Ijeremaya 7:34 - IWE ỌNỊNỊ

³⁴ Aza vaa hụ́ hụụnị ẹkụra. Ẹnẹyịmavara kà, ọnị vaa mẹ ka asị a kụkụ wụ aahẹ ka aza aa mẹ ayohine ọnịrị ịrajẹ. Dị ọnị mẹ ka asị aza kụkụ zụ jẹ ka vị ẹnị aa nyị ẹngụ nị.

Ijeremaya 7:34 ပူးပေါင်းရင်းမြစ်များ

Ijoovu 3:7

Ịrahụ ọnọọ o tụ osusu. Asị a nyị ọza ene re ayohine ịhị ọnọọ.

Ahẹ Ụgama 78:63

Ịrẹkụ ọ sị ozwọọmụha ẹnịnị rị, ozwoorihi ẹnịnị e yi kuku re ọza ana aa nyị wa.

Ayịsaya 1:7

A sị ẹkụra awụ nịnị tụ́ osusu, dị a maanị rị ọ ịra saka-saka nị. Ịnị eyi awụ googoro, ọzọga nịnị ệ ngụ ịnị aarẹ awụ di e du avaba anị ha nị.

Ayịsaya 3:26

Kụkụ vaa nyị aza ana aa kụ́ụ gụ enoze; ịzọọ vị ana vaa tịtẹ anka ịzị a yà aa jị òrèrè oku avọọ. Dị ẹ tịtẹ kẹnẹ anka ọnẹẹ ana tụ́ ahwaahụ dị ọ yaayịtẹ ini eteesu avọọ.

Ayịsaya 6:11

Di mi ve họ̀ use dị mị ka Ananyị yị, ye re ụmẹ ọnị ọ maanị vaa yà nee tụ̀? Dị ọ ka pooro dị avaba ẹkụra ọnọnị ọ̀ vara eburu dị asị a kụkụ nyị aza ana ra hi ịnị anị, Avaba irehi rẹ vaa tụ́ osusu, di e re du avaba aarẹ ha.

Ijeremaya 16:9

Ẹnẹyịmavara Ochẹtẹẹngụ ka Ijeremaya ọ̀ wụ ịsị ọnị Ohomorihi Anisirẹrị nịnị aa kà. Eyi awụ-eyi awụ, ọnị vaa mẹ̀ ẹ dị aza ẹ́ ma vana wụ́ aahẹ ka aza aa jẹ ịrajẹ ọnịrị ka eyee hine ayị. Ẹ́ ma vana nyị ka vị aza aa nyị ẹngụ anka ẹvarose dị ẹ yaa mẹ aahẹ nị.

Ijeremaya 22:6

Ọ kà, irehi ohinọyị Ijuda oo zoza anka ẹtẹ Anigiriyadi ọnịrị ataba Ịrẹbanọnị avọọ eyi anị; ama ọnị vaa hụ́ azaa hụụ ịzọọ, dị ọza ẹ yị ma vana rá ịnị anị.

Ijeremaya 25:10

Ọ kà ọnị ẹ yị ma vana zẹẹ ka à wụ́ ọngwẹ ẹnịnị ka eyee hine ayị; ọza ẹ yị ma vana wụ́ ọngwẹ ẹnị ka ẹ yaa jẹ agụvị ẹvarose anaa nyị ẹngụ nị. Ọza ẹ yị ma vana wụ́ ka ẹyaa kwọ ịsa. Ịra ẹ yị ma vana za ịnị ozotupa ẹnịnị.

Ijeremaya 27:17

Asị ụ wụ́ ịrẹyị ẹnịnị o! Hụrẹ ẹngụ awụ nịnị ụvọ yị ohinọyị Anibabironiya dị wa yara nịnị. Sị ẹ vẹ dị aa vaa hụ aza hụrị ẹkụra ọnọnị kẹnẹ-kẹnẹ?

