Ijeremaya 9:2 - IWE ỌNỊNỊ

² Ọ kà aayẹ ọnị ọ̀ nyị aha tụ ịnị ụnọmị ịzị anusoze nịnịị chí. Ọnị sị para aza anị hu dị ọnị ọọ nọ ịzọọ. Avaba ẹnịnị vị ọsẹrẹka. Ọkọnị anarịmamẹ ịzẹyịza ẹ vị nị.

Ijeremaya 9:2 ပူးပေါင်းရင်းမြစ်များ

Ayịsaya 59:3

Anya aza ọnị ụ wụ o reè du wu nini ẹngụ, wa raà rị ịvị aza ọnị u chamayị yị, ireche ẹ yị tara wụ nịnị, dị ịrarẹ awụ nịnị ọ yị mā ka ọyịza nị.

Ijeremaya 12:1

Ijeremaya ka, Ẹnẹyịmavara, ọnị ọ̀ọ ka ọnị ee pe ewu nyị ahankata ịrẹyị anị, awụ ọ raa yịị gẹ nị. Ama ọnị aa yịị họ̀ ụ use ịrẹyị ịnị ịpa ịzẹyịza awụ. Sị ẹ vẹ dị ẹhẹ aza edivi zee yị wa? Sị ẹ vẹ dị oō zee yị aza ẹnẹ ẹ yị ma mẹ ịzẹyịza?

Ijeremaya 12:6

Ẹyịnyara awụ ana vị anda awụ nịnị nyẹmba vị enee vene u. Ệ bẹ tụ ịnị aza ana aa kụụ tu u. Ẹẹ daka èe pe u ka ịrẹyị ohine-ohine, asị ụ sị ayị tụra wa.

Ijeremaya 13:22

Waa naa họ̀ nịnị ka sị ẹ vẹ dị ịrẹyị ẹnẹnị maanị ee tù u nịnị? Yẹ ka, agụvị ebira odivi ẹnẹmẹhị ọnị wa mẹ nịnị yọ nị. Ọnị ọ mẹ ka à hụ̀ ịta hụrẹ ẹwụ nịnị uruvo, dị a si ụkata-ụkata sị ụya rị ụ nịnị nị.

Ijeremaya 23:10

Aza ẹnẹ ẹ̀ yị mẹ ịzẹyịza hị́ Ẹnẹyịmavara vị ana gụ ẹtẹ kẹnẹ ịnị ẹkụra. Ẹnịnị aa mẹ̀ ebira odivi-odivi, dị ẹyaa sị ụkata ẹnịnịị mẹ ịsị ẹnẹ ẹ̀ yị vọrọ nị. Ẹnẹyịmavara o ree chi hi ẹtẹ ẹnịnị, dị ẹtẹ ẹnịnị aa rị ụya nị. Ịzị ịsụpa nịnị naa rị avị ọ sị wụ.

Ijeremaya 4:22

Ẹnẹyịmavara kà, aza anị vị ọnụra; ẹnịnị ẹ yị yẹ ọnị. Ezi ẹnẹ ẹ yị nyị ịrẹyọyẹ ẹ vị nị; ịrẹyị é me ye wa. Ẹnịnị ẹẹ yẹ ọbọ ọyị mẹ̀ ebira odivi, ama ẹnịnị ẹ maa yara mẹ ọyịza.

Ijeremaya 5:1

Ẹnẹyịmavara kà, ẹwụ nịnị Anijerusarẹmị, ọ̀ ngụ avaba ẹkụra awụ nịnị dị we re. Ngụ avaba orere awụ nịnị zị dị we re, àa nyị ọza anaa mẹ̀ ịsa ana vọrọ dị aa mẹ ịzẹyịza hi Ohomorihi. Àa nyị, ọnị Ẹnẹyịmavara vaa vagu wụ nịnị.

Ijeremaya 5:11

Ẹnẹyịmavara kà, Anisirẹrị ọnịrị Anijuda nịnị ẹ sị ọnị vene saka-saka.

Ijeremaya 5:2

Dị ụ daka aa yịị kà a nịnị ka waa hẹkẹ Ẹnẹyịmavara nịnị aanị, ireche u we che nịnị nị.

