvị ka ọyị ọ sị mị mẹ̀. Ẹnẹbẹnị amị nịnị ệ kụ́ ayị hi mi, dị ẹ dụ mị ka ma naa mẹ̀ ụkọrọ ịnị ụbazị ene e chire ọchị ịvayịnị hi nị. Mẹ yị kụkụ va nyị ụmẹ ọ́yị tẹsị ẹngụ amị.

Ayịsaya 49:10

Ụngwẹ ọnịrị onyi ẹ yị kụkụ vaa kụ wa. Ẹngụ ẹnịnị vee hi ahị. Ẹnẹyịmavara vaa vayị ẹnịnị, dị ọnị mẹ̀ ịsa ọnị e yee si yị wa anka ọza ene enyi aa kụ ene re enyi ohunẹnẹ hu avọọ.

Ezikẹẹrị 19:12

Ama aza anaa kụ ayịị hi ọ, ê hu ọnịrị ẹpa, dị é ne e nyẹtẹ nị. Ahị anaaa tụ́ hụrị eyi ọnị ọyị zịị vẹ, ộ mẹ̀ ka ẹtụtụ anị ẹ̀ wụ. Â na avọ anị haa, dị ẹ wụ nị. Ịjị ẹ sị wụ, dị á rị wa ịra nị.

Ihoseya 13:15

Anehwireemi ẹ̀ẹ daka nyị ịsa hu ezi ẹyịnyara ada ẹnịnị, Ẹnẹyịmavara kà ọnị vaa tụ́ ahị ịrịra hụrị ịnị ụnọmị eyi ịzị ọyị zị hụrẹ vẹ ka ọ va wụ enyi ini oswe ọnịrị ịkangga ene hi ịzọọ. Avaba ogu ọnị ẹ nyị vị ana va kụ́ hụrẹ wa ẹngụ.

Ireevi 10:3

Dị Imosiisi kà a yị Eerọnị ka, á vị ịsị Ẹnẹyịmavara aa kà yịị ka, ọnị vaa sì ẹngụ anịị zụ avaba aza anaa mẹ̀ ụkọrọ anị ka ọnịnị ọnị vị nị, dị ọnị sị igirima anị zụ aza anị. Ama dị Eerọnị vavọọ ee ré ẹtẹ hẹẹ nị.

Ijona 1:17

Dị Ẹnẹyịmavara mẹ̀ ka ivovo ọbanyị ọnya aanị ọ mụnẹ Ijona nị. Dị ọ yà ịnị ịnẹ ivovo ọnọọ mẹ ẹkụhị ẹẹta nị.

Ijona 1:4

Ama dị Ẹnẹyịmavara tụ́ ahị ọbanyị ọnya aanị vara gẹrị wa nị. Dị opomi ọnọọ aa và irehuu zi ọ maa tụ́ ahị kukuku nị. Ịjị ahị ọnọọ ta jị odo, dị ẹpa ẹnịnị ee si ọyị che ẹẹva nị.

Ijona 4:3

Avọọ, dị ọ ka yị Ẹnẹyịmavara kà ọ dọ ọnị ụhwẹ nị. Dị ọ ka óo vene zoza ka ọnị ò su hụụnị ka ọnị ọ yàra.

Ijona 4:9

Ụmẹ ọnọọ dị Ohomorihi họ̀ ọ use ka, áá vọrọ ka ọọ kụ́ ayị agụvị avị ọnọọ? Dị Ijona tụ ọ ohi ka hịịn! A vọrọ ka ọnị ọ kụ́ ayị dị ọnị ọ hyakụ va ụva isu.

Imatiwu 20:12

di ẹ ka: ‘Ọdịrẹma ẹnẹnị vị ana mẹ̀ ụkọrọ agogo ọnya kẹnẹ, dị ụ mẹ ka ẹyị ana sị ịrẹma tụ́ ịnị ọyị hụrẹ ẹnẹnẹ, ẹyịrị wa ẹ̀ vị ẹbẹẹbẹ nị.’

Ẹtore 3:19

Avaba aza oni mi sì ịrẹyị anị vị oni miī tụ́ ohuvọ, dị mị sị ụya rị wa. Agụvị avọọ re ka wáa kụ́ ẹngụ hi ọọ, di u we ro ịnẹ varẹma.

Ẹtore 7:16

Ụngwẹ ọnịrị onyi ọ mā vana kụ̀ wa pooro; Ọyị ọ mā vana ngụra za wa pooro.

1 Ịsamụwẹrị 3:18

Ịzẹyịza dị Ịsamụwẹrị kà avaba ịrẹyịị yọ nị. Ẹ yị nyị ọnị ọ sị tẹ vụrụ-vụrụ. Ịjị Eri sị avaba ịrẹyị wụ́ dị ọ ka ọnị ộ dọ, Ohomorihi ọ vị Ẹnẹyịmavara nị, ịsị òo ro ka ô zoza kẹnẹ, ọ̀ mẹ̀ ẹ.