Ijeremaya 9:15 - IWE ỌNỊNỊ

¹⁵ Avọọ, sị ụtọ pe ẹtẹ dị wa wụ ịsị ọnị, Ẹnẹyịmavara Ochẹtẹẹngụ, Ohomorihi Anisirẹrị nịnị vaa mẹ; ọnị vaa sị ịsa ọnyịrẹyị yị aza anịị rị, dị ọnị sị enyi ana nyị ẹchịpa yị wa ka è hú ọ.

Ijeremaya 9:15 ပူးပေါင်းရင်းမြစ်များ

Ahẹ Ụgama 60:3

Wa raà mẹ ka ẹyị aza awụ ọ̀ rị ụya ẹtẹẹtẹrẹ ị kụkụ aa gọ̀rụ́-gọ́rụụ zị ọ́za ene eche aa mẹrị avọọ nị.

Ahẹ Ụgama 69:21

Ệ sị ẹchịpa tụ́ ịnị ịsa amị ka maa rị ọ. M mẹ̀ ka enyi aa kụ̀ mị, dị ẹ sị eche ana sị sụ́ ịrẹyị mị ka me hú ọ nị.

Ahẹ Ụgama 75:8

Ayị ana aa kụ́ Ohomorihi vị ana sị mẹẹ anka eche ana a kụ́ ịsa ana nyị ịrẹyị hi dị ọ sị tụ́ ini ako rị ụvọ. Avaba anị ọ vaa vàa yị aza edivi ene hi ịnị ẹhẹ ka è hú ọnị.

Ahẹ Ụgama 80:5

Wâ mẹ ka ya ká ụya mụnẹ, yê sụ ùnè pooro, o kú du yi eyi.

Ayịsaya 2:17

Dị ọ za avaba ịsị ọza ee sii wu ika dị ọ vara a ụtẹ, ịsa aza aa sịị mẹ eyi dị ọ vara a ịrẹyị ụhị. Ịhị ọnọọ Ẹnẹyịmavara ịnya kẹnẹ aza vaa sị ụbanyịị yị nị.

Ayịsaya 2:22

Avọọ asị ụ rẹ sị ayị tụra ọzarẹyịrẹsụ. Ẹ yị nyị ịsị ọza vị.

Ijeremaya 23:15

Avọọ, Ẹnẹyịmavara Ochẹtẹẹngụ aa kà a yị ọnịsẹ ene hi Ijerusarẹmị ka, ọnị vaa sị avị ọnyịrẹyị yị waa rị, dị ọnị sị enyi ana nyị ẹchịpa yị wa ka e hú ọ. Ka ẹnịnị ẹ raa mẹ ka ebira odivi ọ̀ gara hi ẹtẹ avaba aha.

Ijeremaya 24:10

Ẹnẹyịmavara kà ọnị vaa kụ́ ịrẹkụ, ụngwẹ ọnịrị ụkụ vee tù wa. Avọọ ọnị mẹ vaa mẹ wa pooro nee tu ka asị ọza ịnya kụkụ vọ tụ ịnị ẹtẹ ọnị ọnị sị yị ẹnịrị ohiku ẹnịnị nị.

Ijeremaya 25:15

Ẹnẹyịmavara, Ohomorihi Anisirẹrị ộ kà a yị Ijeremaya ka, ọ̀ dọ ịpa eche ọnị ọnị và ọyịkụ anị hi aanị hụrẹ ọnị ụvọ. Ọ kà Ijeremaya ọ̀ sị ọ ne tu avaba anẹkụra ọnị ọnị ọọ tụ ọ hi, dị ọ̀ mẹ ka ẹnịnị è hú ọ.

Ijeremaya 44:27

Ọ kà, ọnị ẹ́ yị ma vana zẹẹ ka ò zé wụ nịnị, ama ọnịvị awụ nịnị vị ene vee vu wu nịnị ẹtẹ. Avaba awụ nịnị vị ene vee su, dị ẹ yị nyị ọza ana vẹtẹ. Ọza ọnị ịrẹkụ ẹ̀ yị wụ, dị ụkụ wụ ọ.

