Ijeremaya 7:33 - IWE ỌNỊNỊ

³³ Ọ kà, inomi nịnị ẹnịrị uye ịnị avị nịnị ẹ vanaa rị oku ẹnịnị nị. Ẹ yị vaa nyị ọza ana aa dụ wa kwooze.

Ijeremaya 7:33 ပူးပေါင်းရင်းမြစ်များ

Ayịsaya 18:6

Oku isoja Anikusi vi ana a vaa navọọ hi ẹtẹ yi inomi ọnịrị uye ịnị avị. Ẹnị inomi nịnị vaa rị pooro ịnị ọhahị, di uye ịnị avị ẹnị rẹ rị ọ pooro ịnị ịrẹsụ nị.

Ijeremaya 12:9

Ẹnẹyịmavara kà, aza anị vị ana kụkụ sị mẹẹ anka ezi ụụhwẹ ọnị ukokoro ee bè oze eyi ụvọnị-ụvọnị avọọ. Hị́ avaba uye ịnị avị vẹ ka ẹ̀ va rị eche nịnị.

Ijeremaya 14:16

Oze ọnyọọnya á va zịị wụ̀ aza ẹnẹnị ẹnẹ ẹ maanị kà ịrẹyị ẹnẹnị aanị nị. Oku ẹnịnị vị ana a vaa kụụ vaa hi oze ene hi Ijerusarẹmị, ẹ yị vaa nyị ọza ene vee ne wa. Aanị a mẹ vaa mẹ avaba ẹnịnị beri ose ẹnịnị ọnịrị ezi ẹnịnị nị. Ẹnẹyịmavara kà, ọnị vaa mẹ ka ẹnịnị ẹ̀ rị ụya avaba ebira odivi ẹnịnị.

Ijeremaya 15:3

Ẹnẹyịmavara kà ịsị odivi ẹẹna ọnị vaa mẹ ka ò tu wa nị: a vaa kụ ịrẹkụụ tụ wa dị a wụ̀ wa; irezi nịnị e vee tura oku ẹnịnị ẹtẹ; inomi nịnị vaa rị oku ẹnịnị dị uye ịnị avị va gara ana vọ ha.

Ijeremaya 16:4

Ọ kà, ụkụ odivi ọ vaa wụ̀ wa ha nị. Ẹ yị nyị ọza ana vaa zị ẹngụ ẹnịnị. Oku ẹnịnị vene vee hi ẹtẹ anka ịhyẹrẹ ene e kune jẹẹ avọọ. Eyi ịrẹkụ á vaa wụ̀ wa nị, ẹ̀ yi vavọọ dị ụngwẹ wụ̀ wa, dị ahịka inomi nịnị ẹnịrị uye ịnị avị nịnị ẹ rị oku ẹnịnị nị.

Ijeremaya 19:7

Avaba eyi ọnị Anijuda nịnị ọnịrị Anijerusarẹmị nịnị aa gẹ vị ọnị ọnị vaa gara hi wa ụvọ ịzẹnaanị. Ọ kà, ọnị vaa navọ ka ọnịvị ẹnịnị e huna wa eyi ịrẹkụ dị ẹ wụ̀ wa ha. Oku ẹnịnị vị ọnị ọnị vaa sị mẹ̀ ịsọyịrị yị inomi ọnịrị uye ịnị avị nịnị.

Ijeremaya 22:19

Ọ kà, vị a vaa mẹ oku anị a mẹẹ mẹ oku ịkẹrịkẹtẹ avọọ nị. Vi e vee tụra oku anị ẹtẹ dị e ne e na tụ ịrẹma Ijerusarẹmị nị.

Ijeremaya 25:33

Ịhị ẹkụhị ọnọọ oo tu, oku aza ọnị Ẹnẹyịmavara wụ vị ana a vaa gara hi avaba ịrẹsụ ẹtẹ, ọza ẹ yị vaa zị ẹngụ ẹnịnị, ọza ẹ yị vaa kụ wa nee ne. Oku ẹnịnị vi ene vee hi ẹtẹ anka ịhyẹrẹ ịsụpa avọọ ịnị eteesu.

Ijeremaya 34:20

vị ọnị ọnị vaa kụ chire ọnịvị ẹnịnị enee si wa usu ụvọ. Inomi ịnị ahị ẹnịrị uye ịnị avị nịnị ẹ vaa rị oku ẹnịị nị.

Ijeremaya 9:21

Iswọọza ọ ra ngụ tu yị zị oze ịnị ozokete, ọ sị ngụ ịnị eehi ohinọyị nịnị. Ọ sị ezweyi wụ̀ ha utoze, ọ sị ezwọọmụha nịnị wụ̀ ha ịnị orere.

Ijeremaya 9:22

Ọ kà Ẹnẹyịmavara kà ọnị ọ̀ ka a ka: aza vị ene vee su vaa gwẹtẹ anka ịhyẹrẹ ịsụpa ana a na va hi ịnị aarẹ avọọ. Vị e vee hi ẹtẹ anka akụ ana jị aza anaa mẹ ịsị ịnị aarẹ ụvọ, ọnị ọza ee re ọza kụ gụ avọọ nị.

Ezikẹẹrị 29:5

Ọnị vee ne ẹwụrị ivovo ẹnẹẹ naa ngụ ịnị ụnọmị. Oku awụ vị ana vaa tịtẹ, dị ọza é yi ne wu. Inomi ẹnịrị uye ịnị avị nịnị ẹ vaa rị oku awụ nị.

Ezikẹẹrị 39:4

Ẹnẹyịmavara kà Ịgọgị ọnịrị isoja anị nịnị beri avaba aza ana na vaka a vi ene vee súu vaa hi ịrẹsụ ataba Isirẹrị nịnị. Inomi ẹnịrị uye ịnị avị nịnị ẹ vaa rị oku ẹnịnị nị.

Iwe Ọhụhị Imosiisi ana aa hị́ Ọyịvatụrọda 28:26

Inomi nịnị ẹnịrị uye ịnị avị ẹ vaa rị oku awụ nịnị nị. Ẹ yị vaa nyị ọza ana vaa dụ wa kwooze.

Iwe Ọhụhị Imosiisi ana aa hị́ Ọyịvatụrọda 8:20

Wẹ̀ẹ yị wụ́ ịrẹyị Ẹnẹyịmavara, ẹwụ nyẹmba vene vee vú ẹtẹ anka anẹkụra ọnị ọ vịdị vú ẹtẹ avọọ.