Ijeremaya 7:23 - IWE ỌNỊNỊ

²³ Ọ kà, ama ọnị ộ mẹ̀ ọda yị wa ka: ẹnịị ẹẹ wụ́ chire ọnị, ka ọnị vaa vị Ohomorihi ẹnịnị, dị ẹnịnị vị aza anị, ọnị ộ ka ẹ yị wa ka, ẹnịnị ẹẹ mẹ ẹhẹ ẹnịnị ọnị mẹ mẹ̀ ẹ ọda yị wa, ka ọ va rọ wa ẹngụ nị.

Ijeremaya 7:23 ပူးပေါင်းရင်းမြစ်များ

Ijoovu 36:11

Ẹnịnị ẹ̀ẹ wụ́ chire Ohomorihi, dị ẹ hẹkẹ ẹ nị, dị ẹ ra ẹhẹ ẹngwọọrọ, di o ze yị wa.

Ahẹ Ụgama 119:3

Ẹngụ aza ẹnẹẹ ẹ mā mẹ̀ ebira akụvị, oze Ohomorihi ẹ và tụra nị.

Ahẹ Ụgama 40:6

Wâ mẹ ka ma yẹ ka we yi ka ọza ọ̀ sị ịsa ịsọvọ va wụ Ẹ yị nyị ịsị ụ ka ọza ọ̀ sị va wụ Wẹ yị rẹ kà ka ọza ọ̀ wụ̀ uye dị ọ va rị ọ ịra wụ ịrẹsụ ụta.

Ahẹ Ụgama 81:13

Àa vị ka Anisirẹrị aza amị yaanị zẹẹ ka ẹnị ẹ̀ wụ́ ịrẹyị amị,

Ọyịkụra 15:26

Dị Ẹnẹyịmavara kà ẹ̀ẹ sị ụtọ pè ịrẹyị ọnị ana vị Ohomorihi ẹnịnị dị ẹ yaa mẹ̀ ịsa ọnị ọnị re ka ộ vọrọ nị, dị ẹ sị eyi pè ọda anị dị ẹ yaa saasa a nị, ọnị ọ yị vaa zẹẹ ka ọnyọọnyị ịnị ụkụ ana za Anijipiti avọọ ọ̀ za wa. Ọ kà ọnị ọ vị Ẹnẹyịmavara anaā mẹ wa ụkụ nị.

Ọyịkụra 16:32

Di Imosiisi ka, “Ọda ẹnị Ẹnẹyịmavara mẹ yị, o! Ọ kà wa ká imana achẹva ịgarọọnị dị wa sị tẹ yị ezi ịrẹma ana aa vẹ. Dị ẹnịnị è zụ re ịsọyịrị ọnị ọnị sị wụ ka wa rị ọ nịnị ịnị ụnọmị ọnị mẹ̀ kụ́ wụ nịnị hụrẹ Ijipiti.”

Ayịsaya 3:10

Kà a ka vi o vee zee yi ọza ana aa mẹ̀ ebira ana vọrọ nị, agụvị ka ẹ vaa rị ọgụ ebira ẹnẹ ẹ̀ẹ mẹ.

Ijeremaya 11:4

Ịrẹyị ọnị ọnị mẹ ọda anị yị ohiku ẹnịnị ọnị mẹ kụ wa hụrị ẹtẹ Ijipiti ọ vị ọnọọ nị. Ẹtẹ Ijipiti vị ana sị mẹẹ anka arasị ịrịịra avọọ yị wa. Ọnị ộ kà a yị wa ka ẹ wụ́ chire ọnị dị ẹẹ mẹ avaba ịsị ọnị mẹ ọda anị yị wa. Ọnị ka ẹnịnị vaa vị aza anị, dị ọnị vị Ohomorihi ẹnịnị.

Ijeremaya 11:7

Ẹnẹyịmavara kà, ọnị mẹ kụ ohiku ẹnịnị hụrị Ijipiti ọnị ộ kà wa ọnọ ẹtẹẹtẹrẹ ka ẹnịnị ẹẹ saasa ịrẹyị anị. Vị va ngụ ajịnị vị ọnị ọnị aa kịị kà wa ọnọọ.

