Ijeremaya 7:30 - IWE ỌNỊNỊ

³⁰ Ẹnẹyịmavara kà Anijuda nịnị ệ sị ịsị odivi mẹ. Ẹnịnị ẹ raa sị ori ẹnịnị anaa nyị ọnị ịhyẹrẹ va tụ ịnị irehi anị. Ẹ sị irehi anị du ẹngụ.

Ijeremaya 7:30 ပူးပေါင်းရင်းမြစ်များ

2 Ohinọyị 21:3

Ô tenyi irehi ọgọdọ-ọgọdọ ọnị ada anị Ihezekaya wú ha dà. Di o hi ụta yị ori ana a hị́ Ịbaarị, dị hi ọchị yi ori ọnẹẹ ana a hi Asẹra anka ohinọyị Ahabị mẹ vịdị mẹ̀. Dị aa vaku ẹtẹ hẹkẹ ụzọmị ene hi ịnị ihinẹba nị.

2 Ohinọyị 21:4

Avọọ ô me re hi ụta ori hi ịnị irehi Ẹnẹyịmavara, ịzị ọ ka a vaa ya hẹkẹ ọnị.

2 Ohinọyị 21:7

Dị ọ sị ọchị ori Asẹra ana a bẹ tụ́ ịnị irehi Ohomorihi nị, ịzị Ẹnẹyịmavara ộ kà yị Idevidi ọnịrị Isoromọnị ozi anị ka ịzọọ ọnị nyị ka avaba ịrẹsụ Anisirẹrị vaa ya hẹkẹ ọnị nị.

2 Ohinọyị 23:12

Ohinọyị Ijosaya ô wu avaba ụta ẹnị ohinọyị Ijuda nịnị vịdị hi tụ ẹbẹẹba ịrẹsụ irehi Ohinọyị Ahazi ne beri ụta ọnị Ohinọyị Ịmanasẹ hi tụ ịnị ohweje ẹẹva ịnị irehi Ẹnẹyịmavara. Avaba ụta ọnị ó wu vị ọnị ọ kụ na va ha ịnozi Ikidironi.

2 Ịtọpa 33:15

Ộ kụ́ ori ọzọga ọnịrị uyi irenyi-irenyi ene hi ịnị Irehi Ohomorihi jịnẹ va ha a. Dị ọ rẹ wu ụta ori ọnị ọ da tụ́ ịrẹsụ ataba ịzị irehi Ohomorihi ya ọnịrị aha ana vọ Ijerusarẹmị. Dị ọ ku avaba ẹnya ẹnẹnị na va ha ịrẹma ẹkụra.

2 Ịtọpa 33:3

Ộ varẹma tenyi irehi ori nịnị ana ada anị wu ha da. Dị ọ hi ụta hi ẹtẹ ọyị hẹkẹ ori Ịbaarị, dị ọ bẹ ọchị uyi ori ọnẹẹ ana a hị́ Asẹra ọnịrị ahẹkẹ ụzọmị ene hi ẹbẹẹba.

2 Ịtọpa 33:7

Dị Ịmanasẹ sị uyi ori na tụ́ ịnị irehi Ohomorihi ọnị Ohomorihi kà yị Idevidi ọnịrị ozi anị Isoromọnị ka; ịnị irehi anị ana ya Ijerusarẹmị aanị ọ vị aha ọnị ọnị nyị ịnị avaba ẹtẹ ịrẹsụ ẹwụrẹva Anisirẹrị nịnị nị. Ịzọọ ọnị kà aa hẹkẹ ọnị nị.

Ayịsaya 66:4

Ẹnẹyịmavara kà ọnị ộ hị́ wa, ẹnịnị è yi tụ́ ohi, ọnị ộ ka ịrẹyị, ẹnịnị ẹ̀ yị wụ́, ebira odivi ọnịrị akamawụ ẹ yaa mẹ hi ọnị nị. Agụvị avọọ, ọnị aa kụ̀ akanya tụ́ wa, odivi ọnị e yee hí angwa gẹdẹ-gẹdẹ ọnị aa kụ́ tù wa nị.

Ijeremaya 16:18

Ọ kà ọnị vaa sị ụya avaba ebira odivi ẹnịnị ọnịrị akụvị ẹnịnịị rị wa oze ẹẹva, agụvị ka ẹnịnị ẹ́ raa sị ori ẹnẹẹ yị nyị ụhwẹ anka oku ene su avọọ du ẹtẹ anị ha. Ẹtẹ anị kụkụ vị ohihi yị ori ana ahịka ireche kẹnẹ ẹ vị nị.

