Ijeremaya 7:24 - IWE ỌNỊNỊ

²⁴ Ama ẹnịnị ẹ yị wụ́ chire ọnị, ẹnịị ẹ yị wụ́ ịrẹyị anị. Ẹnịnị ệ mẹ ayị ọkatẹngụ, dị ahịka ịsị ayị odivi ẹnịnị ộ kà yị wa kẹnẹ ẹ yaa mẹ nị. Ana vọrọ ka ẹ̀ sịị kà a tụ ọvịdị dị ahịka vee divi yị wa hu avọọ nị.

Ijeremaya 7:24 ပူးပေါင်းရင်းမြစ်များ

Inehemaya 9:29

Wâ ka wa ọnọ ka ẹ̀ varẹma va saasa ọda ọnị ụ mẹ yị wa, ama di e yee wuu hi u nị. Ayị ẹnịnị ọ sị katẹngụ, ê yi ka ẹnị ẹ yị vavẹ ịnị oze awụ. Ẹnịnị ẹ yị wụ́ chire ịrẹyị awụ ana zụ sị ẹhẹ obooro-obooro yị aza ana dọ, dị ẹnịnị nyayịnẹ nyị geri-geri ka ẹnị ẹ yị và ka wụ vẹ nị.

Ahẹ Ụgama 81:13

Àa vị ka Anisirẹrị aza amị yaanị zẹẹ ka ẹnị ẹ̀ wụ́ ịrẹyị amị,

Ijeremaya 13:10

Ọ kà aza edivi ẹnẹnị ê yi ka ẹnị ẹ yị saasa ịrẹyị anị. Ayị ẹnịnị ộ katẹngụ, dị ẹ vị ẹnịrị ebira odivi nị. Ẹnịnị ẹ naa tanaa tụra ẹtẹ yị ori nịnị, dị ẹ yaa hẹkẹ wa nị. Agụvị avọọ, ẹnịnị vị ana vaa sị mẹ̀ ẹ anka ụbaja anaā sịị sụ́ ọtẹ ẹnẹ ẹ yị nyị ịsị ọkụkụ rụra mẹ aanị.

Ijeremaya 13:11

Ẹnẹyịmavara kà, Anisirẹrị ọnịrị Anijuda nịnị vị ọnị ọnị sì ka ẹ sị ụvọ za ọnị bịrị-bịrị anka a mẹẹ̄ sị ụbaja sụ́ ọtẹ avọọ. Ọ kà, agụvị ka vi ọnị sì ka ẹnịnị ẹ̀ vị aza anị, dị ẹnịnị ẹẹ sị ụga ọnịrị ụbanyị yị ịrẹha anị nị. Ama ẹnịnị ẹ yị ma saasa ịrẹyị anị.

Ijeremaya 15:6

Ọ kà wa sị ọnị yi tịtẹ nịnị, wa sị ịrẹma và ka ọnị nịnị. Avọọ, ọnị vaa tana ụvọ za wụ nịnị dị ọnị vu u nịnị ẹtẹ, agụvị ka ịzị ọnị vayị awụ nịnị tu avọọ oo zee.

Ijeremaya 16:12

Ẹnẹyịmavara kà ebira odivi Anijuda nịnị o divi huna oohiku ẹnịnị nị. Ayị ẹnịnị vana katẹngụ dị ahịka ịsị odivi ene sì kẹnẹ ẹyaa mẹ nị. Ẹnịnị ẹ́ yị saasa ịrẹyị anị.

Ijeremaya 17:23

Ẹnẹyịmavara kà, ohiku ẹnịnị ẹ́ yị wụ́ ịrẹyị anị. Ama ệ mẹ ayị ọkatẹngụ, ẹnịnị ẹ́ yị wụ́ chire ọnị, ẹnịnị ẹ yị dọ ka ọnị ọ̀ zụ ẹnị ịsa.

Ijeremaya 17:9

Ẹnẹyịmavara kà, ẹnẹ zụ yẹ́ ayị ọza kẹ? Ẹ́ yị nyị ịsị ee vene ọza anka ayị ọza; oo divi ẹtẹẹtẹrẹ ana ahịka ọza ẹ yị zụ tenyi ọ.

Ijeremaya 18:10

dị Aza ẹnẹẹ ẹ̀ẹ sị ahụ jịnẹ ọda anị dị ẹ kụkụ aa mẹ̀ ebira odivi nị, ọnị vaa vàa hụụnị ịsị ọnị ka ọnị aa mẹ̀ ẹ yị wa.

Ijeremaya 18:12

Ama ẹnịnị vee tụ́ ohi ka, ịzị ọ na vị, sị ẹ vẹ dị ẹnị aa vaa và hụụnị ayọkatẹngụ ọnịrị ebira odivi ẹnịnị?

