Ijeremaya 9:25 - IWE ỌNỊNỊ

²⁵ Ẹnẹyịmavara kà, ụmẹ aa vẹ ọnị ọnị vaa sị ụyaa rị aza ana a jị ụvẹvẹnẹ ama dị ẹnịnị ẹ yị mẹ̀ ebira aza ana jị ụvẹvẹnẹ.

Ijeremaya 9:25 ပူးပေါင်းရင်းမြစ်များ

Ijeremaya 25:23

ẹtẹ Ịdẹdanị, Ịtẹma, Ibuzi ẹnịrị avaba aza anaā yẹrẹ ụtọ-ụtọ ẹyị ẹnịnị;

Ijeremaya 4:4

Ọ kà, ẹwụ nịnị Anijuda ọnịrị Anijerusarẹmị ọ̀ hụụnị ebira odivi, dị wa sị ẹngụ awụ nịnị tụ irenyi yị ọnị nịnị, ọ ka ẹ̀ yị vị avọọ ọnị va hụ agụvị ebira odivi awụ nịnị nyị ọyịkụ hi wụ nịnị anka ịra anaa rị ọnị ọza è yi zụ mi avọọ.

Ijeremaya 49:32

Ọ kà, à dọ wa ịnyaakụmị ẹnịnị ọnịrị avaba ịsụpa ẹnịnị. Ọ kà avaba aza ana nyị ẹyị ọgọdọ ẹ na dà a ụtụụtọ dị ò weyi; vị ọnị vaa gara wa hi zi oze irenyi-irenyi nị. Ọnị vaa zị avaba oze kụ ẹngụkataa tụ̀ wa.

Ezikẹẹrị 28:10

Anẹkụra ọsa ẹnẹ ẹ̀ yị yẹ Ohomorihi vị ana vaa wụ̀ wụ anka a mẹẹ wụ irezi avọọ. Ọnị Ẹnẹyịmavara Ochẹtẹẹngụ ọ kà avọọ nị.

Ezikẹẹrị 31:18

Ohinọyị Ijipiti ọnịrị aza anị ẹ vị ọchị ọnọọ nị. Ọchị ene hi Edẹnị ẹ́ yị hyakụ vavọọ nẹba. Ẹnịnị ẹ́ yị hyakụ vavọọ ngụ ọza eyi bẹẹ. Ama, booro aanị, ọ vaa nọ iro anka ọchị ene hi Edẹnị, dị o ne tu aza ene ẹ̀ yị yẹ Ohomorihi ana a wụ a maa kụ̀ ịrẹkụ. Ọnị, Ẹnẹyịmavara Ochẹtẹẹngụ ọ kà avọọ nị.

Ezikẹẹrị 44:7

Ọ kà ẹnịnị ẹ́ yị sị ụbanyị irehi anị. Ẹnịnị maa sị ịsọyịrị, ụhị, ọnịrị vaa mẹ̀ ịsọvọ hi ọnị, ệ navọ ka anẹkụra ọsa ẹnẹ ẹ̀ yị và ebira odivi ẹnịnị ha, dị ẹ̀ yị ma saasa ịrẹyị anị è hi ịnị irehi anị. Ọ kà ẹnịnị ẹ raa sị ahụ jịnẹ ịrẹyị ọnị ọnịrị wa ka beri avaba enyisi ẹnẹ ẹ́ vịdị aa mẹ.

Ireevi 19:27

Ọ kà à sị ẹ kụ́ ẹyị ini okura ẹnịnị, dị à sị ẹ rẹ dà hụụnị ịrẹwa ẹnịnị o.

Ireevi 26:41

ana mẹ ka ọnị ọ̀ rẹ mẹ ịsị ẹnẹ ẹnịnị è yi sì hi wa, dị ọnị kụ wa ve hi ịnị ẹtẹ ọnịvị ẹnịnị nị. Ọ kà, ẹnịnị ẹ̀ẹ sị ayị ẹnịnị và ẹngụ ẹnịnị nẹtẹ, dị ẹnịnị dọ ka ẹnị ẹ̀ rị ụya ịvị ẹnịnị nị.

Emọsị 3:2

Ẹnẹyịmavara kà Anisirẹrị nịnị kẹnẹ ọnị nyị ịnị avaba Anẹkụra ene hi ịrẹsụ ẹtẹ nị. Agụvị avọọ ọnị vaa sị ụya ebira odivi ẹnịnị rị wa nị.

Aniroomi 2:28

Àa ka à na kà, ayị vị ozi ẹtẹ Aniju ẹ vị Aniju obooro. Me yi re ụvẹvẹnẹ ana aā jịị yị aza aanị anka ụvẹvẹnẹ obooro.

Aniroomi 2:29

Aniju obooro ọ vị ọza ana vị Aniju ịnị ayị anị nị. Ọza ana jị ụvẹvẹnẹ obooro ọ vị ọza ana vara ayị anị nị. Ụhwẹ Ọnịnị ọọ̄ mẹ̀ ọsọnị nị, ayị vị ọda anaa chẹrẹ tịtẹ. Ohomorihi ọnị ụvọta aa ga ẹngụ aza ẹnẹẹ nị, ayị vị aza.

1 Ịsamụwẹrị 14:6

Di Ijonatani hị́ ozi ọnọrụ anaā za ẹnya ịrẹkụ anịị gụ ọ dị ọ ka, “vẹ ya nọ akẹnẹ ne tù ẹẹmẹ ẹnẹẹ ẹnẹ ẹ̀ yị mā jị ụvẹvẹnẹ avọọ údi ẹnịnị. Àa ka ọnị mẹ Ẹnẹyịmavara vaa gụ yị ụvọ. Mâ yẹ ka ẹ yị nyị ịsị ẹ zụ za Ẹnẹyịmavara kà asị ọ dọ ọza tụ́, òo zee e eyi ịsa ọnọọ ọ banyị, òo zee eyi oweyi.”

1 Ịsamụwẹrị 17:26

Di Idevidi họ̀ aza ana jẹẹ pe e dị ọ ka àa nyị ọza ana zụ wụ̀ Anihwirisiti ọnọnị dị ọ kụ́ ịrẹyị ụhị ọnọnị hụụ ịrẹsụ Anisirẹrị nị, sị a vaa mẹẹ yị ọza ọnọọ? Dị ọ rẹ ka sị aa hị́ Anihwirisiti kẹnẹ-kẹnẹ ẹnẹ ẹ̀ yị mā jị ụvẹvẹnẹ ana aa vaa sị isoja Ohomorihi ana yaraa mẹ ịyẹyẹ?