Ijona 1:3 - IWE ỌNỊNỊ

³ Ama dị Ijona kwẹẹtẹ, dị ọ sị ịrẹsụ ka oze ẹkụra ana aā hị́ Itasisii ka ọnị ò zwe yị Ẹnẹyịmavara nị. Ộ nọ ẹkụra ana aā hị́ Ịjọpa ịzị ọ ya re ẹpa ini enyi ana nọ Itasisii nị. Ịjị o reè si ụta ẹpa, dị ọ ngụ ọ vaka aza ana vọ ana aa nọ Ịtasisii nị. Ijona vị ene si ka ọnị o zwe agụvị asị ọnị na kà ụtụ ọnị Ẹnẹyịmavara tụ́ ọ hi Anininivẹ nịnị.

Ijona 1:3 ပူးပေါင်းရင်းမြစ်များ

Oyinyima 3:8

Ọyị mẹ̀ sị rọ ịhị ọnọọ, dị ẹ wụ́ ka Ẹnẹyịmavara Ohomorihi aa vẹ ịnị ụbazị nị. Dị ọnọrụ ọnọọ ọnịrị ose anị si zwe na tẹ̀ ịnị ọchị ẹnẹẹ nị ka asị Ẹnẹyịmavara Ohomorihi re ẹnị.

Oyinyima 4:16

Di Ikeeni sị hụụ ịda Ẹnẹyịmavara, dị ọ nọ eyi ịzị ọyịị̄ zịị vẹ Edẹnị, dị ọ na yà ịnị ẹtẹ ana aā hị́ Inodi. Iruvo Inodi vị ọ̀yị ngụ ọ zịịzị nị.

1 Ohinọyị 19:3

Erija mẹ̀ vavọọ wụ́, di ee hí angwa dị ọ sị kwẹẹtẹ di o si zwe ka asị a wụ̀ ọnị nị. Ọ mẹ̀ na sị ngụ Ịbẹẹsẹba ana yà ịnị ẹtẹ Ijuda, dị ọ navọ ozi ịda anị tụ́ ịzọọ,

1 Ohinọyị 19:9

O mè tù ịzọọ, dị ọ nọ ịnị ụtẹha ọnya aanị, dị ọ na sụ ịzọọ nị. Ọ mẹ̀ vavọọ yà ịzọọ, dị Ẹnẹyịmavara vana kà ịrẹyị yọ, dị ọ kà, “Sị waa mẹ ịzẹnị, Erija?”

2 Ịtọpa 2:15

Iharumi ka Isoromọnị ọ kụkụ sị ihwiti ibaari, eche ọnịrị angwẹ orivi ọnị ọ ka tụ́ va yị ẹnị.

2 Ịtọpa 2:16

Ọ kà ẹnị vaa dà ọchị tụra ọchị ọnị ee si hụrẹ ataba Ịrẹbanọnị dị ẹnị kụ wa vẹ Ịjọpa ịzị enyi vaa kụ́ wa ve tu ọ Ijerusarẹmị.

2 Ịtọpa 9:21

Isoromọnị ohinọyị ộ nyị ẹpa ịnị enyi rụrụ ẹnị ezi ahụ anị aā sị sẹ ohu na Itasisi beri ene hi Ihurami. Ịrayị ẹtẹẹta ọọ̄ sịị tụ́ wa na kụ igooru, isiriva, ọhọmị ọdọba beri ọkavụ nịnị ọnịrị inomi ana nyị asịsẹ achẹrẹ-achẹrẹ hụrẹ na yọ.

Ẹzịra 3:7

Dị ohinọyị Ịsayịrọsị ku ịsọyịrị ọnịrị eche neberi angwẹ na hị́ ọchị Isida hụụnị ụvọ Anịsayịdọnị, Anitaya ọnịrị Ịrẹbanọnị. Dị ọ sị ẹkẹhị yị wa ẹnẹ sị sị wa ọtụrarehi ọnịrị Ikahunta ana kanyị irehi. Ọchị ẹnẹẹ vị ana sị enyi kụ vẹ hi ẹkụra ana hị́ Ịjọpa yị wa.

