Ijeremaya 9:17 - IWE ỌNỊNỊ

¹⁷ Ẹnẹyịmavara Ochẹtẹẹngụ ka rò ịrẹyị avaba ịsị anaa mẹ nịnị aanị. Na dọ anyẹnẹẹ ana yara sụ́ ùnè ẹtẹẹtẹrẹ vẹ nịnị, dị ẹ̀ va jị òrèrè yị aza ẹnẹnị.

Ijeremaya 9:17 ပူးပေါင်းရင်းမြစ်များ

2 Ịtọpa 35:25

Ijeremaya ana vị ọnịsẹ ộ chẹrẹ ahẹ ọnị ọ sị zị ẹngụ anị. Ahẹ ọnọọ aza vị ana aa jị zị ẹngụ usu anị hụrị ụmẹ ọnọọ. Â chẹrẹ ahẹ ọnọnị tụ́ iwe ahẹ orere.

Ijoovu 3:8

Ọmahọ̀nọ nịnị ẹ sị ọchị ịsẹ tụ ozirenu hi ẹkụhị ọnọọ.

Ịrẹyị Ọzwọzịsa 12:5

Ọ kụkụ vee hi u eyi ọyị hịrẹ ịzị ẹ nẹba ọnịrị ka wa zị ụsẹ vatụra oze. Ịjọnọọ ụ ta vị ẹwa-ẹwa, dị ụ kụkụ a vụrị ẹngụ awụ zị. Ẹ yị nyị ịsị e kuku ee zee wu eyi. Ịjị yee si hu aa nọ eehi ọdịrẹma, dị orere aa sụ ịrẹyị ịnị ubooro.

Ijeremaya 7:29

Ọ kà, ẹwụ nịnị Anijerusarẹmị ọ̀ kụ ịrẹsụ awụ nịnị. Na yà ịnị ataba dị wa jị òrèrè nịnị agụvị ka Ẹnẹyịmavara aa kụ ayị hi anụmọgọnị. Ọ sị wa yi hụụnị aza anị.

Arụwẹ 2:5

Ánanyị yị kụkụ sị mẹẹ anka ọnịvị ẹnịnị avọọ nị. Ó reè vú Anisirẹrị ẹtẹ beri avaba irehi ohinọyị ẹnịnị. Ộ sị avaba aha ọnị ẹnịị̄ tẹ̀ jị eburu. Ộ mẹ ka avaba Anijuda nịnị ẹẹ jị òrèrè pooro kẹnẹ.

Ezikẹẹrị 27:2

Ozi-ọza, ọnị ọ̀ hụ̀ agụvị Anitaya nịnị jị òrèrè daare.

Ezikẹẹrị 32:16

Ịrẹyị ọnị ọnị tangwa aa kà wa ọnọ anị aanị, vanaa vara oreree yị wa. Anyẹnẹẹ ene hi ịnị ẹkụra vaa sị jị òrèrè agụvị Ijipiti ọnịrị aza ana ra hi ịzọọ. Ọnị, Ẹnẹyịmavara Ochẹtẹẹngụ ọ ka avọọ nị.

Emọsị 5:1

Ẹnẹyịmavara, ô hị́ Anisirẹrị, dị ọ ka e batọ ahẹ ọnị ọnị aa sị zị ẹngụ yi wa.

Imika 2:4

Ẹnẹyịmavara kà ịrẹyị ene vee tù wa vị ẹnị vaa sịị pa ịta. Dị a maanị aa sị orere jị wa atẹ ka, “A sị yị wụ tụ̀ ịnị ẹhẹ o! Ịhị Ẹnẹyịmavara aa naa sị ẹtẹ ayịị yị? Ọ raà sị ẹtẹ ayị dị ọ gà ẹ yị ọnịvị ana kụ́ ịrẹkụ va hụ yị nị. Dị ọ za ẹyị ọrịhị ne hi ịnị ẹtẹ ọnịnị ayị ẹnẹẹ nị.”

Imatiwu 9:23

Ịjị Ijeesu va sị ngụ ini irehi ọdọvịdị ọnọọ, ô re onokokoro ọnịrị ọkọnị aza ana aa kụ́ ịrẹka.

Ịmaakị 5:38

Ịjị e tù ini eehi ọdọvịdị ọnọọ, ô re, aza mèe nowu, dị ẹyaa jị òrèrè di e ree nowuu tụ́ ẹba nị.