Ijeremaya 9:23 - IWE ỌNỊNỊ

²³ Ẹnẹyịmavara kà, asị ọyẹrẹyị nịnị sị ịrẹyọyẹ ẹnịnị wo oto. Asị aza ana nyị ụkata sị ụkata ẹnịnị wo oto. Dị a sị opisa nịnị sị ogu ẹnịnị wo oto.

Ijeremaya 9:23 ပူးပေါင်းရင်းမြစ်များ

Ijoovu 32:13

Agụvị avọọ, a sị ụ kà a ka waa yẹ ịrẹyị nịnị. Ọza ẹ̀ẹ yị zụ tụ́ Ijoovu ohi, jẹẹ vị Ohomorihi ò tu o ohi nịnị.

Ijoovu 41:15

Ikerebe ana a tara za a ịrẹma ọ̀ katẹngụ anka ịrẹta.

Ahẹ Ụgama 33:5

Ẹnẹyịmavara, ịzẹyịza o sì nị ee Ẹnẹyịmavara, avaba aza ụ vayị anị nị.

Ahẹ Ụgama 34:3

Weē pè mii kà a nịnị ka Ẹnẹyịmavara ộ nyị ụbanyị ẹtẹẹtẹrẹ vẹ di ye duduu sị ụbanyịị yọ.

Ahẹ Ụgama 44:9

Ohomorihi, ẹwụ ana vịdị maanị mẹ yị, wa raà mẹ ka ọnịvị ayị ẹ̀ nyị ehuna ayị wẹ yị kụkụ saasa aza ayị nọ ịrẹkụ.

Ahẹ Ụgama 62:10

Ịsa ọnị waa mẹ ọza eyi ịngwẹngwẹẹ dọ avọọ asị ụ sị ayị tụra a ka u vaa sị mẹ ẹhẹ Asị ụ rẹ na sị ayị tụra a ka wàa sị ụkata-ụkata yi ọza Iisaka â nyị ịsa ozoza ọnị ụ vaa sị ẹngụ ịsa ẹnẹẹ mẹ, ogu awụ ọ̀ọ daka aa rụrụụ hu avọọ, asị ụ sị ayị tụra a.

Ụhịrẹyị 11:4

Usu ọ̀ọ ngụ tụ ọza, ẹkẹhị anị ọ yị zụ dọ ọ ha ama ịzẹyịza kẹnẹ ọ zụ dọ ọza ha nị.

Ụhịrẹyị 21:30

Ẹ nyị ịsị ịrẹyọyẹ ọnịrị eyohweyi ọza vị ọvịdị Ẹnẹyịmavara.

Ụhịrẹyị 3:5

Sị avaba ayị awụ tụra Ẹnẹyịmavara, asị ụ sị eyi tụra ẹngụ awụ.

Ịrẹyị Ọzwọzịsa 2:19

Ẹnẹ yẹ ọza ana vẹ ọ̀ọ vaa yẹ ịrẹyị à vị onututu ọ vaa vị nị? Ọza tụra ọza ọnị ọ̀ọ na vị, ọnị ọ vaa mẹ ọda tụra avaba ịsa ọnị ọnị ka ẹhị mi tụra ịrẹsụ beri ịrẹyọyẹ anị ọnị ọnị sị mẹ. Dị ọnị ka ọsọnị bẹẹ rẹ vị osusu.

Ịrẹyị Ọzwọzịsa 9:11

Ọzwọzịsa ka aa nyị ịsị ọsa ọnị ọnị re re: ịnị ẹhẹ ọnọnị ẹ yị vị ọza ana rẹ́ hu ọọ sị ọvịdị èe ne zwe eehi, dị ẹ̀ yị rẹ vị ọza ana kata hu ọọ nyị ẹbẹẹba aa nọ ịrẹkụ nị. Ẹ yị vị ịrẹyọyẹ baaba ọza sii re ịsaa rị, dị ẹ̀ yị vị ọza mẹ sị yẹ ịrẹyị ẹhẹ sịị mẹ yị ọza nị. Ẹ yị vị ọza ana yẹ a mẹ mẹẹ mẹ̀ ịsa hu oo ree mẹ hu. Ama ẹhẹ vanaa mẹ yị ọza kẹnẹ. À kà ka ọza ọ̀ yà aha ana vọrọ ịnị ụmẹ ana vọrọ.