Ijeremaya 2:27

Ụhị ọ vaa nyị ẹwụ nịnị ana a kà ọchị ọ va ada awụ nịnị, dị ịrẹta vị ọnyị awụ nịnị nị. Ọ kà aanị ọ mẹ vaa yaa wụ nịnị nị, agụvị ka wa sị ịrẹma và ka ọnị nịnị, we yị và eyi ka ọnị nịnị. Ama ịjị ẹngụkata ọọ ka wụ nịnị vẹ dị ụ ka ọnị ọ̀ kwẹẹtẹ dị ọnị ọ̀ dọ wụ nịnị tụ.

Ijeremaya 22:21

Ụmẹ ọnị o si zee yi wụ nịnị, Ẹnẹyịmavara ộ kà ịrẹyịị ụ, ama ụ ka wẹ yị wụ nịnị. Avọọ ụ mẹ mẹ nịnị ụ́ mẹ hụrẹ vẹ ẹhẹ nịnị nị. Wẹ́ ma saasa ịrẹyị Ẹnẹyịmavara nịnị.

Ijeremaya 23:17

Ẹnẹyịmavara kà aza anaa sị eyi wụ ọnị vị ọnị ọnịsẹ ẹnẹnị aa kà a yị ka, asị ẹ hụrị ayịnẹ, ka Ẹnẹyịmavara kà ẹnịnị vaa nyị ẹngwọọrọ. Dị ẹyaa kà a yị avaba aza anaa mẹ ayị ọkatẹngụ ka ẹ yị nyị ịsị ẹ vaa kanyị wa nị.

Ijeremaya 3:13

Ẹnẹyịmavara kà dọ nịnị kẹnẹ ka waa rị ịvị nịnị, dị ụ kụ̀ hịrẹ ọnị ana vị Ohomorihi awụ nịnị nị. Dọ irenu nịnị ka waa mẹ̀ ebira ịrẹka ọyị sẹ, dị ụ naa hẹkẹ ori nịnị iruvo ọchị ohwoohu nịnị nị. Dọ irenu nịnị ka wẹ yị wụ́ chire Ohomorihi awụ nịnị.

Ijeremaya 3:17

Ọ kà, ụmẹ ọnọọ vị ana a kụkụ vaa hị́ Ijerusarẹmị aha udi ohinọyị Ẹnẹyịmavara. Avaba anẹhẹ vaa vẹ ịzọọ vaa hẹkẹ ọnị. Ẹnịnị ẹ yị kụkụ vaa mẹ ayị ọkatẹngụ ẹnịnị anaa sị wa mẹ̀ ebira odivi enee si.

Ijeremaya 32:23

Ama ịjị ẹ́ va sị ra ịnị ẹtẹ ọnọnị, ẹnịnị ẹ́ yị saasa ọda awụ. Ẹnịnị ẹ́ yị mẹ ịsị ụ kà yị wa. Avaba ịsị ụmẹ ọda anị yị wa ka ẹẹ mẹ, ẹ́ yị nyị ẹnẹ ẹ mẹ. Agụvị avọọ ụ maanị kụ odivi ọnọnị tù wa aanị nị.

Ijeremaya 32:33

Ọ kà, ẹnịnị ệ varẹma ka ọnị, ọnị ọ ka ịrẹyị yị wa pooro ẹnịnị ẹ́ yị wụ́ ịrẹyị anị.

Ijeremaya 35:15

Ọ kà pooro kẹnẹ ọnị aa tụ ezi ahụ anị ọnịsẹ nịnịị hi u nị. Ẹnịnị ệ kà a wụ nịnị ka ọzọza ọ̀ và hụụnị ebira odivi dị waa mẹ̀ ịsa ana vọrọ nịnị. Ệ kà wụ nịnị ọ̀nọ̀ ka asị ụ na hẹkẹ ori nịnị; agụvị wa zụ ra ịnị ẹtẹ ọnị ọnị sị yị ẹwụrị ohiku awụ nịnị. Ama wẹ yị wụ́ ịrẹyị anị nịnị.

Ijeremaya 6:16

Ẹnẹyịmavara ộ kà a yị aza anị ka, jẹẹ ịzị oze va gẹ nịnị dị we re. Họ̀ use oze ịyẹẹyẹ nịnị, ka ịzị oze ọyịza ọnọọ ya, dị wa và tụraa nịnị, ka ọ va rọ wụ nịnị ẹngụ. Ama ẹnịnị ka heyiye, ẹnị ẹ yị zị avọọ.

Ijeremaya 7:26

Ama ẹ yị nyị ọza ana wụ́ ịrẹyị anị. Ayị awụ nịnị ộ katẹngụ, dị ahịka udivi ọnị waa mẹ nịnị o huna ohiku awụ nịnị nị.

Ijeremaya 8:5

Ọ kà, ẹwụ nịnị aza anị, sị ẹ vẹ dị ụ nyeeyi nịnị, dị wẹ yị kụkụ và ka ọnị vẹ nịnị? Ụ ka ẹwụ nịnị yị, evene yị, we yi ka wẹ yị và ka ọnị vẹ nịnị.

