Ijeremaya 7:20 - IWE ỌNỊNỊ

²⁰ Avọọ, Ẹnẹyịmavara Ochẹtẹẹngụ ka, ọnị vaa sị ọyịkụ anị zụ aza ana vẹ ịnị irehi anị ọnọnị ẹtẹẹtẹrẹ ọ ka, aza ẹnịrị uye nịnị, ọchị ịnị avị nịnị ọnịrị ịsa ịnị aarẹ vị ọnị ọnị vaa mẹ ọyịkụụ yị anka ịra anaa zá dị ọza e yi zụ mi ọ avọọ.

Ijeremaya 7:20 ပူးပေါင်းရင်းမြစ်များ

2 Ohinọyị 22:17

Ẹnẹyịmavara kà ẹnịnị ệ raà va ịrẹma na mẹ̀ ịsọvọ yị ori nịnị. Avaba ịsa ẹ mẹ o re du ọnị ayị. Agụvị avọọ ọnị aa kụ́ ayị hi Anijerusarẹmị nịnị. Ọyịkụ anị ọ yị vaa ta.

Ayịsaya 10:17

Ohomorihi Anisirẹrị ana vị ọnịnị vaa vara ịra dị aa za giri-giri. Ịnị ẹkụhị ọnya ọ vaa za avaba avị ẹhịmị dị ọ rị wa ịra va ha nị.

Ayịsaya 42:25

Agụvị avọọ, ộ sị ọyịkụ anị zụ yị, dị ọ mẹ̀ ka à kụ́ ịrẹkụ tu yi, dị ya rị ụya nị. Dị ọyịkụ anị rị avaba ẹtẹ Isirẹrị anka ịra mẹẹ rị avọọ. Ama yẹ yị yẹ ịsaa mẹ̀, yẹ yị va kọ ọsẹ ịsa ọnyọọnyị hụụnị anị.

Ayịsaya 66:24

Ẹnịnị maa jịnẹ tụ ẹhẹ, e vee re oku aza ana mẹ̀ akamawụ hi ọnị. Ikukurumi ana aa rị wa ẹ yị vee su, dị ịra ana aa rị wa ẹ yị vee mi. Oyn re wa vị ana vaa nyị aza ịhyẹrẹ.

Ijeremaya 11:16

Ọ kà, ọnị ộ vịdị hị́ wa ọchị orivi avị-avị da, dị ọ tụ ẹtụtụ ozoza-ozoza nị. Ama booro aanị, ọnị vaa sụrẹyị anka apaapa ihinẹba avọọ, ọnị vaa jị ịraa da a, dị ọnị che avaba avọ anị ha.

Ijeremaya 12:4

Ọ kà, ịzị ẹkụra ẹnịnị vaa maanị wụ naa za, dị avaba avị ịnị aarẹ kụ wụ? Ịsụpa ẹnịrị inomi nịnị ee su vaa ha agụvị ebira odivi ana aza ene hi ịnị ẹkụra aa mẹ. Aza anaa kà a ka Ohomorihi e yi re ịsị ẹnị aa mẹ.

Ijeremaya 14:16

Oze ọnyọọnya á va zịị wụ̀ aza ẹnẹnị ẹnẹ ẹ maanị kà ịrẹyị ẹnẹnị aanị nị. Oku ẹnịnị vị ana a vaa kụụ vaa hi oze ene hi Ijerusarẹmị, ẹ yị vaa nyị ọza ene vee ne wa. Aanị a mẹ vaa mẹ avaba ẹnịnị beri ose ẹnịnị ọnịrị ezi ẹnịnị nị. Ẹnẹyịmavara kà, ọnị vaa mẹ ka ẹnịnị ẹ̀ rị ụya avaba ebira odivi ẹnịnị.

Ijeremaya 17:27

Ama asị a nyị ka ẹnịnị ẹ yị wụ́ chire ọnị, dị ẹ sị ụvọ za ẹkụhị ụhwọtụ anka ẹkụhị ọnị Ohomorihi sị tụ irenyi yị ẹngụ anị. Asị ẹnịnị zị oze ana a zịị̄ ngụ Ijerusarẹmị za ẹnya ọnyọọnyị parahu ịhị ọnọọ. Ọ kà ẹnịnị ẹ̀ẹ vavọọ mẹ, vị ọnị aa jị ịra da oze ana a zị ngụ Ijerusarẹmị nị. Irehi ohinọyị ene hi Ijerusarẹmị vị ana a vaa rị ịra dị ẹ yị nyị ọza ene ve zuu mí ọ.

Ijeremaya 17:4

Ọ kà ẹtẹ ọnị sị ụ nịnị vị ọnị ụ vaa hụrẹ ụvọ nịnị, dị ọnị mẹ ka wa naa kụụ yị ọnịvị awụ nịnị ịnị ẹtẹ ọnị wẹ yị yẹ ịsọnyịsọnyị ịnị ịpa anị nịnị, agụvị ka ọnị aa kụ́ ayị vị ọ sị mẹ anka ịra avọọ nị. Vị ọ́ vaa zaa pooro nị.