Ihoseya 4:2

Ẹnẹyịmavara kà ẹnịnị aa hị́ eku uruku, di e yee cheeche, dị ẹ yaa wụ́ ọza, di e yee yi oyi, dị ẹ yaa sẹ̀ ịrẹka; dị ezigi hi ẹtẹ avaba aha, dị aza wụ́ ẹngụ ha kẹnẹ nị.

Ihoseya 5:7

Ẹnịnị ẹ yị mẹ̀ ịzẹyịza ka Ẹnẹyịmavara na. Ệ ma ezi ọta hi ẹtẹ kẹnẹ nị. Ori ọnị ẹ yaa hẹkẹ o vee vu ẹnịrị ogu ẹnịnị ẹtẹ nị.

Ihoseya 6:7

Ama anka Adamị, ẹnịnị ẹ raà sị ahụ jịnẹ oto ọnị ẹnịrị wa mẹ̀ yị ẹngụ. Ẹnịnị ẹ yị mẹ ịzẹyịza ka a na.

Ihoseya 7:4

Avaba ẹnịnị vị anaa sẹ̀ ịrẹka. Ịrẹkọyịsẹ vị ana jị odo tụ wa ẹngụ anka arasị mẹẹ̄ ngwụra zi ịbụrẹdị ana jị avọọ.

Imika 6:12

Ọzọbanyị awụ nịnị ẹ sị vara ọnyẹkẹhị ọdẹngụ, ẹ maa sị ụkata ọnịrị ako dọ aza ịsa. Ireche ọ sị aza awụ nịnị yẹ ẹngụ. Ẹnịnị ẹ yị kụkụ yara kà ịzẹyịza. Ireche ọ sị vị ebira ẹnịnị.

Ịzẹhwanaya 3:4

Ọnịsẹ ẹnịnị vị oyi ana dụ ẹngụ ẹnịnị kẹnẹ. Ẹnịnị ẹ yị wụra sị ayị tụra. Ohirẹsụ irehi Ohomorihi ẹnịnị vị ana aa sị akamawụ mẹ̀ ịsa enyisi ịnị irehi Ohomorihi. Ẹnịnị ẹ raà sị ọda Ohomorihi siisi ẹtẹ.

Ịmarakayị 2:11

Ezi Anijuda nịnị ẹ yị mẹ ịzẹyịza ka Ẹnẹyịmavara na. Ụ̀nọ̀ ọnị ẹ yaa mẹ ọ sị charaga hi Ijerusarẹmị ọnịrị ẹtẹ Anisirẹrị ana vọ. E re du irehi Ẹnẹyịmavara. Irehi ọnọọ vị ọnị Ohomorihi sì ịrẹyị anị. Anọrụ ẹnịnị ẹ na raà nyị anẹẹ ana hẹkẹ ori.

Ịmarakayị 2:14

Ama dị ẹ ya họ̀ use ka sị ẹ vẹ nị? Dị ọ ka agụvị ka Ohomorihi ọ vị onivenu amẹrị ọnị ẹ yaa mẹ̀ hi ese ẹnịnị ẹnị ẹ nyị hụụnị ozweyi ẹnịnị. Anẹẹ ẹnẹẹ ẹ vị ọnọhụva ẹnịnị ini eku ọnị ẹ hị́ yi ẹngụ nị. Ama ẹnịnị ẹ yi mẹ̀ ịzẹyịza ka ese ẹnịnị na.

Ijemiisi 4:4

Wâ navọ Ohomorihi tịtẹ nịnị anka ọsẹrẹka ana navọ ọva anị tịtẹ avọọ. Wáá yẹ nịnị ka ọza ene sì ịrẹyị ịsa ịnị ẹhẹ ọnọnị vị ọnịvị Ohomorihi? Ọza ọnịrị ẹhẹ ọ̀ọ sị ọta za, ọza ọnọọ ọ sị vara ọnịvị Ohomorihi.

Ọdọvịdị 2:10

Ịrẹma ọnị anụmẹ Ijosuwa wusu kwooze, anụmẹ ọsa ẹnẹ ẹ yị yẹ Ẹnẹyịmavara ọnịrị ịsa ọnị ọ mẹ yị Anisirẹrị vana kwẹẹtẹ nị.