Ijeremaya 8:18 - IWE ỌNỊNỊ

¹⁸ Ijeremaya ka, tee! ayodu anị ộ dà banyị kẹnẹ ịnẹ aa zị ọnị.

Ijeremaya 8:18 ပူးပေါင်းရင်းမြစ်များ

Ahẹ Ụgama 143:7

Ẹnẹyịmavara, navọ we juntu tụ́ mi ohi, ka eyi awụ ộ tụra mị pooro, o kú du mị eyi. Navọ asị ụ sị ẹngụ awụ tẹ yị mị ka à yị vị avọọ m me wusu.

Ayịsaya 22:4

Navọ mị maa jị òrèrè aza amị ana a wụ. Asị ụ kà mị ka me kú irenu.

Ijeremaya 23:9

Ijeremaya ka, ayị anị ọ sị sị rugurugu. Ẹngụ anị aa dá ẹgahị. Ọnị ragaragaa zị ọza ene eche aa mẹrị avọọ. Ẹnẹyịmavara ọnịrị ịrẹyị ọnị ọ kà, ọnị kụkụ sị mẹ anka ọza ene hú eche ẹnẹmẹhị dị aa mẹrị ọ avọọ nị.

Ijeremaya 4:19

Ijeremaya ka, aa daa zị ọnị, ọnị ẹ yị kụkụ zụ zaa. Ayị anị ọ sị vazi, di ee ji bii-bii nị. Ọnị ẹ yị zụ sị irenu anị ku oku. Ọnị ộ wụ́ ịkakanchị ịrẹkụ; ọnị ộ wụ́ owu ịrẹkụ.

Ijeremaya 6:24

Dị Anijerusarẹmị nịnị ka, ẹnị ệ vavọọ wụ ọ, dị ẹngụ ẹnịnị wusu nị. Ayịhụrịnẹ ọ sị ẹnị za va hi ẹtẹ, dị ẹnị ee rimanya anka ọnẹẹ ọnị ịrẹẹ aa zị avọọ nị.

Ijeremaya 9:1

Ijeremaya ka, aa yẹ, ẹyị anị oo và enyi anka enyi anaa tụ̀ hụụnị eteesu avọọ. Dị ọnị oo jị òrèrè pooro kẹnẹ ọọdụ ọnịrị ịrahụ, agụvị aza anị ana a wụ̀ ha aanị.

Arụwẹ 5:17

Ịrẹyị ẹnẹnị ẹ raa mẹ ka ayị ayị ọ va zi, ẹgọ ẹ yị kụkụ zẹẹ ka ye re ẹtẹ ẹtẹẹrẹ ị maa jị òrèrè,

Ihabaku 3:16

Ịjị Ihabaku wụ́ avaba ịsa ẹnẹnị, dị ayị hụrẹ ẹ ịnẹ, dị ẹgahị ngụ ọ ẹngụ nị. Di o ne ku hẹẹ ee zi ịhị Ohomorihi vaa sị ụya rị ọnịvị ẹnịnị ana kụ́ ọ ka ẹnị ụhwẹ aanị nị.