Ijeremaya 8:14 - IWE ỌNỊNỊ

¹⁴ Dị ẹnị aza Ohomorihi ka, sị ẹnị yaatụ ịzị ẹnaanị ee zi? Ẹ ka, a vẹ ẹnị e dudu zwe ne hi ẹkụra ana a jị ọvọ kara, dị ẹnị è sú hi ịzọọ. Ka, Ẹnẹyịmavara, Ohomorihi ẹnịnị ọ sị ẹnị hụrẹ ụvọ yị isu, ọ raa sị ẹchịpa yị ẹnị ka ẹnị è hú ọ; ka ẹnị ẹ sị ebira odivi mẹ hi ọ.

Ijeremaya 8:14 ပူးပေါင်းရင်းမြစ်များ

2 Ịsamụwẹrị 20:6

Di Idevidi va kà a yị Abisayi dị ọ ka, “Wáá yẹ ka ịsa oni Ịsẹba raa mẹ yi o vee divii hu ịsa anị Abịsarọmị mẹ yị nị. Kwẹẹtẹ booro aanị dị wa kụ́ ezi ahụ amị dị wa wụsẹẹ dụ ọ na. À yị vị avọọ ọ nyayịnẹ na ngụ ịnị ẹkụra ana a jị ọvọ kara, dị ọ sị tụ̀ yị ụvọ.”

Ahẹ Ụgama 39:2

Mê kú oku irenu, dị mị tịtẹ hẹẹ nị, me yi tụ́ ohi ịrẹyị ọ̀ọ daka vị ịrẹyị ozoza, Ẹngụkata amị vị ana aa yịị banyịị hu avọọ.

Ahẹ Ụgama 69:21

Ệ sị ẹchịpa tụ́ ịnị ịsa amị ka maa rị ọ. M mẹ̀ ka enyi aa kụ̀ mị, dị ẹ sị eche ana sị sụ́ ịrẹyị mị ka me hú ọ nị.

Ayịsaya 47:5

Ẹnẹyịmavara ộ kà a yị Ịbabịrọnị ka, “Na ya ịnị ịrahụ, dị wa yaatụ, a sị ụ kà ịrẹyị. Ọza ẹ yị ma vana hị́ wụ ohinọyị anyẹnẹẹ ẹkụra nịnị.

Ijeremaya 14:20

Ẹ ka, ẹnị ệ dọ irenu ebira odivi ẹnịnị ọnịrị ebira odivi ohiku ẹnịnị ka ẹnị ệ rị ịvị Ẹnẹyịmavara.

Ijeremaya 14:7

Ẹnẹyịmavara kà, aza anị aa jị òrèrè ka, ịzẹyịza, ịvị ẹnịnị aa dọ ẹnị ivenu de, ama, ọnị navọ ọnị ọ̀ gu ẹnị ụvọ anka ọnị mẹ vịdị kà a. Ẹ ka, ụmẹ ọrụrụ-ọrụrụ ẹnị sị va ịrẹma Ẹnẹyịmavara nị, ẹnị ẹ raa rị ịvị anị.

Ijeremaya 23:15

Avọọ, Ẹnẹyịmavara Ochẹtẹẹngụ aa kà a yị ọnịsẹ ene hi Ijerusarẹmị ka, ọnị vaa sị avị ọnyịrẹyị yị waa rị, dị ọnị sị enyi ana nyị ẹchịpa yị wa ka e hú ọ. Ka ẹnịnị ẹ raa mẹ ka ebira odivi ọ̀ gara hi ẹtẹ avaba aha.

Ijeremaya 3:25

Ẹ ka, à jẹẹ vị ẹnị sụtẹẹtẹ và hí ẹtẹ ụhị-ụhị, agụvị ka ẹnịrị ohiku ẹnịnị ẹ sị ebira odivi mẹ hi Ẹnẹyịmavara, Ohomorihi ẹnịnị. Ẹ ka, ẹnị mẹ hụrẹ vị ozweyi, pooro va ngụ ajịnị, ẹnị ẹ yị wụ́ chire Ohomorihi da.