Ijeremaya 9:14

Ama ẹnịnị ệ me ayị ọkatẹngụ, dị ayị ẹnịnị kẹnẹ ẹ yaa saasa nị. Ẹnịnị ẹ naa saasa ori ana aā hị́ Ịbaarị anka ada ẹnịnị mẹ kọ ọ yị wa.

Ezikẹẹrị 20:13

Ama Anisirẹrị nịnị ệ kụ̀ hịrẹ ọnị ịnị ụnọmị ịzọọ. Ẹnịnị ê yị́ ịrẹyị ọnị ọnị kà yị wa tịtẹ; ẹ́ yị saasa ọda anị, ọda ẹnẹnị ọza àaa saasa, dị ọ yara nị. Dị ẹnịnị nyayịnẹ â mẹ kẹnẹ-kẹnẹ ẹkụhị ụhwọtụ anị nị. Dị ọnị vee roo ka ọnị ọ̀ sị ọyịkụ anị zụ̀ wa ịnị ụnọmị ịzọọ, dị ọnị ò vú wa ẹtẹ saka-saka nị.

Ezikẹẹrị 20:16

Ọnị ộ vavọọ kà a, agụvị ka ẹnịnị ê yi ịrẹyị anị tịtẹ, ẹnịnị ẹ́ yị saasa ọda anị. Dị ẹnịnị ệ yị sị ụbanyị yị ẹkụhị ụhwọtụ anị nị. Ori kẹnẹ ayị ẹnịnị yà ịnị anị nị.

Ezikẹẹrị 20:21

Ama ezi ẹnịnị ẹnị ệ rẹ kụ̀ hịrẹ ọnị; ẹnịnị ẹ́ yị saasa ịrẹyị anị; ọda anị oni ọza aa saasa dị ọ mẹ ka ọza ọ̀ yara, ẹnịnị ẹ́ yị saasa a. Ẹnịnị ẹ́ yị sị ụbanyị yị ẹkụhị ụhwọtụ anị. Dị ọnị ve roo ka ọnị ọ̀ sị ọyịkụ anị zụ̀ wa ịnị ụnọmị ịzọọ nị.

Ezikẹẹrị 20:8

Ẹnẹyịmavara kà, ama ẹnịnị ệ si eyi wụ ọnị, ẹ́ yị saasa ịrẹyị anị. Ẹnịnị ẹ́ yị và ori ẹnịnị ha; ẹnịnị ẹ́ yị sị ụvọ hụụnị ịrẹyị ori Anijipiti nịnị. Ọnị ô tenyi ẹngụ ka ọnị aa sị ọyịkụ anịị zụ̀ wa ẹtẹ Ijipiti ụmẹ avọọ.

Ịdanịyẹrị 9:6

Ẹnị ệ yị saasa ịrẹyị ẹnịnị ọnụtụ Ohomorihi ana vị ọnịsẹ, ẹnịnị mẹ va kà ịrẹyị anị yị ohinọyị ẹnịnị, ọdọvịdị ẹnịnị ọnịrị ohiku ẹnịnị beri avaba anẹkụra ẹnịnị.

Ihoseya 10:6

Ori ẹnịnị vị ana a vaa sị nọ Asiriya na mẹ ohinọyị ọbanyị ịzọọ ẹyịza. Anisirẹrị vị ana a vaa mẹ̀ ụhị nyị agụvị ori ọnị ẹ yaa hẹkẹ.

Ihoseya 4:16

Ayị Anisirẹrị ẹ katẹngụ anka imaaru; Ẹnẹyịmavara ọ́ọ́ zụ aa kụ́ wa na rị ịnị avị anka atẹmẹ?

Imika 6:16

Ọda udivi Omiri Ohinọyị kẹnẹ ụ ta ụvọ ku nị. Waa hama ebira odivi Ahabị ọnịrị Omiri, Agụvị mị vaa sị wụ mẹ̀ apojuwe yị aza ana vọ avọọ mi vee vú ẹtẹ. Aza awụ vị ana a vaa sị mẹ̀ isiya. Aza ene ee re vị ene vee nyi wu unyi.

Ịzakaraya 7:11

Ama ẹnịnị ệ sị mẹ iribatọ. Dị ẹ sị akamawụ varẹma ka a agụvị asị ẹ wụ́ nị.

Iwe Ọhụhị Imosiisi ana aa hị́ Ọyịvatụrọda 29:19

Re ka, asị a nyị ọza ịzẹnị ana wụ́ ịrẹyị ana za oto ọnọnị ajịnị, ene ro ka ọnị vaa ha ọnị ọ̀ọ sị ayị ọkatẹngụ aa mẹ ịsị ene ze e eyi udivi anị vaa mẹ ka aza ọyịza ọnịrị aza edivi e vu ẹtẹ vabẹ.