Ayịsaya 10:8

Eyee wo oto, ẹ ka avaba ọga ịrẹkụ ẹnịnị vi ohinọyị.

Ayịsaya 20:5

Aza ana vịdị sị ayị tụra Anikusi, dị ẹ yaa sị Anijipiti nini wo oto vee hí angwa ịhị ọnọọ dị ụhị aa nyị wa.

Ayịsaya 47:10

Waa chamayị, di u ro ka ẹ yị nyị ịsị ẹ vaa vẹ nị. Wê ro o ka ẹ yị nyị ọza ene zụ re wu. Ịrẹyọyẹ awụ ọnịrị ịsa ọnị ụ yẹ, ẹ raà sị wụ nyeeyi. Wâ kà a ịnị ayị awụ ka, “Ẹmịị yọ, ẹ yị nyị ọza ẹnẹsa ịrẹma amị”.

Ayịsaya 5:21

Wa sị dà nịnị, ẹwụ nịnị ene ee re ẹngụ awụ nịnị ka wâ dà yẹ ịrẹyị nịnị.

Ijeremaya 31:34

Ọ kà, ọza ẹnyị ẹ́ yị kụkụ vaa kọ ọ yị ọsa ka ọ̀ yẹ Ẹnẹyịmavara, agụvị ka avaba ẹnịnị vaa yẹ ọnị, hụụnị ozweyi ẹnịnị na ngụ ọzọkụ. Ọ kà ọnị vaa vagu avaba akụvị ẹnịnị, dị ọnị ẹ́ yị kụkụ tamayị ebira odivi ẹnịnị.

Ijeremaya 48:14

Ẹwụ nịnị Animowabi, sị ẹ vẹ di wee rò o nịnị ka waa da yara kụ ịrẹkụ nịnị da?

Ijeremaya 48:7

Ẹ ka, agụvị ka waa sị ayị tụra aha ụkata awụ nịnị ọnịrị ogu awụ nịnị, ẹwụ nịnị nyẹmba vị ana a rẹ vaa za. Ori awụ nịnị ana aā hị́ Ikemosi vị ana za ọrịhịị nọ aha ọsa. A vaa za wa beri ohirẹsụ irehi ori ẹnịnị ọnịrị ọdọvịdị ẹnịnị.

Ijeremaya 49:4

Sị ẹ vẹ dị ẹwụ nịnị ẹnẹ ẹ̀ yị nyị ịzẹyịza aanị ee wo oto kẹ? Waa sị ayị tụra ogu awụ nịnị di wee wo nịnị ka ẹ́ yị nyị ọza ana zụ kwẹẹtẹ tu wu nịnị nị.

Ezikẹẹrị 29:9

Ijipiti vaa tụ́ osusu, di wa yẹ nịnị ka ọnị ọ vị Ẹnẹyịmavara nị. Ọ kà agụvị ka ụ ka ẹ wa nyị irehu Ịnayịrị nị. Ụ ka ẹ wa hyakụ mẹ̀ ẹ nị,

Ezikẹẹrị 7:19

Ẹnẹyịmavara kà avaba Anisirẹrị nịnị vaa và ẹkẹhị ẹnịnịị haa hi oze anka ututu avọọ. Ẹkẹhị ẹnịnị ẹ́ yị va zụụ dọ waa ha ịhị Ẹnẹyịmavara àaa kú ayịị hi wa. Ẹkẹhị ẹnịnị ẹ́ yị va zụụ mẹ avaba ịsa ene eyee sìi yị wa; ẹ́ yị vaa ha wa ịnẹ. Ẹkẹhị ẹnịnị ọ raa kụ wa hi ịnị ebira odivi ọ̀ yị mẹ.

Ịdanịyẹrị 3:15

Dị ọ ka, booro aanị, ẹnịị ẹ̀ẹ wụ́ ọpanyị, okokoro ọnịrị isohu ana vọ ịrẹyị, ẹnịnị ẹ̀ vaku ẹtẹ dị ẹ̀ hẹkẹ uyi ọnị ọnị sị igooru mẹ jẹẹ aanị. Ama ẹnịnị ẹ̀ yị hẹkẹ ẹ, obobooro ọnọọ a vaa kụ wa dị e ne wa va hi ịnị ọba anaa kà ịra anaa zá giri-giri tụ nị, dị ọnị ò re ịsị ẹ vaa dọ wa tụ.

