Ijona 1:9 - IWE ỌNỊNỊ

⁹ Dị Ijona ka, Anihiburu ọnị vị nị. Ẹnẹyịmavara, Ohomorihi ana nyị ẹbẹẹba, dị ọ́ mẹ̀ eteesu ọnịrị oku ọnịī hẹkẹ nị.

Ijona 1:9 ပူးပေါင်းရင်းမြစ်များ

Oyinyima 1:10

Dị ọ ka eteesu ọnọọ ọ vị ẹtẹ, di enyi ana kụ́ gụ ọnị vị òkū nị. Ịjị Ohomorihi vavọọ re e ô zee e eyi.

Oyinyima 14:13

Dị ọza ịnya ana vụrị há ịnị ịrẹkụ ọnọọ va kà a yị Abụramị Anihiburu ọnọọ nị. Ịjọnọọ Abụramị ọnị vị ana ra ọgụrị ọchị aroni. Imamire Anamọrị ọ nyị ọchị ẹnẹẹ nị. Imamire ọnịrị ẹyịnyara anị ana aā hị́ Esikori ọnịrị Aneri ẹnị vị ogu Abụramị.

Oyinyima 24:7

Abụrahamị rẹ ka Ẹnẹyịmavara Ohomorihi ana mẹ ẹbẹẹba ọnị ọ sị ọnị hụụ ịda ada anị ọnịrị hụụnị ẹtẹ ịzị a yà ma ọnị nị. Ọ kà ọnị ọ hị́ eku dị ọ kà a yị ọnị ka ozi anị ịrẹma-ịrẹma ọnị vaa sị ẹtẹ ọnọnịị yị nị. Abụrahamị Ọ vaa tụ́ anggẹẹrị anịị saasa a, dị ọ̀ na nyị ọnẹẹ hụụ ịzọọ va yị ozi anị.

Oyinyima 39:14

di o nowu hị́ ezida anị ana vọ nị. Dị ọ kà a yị wa dị ọ ka: Ee re ọga ẹnịnị mẹ̀ na sị Anihiburu ọnọnị vẹ ka ọ̀ va mẹ̀ ụhị nyị ẹnị. Ọ kà vị ọ ngụ tù ọnị ka ọnịrị ọnị ọ̀ọ sụ nọ. Ọ kà di ọnị ve nowu tụ́ ẹhẹ ka à ba ọnị owu nị.

2 Ohinọyị 17:25

Ịjị ịpaapa ẹnẹ va ra ịzọọ, ẹnịnị ẹ yị hẹkẹ Ẹnẹyịmavara. Dị ọ hụ agụvị avọọ tụ idu na wụ̀ aza ẹnyị ẹnịnị ha nị.

2 Ohinọyị 17:28

Ịzẹyịza dị ọnya ini ohirẹsụ irehi Ohomorihi ana za hụrẹ Ịsamarịya vavẹ va ra Ịbẹtẹrị nị. Ịzọọ ọ yà aa zụ aza ẹnẹẹ á mẹmẹẹ̄ hẹkẹ Ẹnẹyịmavara nị.

Ẹzịra 1:2

Ịzẹyịza, dị Ịsayịrọsị ka Ẹnẹyịmavara, Ohomorihi ana nyị ẹbẹẹba ọ raà sị ịjọva avaba ẹhẹ chire ọnị ụvọ. Dị ọ nyị ọnị ka ọnị ọ da irehi anị tụ Ijerusarẹmị ịnị ẹtẹ Ijuda nị.

Ẹzịra 5:11

Dị Aniju ẹnẹẹ tụ ẹnị ohi ka, ezi ahụ Ohomorihi ana nyị ẹbẹẹba ọnịrị ẹhẹ ẹnị vị nị. Dị ẹ kà ẹnị ee tenyi eburu irehi Ohomorihi ọnị ohinọyị Anisirẹrị ọbanyị ọnya aanị vịdị da hụrẹ ụmọrụmọ nị.

Inehemaya 1:4

Ịjị Inehemaya maanị wụ́ ịrẹyị ọnọnị, dị ẹngụ anị sị va hi, dị ọ yaayịtẹ aa jị òrèrè nị. Agụvị ka ịrẹyị ọnọọ ộ zị ọ ẹngụ, ộ yaatụ mẹ ẹkụhị ọrụrụ-ọrụrụ ệ yị rị ịsa, dị aa da ịpẹ yị Ohomorihi ana nyị ẹbẹẹba nị.

Inehemaya 2:4

Dị ohinọyị họ̀ ọ use ka ịsị e si ka ọnị ọ mẹ tụ ọ? Dị Inehemaya mẹ̀ aduwa hi Ohomorihi ana nyị ẹbẹẹba.

Inehemaya 9:6

Dị ẹ ka ọnị ịnyara kẹnẹ ọ vị Ẹnẹyịmavara nị. Ọnị ọ mẹ̀ eguhi, ọnịrị ẹbẹẹba neberi ụzọmị nịnị nị. Ọnị ọ mẹ̀ ẹtẹ ọnịrị oku neberi avaba ịsa ana ra hị́ ịnị anị. Ọnị ọ sị ụhwẹ yị avaba ịsa, dị ee sere wa nị. Ọnị avaba anggẹẹrị nịnị aa hẹkẹ nị.

Ijoovu 1:9

Dị Echu tụ ọ ohi ka, indee! Ijoovu wáá vavọọ hí angwa awụ kẹnẹ nị?

Ahẹ Ụgama 136:26

Waa kụ́ Ohomorihi ana ya ẹbẹẹba avọ. Vi óō sì ịrẹyị ọza pooro zịna-zịna nị.

Ọyịkụra 1:15

Ụmẹ ọnya di ohinọyị Anijipiti rẹ na hị́ anyẹnẹẹ anaā gụ anẹẹ Anihiburu ụvọ ẹ̀ẹ yaa ma ozi nị. Anẹẹ ẹnẹẹ ẹ rị Isipira ọnịrị Ipuwa nị.

Ọyịkụra 2:13

Ịhị ọsa ọ rẹ jịnẹ nọ ẹhẹ. Dị ọ na hụrẹ hi Anihiburu ẹẹva aa zyaazị nị. Dị ọ hị́ ọza ene sì ịrẹyị di aa kà a yọ dị ọ ka: Sị ẹ vẹ di ee tụ́ ọhụva anị?

Ịdanịyẹrị 2:44

Ịnị ụmẹ ọnị ohinọyị ẹnẹnị ẹ̀ẹ vavọọ àa mẹ ịjọva, Ohomorihi ana nyị ẹbẹẹba vaa sị ohinọyị ọnyara rị ọnị ọza ẹ̀ yị ve zuu zizi. Ọnị ọ vaa gara avaba ịzị ohinọyị ana vọ yaa mẹ ịjọvaa ha nị. Ama ọnị vana vaa jẹẹ pooro.

Ihoseya 3:5

Ama ịrẹma anị, Isirẹrị vaa vaka Ẹnẹyịmavara ọnịrị Idevidi ohinọyị ẹnịnị vẹ ịnị angwahi ọnịrị ẹgahị. Ẹnẹyịmavara vaa mẹ ọyịza yị wa.

Odeyi 14:15

“Anda ayị nịnị, sị ẹ vẹ dị ụ maanị aa mẹ nịnị aanị? Ọza anka ẹwụ nịnị mẹ̀ rẹ yà ị vị nọ! Yâ vẹ ịzẹnị ka ya va kà enube ọyịza wụ nịnị, ka wa và hụụnị ịsa kẹnẹ-kẹnẹ ẹnẹnị, dị ụ wa và ká Ohomorihi ana yàra na nịnị! Ohomorihi ọnọọ ọ mẹ ẹbẹẹba ọnịrị ẹhẹ beri òkū ọnịrị avaba ịsa ene hi ịnị ẹnịnị nị.

Odeyi 27:23

Anggẹẹrị Ohomorihi ana nyị mị, ọnị maa hẹkẹ, ộ jẹẹ pe mi ịrahụ”,

Anihwiripi 3:5

M mẹ̀ vị ẹkụhị ịhịnta kẹnẹ, a jị mị ụvẹvẹnẹ nị. Anisirẹrị obooro mị vị nị. Ini ovwoovu Ịbẹnjamịnị mị chị hụrẹ vẹ nị. Anihiburu mị vị nị, dị ahịka Anihiburu ọ rẹ ma mị nị. Àa va vị ịrẹyị ọda Aniju nịnị ị yọ, ini ogu Anihwarisi nịnị mị yà nị.

Ẹtore 11:13

Ụmẹ ọnọọ gẹdẹ-gẹdẹ, dị ẹtẹ henyi jigi-jigi, dị agẹẹwụ ẹkụra ọnọọ gara va ha, dị aza ẹnị akahị-akahị oze ịhịmba (7,000) sú ịnị ẹtẹ ana vavọọ henyi avọọ nị. Angwa ô hí ẹnị ana vọ, dị ẹyaa sị ụbanyịị yị Ohomorihi ana yà ẹbẹẹba nị.

Ẹtore 15:4

Ananyị yị, ẹnẹ ka oni o yi vee hí angwa awụ, dị ọnị ọ̀ ga ịrẹha awụ? Ẹwụ ịnya kẹnẹ ẹ̀ yị nyị ẹngụ anị nị. Avaba anẹhẹ vaa vẹ dị ẹ va và ku ẹtẹ ọvịdị awụ, agụvị ka avaba aza ẹ sị ụkọrọ ịzẹyịza awụ re.

Ẹtore 16:11

Dị ẹyaa kà ịrẹyị odivii hi Ohomorihi ẹbẹẹba agụvị ịsa ana aa zị wa ọnịrị ịtahụ ẹnịnị nị. Ama ẹnịnị eyi ro ịnẹ varẹma hụụnị ịsa ẹnẹ ẹyaa mẹ.