Ijona 2:7 - IWE ỌNỊNỊ

⁷ Dị ọ ka ụmẹ ọnị ọnị ro ka ụhwẹ anị ộ ta, dị ọnị tamayị Ẹnẹyịmavara nị, dị ọ wụ́ aduwa anị ịnị irehi ọnịnị anị nị.

Ijona 2:7 ပူးပေါင်းရင်းမြစ်များ

2 Ịtọpa 30:27

Dị ohirẹsụ irehi Ohomorihi ọnịrị Anireevi mẹ̀ aduwa ka Ẹnẹyịmavara ọ mẹ ka oze yị wa. Dị Ohomorihi ya ịneku dị wa aduwa ẹnịnị dị ịsọvọ ẹnịnị dọ̀ ọ rị nị.

Ahẹ Ụgama 11:4

Ẹnẹyịmavara yà ini Irehi Ọnịnị anị ọ yà ịrẹsụ ode ohinọyị anị ẹbẹẹba. Ee re avaba ịsa ọnị ọzọza aa mẹ.

Ahẹ Ụgama 142:3

Ịjị o kú du mị eyi, Ẹnẹyịmavara ộ yẹ ịsị avọrọ ka ma mẹ. Aza vị ana và ịrẹpa ee zi mi ózee ọnị maa zị.

Ahẹ Ụgama 143:5

Mâ tamayị ịyẹẹyẹ, di mee ro ịrẹyị ịsa ẹbanyị-ẹbanyị ọnị ụụ̄ sị ụkata awụụ mẹ nị.

Ahẹ Ụgama 18:6

Ịjị ẹngụkata maanị tù mi, di mi nowu na za Ẹnẹyịmavara nị Mị ka ẹwụ Ohomorihi amị, navọ wa ba mi owu Di Ohomorihi yà ini eehi anị dị ọ wụ́, dị ọ ba mi owu nị.

Ahẹ Ụgama 20:7

Aza ẹnyị vi ene ee woo zị ka ẹnị ệ nyị ịkẹkẹ ịrẹkụ ọnịrị umaata Ama Ẹnẹyịmavara ana vị Ohomorihi ayị ẹ́ yị sị ayị tụra nị.

Ahẹ Ụgama 22:14

Ẹhẹ amị aa ta na, avaba ẹchụkụ amị ẹyị kụkụ gẹ ẹngụ Ayị amị ọ sị sụ enyi hi mị ẹngụ anka ụsụ avọọ.

Ahẹ Ụgama 27:13

Mâ yẹ kaakara ka mi vee re ịsa ozoza ẹnị Ẹnẹyịmavara vaa mẹ ịnị ẹhẹ ọnọnị.

Ahẹ Ụgama 42:11

Ẹ yị hyakụ vọrọ ka ma maanị và ẹngụ hi di mee du ayị Maa sị ayị amịị tụra Ohomorihi Mâ yẹ ka mị rẹ vanaa kụ́ ọ avọ Ọnị ọ vị Ohomorihi amị ana aā dọ mịị tụ́ nị.

Ahẹ Ụgama 42:5

Hyakụ vọrọ ka ma maanị và ẹngụ hi di mee du ayị Maa sị ayị amịị tụra Ohomorihi mâ yẹ ka mị rẹ vanaa kụ́ ọ avọ. Ọnị ọ vị Ohomorihi amị ana aā dọ mịị tụ́ nị Ịjị ayị amị si du, m mẹ̀ yà ịnị ẹtẹ Ijodani, ịnị ataba Ihamọnị ọnịrị Imiza, mâ tamayị ẹwụ Ohomorihi.

Ahẹ Ụgama 43:5

hyakụ vọrọ ka ma maanị và ẹngụ hi di mee du ayị Maa sị ayị amị tụra Ohomorihi mâ yẹ ka mị rẹ vanaa kụ́ ọ avọ Ọnị ọ vị Ohomorihi amị ana aā dọ mịị tụ́ nị.

Ahẹ Ụgama 65:4

Aza ọnị ụ sị nyị di u tura wa pè ẹngụ ka ẹ̀ va ra ịda awụ vaa dàa jẹ kẹnẹ Avaba ịsa ozoza ene hi ini eehi awụ vaa mẹ ka ịnẹ ọ̀ há yị.

Ayịsaya 38:17

Ayodu amị ọ vara ẹngwọọrọ. Dọ ụhwẹ amị ha hụụnị usu. Jị eyi vee hụụnị ịnị avaba ebira odivi ọnị mẹ mẹ̀.

Ayịsaya 50:10

Avaba aza ene hí angwa Ẹnẹyịmavara, dị ẹ saasa ịrẹyị ozi ahụ anị; oze ọnị ẹ zị ọ daka hozi, ẹ sị ayị tụra Ẹnẹyịmavara, e chi ayị za Ohomorihi.

Ijona 2:4

Ọ kà, ọnị ò ro ka Ẹnẹyịmavara ọ sị ọnị dụ hụrẹ ọvịdị anị, dị ọnị ẹ yị kụkụ zụ ngụ ịnị irehi ọnịnị anị nị.

Imika 1:2

Batọ nịnị o, avaba ẹwụ nịnị anẹhẹ; avaba ẹwụ nịnị ene hi ẹhẹ ò batọ dị ọ̀ wụ́ ịrẹyị. Ẹnẹyịmavara Ohomorihi vaa dọ ivenu ịsa ọn ị ụ mẹ̀. Batọ! Ọ vaa ka ịrẹyị hụrị ini eehi anị ịnị ihinẹba.

Ihabaku 2:20

Ẹnẹyịmavara yaa ịnị irehi anị, ọzọza ọ mẹ̀ hẹẹ ọvịdị anị.

Anihiburu 12:3

Roo nịnị dị a re ẹngụ ọza ana vavọọ sị ẹngụ dọ ịsa edivi ọnị ọnịvị nịnị mẹ hi ọ! Agụvị avọọ asị ụ zẹẹ ka ò du wu nịnị eyi, dị ụ wa na hụrẹ ụvọ nịnị!

1 Ịsamụwẹrị 30:6

Ayị Idevidi o si du ẹtẹẹtẹrẹ agụvị ka aza anị ẹnị ẹ rẹ kụkụ sị eyi va kà a ka ẹnị ee ne e ịrẹta. Ayị vị ana raa kụ́ ẹnị ka asị ozi ẹnịnị za. Ama Ẹnẹyịmavara ana vị Ohomorihi oni Idevidi aa hẹkẹ ộ sị ụkata yọ.