Ijoovu 1:12

Dị Ẹnẹyịmavara kà ooho! Echu ọ na mẹ ogu Ijoovu o me zee eyi, ama asị ọ sị ụvọ kanyị ọ. Dị Echu hụrị ịzọọ aa na nị.

Ijoovu 2:7

Ịzẹyịza, dị Echu hụụ ịzọọ ne tu Ijoovu nị. Dị ọ mẹ ka ịtahụ ọ tụra hi Ijoovu ẹngụ ọmọọma, dị aa va enyi chava nị.

Ahẹ Ụgama 107:23

Aza ẹnyị aa ngụ ẹpaa jịnẹ ini enyi, dị ahịka oze ini òkū ẹ yaa sẹ̀ ohu nị.

Ayịsaya 2:16

Ọ vaa za ẹpa ẹbanyị ene zoza oni osohu nịnị aa ngụ di o du wa ngụ enyi.

Ayịsaya 23:1

Ẹwụ nịnị ana aā ngụ ẹpaa nọ Itasisi, và ụvọ kú ịrẹsụ dị waa jị òrèrè nịnị. Wéē re a mẹ̀ za avaba ẹkụra Itíre dị a chaka a va ha, hyakụ kụkụ nyị irehi ikonya ana vọ jẹẹ. Avaba ịzị ẹpa vịdịị jẹẹ ệ ta saka-saka. Mâ yẹ ka mâ wụ́ ózee nịnị ẹpa awụ nịnị mẹ̀ hụrẹ Ikitimi aa vẹ.

Ayịsaya 23:10

Ẹwụ nịnị Anitasisi, weē che ẹtẹ ọnọọ naa parahu anka okuha Ịnayịrị mè che e na para hu avọọ, kụkụ nyị ọza ana aa dọ wụ nịnị oro.

Ayịsaya 23:6

Kụ́ ẹnya awụ we zwee nọ Itasisi ẹwụ nịnị Anitaya.

Ayịsaya 60:9

Ẹnịnị vị ẹpa ana hụrẹ aha onoze aa vẹ. Ệ kụ aza Ohomorihi vẹ eehi. Ệ kụ igooru ọnịrị isiriva saasa wa ọyị sị sị ụbanyị yị Ẹnẹyịmavara, Ohomorihi ọnịnị Isirẹrị. Ọnị ọ mẹ avaba ẹhẹ ka ẹ sị ụbanyị yị aza anị nị.

Ijeremaya 10:9

Ori ẹnịnị vị ana a sị isiriva ọnịrị igooru mẹ ẹtẹ Itasisi ọnịrị ẹtẹ Uhwaazị. Ụkọrọ ụvọ aza ẹ vị nị. Dị ee chire wa awuru akàaka ọnị aza ana yara mẹ̀ ụkọrọ ẹtẹẹtẹrẹ hi ịta anị.

Ezikẹẹrị 2:8

Ọ kà, ọnị ozi-ọza ọ̀ wụ́ ịrẹyị ọnị aa kà a yị ọnị. Asị ọnị na saasa Anisirẹrị nịnị kụ̀ hịrẹ ọnị o. Ẹnẹyịmavara kà ọnị ọ̀ ha irenu anị, dị ọnị ọ̀ rị ịsị ọnị aa sịị yị ọnị aanị.

Ezikẹẹrị 27:12

Ẹwụrị anẹkụra ana aā hị́ Isipeni aa sẹ ohu gẹ nị. Ệ sị isiriva ọnịrị enyusẹ irenyi-irenyi vaa hị̀ ogu ozoza-ozoza ọnị ụ nyị va gwẹtẹ hụụnị ụvọ awụ nịnị.

Ezikẹẹrị 3:14

Ọ kà Ẹnẹyịmavara ộ sị ụkata yị ọnị ẹtẹẹtẹrẹ, ịjị ụhwẹ Ohomorihi va sị ọnị kwooze, ayị anị sị du, dị ayị aa kụ ọnị nị.