Ijeremaya 23:11

Ẹnẹyịmavara kà, ọnịsẹ nịnị ẹnịrị ohirẹsụ ireehi Ohomorihi nịnị bẹẹ ẹ yị mẹ ịsị e zee Ohomorihi eyi. Aza edivi ẹ vị nị. Ọ kà ọnị ộ za wa ẹ́ maa mẹ̀ ịsị odivi ịnị irehi anị bẹẹ.

Ijeremaya 32:34

Ẹnẹyịmavara kà, ẹnịnị ệ hyakụ kụ ori ẹnịnị na jẹẹ ịnị irehi ana a dà kà a hẹkẹ ọnị ịnị anị, dị ẹ sị du ọ ẹngụ nị.

Ijeremaya 32:35

Ọ kà ẹnịnị e ne hi ụta tụ Ihimoni ẹnẹ ẹ yaa mẹ̀ ịsọvọ ịnị anị yị Ịbaarị. Ịnị anị ẹyaa sị ezi ẹnịnịị mẹ̀ ịsọvọ yị ori Imorẹkị nị. Ẹnẹyịmavara kà ọnị ẹ́ yị kà a yị wa ka ẹ̀ maanị mẹ; ọnị é yị rò o bẹẹ ka ẹnịnị ẹ́ zụ vavọọ mẹ, dị ẹ̀ mẹ ka Anijuda ẹ̀ mẹ ịvị.

Ezikẹẹrị 7:20

Ẹnya ọyịza-ọyịza ẹnẹ ẹ́ sịị̄ mẹ ọvị ene eyee sịị wùu zị, ọnị ẹ kụkụ sị̀ mẹ ori enee du ọnị ayị nị; avọọ ọnị Ẹnẹyịmavara vaa mẹ ka ogu ẹnịnị ọ̀ kụkụụ nyị wa ịhyẹrẹ.

Ezikẹẹrị 8:3

Ịsị ẹ sị mẹẹ anka ọza avọọ aanị ộ tana ụvọ dị ọ sị ụvọ ngụ ọnị ẹyị ịrẹsụ nị. Ịnị ẹtẹ ọnị ọnị maanị re aanị, ụhwẹ Ohomorihi ộ sị ọnị tụ ẹba ịnị ahị, dị ọ sị ọnị na ngụ Ijerusarẹmị nị. Ộ sị ọnị na jẹẹ ịnị ịnẹ ịzị a zịị̄ ngụ eehi ịpa oze ọbanyị ana yà eyi ẹbẹẹba ana zịị̄ ngụ ịnị Irehi Ohomorihi. Ịzọọ a sị ori ọnya jẹẹ ẹnẹ ẹyaa sịị̄ mẹ ayịị kụ Ohomorihi ẹtẹẹtẹrẹ nị.

Ịdanịyẹrị 11:31

Isoja anị ẹnyị vaa na ngụ irehi Ohomorihi anka vị ẹ̀ yị vị irehi Ohomorihi ọ vị̀ nị. Ẹ vaa mẹ ka asị a kụkụ mẹ̀ ịsọvọ eyinị-eyinị hi Ohomorihi, dị ẹ sị ịsa eenyisi na jẹẹ ịzọọ.

Ịdanịyẹrị 9:27

Ọdọvịdị ọnọọ ọnịrị aza ọrụrụ-ọrụrụ vaa dọ yị ẹngụ ẹtẹẹtẹrẹ dị ọ mẹ ịrayị ịhịmba. Ịnị akakana ịrayị ọnọnị dị ẹ yị kụkụ zẹ̀ẹ ka àa mẹ̀ ịsọvọ hi Ohomorihi. Ẹ yị rẹ vaa zẹ̀ẹ ka àa sị ẹyịza ve ịnị irehi Ohomorihi bẹ ẹ. Ọ vaa sị ịsa eenyisi na jẹ ẹ ịnị ohurohuro irehi Ohomorihi pooro na ngụ ịjị Ohomorihi o vu ọza ana sị ọ jẹ ịzọọ ẹtẹ anka ọ mẹ vịdị mẹ̀ẹ ọda e zi ọ.