Ijeremaya 7:4 - IWE ỌNỊNỊ

⁴ Hụụnị ịrẹyị evene ọnị aza aa kà a wụ nịnị ọ̀yị dọ wụ. Ẹ ka, agụvị ka Irehi Ẹnẹyịmavara yịị ịda awụ nịnị, wa sị ha nịnị.

Ijeremaya 7:4 ပူးပေါင်းရင်းမြစ်များ

1 Ohinọyị 9:7

yẹ ka Anisirẹrị vị ọnị maa kụ́ hụụnị ẹtẹ ọnị mị si yị wa. Irehi ọnọnị ọnị mị sị yị ẹngụ amị aanị vị ọnị maa tụ́ ụvọ kwooze hụụnị ọvịdị amị. Avaba aza vị ana vana sị ịrẹyị Anisirẹrị che ụhị ịrẹyị di e re yee nyị ọ unyi.

Ayịsaya 48:2

Di e yee wu ka ẹnị vị anẹkụra ọnịnị ene chi ayị za Ohomorihi Anisirẹrị ọnị ịrẹha vị Ẹnẹyịmavara Ochẹtẹẹngụ.

Ayịsaya 59:4

Ẹ yị nyị ọza ana sị ịzẹyịza nọ ikootu, ọza ẹ yị ka ịzẹyịza, ireche kẹnẹ e che ayị ka ọ dọ ẹnị ha agụvị ẹnị e re oze mẹ̀ ịsa ọhịmị ene ro ka ọza na.

Ayịsaya 66:1

Ẹnẹyịmavara kà a, ẹbẹẹba vị aha ọyị yaatụ ohinọyị anị, dị ẹhẹ vị ịrẹhụ ọnị ọnị aa kụ́ ahụ hi nị. Ẹngụ irehi si è ro ka ẹnị ẹ zụ da yị ọnị kẹ? Ịzị ẹ vị aha ẹnẹ zụ da ka ọnị ọ ra kẹ?

Ijeremaya 28:15

Ijeremaya ka, ọnị ộ maanị kà a yị Ịhananịya, dị ọnị rẹ ka a tụ ọ yọ ka, Ịhananịya wụ́ o! Ẹnẹyịmavara ẹ́ yị tụ ụ ụtụ, á vị dị waa mẹ ka aza ẹnẹnị ẹ̀ sị ayị tụra ireche ahẹ.

Ijeremaya 29:23

Ẹnẹyịmavara kà, aanị ọ́ mẹ vaa yàa yị wa nị, agụvị ka ẹnịnị ẹẹ rị ịvị ebira odivi irenyi-irenyi ẹnẹ ẹ́ mẹ. Ẹnịnị ệ sị ose ọnọhụva ẹnịnị dị e re yee cheeche ka ọnị Ẹnẹyịmavara ọ tụ ẹnị ụtụ nị. Ẹnẹyịmavara é yi sì ẹngụ ịrẹyị ọnọnị. Ộ yẹ́ ịsị ẹnịnị mẹ, dị ọ́ rẹ vị onivenu tụ ọ nị.

Ijeremaya 29:31

ọnị ọ̀ tụ́ ụtụ ịrẹyị Isemaya ọnọnị hị́ avaba aza ana a za ọrịhị ne hi Ịbabịrọnị ka: Ẹnẹyịmavara kà, agụvị ka Isemaya ọ̀ va kà ụtụ ọnị ọnị ẹ̀ yị tụ ọ yị ụ nịnị, dị ọ mẹ ka wa sị ayị tụra ịrẹyị ireche nịnị nị. Avọọ ọnị Ẹnẹyịmavara kà:

Ijeremaya 6:14

Ụvọ ẹnẹ yaa sị za aza anị ịnị ụnava ẹnị ẹ tụ̀ vị ana sị mẹ anka ọza oo rere họ̀rọ ẹngụ avọọ. Ịrẹyị yị tịtẹ ama dị ẹ yaa kà a yị aza ka ẹ yị nyị ịrẹyị.

Ijeremaya 7:14

Avọọ, ịsị ọnị mẹ Isiiro avọọ, vaa mẹ irehi anị ọnọnị ọnị ụ vavọọ sị ayị tụra nịnị nị. Ọ kà, ọnị ọ vịdị sị ịzọọ yị ẹwụrị ohiku awụ nịnị nị.

Ezikẹẹrị 13:19

Ọ kà, waa hụ agụvị ayị ibaari uvoku ọnya ọnịrị ịbụrẹẹdị ẹjịjị wẹ́ yị sị ụbanyị yị ọnị eyi aza anị nịnị. Waa wụ̀ aza ẹnẹ ẹ̀ yị vọrọ ka è sú nịnị, dị ụ navọ aza ẹnẹ ẹ̀ yị vọrọ ka ẹ̀ yara ka ẹ yara nịnị nị. Avọọ u mee cheeche yị ọza anị, dị ẹnịnị dọ wụ nịnị wụ́ nị.

Imika 3:11

Ohinọyị awụ nịnị vị anaā dọ ochirerenu àaa mẹ̀ ọkarẹyị. Ohirẹsụ irehi Ohomorihi vị ana aa mẹ̀ ụkọrọ ka ọnị ọ̀ dọ ẹkẹhị kẹnẹ. Ọnịsẹ ẹnị raa kà ịsẹ ka ẹnị ẹ̀ sị dọ ẹkẹhị. Ama ẹ yaa kịị kà a kà Ẹnẹyịmavara jẹẹ ẹnị ịrẹma. Ẹ ka Ẹnẹyịmavara jẹẹ ẹnị ịrẹma ẹ yị nyị ịrẹyị ene vee tù ẹnị.

Ịzẹhwanaya 3:11

Dị Ẹnẹyịmavara kà, ịnị ụmẹ ọnọọ, ụhị ọ yị kụkụ vaa nyị aza anị ana vịdị mẹ̀ akamawụ hi ọnị. Ọ kà ọnị va kụ́ aza ana aa sị ẹngụ tụ́ ẹba kwooze, dị aza ẹ yị kụkụ vaa mẹ̀ akamawụ hi ọnị ịnị ataba ọnịnị anị.

Iruuku 3:8

Mẹ ịsa ana vọrọ nịnị kẹ, ana vaa sị zụ̀ ka we reè ro ịnẹ varẹma nịnị! Asị u ne ro o, dị ụ waa kà a ịnị ayị awụ nịnị ka: ‘Ị yàaa nyị Abụrahamị ana vị ada ayị nị,’ Dị ma kà a yị wụ nịnị ka Ohomorihi ọ zụ sị ịrẹta vara ezi, dị ọ sị yị Abụrahamị.