Ijona 1:2 - IWE ỌNỊNỊ

² dị ọ kà a yọ ka ọ̀ nọ ẹkụra ọbanyị ana aā hị́ Ininivẹ nị. Ọ kà anẹkụra ọnọọ ọ̀nọ̀ agụvị ka ọnị ee re ebira odivi ọnị ẹ yaa mẹ.

Ijona 1:2 ပူးပေါင်းရင်းမြစ်များ

Oyinyima 10:11

Inimirodi ộ hụrẹ ẹtẹ ọnọọ ộ nọ ịnị ẹtẹ Asiriya dị ọ na dà ẹkụra ọbanyị ana aā hị́ Ininivẹ, Irehoboti-Iri, Ikara ọnịrị

2 Ohinọyị 19:36

Di Isenakeribi ohinọyị Ásiriya và hụụ ịzọọ varẹma nọ Ininivẹ nị.

2 Ịtọpa 28:9

 nyị ọnọrụ ọnya aanị ana aā hị́ Odedi ana vị ọnịsẹ Ẹnẹyịmavara ana ra ẹkụra Ịsamarịya, ộ na gẹrẹ isoja Anisirẹrị nịnị mẹ̀ kụ́ Anijuda nịnị ẹnẹ ẹ za orihi aa vaa ngụ ẹkụra Isamariya. O me tu wa, dị ọ kà a Ẹnẹyịmavara Ohomorihi ohiku ẹnịnị ộ kụ́ ayị hi Anijuda, dị ọ navọ wa ka a nyị ẹbẹẹba ẹnịnị nị. Ama booro aanị ộ wụ́ oze odivi ẹnẹ ẹ zị wụ̀ aza ẹnịnị va ha.

Ẹzịra 9:6

dị mị mẹ̀ aduwa, dị mị ka, Ẹwụ Ohomorihi amị ụhị aa nyị mị. Mẹ yị nyayịnẹ va eyi ka wụ o. Ebira odivi ayị ộ ta dẹngụ. Ọ va sị ngụ ẹbẹẹba bẹẹ.

Ayịsaya 37:37

Di Isenakeribi ohinọyị Ásiriya và hụụ ịzọọ varẹma nọ Ininivẹ nị.

Ayịsaya 58:1

Ẹnẹyịmavara kà yị Ayịsaya ka, “Nowu tụ ẹba ọmẹzụ-ọmẹzụ, ọngwẹ awụ ọ̀ tụ ẹba anka ọpanyị aa sụ ịrẹyị avọọ. Kà a yị aza anị Anisirẹrị ịvị ẹnẹ ẹ yaa mẹ̀.

Ijeremaya 20:9

Ọnị ọ̀ọ va kà a ka ọnị aa sị ayị hụụnị ịrẹyị Ẹnẹyịmavara dị asị ọnị kụkụ ka a ịrẹyị anị, dị ịrẹyị anị aa rị ọnị ayị anka ịra avọọ. Ọnị ộ sị vụrị ka asị ọnị kà a ama ọnị ẹ yị zụ za a.

Ezikẹẹrị 2:7

Ẹnẹyịmavara kà, ịsị ọnị ọọ kà a yị ọnị kẹnẹ, ọnị vaa kà a yị wa nị, ẹẹ ka ẹnịị wù, ẹẹ ka ẹnị ẹ́ yị wụ. Asị ayị hi ọnị ka vị Anisirẹrị nịnịị kụ́ụ hịrẹ ọza nị.

Ihoseya 7:2

Ama ẹnịnị ẹ yị ro ka Ẹnẹyịmavara ee re avaba ebira odivi ẹnịnị. Ee re ịvị mẹ jị ọvọ kara wa hi.

Ijona 3:2

Dị ọ kà Ijona ọ̀ nọ Ininivẹ, ẹkụra ọbanyị ọnọọ, dị ọ na ka ụtụ ọnị ọnị tụ́ ọ hi wa nị.

Ijona 3:3

Dị Ijona kwẹẹtẹ na Ininivẹ anka Ẹnẹyịmavara mẹ kà a yọ nị. Ininivẹ vị ẹkụra ana banyị ẹtẹẹtẹrẹ ana ahịka ẹkụhị ẹẹta ọza aa sị zị ụsẹẹ che e parahu nị.

Ijona 4:11

Ọ̀ọ maanị aa zị ẹngụ yị avị ọnọnị, aanịka ẹ yị vọrọ ka ọnị ọ tẹsị Anininivẹ, ẹkụra ọbanyị ọnọọ, ịzịị aza ene hụụnị ịrịka akahị-akahị oze ẹchẹhị tụra oohu raa hị́? Aza ẹnẹnị ẹ yị yẹ ọyịza, yẹ ọhịmị, dị a hyakụ vaa ka ịsụpa ẹnịnị.

Imika 3:8

Ama Ẹnẹyịmavara ọ raà mẹ ka ẹ̀ ma nyị ụkata ẹtẹẹtẹrẹ Ộ mẹ ka ma yẹ ịsị ẹ vị ịzẹyịza. Dị ayị amị ọ̀ rẹ vị dị maa kà a yị ovwoovu Ijekọvụ ebira odivi ẹ́nịnị. Mị ka maa kà a yi Anisirẹrị ebira odivi ẹnị ẹ yaa mẹ.

Ịnahụmị 1:1

 nyị ọnọrụ ọnya aanị aa hị́ Ịnahụmị ana vị Anerikosi. Ọsọnị ọ vị ẹtore ọnị Ẹnẹyịmavara sị zụ ọ ka ọ kà yị anẹkụra Ininivẹ nị.

Ịnahụmị 3:19

Ụnava ọnị ọ tọ̀ aanị o divi ẹtẹẹtẹrẹ, ẹ yị nyị eyọtụra. Ama avaba aza ana vaa wụ́ ọ vị ana vaa jẹ, dị ẹ yaa gụ ahụ Àa nyị ọza ana ha hụụnị ayịchamayị awụ?

Imatiwu 10:18

A rẹ vaa za wụ nịnịị nọ ịda ịgọvọnọ nịnị ọnịrị ohinọyị nịnị agụvị amị kẹnẹ, ka wa kà enube ọyịza yị wa ọnịrị anẹhẹ ana vọ.

Imatiwu 12:41

Ịnị ẹkụhị ọkarẹyị, Anininivẹ vaa kwẹẹtẹ, dị ẹ jị ịvị yị anụmẹ ọnọnị; Íjona mẹ̀ kà ịrẹyị Ohomorihi yị aza ẹnẹẹ, ée ro ịnẹ varẹma hụụnị ebira odivi ẹnịnị. Di u we re ka ọza ene ve huna Ijona, ọ yà ịzẹnị aanị nị.

Ijemiisi 5:4

Aza ọnị ụ dọ ụkọrọ hi ịnị aarẹ, we yi si wa ụta, ẹnịnị ee nowu. Yẹ nịnị ka Ohomorihi Ochẹtẹngụ, aa wụ́, aza ana aa kụ́ ịsa ịnị aarẹ awụụ gụ, mee nowu.

Ẹtore 18:5

Ebira odivi ẹnịnị ệ hyakụ va kụ́ ngụ ẹbẹẹba. Ohomorihi ê hí ayị ịsa edivi ẹnẹ ẹ mẹ.