Ijeremaya 8:19 - IWE ỌNỊNỊ

¹⁹ Sị ụtọ pe ẹtẹ, ịzị waa zị ịnị ẹkụra kẹnẹ, vị ọnị aa wụ̀ aza anị maa jị òrèrè. Ẹnịnị ka, aanị ka vị Ẹnẹyịmavara ẹ yị kụkụ ya nị? Aanị ka vị ohinọyị ẹ̀ yị kụkụ yà ịzọọ nị? Dị Ẹnẹyịmavara, ohinọyị ẹnịnị tụ́ ohi, dị ọ ka sị ẹ vẹ dị ụ na hẹkẹ ori nịnị, dị wee ku ẹtẹ yị ori ọzọga kẹnẹ-kẹnẹ ọnị ụ na dọ nịnị, dị waa sịị mẹ ayịị kụ ọnị nịnị?

Ijeremaya 8:19 ပူးပေါင်းရင်းမြစ်များ

Ahẹ Ụgama 135:21

Waa kụ Ẹnẹyịmavara avọ ọnịrị Ijerusarẹmị ana vi eehi anị nịnị. Waa kụ́ Ẹnẹyịmavara avọ nịnị.

Ahẹ Ụgama 137:1

Ụtọ okuha Ịbabịrọnị ị yaayịtẹ hi, di i nyima aa jị òrèrè i mè ree ro ịrẹyị nị.

Ahẹ Ụgama 146:10

Ẹnẹyịmavara ọ vị ohinọyị pooro zịna-zịna nị. Ohomorihi awụ vị ana rị ohinọyị pooro zịna-zịna. Waa kụ́ Ẹnẹyịmavara avọ nịnị.

Ahẹ Ụgama 149:2

Ẹwụ nịnị Anisirẹrị, waa jẹ agụvị Ohomorihi ana mẹ wụ nịnị. Ẹwụ nịnị Anịzayọnị, waa jẹ agụvị ohinọyị awụ nịnị.

Ahẹ Ụgama 31:6

Ayị aza ana aā hẹkẹ ori vị ana aā kụ́ mị ẹwụ kẹnẹ ẹmị sị ayị tụra nị.

Ayịsaya 1:4

Ho! wa sị dà nịnị ẹwụ nịnị aza edivi ẹnẹnị, ẹwụ nịnị eni ebira odivi maanị nyayịnẹ chi ẹngụ aanị. Ezi aza edivi ụ vị nịnị nị. Wa sị ẹmị Ẹnẹyịmavara yi tịtẹ nịnị, ẹmị ọnịnị ana vị Ohomorihi Anisirẹrị ụ và ịrẹma kà nịnị aanị nị.

Ayịsaya 12:6

Navọ avaba aza ana ra Ịzayọnị ọsị ọngwẹ tụ ẹba jị ahẹ! Ohomorihi ọnịnị Isirẹrị ọọ nyị ụbanyị, ọ yà ịnị akakana aza anị.”

Ayịsaya 13:5

Ezirẹkụ ẹnẹẹ vị ana hụrẹ avaba ẹhẹ vẹ. Ẹnẹyịmavara vaa kụ́ ịrẹkụụ vẹ dị ọ sị va wụ̀ avaba anẹkụra ẹnẹẹ.

Ayịsaya 33:22

Avaba ẹnya ana aā kụ́ụ hi ini ẹpa ẹnẹẹ vị ana vaa vi osusu. Ọchị ọgọdọ ana a mẹ jẹẹ ịnị ẹpa vị ana vaa ma. Ọza ọ yị rẹ vaa gana ịta ana a sịị dọ ahị. Ogu ọnịvị ayị vị ọnị ị vaa kụ́. Ogu vaa gwẹtẹ, di oswahụ nịnị ẹnị re re kụ́ bẹẹ. Ọ vavọọ vaa yà agụvị ka Ẹnẹyịmavara ọnị ụvọta ọ vaa vị ohinọyị ayị, dị aa mẹ ịjọvaa tụra yị nị. Ọnị aa sị ọdaa yị nị ọnị ọ rẹ vaa dọ yịị há nị.

Ayịsaya 39:3

Dị ọnịsẹ Ayịsaya ne tụ ohinọyị Ihezekaya, dị ọ họ̀ ọ ka ịzị aza ẹnẹẹ hụrẹ vẹ? Ịsị ẹ ka yọ? Dị Ihezekaya kà Ịbabịrọnị, aha ene noze ẹ hụrẹ vẹ nị.