Ijeremaya 49:37

Ọ kà, ọnị vaa mẹ ka Anerami ee hí angwa ọnịvị ẹnịnị enee sì wa isu. Ayị anaa kụ ọnị, ọnị vaa kụ ẹngụkata tu Anerami, dị ọnị tụ isoja ịrẹyị tu wa nee tu ọnị ọ sị wa vú ẹtẹ kwooze.

Ijeremaya 8:14

Dị ẹnị aza Ohomorihi ka, sị ẹnị yaatụ ịzị ẹnaanị ee zi? Ẹ ka, a vẹ ẹnị e dudu zwe ne hi ẹkụra ana a jị ọvọ kara, dị ẹnị è sú hi ịzọọ. Ka, Ẹnẹyịmavara, Ohomorihi ẹnịnị ọ sị ẹnị hụrẹ ụvọ yị isu, ọ raa sị ẹchịpa yị ẹnị ka ẹnị è hú ọ; ka ẹnị ẹ sị ebira odivi mẹ hi ọ.

Arụwẹ 3:15

Ohomorihi ọ raà dà ụya ana ngụ ajẹ yị ọnị rị, dị ọ sị àyodu mẹ enyi yị ọnị ka ọnị oo hú ọ nị.

Arụwẹ 3:19

Ariro ịrẹyị ụya ọnị ọnị aa rị, ọnịrị ọyị vachi vahịrẹ anị, vị ana sị mẹẹ anka ọza o rere hú ẹchịpa avọọ nị.

Ezikẹẹrị 5:12

Ọ kà, achẹta awụ nịnị vị ọnị ụkụ ọnịrị ụngwẹ vaa wụ̀ wụ ha. Dị aa kụ́ ịrẹkụ va wụ achẹta awụ nịnị ọsa. Achẹta awụ nịnị ana vọ vị ọnị, ọnị Ẹnẹyịmavara vaa tụ̀ ụhwọ, dị ọnị dụ wa ne hi avaba aha.

Ezikẹẹrị 5:2

Ẹnẹyịmavara kà ịjị ọpa ẹkụhị ọnị ọnị aa yà ịnị ẹngụkataa vị̀ ọọ sị gụ, ọnị ọ̀ sị oze ọnyara ịnị ẹyị anị ọnọọ, dị ọnị ọ̀ rị ọ ịra Ijerusarẹmị. Ọ kà ọnị ọ̀ rẹ sị oze ọnyara ọsa, dị ọnị ọ̀ sị ụhwọ yẹrẹ ẹ và hí ẹtẹ kara Ijerusarẹmị. Ọnị ọ̀ sị oze ọnyara ana vọ dị ọnị ò hira a và hí ịnị ahị, agụvị ka ọnị Ẹnẹyịmavara vaa tụ ụhwọọ dụ Anijerusarẹmị nịnị.

Iwe Ọhụhị Imosiisi ana aa hị́ Ọyịvatụrọda 28:36

Ẹnẹyịmavara vaa dụ ẹwụrị ohinọyị awụ nịnị nee hi ẹkụra ọsa, ịzị ẹwụrị ohiku awụ nịnị ẹ̀ yị vịdị ra da. Ụ vaa yà ịzọọ, dị ụ wa hẹkẹ ori ana a sị ọchị ọnịrị ịrẹta bẹ.

Iwe Ọhụhị Imosiisi ana aa hị́ Ọyịvatụrọda 29:18

Re ka ẹ yị nyị ọnọrụ, a vị ọnyẹnẹẹ, a vị ovwoovu ọnyọọnyị, a vị ịrẹsụ ana ya ịzẹnị ajịnị ana va hụrẹ ịrẹma Ẹnẹyịmavara Ohomorihi ayị na hẹkẹ ori anẹkụra ẹnẹẹ. Re ka ẹ yị nyị ọza awụ nịnị ana vị ẹchịpa ọnyịrẹyị.

Ẹtore 8:11

Ịrẹha ụzọmị ọnọọ ọ rị ẹchịpa nị. Dị achẹta enyi ẹnẹẹ kụkụ aa nyịrẹyị, dị aza ọrụrụ-ọrụrụ ene hú enyi ọnọọ sú, agụvị ka aa nyịrẹyị nị.