Ijeremaya 13:11

Ẹnẹyịmavara kà, Anisirẹrị ọnịrị Anijuda nịnị vị ọnị ọnị sì ka ẹ sị ụvọ za ọnị bịrị-bịrị anka a mẹẹ̄ sị ụbaja sụ́ ọtẹ avọọ. Ọ kà, agụvị ka vi ọnị sì ka ẹnịnị ẹ̀ vị aza anị, dị ẹnịnị ẹẹ sị ụga ọnịrị ụbanyị yị ịrẹha anị nị. Ama ẹnịnị ẹ yị ma saasa ịrẹyị anị.

Ijeremaya 22:21

Ụmẹ ọnị o si zee yi wụ nịnị, Ẹnẹyịmavara ộ kà ịrẹyịị ụ, ama ụ ka wẹ yị wụ nịnị. Avọọ ụ mẹ mẹ nịnị ụ́ mẹ hụrẹ vẹ ẹhẹ nịnị nị. Wẹ́ ma saasa ịrẹyị Ẹnẹyịmavara nịnị.

Ijeremaya 22:3

Ẹnẹyịmavara kà, waa mẹ ịzẹyịza ọnịrị ịsa ana vọrọ nịnị. Ọza ana aa mẹ̀ẹ rị, dọ ọ hụrị ọza anaa mẹ̀ ẹ rị ụvọ nịnị. Asị ụ mẹ ọzọga nịnị ẹnịrị ezi oku, à vị osoku nịnị eyi ngwẹngwẹ. Asị ụ mẹ ẹvaya yị wa nịnị. Asị ụ wụ̀ aza ẹnẹ ẹ̀ yị nyị ịsị ẹ mẹ̀ ịzẹnị nịnị.

Ijeremaya 24:7

Ọ kà ọnị vaa sị ayị yị wa ana vaa mẹ ka ẹ̀ yẹ́ ka ọnị ọ vị Ẹnẹyịmavara nị. Ẹnịnị vaa vị aza anị, dị ọnị vị Ohomorihi ẹnịnị, agụvị ka ẹnịnị vaa sị avaba ayị ẹnịnị và a ka ọnịị vẹ.

Ijeremaya 31:33

Ẹnẹyịmavara kà, aanị ọnị mẹ vaa zẹẹ oto ọwọọwa yị wa nị: Ọnị vaa chẹrẹ ọda anị tụ ịnị ayị ẹnịnị; ọnị vaa vị Ohomorihi ẹnịnị, dị ẹnịnị vị aza anị.

Ijeremaya 32:23

Ama ịjị ẹ́ va sị ra ịnị ẹtẹ ọnọnị, ẹnịnị ẹ́ yị saasa ọda awụ. Ẹnịnị ẹ́ yị mẹ ịsị ụ kà yị wa. Avaba ịsị ụmẹ ọda anị yị wa ka ẹẹ mẹ, ẹ́ yị nyị ẹnẹ ẹ mẹ. Agụvị avọọ ụ maanị kụ odivi ọnọnị tù wa aanị nị.

Ijeremaya 38:20

Ijeremaya ka, dị ọnị kà a yị ọ ka, ọza ẹ́ yị vaa hụrẹ ụvọ yị wa nị. Ọnị aa dá ịpẹẹ yị ọ ka ọ̀ mẹ ịsị Ẹnẹyịmavara kà ọnị ọ̀ kà yị ọ aanị. Ịjọnọọ ọ́ vaa rọ̀ ọ ẹngụ, dị ọ ha nị.

Ijeremaya 42:6

Ẹ ka òo zoza, òo divi, ẹnị vaa saasa ịrẹyị Ẹnẹyịmavara, Ohomorihi ẹnịnị, ọnị ẹnị tụ́ ọnị ee nee tu aanị. Ẹ ka o vee zozaa yị ẹnị, ẹnị ẹ̀ẹ saasa a.

Ịzẹhwanaya 3:2

Ẹnịnị ẹ yị wụ́ chire Ẹnẹyịmavara. Àa kà a yị wa pooro ẹnịnị ẹ yị dọ. Ẹnịnị ẹ yị sị ayị tụra Ẹnẹyịmavara, di e vee hyakụ si ọgụvọ hụụnị ụvọ anị.

Ịzakaraya 6:15

Aza ana ra aha onooze vaa vẹ va tenyi irehi Ẹnẹyịmavara, ịjị aa sị ọ da a, aza vaa yẹ ka Ẹnẹyịmavara Ochẹtẹẹngụ ọ tụ́ ọnị nị. Ịsa ọnọnị vaa mẹ ẹnịnị ẹ̀ẹ saasa ọda Ẹnẹyịmavara Ohomorihi ẹnịnị.

Ịzakaraya 7:7

Ụtụ ọnọnị Ẹnẹyịmavara vịdị tụ́ ọnịsẹ nịnị hi wa ịnị ụmẹ ọnị o zee yị Ijerusarẹmị, dị aza hi chi ẹngụ ọnịrị ẹkụra-ẹkụra ana kara a beri Ịnẹgẹvị, eyi ụvẹtẹ anị ọnịrị eyi ịzị ọyịị̄ ngụ ẹtẹ, uruvo ataba nịnị.

Aniroomi 16:26

Ama booro aanị a raà sị tụ́ ẹhẹ. Ọnịsẹ nịnị ệ vịdị chẹrẹ ịsa tịtẹ ini oze anị. Anka Óhomorihi ana yà ịzọọ pooro zịna-zịna mẹ̀ mẹ ọda, a raà kà a ngụ avaba ẹhẹ zị, agụvị avaba aza ẹ̀ zụ dọ wụ́, dị ẹ̀ẹ ká ịrẹsụụ hi yị Ohomorihi.

2 Anịkọrịntị 10:5

Yaa gara avaba ahankata ireche ha. Ịsị ẹẹ̄ sị ẹngụụ tụ́ ẹba ẹnẹ ẹ̀yị mā zẹẹ ka aza ẹ̀ yẹ Ohomorihi vị ọnị ị raa garaa ha. Ị raa za ariro aza ka ẹ̀ẹ wụ́ụ chire Ikirisiti.

Iwe Ọhụhị Imosiisi ana aa hị́ Ọyịvatụrọda 11:27

Ọ kà ịhị ọnọọ ọnị aa sị ọda Ẹnẹyịmavara yị wa nị. Ẹ̀ẹ saasa a, Ọ vaa mẹ ka oo ze yị wa.

Iwe Ọhụhị Imosiisi ana aa hị́ Ọyịvatụrọda 13:4

Saasa Ẹnẹyịmavara Ohomorihi awụ, di we hí angwa anị. Wụ́ chire e, dị ụ wa sị ụvọ za avaba ọda anị, dị ụ wa hẹkẹ ẹ, dị ụ wa jẹẹ gere-gere pe e.

Iwe Ọhụhị Imosiisi ana aa hị́ Ọyịvatụrọda 13:5

Wụ̀ ọnịsẹ ọnọọ ana ka wa mẹ akamawụ hi Ẹnẹyịmavara Ohomorihi ana dọ wụ ha hụrị Ijipiti ịzị a ya za wụ nịnị ọrịhị. Ẹngụ ọza ọnọọ vị ọza ọhịmị ana a sị vụrị ka ọnị ọ mẹ wụ nịnị nyeeyi hụụnị ẹhẹ ana vọrọ ọnị Ẹnẹyịmavara kà wa ra. Wụ̀ ọ agụvị wa kụ udivi hụrẹ ẹtẹ.

Iwe Ọhụhị Imosiisi ana aa hị́ Ọyịvatụrọda 30:2

Ẹnịrị ụnanka ẹnịnị ẹ̀ẹ varẹma ka Ẹnẹyịmavara vẹ, dị ẹ sị ayị ọnya saasa ọda ọnị ọnị sị yị wa ajịnị nị.

Iwe Ọhụhị Imosiisi ana aa hị́ Ọyịvatụrọda 30:20

Sì ịrẹyị Ẹnẹyịmavara Ohomorihi awụ nịnị, wụ́ chire e, dị ụ waa mẹ ịzẹyịza ka a na, dị ẹwụrị evere ọ zụ ku orubo ịnị ẹtẹ ọnị ọ hị́ eku anị yị ohiku ẹnịnị Abụrahamị, Ayiziiki ọnịrị Ijekọvụ.