Ayịsaya 52:1

Ẹwụ nịnị Anijerusarẹmị kwẹẹtẹ, kwẹẹtẹ wa sị tụ ụkata nịnị. Ẹwụ ẹkụra ọnịnị Óhomorihi, waa mẹ ụbanyị anka ọza ọ̀ọ kụ́ ịta ozoza hi ẹngụ avọọ. Aza ẹnẹ ẹ̀ yị jị ụvẹvẹnẹ, ọnịrị aza ẹnẹ ẹ̀ yị nị, ẹ yị vaa zị oze ọbanyị awụụ paraahu.

Ijeremaya 10:15

Ịsa kẹnẹ ẹnịnị vị nị. A sị eyi wụ̀ wa. Ịjị ụmẹ ọkarẹyị ẹnịnị oo tu, e vee vu wa ẹtẹ.

Ijeremaya 14:19

Anijuda nịnị ka tee! Vị Ẹnẹyịmavara wa kụkụ sị ẹnị yi tịtẹ samị-samị nị? Ẹ ka, vị Ẹnẹyịmavara waa kụkụ nyị ịhyẹrẹ Anịzayọnị nịnị nị? Sị ẹ vẹ dị ọ maanị kụ ẹngụkata odivi tu ẹnị ka, asị ẹngụ ẹnịnị zụ nịya? Ẹnị ee zi ka ẹnị a vaa nyị ẹngwọọrọ, ama ẹ yị nyị ịsị ọyịza anaa mẹẹ tu ẹnị vụrụ-vụrụ. Ẹnị èe zị ka ẹngụ ẹnịnị aa vaa nịya, dị ahịka ayịhụrịnẹ ọ rẹ vẹ nị.

Ijeremaya 14:9

Ẹ ka sị ẹ vẹ dị ọnị kụkụ sị mẹ anka ọza ọnị ịrẹyị hụrẹ hi avọọ? Dị ọnị aa mẹ anka isoja ẹnẹ ẹ yị nyị ụkata ọyị gụ ọza ụvọ avọọ? Ẹ ka, ịzẹyịza, ọnị Ẹnẹyịmavara jẹẹ pe ẹnị. Aza anị ẹnị vị nị, aarịhịnị asị ọnị hụrẹ ẹnị ụvọ.

Ijeremaya 2:5

Ẹnẹyịmavara kà: Sị ẹ vị akụvị anị ọnị ohiku awụ nịnị re ẹnẹ ẹnịnị sị re ọnị zwe? Ẹnịnị ẹ naa hẹkẹ ịsa kẹnẹ-kẹnẹ, dị ẹnị ụvọta ẹnị rẹ kụkụ vị aza kẹnẹ-kẹnẹ nị.

Ijeremaya 27:10

Ireche e yee che wụ nịnị nị, ọ̀ vavẹ ịrẹma anị vị ọnị ọnị vaa dụ wụ nịnị tụ ẹhẹ, dị a kụ wụ nịnị huu hụrẹ ẹtẹ awụ nịnị, dị ụ ne vú ẹtẹ nịnị nị.

Ijeremaya 31:6

Ka ẹkụhị aa vẹ ọnị oserẹtẹ vaa yà ịrẹsụ ataba Ehwireemi dị ọ hị́ aza ka! Aa kwẹẹtẹ, dị aa vaa hịrẹ nọ ne tu Ẹnẹyịmavara Ohomorihi ayị.

Ijeremaya 32:30

Ẹnẹyịmavara kà hụrị ụmẹ ọnị Anisirẹrị ọnịrị Anijuda sị nyima ẹhẹ ẹnịnị, ayị anị é yi hine tu wa. Avaba ịsị ẹnịnịị mẹ vị ẹnẹ ẹ sịị mẹ ayịị kụ ọnị pooro.

Ijeremaya 7:19

Ẹnẹyịmavara kà, ọnị ẹnịnị waa vana ka ẹnị aa mẹ ayị kụ nị? Ọ kà, ẹngụ ẹnịnị ẹ yaa zama nị. Ẹngụ ẹnịnị ẹ yaa mẹ̀ ụhị nyị nị.

Ijeremaya 8:20

Dị aza na owu zẹtẹ, dị ẹ ka, ụmẹ ọhahị ọ sị parahu, á raa kụ ịsị ịnị aarẹ gụ, ama ọza ẹ yị vaa dọ ẹnị ha.

Ijeremaya 9:16

Ọ kà ọnị vaa gara wa hi ịnị akakana aza ọnị ẹnịrị ohiku ẹnịnị ẹ yị vịdị yẹ. Ọnị vaa kụ ịrẹkụ tu wa, dị ọnị dụ wa nee tu ịjị ọnị ọọ sị wa vú ẹtẹ saka-saka.

