Ijeremaya 8:22 - IWE ỌNỊNỊ

²² Ọ kà, aanị ka ẹ yị kụkụ nyị ahọ̀nọ ẹtẹ Anigiriyadi? Aanị ka ẹ yị kụkụ nyị Idokita ịzọọ? Sị ẹ vavẹ dị ẹngụ aza anị ẹ̀ẹẹ yị va nịya?

Ijeremaya 8:22 ပူးပေါင်းရင်းမြစ်များ

Oyinyima 37:25

Di e ne hi ẹtẹ dị ẹ yaa rị ịsa nị. Ẹ mẹ̀ kana eyi, di e re anusoze ana vi Anisimẹrị ka ệ kụ́ ịnyaakụmị hụrẹ Igiriyadi aa vẹ nị. Ệ kụ́ ụsụ ọchị ozoza irenyi-irenyi ana katarihi ana a sịị mẹ̀ ịsa anaā dagụ ozoza dị a rẹ sịị mẹ ahọ̀nọ tụra ịnyaakụmị ẹnịnị. Ẹnịnị vị ana aa nọ Ijipiti.

Oyinyima 43:11

Dị ada ẹnịnị tụ́ wa ohi dị ọ ka, “Ẹhẹẹ, àa vị avọọ yọ, â nyị ịsị a vọrọ ka ẹ mẹ. Ọ kà ẹ̀ Sị ịnị ẹtụtụ ene zoza hu ịnị ẹtẹ ọnọnị za, dị ẹ sị na mẹ ọnọrụ ọnọọ ẹyịza. Dị ọ rẹ ka Ịnị ịsa ẹnẹ ẹ yaa sị, ẹ̀ sị ẹhụ, ọnya ọchị ana sị wụ ozoza irenyi-irenyi ne beri ẹtụtụ ọchị ipisitachiyo ọnịrị arịmọndị naa yọ.

Ijeremaya 14:19

Anijuda nịnị ka tee! Vị Ẹnẹyịmavara wa kụkụ sị ẹnị yi tịtẹ samị-samị nị? Ẹ ka, vị Ẹnẹyịmavara waa kụkụ nyị ịhyẹrẹ Anịzayọnị nịnị nị? Sị ẹ vẹ dị ọ maanị kụ ẹngụkata odivi tu ẹnị ka, asị ẹngụ ẹnịnị zụ nịya? Ẹnị ee zi ka ẹnị a vaa nyị ẹngwọọrọ, ama ẹ yị nyị ịsị ọyịza anaa mẹẹ tu ẹnị vụrụ-vụrụ. Ẹnị èe zị ka ẹngụ ẹnịnị aa vaa nịya, dị ahịka ayịhụrịnẹ ọ rẹ vẹ nị.

Ijeremaya 22:6

Ọ kà, irehi ohinọyị Ijuda oo zoza anka ẹtẹ Anigiriyadi ọnịrị ataba Ịrẹbanọnị avọọ eyi anị; ama ọnị vaa hụ́ azaa hụụ ịzọọ, dị ọza ẹ yị ma vana rá ịnị anị.

Ijeremaya 46:11

Ẹnẹyịmavara kà, ẹwụ nịnị Anijipiti, ẹ̀ nọ ẹtẹ Anigiriyadi dị we ne si ahọ̀nọ nịnị. Ẹ́ yị rẹ va nyị ịsị ahọ̀nọ awụ nịnị zụ mẹ. Ẹ́ yị nyị ịsị ẹ zụ mẹ wụ nịnị ụkụ o.

Ijeremaya 51:8

Ụvọ ô ku Ịbabịrọnị, asị o vú ẹtẹ. Waa jị òrèrè anị nịnị. Ne sì ahọ̀nọ va tụ ịnị ụnava anị yọ nịnị ka ẹyịyara ọ vaa vị.

Ijeremaya 6:7

Enyi meē hi ẹtẹ ịnị ịkangga avọọ, avọọ ebira odivi-odivi mẹ gwẹtẹ Ijerusarẹmị nị. Ebira ụkata-ụkata ọ̀yị sị mẹ ịrẹyị ọnịrị ịsa oyi du ha aa wụ́ ịzọọ nị. Ụkụ ọnịrị ụnava kẹnẹ ọnị ee re ịzọọ nị.

Ijeremaya 9:1

Ijeremaya ka, aa yẹ, ẹyị anị oo và enyi anka enyi anaa tụ̀ hụụnị eteesu avọọ. Dị ọnị oo jị òrèrè pooro kẹnẹ ọọdụ ọnịrị ịrahụ, agụvị aza anị ana a wụ̀ ha aanị.

Ijeremaya 9:11

Ọ kà, Ijerusarẹmị vị ọnị ọnị vaa jị eburu dị ahịka irezi ịnị avị ẹ kụkụ aa ngụ ịnị anịị zị ụmẹ tụra ụmẹ nị. Ọnị vaa tụ ẹkụra ene hi Ijuda osusu, dị ẹ yị nyị ọza ana kụkụ ra ịnị anị.

Arụwẹ 2:13

Hoo! Anijerusarẹmị ana a maanị sì ịrẹyị anị. Sị mị nyẹngụ kà? Sị mị zụ sị ayị awụ nịnị nẹtẹ aanị? Ẹ yị nyị ọza ana maanị rị ẹngụ ụya ọnọnị da o. Ịrẹyị odivi ene tu wụ aanị ọ sị dẹngụ baaba. Ẹ yị nyị eyọtụra vụrụ-vụrụ?

Ezikẹẹrị 27:17

Anijuda ẹnịrị Anisirẹrị nịnị ee pe wu nịnị sẹ ohu. Ịsọyịrị, ẹhụ, angwẹ orivi, ọnịrị ahọ̀nọ ẹ sị vaa hị́ ịsa ịdị awụ nịnị nị.

Ịrịka 32:1

Ẹtẹ Irubẹnị ọnịrị Igadi nịnị ẹ̀ nyị ịsụpa rụrụ hu nị. Ịjị ẹnịnị re ka ẹtẹ Ijaza ọnịrị Igiriyadi o zoza ọyị kụ́ ịsụpa rị nị,

Iruuku 8:43

 nyị ọnẹẹ ọnya aanị, ene ee re ịnẹ ọtọtọnya pooro hụrẹ ịrayị ẹwụrẹva. O reè du avaba ogu ọnọọ nyị ha ị́dị ọmahọnọ nịnị, ama ẹ yị nyị ana va zụ mẹ̀ ẹ ụkụ.