Ijona 1:10

Dị ọ ka ọnị ee zwe agụvị asị ọnị na ka ụtụ ọnị Ẹnẹyịmavara tụ ọnị nị. Ịjị ẹ maanị wụ́ ọ kẹnẹ, dị angwa hí wa ẹtẹẹtẹrẹ nị. Dị ẹ họ̀ ọ ụsẹ ka ebira ịsị ọ mẹ̀ aanị nị?

Ijona 4:2

Dị ọ mẹ̀ aduwa hị́ Ẹnẹyịmavara, dị ọ ka; taarụ Ẹnẹyịmavara! Á vị ịsị ọnị ọnị vịdị kà ka ọ vaa mẹ dị ọnị va hụrị ẹkụra anị yịị? Agụvị avọọ ọnị vịdị zwe nọ Itasisii agụvị ka ọnị ọ yẹ ka ẹwụ Ohomorihi vị ọza anaā vayị ọza. Wẹ yị mā hụra kụ ayị, dị ọọ̄ ngwayị ọza ẹtẹẹtẹrẹ, dị ọọ̄ vaa hụụnị ụya ọnị ọ̀ọ ka ọnị a sịị rị ọza nị.

Iruuku 9:62

Dị Ijeesu rẹ kà a yị ọnọọ ka, “Ọza ene èe sì nyima aa jị ịrụkụ di o sị eyi tụ́ ịrẹma nị, ẹngụ aza ẹnẹẹ ẹ yị vọrọ tụra ịzị Ohomorihi yà aa mẹ ịjọva.”

Odeyi 15:38

Ama Ịpọọrụ oni o yi ro ka â vọrọ ka ẹnị rị ọọ ẹ̀ zị, agụvị ka Ịmaakị ọ yị saasa wa ne tù ẹtẹ; Ipamihwiriya ọ yà varẹma, dị ọ navọ wa nị.

Odeyi 26:19

“Taarụ, mẹ yị mẹ akamawụ hi ẹtẹ oni mi re hụrẹ ẹbẹẹba.

Odeyi 9:36

 nyị ọnẹẹ ọnya aanị ana yà Ịjọpa, ozirẹma ọ vị nị. Aā hị́ ọọ Itabita. Iruvo ịrẹha anị ọ vị Ịdọkaasị ịnị ẹkụra Anigiriki, ọnọọ vị ka “akọnọ”. Ọọ̄ mẹ ọyịza ẹtẹẹtẹrẹ, dị aa gụ onosiye nịnị ụvọ.

Odeyi 9:38

Ịjọpa o yi noze rịrị Irida. Ézirẹma nịnị mẹ̀ wụ́ ka Ipita yà Irida, dị ẹ tụ́ aza ẹnị ẹẹva na hị́ ọọ nị. Dị ẹ ka, “Aarịhịnị, wụsẹ jintu ve tù yi!”

Odeyi 9:42

Ịrẹyị ọnọnị ộ ngụ ịrẹyị ngụ Ịjọpa zịịzị, dị aza ọrụrụ-ọrụrụ sị ayị tụra Ananyị yị nị.

Odeyi 9:43

Dị Ipita yà Ịjọpa mẹ ẹkụhị kù chee ị́dị ọnịtụmpaha ana aā hị́ Ịsayịmọnị nị.

1 Anịkọrịntị 9:16

Ịzẹyịza, maa kà enube ọyịza, ama ẹ yị nyị ịsị mị zụ sị mẹ eyi ịnị anị, agụvị ka me yi zụ yi ka mẹ yị mẹ̀ ẹ. Àa vị ka mẹ yị kà enube ọyịza, ma sị dà!

2 Anịtẹsaronika 1:9

Ụya ẹnẹ ẹ vaa rị ọ vị ka ẹnịnị vee vú ẹtẹ pooro zịna-zịna, ẹnịnị e yi vee re eyi Ananyị yị ọnịrị igirima anị beri ụkata anị paa.

Ijosuwa 19:46

Imejakoni, ọnịrị Irakoni ana ya ẹhwị ẹtẹ, ọ̀ va eyi ka Ịjọpa.