Ezikẹẹrị 48:35

Ụgọdọ avaba ọvọ ana a tụra kara Ijerusarẹmị vị okuvọ akahị-akahị oze ịhịịna. Hụrị ọyaanị na, ịrẹha ẹkụra ọbanyị ọnọnị á vanaa hị́ Ẹnẹyịmavara ya ịzẹnị nị.

Ijowẹrị 2:32

Ịnị ụmẹ ọnọọ, Ẹnẹyịmavara vaa dọ ọza tụra ọza ana aa hị́ ọ há. Anka Ẹnẹyịmavara mẹẹ kà a, Aza ana ya ịnị ataba Ịzayọnị ọnịrị Ijerusarẹmị vaa ha. Ịnị ẹngụ aza ẹnẹẹ Ẹnẹyịmavara wo oto ka aza ọnị ọnị hị́ vaa ya nị.

Ijowẹrị 3:21

Ẹnẹyịmavara kà ọnị ya ịrẹsụ ataba Ịzayọnị, ọnị vaa họ̀ oponu ịrẹyị aza anị ana a wụ̀ kẹnẹ-kẹnẹ. Ọnị vaa dọ ịrẹvụ ẹnịnị vụ.

Ọbadaya 1:17

Ama Anisirẹrị nịnị vaa dọ ẹtẹ ana vị ẹnịnị varẹma hụụnị ụvọ aza ana ba wa uchi ụvọta. Ijerusarẹmị vaa vị aha ọnịnị ịzị aza vee zwe naa tẹ̀ hi.

Imika 4:9

Anijerusarẹmị, sị ẹ vẹ dị ụ maanị aa tụ̀ orere boro-boro? Sị ẹ vẹ dị wee nowu anka ọza ana aa barẹẹ avọọ? Vị waaa nyị ohinọyị nịnị nị. Mâ yẹ ka e zụ pe wu nịnị juwe ộ!

Ịzẹhwanaya 3:15

Ẹnẹyịmavara ọ raà za ụya awụ nịnị jẹẹ. Ộ sị ọnịvị awụ nịnị dụ kwooze. Ẹnẹyịmavara ana vị ohinọyị Anisirẹrị jẹ wụ nịnị ịrẹma. Ẹ yị nyị ka we kuku hí angwa nịnị.

Ịzakaraya 2:9

Ẹnẹyịmavara Ochẹtẹẹngụ kà ọnị ụvọta vaa kwẹẹtẹ tù wa, dị ọrịhị ẹnịnị ẹnị rẹ sị ụkata-ụkata kụ́ wa ẹnya. Ịjọnọọ ẹnịnị vaa yẹ ka Ẹnẹyịmavara Ochẹtẹẹngụ ọ tụ́ ọnị ụtụ nị.

Odeyi 14:15

“Anda ayị nịnị, sị ẹ vẹ dị ụ maanị aa mẹ nịnị aanị? Ọza anka ẹwụ nịnị mẹ̀ rẹ yà ị vị nọ! Yâ vẹ ịzẹnị ka ya va kà enube ọyịza wụ nịnị, ka wa và hụụnị ịsa kẹnẹ-kẹnẹ ẹnẹnị, dị ụ wa và ká Ohomorihi ana yàra na nịnị! Ohomorihi ọnọọ ọ mẹ ẹbẹẹba ọnịrị ẹhẹ beri òkū ọnịrị avaba ịsa ene hi ịnị ẹnịnị nị.

Iwe Ọhụhị Imosiisi ana aa hị́ Ọyịvatụrọda 31:17

Ẹnịnị ẹ̀ẹ vavọọ mẹ, Ẹnẹyịmavara kà ọnị vee du ayị hi wa, di o yi wa tịtẹ, di e vu wa ẹtẹ. Ịrẹyị odivi-odivi vee tu wa, dị ẹ vaa yẹ ka ịsa ẹnẹnị vị enee tu ẹnị agụvị ka ọnị ọ sị va ịrẹma ẹnịnị.

Ẹtore 2:1

(Ọza oni mi re ka): Chẹrẹ iwe tụ́ hi anggẹẹrị ana sị eyi pe ịragụ Ohomorihi ana yà Ẹhwẹsọsị ka: Ọza ana kụ́ ụzọmị ịhịmba tụ́ ịnị ụvọ anị dị aa zị ụsẹ ịnị akakana ịzị aā sị ozotupaa tụ́ ịhịmba ana a sị igooru mẹ avọọ, ọ tụ́ mị ụtụ ọnọnị nị: