Ijeremaya 7:25 - IWE ỌNỊNỊ

²⁵ Ẹnẹyịmavara kà, hụrị ụmẹ ọnị ohiku awụ nịnị sị hụrẹ Ijipiti pooro va ngụ ajịnị, eyinị-eyinị ọnị aa tụ ọnụtụ anị nịnị ana vị ọnịsẹ hi ụ nịnị nị.

Ijeremaya 7:25 ပူးပေါင်းရင်းမြစ်များ

2 Ịtọpa 24:19

Ẹnẹyịmavara ộ tụ́ ọnịsẹ ka ọ ka wa ọnọ ka ẹ varẹma ka ọnị vẹ. Ama ẹnịnị ẹ yị wụ́.

2 Ịtọpa 36:15

Ẹnẹyịmavara, Ohomorihi ohiku ẹnịnị vịdị aa tụ́ ọnịsẹ nịnị ka ẹẹ kà aza anị ọnọ agụvị ka e yi si ka ọnị ọ vụ aza ọnịrị irehi anị ẹtẹ.

Ẹzịra 9:7

Avaba ayị ọ sị ịvị rị hụụnị ụmẹ ohiku ayị. Agụvị avọọ ohinọyị a sị kụ yị, ohinọyị ayị nịnị beri ohirẹsụ irehi Ohomorihi ayị nịnị chire ohinọyị Anẹkụra ọsa nịnị ụvọ, dị ẹ wụ yị, dị ẹ za yị ọrịhị nị. Ệ kụ yị ẹnya, dị ẹ mẹ̀ ụhị nyị yị ẹtẹẹtẹrẹ pooro va ngụ ajịnị nị.

Inehemaya 9:26

Ama ẹnịnị ệ mẹ akamawụ hi wu, ệ kụ̀ hịrẹ wụ, dị ẹ varẹma ka ọda awụ, dị ẹ wụ̀ avaba ọnịsẹ ana ka wa ọnọ ka ẹ̀ va ka wụ vẹ nị. Ụmẹ tụra ụmẹ ẹ yaa kàa chire wụ nị.

Inehemaya 9:30

Wâ nyị isuuru wa ịrayị-ịrayị. Wâ tụ́ ụhwẹ ọnịnị hi wa zi oze ịnị ụvọ ọnịsẹ ka ọ̀ ka wa ọnọ agụvị ịvị ẹnịnị. Ama ẹnịnị ẹ yị va yị wụ. Dị ụ hụrẹ wa ụvọ yị aza ana ra hi ịzọọ ka è huna wa nị.

Ayịsaya 5:4

Ọ kà sị a vọrọ ka à kụkụ mẹ tụ́ ịnị ụbazị ọnọọ ọnị ọnị ọ̀ yị mẹ? Maa tụra eyi ka ọ̀ tụ́ ẹtụtụ ozoza, sị ẹ vẹ dị ahịka ẹtụtụ edivi-edivi aa tụ́ nị?

Ijeremaya 11:7

Ẹnẹyịmavara kà, ọnị mẹ kụ ohiku ẹnịnị hụrị Ijipiti ọnị ộ kà wa ọnọ ẹtẹẹtẹrẹ ka ẹnịnị ẹẹ saasa ịrẹyị anị. Vị va ngụ ajịnị vị ọnị ọnị aa kịị kà wa ọnọọ.

Ijeremaya 25:3

Ọ sị mẹ ịrayị ohurẹẹta ọnị Ẹnẹyịmavara hụrẹ ee pe ọnị kà ịrẹyị. Hụrị ịrayị ẹwụrẹta ọnị Ijosaya ozi Amọnị sị vị ohinọyị Ijuda pooro va ngụ ajịnị ọ́ vavọọ aa kà ịrẹyị yị ọnị nị. Ijeremaya ka, ẹ́ yị nyị ịsị Ẹnẹyịmavara kà yị ọnị ọnị ẹ̀ yị kà yị wa. Ama wẹ yị wụ nịnị.

Ijeremaya 25:4

Ẹnẹyịmavara ộ tụ ezi ahụ anị, ọnịsẹ nịnị hi wu nịnị pooro, wee yi ka wẹ yị sị ụtọ pe ẹtẹ dị wa wụ nịnị.

Ijeremaya 29:19

Ẹnẹyịmavara kà aanị ọ́ mẹ vaa yà yị wa nị, agụvị ka ẹnịnị ẹ́ yị saasa ịrẹyị anị ọnị ọnị aa sịị tụ ezi ahụ anị ọnịsẹ nịnị hi wa. Ẹnịnị ee yí ka ẹnị ẹ yị wụ.

Ijeremaya 35:14

Ẹnẹyịmavara kà ezi Irekabi ệ saasa ọda ọnị Ijonadabị ohiku ẹnịnị mẹ yị wa ka asị e hú eche. Ịzẹyịza ẹnịnị e yi hú eche pooro ve tu ajịnị. Ama ọnị ộ kà ịrẹyị yị ụ nịnị pooro wẹ yị wụ nịnị.

Ijeremaya 35:15

Ọ kà pooro kẹnẹ ọnị aa tụ ezi ahụ anị ọnịsẹ nịnịị hi u nị. Ẹnịnị ệ kà a wụ nịnị ka ọzọza ọ̀ và hụụnị ebira odivi dị waa mẹ̀ ịsa ana vọrọ nịnị. Ệ kà wụ nịnị ọ̀nọ̀ ka asị ụ na hẹkẹ ori nịnị; agụvị wa zụ ra ịnị ẹtẹ ọnị ọnị sị yị ẹwụrị ohiku awụ nịnị. Ama wẹ yị wụ́ ịrẹyị anị nịnị.

Ijeremaya 44:4

Ẹnẹyịmavara kà, ọnị ộ tụ́ ezi ahụ anị ọnịsẹ nịnị hi wụ nịnị pooro, ka wa hụụnị ịsị edivi ẹnẹnị ọ̀yị mẹ agụvị ka ọnị ẹ́ yi sì ịrẹyị anị.

Ijeremaya 7:13

Ẹnẹyịmavara kà, ụ mẹ maanị aa yịị mẹ̀ ebira odivi ọnọnị nịnị, ọnị ộ ka ịrẹyị wụ nịnị pooro, ama ụka wẹ yị wụ nịnị, ọnị ộ hị́ ụ nịnị ama we yị tụ́ ohi nịnị.

Ezikẹẹrị 2:3

Ozi-ọza, ọnị Ẹnẹyịmavara aa tụ́ ọnịị hi Anisirẹrị nịnị. Ẹnịnị ệ vịdị raa kụ̀ hịrẹ ọnị dị ẹ va eyirazị ka ọnị nị. Booro aanị vị ọnị ẹyaa yịị kụ̀ụ hịrẹ ọnị anka ohiku ẹnịnị mẹ vịdị mẹ.

Ihoseya 11:7

Ẹnẹyịmavara kà aza ẹ̀ raà tenyi ẹngụ ka ẹnị a va ịrẹma anị na hẹkẹ ori. Ẹnịnị aa hị́ ọnị ene hu kere-kere ama ẹnịnị ẹ yị sị ụbanyị yị ọnị.

Ihoseya 12:10

Ọ kà ọnị ộ ka ịrẹyị yị ọnịsẹ nịnị, dị ọnị mẹ̀ ka e re ẹtẹ ọrụrụ-ọrụrụ ana mẹ ka ẹ yẹ ka ẹnịnị ee vee vú ẹtẹ nị.

Emọsị 2:11

Dị Ẹnẹyịmavara kà ọnị ọ nyị ezi ẹnịnị ẹnyị ka ẹ vị ọnụtụ anị. Dị ọnị sị aza ẹnyị tụ́ irenyi yị ẹngụ anị nị. Dị ọ họ̀ wa ka ịzẹyịza waa yọ nị?

Ịmarakayị 3:7

Ẹnẹyịmavara Ochẹtẹẹngụ kà, hụrẹ ụmẹ ohiku ẹnịnị ệ va ịrẹma ka ọda anị nị. Ama ẹnịnị ẹ̀ẹ varẹma ka ọnị vẹ, ọnị ọ rẹ vaa varẹma ka wa na. Ama dị ệ kà a ẹnị mẹmẹ zụ varẹma ka a na?

Iruuku 11:49

Agụvị avọọ, ịnị ịrẹyọyẹ Ohomorihi, ộ kà a ka: ‘Mị vaa sị ọnịsẹ ọnịrị odeyi nịnị ị naa yị wa. Ẹ vaa wụ̀ aza ẹnyị ẹnịnị, dị ẹ sị ụya rị ana vọ!’

Iwe Ọhụhị Imosiisi ana aa hị́ Ọyịvatụrọda 9:7

“Imosiisi ka asị ayị hi wa ẹ mẹmẹ dụ Ẹnẹyịmavara Ohomorihi awụ nịnị ayị ịnị ụnọmị. Hụrị ẹkụhị ọnị ẹ kwẹẹtẹ hụrẹ Ijipiti ẹ mẹ̀ akamawụ hi Ẹnẹyịmavara pooro va ngụ ịzị ẹ ya booro aanị nị.