Ịdanịyẹrị 4:37

Dị ọnị kụkụ aa sị ụga ọnịrị ụbanyịị yị ohinọyị ana nyị ẹbẹẹba nị. Agụvị ka ịzẹyịza ọnịrị ịsa ana vọrọ ọọ̄ mẹ̀ nị. Ọza ẹ̀ yịị yaraa sị ẹngụ anịị tụ ẹba Ohomorihi ọ zụ và a nẹtẹ.

Imika 6:8

Eyiye, Ẹnẹyịmavara ọ raa kà īsa vọrọ yị wụ nịnị anẹhẹ Ịsị e si hụụnị ụvọ awụ nịnị ọ vị ọnọọ nị. Waā kà ịzẹyịza, dị waā vayị ọza. Dị waa mẹ̀ ịsa oni Ohomorihi sì ịnị ịrẹsụ ọkahi.

Ịzẹhwanaya 1:18

Ịhị Ẹnẹyịmavara aa kụ ayị hi wa, avaba ẹkẹhị ọnị ẹ nyị ọ yị vaa dọ wa ha hụrẹ ẹ ụvọ. Ẹnẹyịmavara vị ana vaa sị ọyịkụ-ọyịkụ vu avaba aza ene hi ẹhẹ ẹtẹ. Dị ọ da ẹhẹ ẹnịnị ẹjịjị ịnị asigiri.

Ịmaakị 10:24

Ịrẹyị ọnọnị ộ za ezirẹma anị ẹngụ. Dị Ijeesu rẹ kà a yị wa ka, “Ẹwụ nịnị ezi emi, ộ tụ́ akanya yị aza (ana sị ayị tụra ogu ẹnịnị), dị ẹ̀ zụ ngụ ịzị Ohomorihi yà aa mẹ ịjọva.

Aniroomi 1:22

Ẹ ka ẹnị ệ yẹ ịrẹyị, ama ọnụra obooro ẹ vị nị.

1 Anịkọrịntị 1:31

Agụvị avọọ, anka a mẹ̀ chẹrẹẹ tụ́ ini Iwe Ohomorihi: “Ọza ana àa ka oni ee wo oto, ọ̀ọ sị Ananyị yịị woo oto.”

Iwe Ọhụhị Imosiisi ana aa hị́ Ọyịvatụrọda 8:17

Ama asị ụ ne rò ka ụkata ẹngụ awụ ụ sị nyị ogu ẹnẹẹ nị.

Anihwiripi 3:10

Avaba ịsị mee sì ọ vị ka ma yẹ Ikirisiti, dị ma rẹ yẹ ụkata ana mẹ ka ọ̀ há hụụnị isu. Mi ree sì ka me beri ọ rị ụya, dị ma rẹ zụ nyị ẹngụ ayị ọnị Ikirisiti nyị o me sú.

Anihwiripi 3:8

M mẹ̀ hụrẹ va yẹ Ijeesu Ikirisiti ka ọnị ọ nyị mị nị, avaba ịsa ana vọ vị ọnị mị kụkụ za ịrịka tụ́ ịnị ịsa kẹnẹ-kẹnẹ. Ọnọ o huna avaba ịsa ẹnẹẹ nị. Mé yi re wa anka ịhyẹrẹ, agụvị ma kụkụ va rị ọgụ obooro ana vị Ikirisiti.

1 Itimoti 6:10

Ọza ọ̀ọ raà sị ayị tụ́ ịnị ẹkẹhị baaba, ọnị ọọ̄ vị iruvo avaba ịsa odivi nị. Aza ẹnyị ẹ́ẹ vavọọ sì ọọ na pooro, ana ahịka ọyị kụkụ vana zẹẹ ka ẹ̀ kụkụ sị ayị tụra Ohomorihi; ẹ raà sị ụya tụ̀ ẹngụ ẹnịnị ụnava.

1 Ịsamụwẹrị 17:42

Dị Anihwirisiti ọnọọ kana eyi, di o re Idevidi dị ọ maanị si eyi ịyẹyẹ re e nị. Ô re ka ozweyi ọ vị nị, di o re vi, di o zoza nị.