Ijeremaya 9:13 - IWE ỌNỊNỊ

¹³ Dị Ẹnẹyịmavara tụ́ ohi ka, ịsị ẹ kụ avaba ọsọnị vẹ ọ vị ka, aza anị ệ hụrẹ ịrẹyị anị ụvọ tịtẹ nị. Ẹnịnị ẹ yị wụ́ chire ọnị. Ẹnịnị ẹ yị saasa ịrẹyị anị.

Ijeremaya 9:13 ပူးပေါင်းရင်းမြစ်များ

2 Ịtọpa 7:19

Ama Isoromọnị ọnịrị aza anị ẹ̀ẹ na sị ahụ jịnẹ ọda anị ọnị ọnị raà sị yi wa, dị ẹ na hẹkẹ ori nịnị,

Ẹzịra 9:10

Ohomorihi ayị, sị ị vana nyẹngụ ka booro aanị? Ya raà sị ahụ jịnẹ ọda awụ ịrẹma avaba ịsa ẹnẹnị ọnị ụ mẹ yị yị.

Ahẹ Ụgama 119:53

M mè re ka aza edivi ẹ yị saasa ọda awụ, ayị amị vị ana aa dà ọva.

Ụhịrẹyị 28:4

Aza ẹnẹ ẹ yị saasa ọda Ẹnẹyịmavara vị anaa tụ́ aza ọhịmị ụka. Ama aza anaa saasa ọda anị vị ana va eyi ịrazị ka aza ọhịmị.

Ijeremaya 13:10

Ọ kà aza edivi ẹnẹnị ê yi ka ẹnị ẹ yị saasa ịrẹyị anị. Ayị ẹnịnị ộ katẹngụ, dị ẹ vị ẹnịrị ebira odivi nị. Ẹnịnị ẹ naa tanaa tụra ẹtẹ yị ori nịnị, dị ẹ yaa hẹkẹ wa nị. Agụvị avọọ, ẹnịnị vị ana vaa sị mẹ̀ ẹ anka ụbaja anaā sịị sụ́ ọtẹ ẹnẹ ẹ yị nyị ịsị ọkụkụ rụra mẹ aanị.

Ijeremaya 22:9

Ẹnịnị vee tụ́ ohi ịjị ọnọọ ka, agụvị ka waa hụrị ụvọ ịrẹyị ẹwụrị ọnị, Ohomorihi awụ nịnị dudu dọ beri nịnị yọ nị. Wa naa hẹkẹ ori nịnị, dị waa kụụ yị wa nịnị nị.

Ijeremaya 5:19

Ijeremaya ka, Ẹnẹyịmavara kà, ịjị ẹnịnị ee họ̀ use ka sị ẹ vẹ dị ọnị Ẹnẹyịmavara maanị mẹ, ọnị ọ̀ ka ẹ yị wa ka, anka ẹnịnị mẹ va ịrẹma anị naa hẹkẹ ori ọzọga-ọzọga ịnị ẹtẹ ẹnịnị avọọ, avọọ gẹdẹ-gẹdẹ ẹnịnị mẹ va naa hẹkẹ azọga ẹkụra ọsa nị.

Ijeremaya 7:26

Ama ẹ yị nyị ọza ana wụ́ ịrẹyị anị. Ayị awụ nịnị ộ katẹngụ, dị ahịka udivi ọnị waa mẹ nịnị o huna ohiku awụ nịnị nị.