Ijeremaya 35:11

Ama ịjị Inebukadineza ohinọyị Ịbabịrọnị kụ ịrẹkụ va ngụ Ijuda, dị ẹnị ka, a vẹ dị ẹnị ẹẹ vị Ijerusarẹmị agụvị ka angwa isoja Anibabironi ẹnịrị Isiriya ee hi ẹnị nị. Ịsị ẹ vana sị ẹnị va ra Ijerusarẹmị yị.

Ijeremaya 9:14

Ama ẹnịnị ệ me ayị ọkatẹngụ, dị ayị ẹnịnị kẹnẹ ẹ yaa saasa nị. Ẹnịnị ẹ naa saasa ori ana aā hị́ Ịbaarị anka ada ẹnịnị mẹ kọ ọ yị wa.

Ijeremaya 9:15

Avọọ, sị ụtọ pe ẹtẹ dị wa wụ ịsị ọnị, Ẹnẹyịmavara Ochẹtẹẹngụ, Ohomorihi Anisirẹrị nịnị vaa mẹ; ọnị vaa sị ịsa ọnyịrẹyị yị aza anịị rị, dị ọnị sị enyi ana nyị ẹchịpa yị wa ka è hú ọ.

Arụwẹ 3:19

Ariro ịrẹyị ụya ọnị ọnị aa rị, ọnịrị ọyị vachi vahịrẹ anị, vị ana sị mẹẹ anka ọza o rere hú ẹchịpa avọọ nị.

Ireevi 10:3

Dị Imosiisi kà a yị Eerọnị ka, á vị ịsị Ẹnẹyịmavara aa kà yịị ka, ọnị vaa sì ẹngụ anịị zụ avaba aza anaa mẹ̀ ụkọrọ anị ka ọnịnị ọnị vị nị, dị ọnị sị igirima anị zụ aza anị. Ama dị Eerọnị vavọọ ee ré ẹtẹ hẹẹ nị.

Emọsị 6:10

A vaa nyị anda ana vẹ ka ọnị ọ vaa rị oku ẹnẹẹ ịra kwooze, ịjị ọ raa kụ́ wa hi ẹhẹ, di o họ̀ use ọza ana vọ ịnị irehi ọnọọ ka, oku ọ́ọ́ vọ? Dị ọ tụ́ ọ ohi ka heyiye. Dị ọ ka pe kẹ, asị a nyị ọza ana ha irenu ta Ẹnẹyịmavara ubo.

Ihabaku 2:20

Ẹnẹyịmavara yaa ịnị irehi anị, ọzọza ọ mẹ̀ hẹẹ ọvịdị anị.

Ịzakaraya 2:13

Avaba aza ẹ mẹ hẹẹ ọvịdị Ẹnẹyịmavara, agụvị ka ọ sị kwẹẹtẹ hụrị aha ọnọnị anị aa vẹ.

Imatiwu 27:34

Ệ sị eche ana a sị ịsa ọnyịrẹyị và hura yọ ka ò hú ọọ. Íjeesu mẹ̀ sị ọọ dá ree, o yi hú ọọ.

Iwe Ọhụhị Imosiisi ana aa hị́ Ọyịvatụrọda 29:18

Re ka ẹ yị nyị ọnọrụ, a vị ọnyẹnẹẹ, a vị ovwoovu ọnyọọnyị, a vị ịrẹsụ ana ya ịzẹnị ajịnị ana va hụrẹ ịrẹma Ẹnẹyịmavara Ohomorihi ayị na hẹkẹ ori anẹkụra ẹnẹẹ. Re ka ẹ yị nyị ọza awụ nịnị ana vị ẹchịpa ọnyịrẹyị.

Iwe Ọhụhị Imosiisi ana aa hị́ Ọyịvatụrọda 32:32

Ọnịvị ẹnịnị ee du ha anka Anisodọmị ọnịrị Igomora. Ẹ sị mẹ anka ọchị ịvayịnị anaa tụ ẹtụtụ ọnyịrẹyị, a vị igirepi ene divi huu ẹchịpa.