Ijeremaya 33:10

Ẹnẹyịmavara kà, aza aa kà a ka ịzị ẹnị ọ sị tụ osusu, ẹ́ yị kụkụ nyị aza à vị ịsụpa ịnị anị vụrụ-vụrụ. Ịzẹyịza yọ nị, ẹkụra ene hi Ijuda ẹnịrị oze Ijerusarẹmị kụkụ vị osusu; ẹ́ yị nyị aza, ẹ́ yị nyị ịsụpa ịzọọ. Ama ịzị ẹnị ọnọnị ọnyọọnya ụ vanaa wụ ka,

Ijeremaya 33:11

aza ee nowu ẹ mee hine ayị dị ẹyaa jẹ ịrajẹ ụ vaa wụ̀ aza maa jẹ dị ẹyaa mẹ aahẹ agụvị ka ẹ yaa nyị ẹngụ. Ụ vaa wụ̀ aza maa jị ahẹ, ẹnịnị ẹẹ sị ẹyịza a vaa kụ avọ ịnị irehi Ohomorihi; dị ẹ ka, aza ẹẹ ku Ẹnẹyịmavara Ochẹtẹẹngụ avọ agụvị ka Ẹnẹyịmavara oo zoza, vị oo sì ịrẹyị ọza pooro nị. Ẹnẹyịmavara kà ọnị vaa me ka ò zee yị ẹkụra ọnọnị anka ịyẹẹyẹ.

Ijeremaya 4:26

Ẹnẹyịmavara maa kụ ayị, ẹtẹ ana vịdị maanị zoza, ọ kụkụ sị vara ụnọmị; avaba ẹkụra anị ẹ sị jị eburu.

Ijeremaya 4:27

Ẹnẹyịmavara ộ vịdị sị ọ ka ka, ọnị vaa jị avaba ẹhẹ eburu, ama ọnị e yi vee vu avaba anị ẹtẹ saka-saka.

Ijeremaya 44:6

Ọ kà agụvị avọọ ọnị vavọọ kụ ayị hi ẹkụra ene hi Ijuda ọnịrị avaba oze ene hi Ijerusarẹmị dị ọnị jị ịra da wa nị.

Arụwẹ 5:14

Azọkụ nịnị ẹ yị kụkụ gẹ enoze oze ana ngụ ẹkụra, ọpa ezweyi ẹnị ẹ̀ yị kụkụ mẹ aahẹ.

Ezikẹẹrị 26:13

Ẹnẹyịmavara kà ọnị vaa za ahẹ ọnị waa jị nịnị avọọ jẹẹ, ọza ẹ́ yị ma vana wụ ka waa mẹ aahẹ nịnị.

Ezikẹẹrị 7:11

Ebira jugu-jugu ana aza aa mẹ, ọ kụkụ raa mẹ ka ẹẹ chamayị hu avọọ. Ẹ́ yị nyị ịsị ẹnịnị ana navọọ tịtẹ; ẹ́ yị nyị ogu ẹnịnị ọnịrị ịsị ẹyaa sịị mẹ ụbanyị ana vaa vọ tịtẹ.

Ihoseya 2:11

Ộ kà ọnị rẹ vaa za avaba eche Anisirẹrị jẹẹ; eche ụhwẹ-ụhwẹ ọnịrị eche ịrayị-ịrayị ẹnịnị ne beri eche ụhwọtụ irenyi-irenyi ọnịrị avaba eche ana vọ.

Ihoseya 2:13

Ẹnẹyịmavara kà ọnị vaa sị ụya rị ọ agụvị ẹkụhị ọnị ọ sị hẹkẹ Ịbaarị aha irenyi-irenyi ọnịrị ọnị ọ rị eturare ịra yị ọ. Dị ọ hi ayị Ẹnẹyịmavara, dị ọ kụ ochirigege ọnịrị ọmọ hi ẹngụ ana a sị va onyeehi nịnị eyi ku ẹngụ anị nị.

Ireevi 26:33

Ọ kà ọnị vaa kụ ịrẹkụ vee tù wa, dị ọnị gara wa ne hi ẹtẹ anẹkụra ọsa nịnị. Ẹtẹ ẹnịnị vaa tụ́ osusu, dị ẹkụra ẹnịnị jị eburu.

Imika 7:13

Avaba aha ana vọ ịnị ẹhẹ vị ana vaa chakaa ha. Ebira odivi aza ene hi ẹhẹ ọ vaa kụ́ ọnọọ vẹ nị.

Ẹtore 18:23

Ọza e mē vene re ẹtohweyi ozotupa ịnịnẹ anị paa; ọza ọ mā rẹ vana wụ́ ka ọnọrụ aa nyị ọnẹẹ ịnịnẹ anị paa. Ọ kà osohu Anibabironi nịnị ẹ vịdị vị azẹbanyị ẹhẹ nị. Ịbabịrọnị ọ raà sị ẹbẹ anị vene avaba anẹhẹ.