Iwe Ọhụhị Imosiisi ana aa hị́ Ọyịvatụrọda 30:8

Imosiisi kà ẹnịnị kụkụ vaa wụ́ chire Ẹnẹyịmavara, dị ẹ saasa ọda anị ọnị ọnị aa sị yị wa ajịnị.

Iwe Ọhụhị Imosiisi ana aa hị́ Ọyịvatụrọda 4:10

Ẹ̀ẹ tamayị ịhị ọnị ẹ jẹẹ ọvịdị Ẹnẹyịmavara ịnị ataba Ịhọrẹbị avọọ? Ịhị ọnọọ vị ọnị Ẹnẹyịmavara kà yị Imosiisi ka ọ hị́ ịragụ vẹ ọvịdị anị, dị ẹẹ wụ́ ịrẹyị anị. Ẹ̀ẹ sị wụ, ẹ vaa nyị angwahi anị ịnị avaba ẹhẹ ẹnịnịị. Ẹnịnị ẹ na sị ịrẹyị ẹnẹẹ zụ ezi ẹnịnị, dị ẹẹ mẹ̀ ẹ.

Iwe Ọhụhị Imosiisi ana aa hị́ Ọyịvatụrọda 4:40

Imosiisi ka ẹ saasa avaba ọda anị ọnị ọnị raà sị yị wa ajịnị agụvị o ze yị wa ẹnịrị ezi ịrẹma-ịrẹma ẹnịnị. Ẹ vaa ra ịnị ẹtẹ ọnị Ẹnẹyịmavara Ohomorihi ẹnịnị aa sị yị wa ka ọ vị ẹẹnịnị pooro zịna-zịna.

Iwe Ọhụhị Imosiisi ana aa hị́ Ọyịvatụrọda 5:16

Sị ụbanyị yị ọnyị awụ ọnịrị ada awụ anka Ẹnẹyịmavara ana vị Ohomorihi awụ agụvị dị we zụ kú orubo, dị o zee yị wụ ịnị ẹtẹ ọnị Ẹnẹyịmavara ana vị Ohomorihi sịị yị wụ.

Iwe Ọhụhị Imosiisi ana aa hị́ Ọyịvatụrọda 5:29

Dị Ẹnẹyịmavara kà, àa vị ịzẹyịza ẹnịnị hí angwa anị, dị ẹ saasa avaba ọda anị nị, o vee zee yị wa ọnịrị evere anị pooro-pooro zịna-zịna nị.

Iwe Ọhụhị Imosiisi ana aa hị́ Ọyịvatụrọda 5:33

Saasa avaba ọda ọnị Ẹnẹyịmavara ana vị Ohomorihi awụ mẹ agụvị dị oze yị wụ, dị waa kú orubo ịnị ẹtẹ ọnị Ẹnẹyịmavara ana vị Ohomorihi awụ vaa sị yị wụ.

Iwe Ọhụhị Imosiisi ana aa hị́ Ọyịvatụrọda 6:3

Batọ, wàa sị vụrị dị u saasa ọda ọnọọ nị, ẹhẹ awụ e zoza, dị wáa yara ịnị ẹtẹ ozoza ọnị Ẹnẹyịmavara ana vị Ohomorihi ohiku awụ nịnị hị́ eku anị yị wa.

Anihiburu 5:9

Ịjị Ohomorihi sị Ijeesu mẹ ka ọ gụ, dị Ijeesu kụkụ vị oze ana aza ana wụ́ ịrẹyị anị aa zịị há pooro zịna-zịna.

1 Ịsamụwẹrị 15:22

Dị Ịsamụwẹrị tụ́ ohi dị ọ ka, “Wáá yẹ ka Ẹnẹyịmavara o yi sì ịrẹyị ịsọvọ anka o mè sì ka ọza ọ̀ọ wụ́ ịrẹyị ọnị ọnị ọ̀ọ kà. Ọza ọ̀ọ mẹ̀ ịsa ẹnị Ẹnẹyịmavara kà ô huna ịsọvọ ẹbanyị-ẹbanyị ana azaā mẹ.