Ijeremaya 7:32 - IWE ỌNỊNỊ

³² Avọọ, ụmẹ aa vẹ ọnị ọza ẹ yị ma vana hị́ ọ Itohwẹtị à vị akakana ataba ẹẹva Ihinọmị, ama dị a hi ka ịnị akakana ataba ẹẹva ana aā wụ̀ aza aa hị́ ọ nị. Ka ẹnịnị vee ne oku ịzọọ pooro nee tu ka asị e kụkụ re aha ne oku tụ.

Ijeremaya 7:32 ပူးပေါင်းရင်းမြစ်များ

2 Ohinọyị 23:10

Ohinọyị Ijosaya ô du aha ori ana ya ịnozi Ihinọmị ana aā hị́ Itohwẹtị ẹngụ. Ộ vavọọ mẹ̀ agụvị asị ọza kụkụ sị ozi ọnọrụ a vị ọnẹẹ anị na mẹ̀ ịsọvọ anaā rị ịra yị ori Imorẹkị ịzọọ.

Ijeremaya 19:11

Ọ kà ọnị ọ̀ kà a yị wa ka, anka ụnọkọ ana a sị ụmọpa mẹ aanị mẹ gara ha dị ọza ẹ yị kụkụ zụ kụ ọ gẹ aanị, avọọ ọnị mẹ vaa gara Ijerusarẹmị ọnịrị aza ene hi ịnị anịị ha nị. Ẹtẹ Itohwẹtị aza venee ne oku ẹnịnị nị agụvị ka ẹnịnị ẹ yị me vene re aha ọsa ene e vee ne okuu tụ.

Ijeremaya 19:13

Ọ kà, ịzẹyịza avaba irehi ene hi Ijerusarẹmị beri irehi ohinọyị Ijuda nịnị vana vaa yaa anka Itohwẹtị. Avọọ avaba irehi ene e hi ịrẹsụ anịị rị eturare ịraa yị ụzọmị ẹnẹ ẹ sị mẹ ori dị ẹ yaa ka echee hi ẹtẹ yị ori ẹnịnị ịnị anị mẹ vaa yà nị.

Ijeremaya 19:2

Ọ kà ọnị ọ zị oze ana a zịị̄ ngụ eehi ịzị aā kụ ururaa hi, dị ọnị ọ̀ nọ inoze ẹtẹ ọnọrụ ana aā hị́ Ihinọmị. Ọnị òo tu ịzọọ dị ọnị ọ̀ ka ụtụ ọnị ọnị tụ ọnị.

Ijeremaya 19:6

Avọọ, ụmẹ aa vẹ ọnị ọza ẹ yị ma vana hị́ ịzị ẹnị Itohwẹtị à vị inozi Ihinọmị. Inozi ana a yaa wụ̀ ọza á vanaa hị́ ọ nị.

Ijeremaya 31:40

Ọ kà, avaba inoze ene ee ne okuu hi ọnịrị ịzị aa kụ ututuu hi ne beri avaba ẹtẹ ana ya ẹbẹẹba okuha Ikidironi, huu naa ngụ oze umaata ana a zị ngụ ịnị ẹkụra eyi ọnị ọyịị̄ zịị hụrẹ, vị ana vanaa sịị turenyi yị ọnị. Ọza e me vene vu Ijerusarẹmị ẹtẹ paa.

Ijeremaya 7:31

Ẹnịnị ệ nọ ịnị akakana ataba ẹẹva ịzị aā hị́ Ihinọmị, dị e nee hì ụta ịsọvọ ịzị ẹ vaa sị ezi ẹnịnị mẹ̀ ịsọvọ dị ẹ rị ọ ịra tụ ịzọọ nị. Ụta ọnọọ ẹ yaa hị́ Itohwẹtị nị. Ọ kà, ọnị ẹ yị kà a yị wa ka ẹ̀ vavọọ mẹ, ẹngụ ịsa ẹnẹẹ ẹ ị hyakụ vẹ ịnị ayị anị bẹẹ.

Ezikẹẹrị 6:4

Ụta ene e hi hi ịzọọ anaa mẹ̀ ịsọvọ ịnị anị ọnịrị anaa rị eturare ịra ịnị anị vị ene e vee wúu ha. Ọnị vaa wụ̀ avaba aza ene hi ịzọọ ha ọvịdị ori ẹnịnị.

Ireevi 26:30

Ọ kà ịzị ẹyaa mẹ ahẹkẹ ịrẹsụ ataba vị ọnị ọnị vaa garaa ha, dị ọnị che ụta ẹnẹ ẹẹ̄ rị eturare ịra ịnị anịị va ha. Oku ẹnịnị vị ọnị ọnị vee ne vàa ku ori ẹnịnị ịrẹsụ. Ẹnịnị vị anaā vana nyị ọnị ịhyẹrẹ