Ijeremaya 18:23

Ama Ẹnẹyịmavara waa yẹ́ avaba eyi ẹnẹ yaa gẹ ka à wụ ọnị. Ẹnẹyịmavara, asị ụ vagu wa ịnị ebira odivi ẹnịnị; asị ụ sị eyi hụụnị anị yị wa. Nyị ẹbẹẹba ẹnịnị dị wa gụ wa sẹ ẹdụ. Sị ọyịkụ tana ụvọ za wa o.

Ijeremaya 21:12

ẹ̀ wụ́ ịrẹyị ọnị Ẹnẹyịmavara aa ka: Re ka waa mẹ ịzẹyịza nịnị eyinị-eyinị. Ọza ọnị ọza aa mẹẹ rị ụ dọ ọ hụrẹ ọza ana mẹẹ rị ụvọ nịnị. Ẹ̀ yị vavọọ ebira odivi awụ nịnị vaa mẹ ka ọnị ọ̀ kụ ayị hi u nịnị anka ịra anaa zá dị ọza e yi zụ mi ọ avọọ.

Ijeremaya 42:18

Ẹnẹyịmavara Ochẹtẹẹngụ, Ohomorihi Anisirẹrị nịnị ka, ayị mẹ kụ ọnị tu Anijerusarẹmị nịnị avọọ, avọọ ayị mẹ rẹ vaa kụ ọnị tu wu nịnị wàa nọ Ijipiti nịnị nị. Ọza enee ré wu nịnị, vị ana angwa vee hí; Aza vị anaa vànaa sị wụ nịnị mẹ ịyẹyẹ, dị we yi me vene re ẹkụra ọnọnị nịnị.

Ijeremaya 44:6

Ọ kà agụvị avọọ ọnị vavọọ kụ ayị hi ẹkụra ene hi Ijuda ọnịrị avaba oze ene hi Ijerusarẹmị dị ọnị jị ịra da wa nị.

Ijeremaya 6:11

Ọnị ka, ọnịrị ọyịkụ Ẹnẹyịmavara ọ vị booro aanị nị. Ọnị ẹ yị kụkụ zụ zaa. Dị Ẹnẹyịmavara va ka ẹ yị ọnị ka, ọnị ọ̀ và a ku ezweyi-ezweyi ene hi ịnị orere ọnịrị ezwọọmụha nịnị ịzị ẹẹ kụ ẹngụ gụ hi. Ọ kà, ẹvarose vị ana vaa za, azọkụ ene si bo nyẹmba ẹ yị vaa ha.

Ijeremaya 6:12

Ẹnẹyịmavara kà ọnị vaa sị ụyaa rị Anijerusarẹmị nịnị. Ọnị vaa sị irehi ẹnịnị ọnịrị aarẹ ẹnịnị beri ose ẹnịnịị yị ọza ẹnẹsa.

Ijeremaya 8:13

Ẹnẹyịmavara kà, ọnị vaa dọ wa ịsị ịnị aarẹ ẹnịnị. Ẹ yị vaa nyị ẹtụtụ ịnị ọchị ịvayịnị ẹnịnị. Ọchị ihwigi ẹnịnị ẹ yị rẹ vaa nyị ẹtụtụ. A vaa dọ wa avaba ịsị ọnị vịdị sị yị wa.

Arụwẹ 4:11

Ịjị ọyịkụ Ẹnẹyịmavara hịrẹ ụna tu wa, dị ọ rị ẹkụra Ịzayọnị ịra na ka ẹtẹ nị.

Ezikẹẹrị 22:22

Ọnị vaa mẹ wa pẹpẹpẹ vàa hi ẹtẹ Ijerusarẹmị anka a mẹẹ kà ịraa hi isiriva dị ọ na và hi ịzị aā yaa kà ịraa hi enyusẹ avọọ.

Ezikẹẹrị 7:12

Ọ kà ụmẹ ọọ vẹ, ẹkụhị o si tu. Navọ asị aza anaa hị́ ịsa hine ayị ka ọọ mẹ yị ọnị, asị aza anaa ná ịsa du ayị ka ẹ́ yị gụụ yị ọnị, agụvị ka avaba ịsa vị ọnị ọnị vaa sị ọyịkụ-ọyịkụụ vú ẹtẹ.

Ezikẹẹrị 7:14

E ree hú ịkakanchị ka avaba isoja Anisirẹrị è tenyi ẹngụ ịrẹkụ, ama ẹ́ yị nyị ọza ana jịnẹ tụ ẹhẹ ka ọnị aa nọ ịrẹkụ, ka avaba ẹnịnị Ohomorihi aa kụ ayị hi nị.

Ịdanịyẹrị 9:11

Ọnị ka avaba ẹnị Anisirẹrị ệ raa sị ahụ jịnẹ ọda anị. Ẹnị ệ yị saasa ịrẹyị anị. Agụvị avọọ aa sị ụya rị ẹnị anka a mẹ chẹrẹ ẹ tụ ịnị ọda ọnị ộ sị tụ Imosiisi ana vị ọnụtụ anị hi ẹnị nị.

Ireevi 26:28

Ọnị rẹ vaa mẹ̀ ịsa ọnị ẹnịnị è yi sii hi wa, dị ọnị ụvọta sị ụya ịvị ẹnịnị rị wa hu avọ oze ịhịmba.

Ịnahụmị 1:6

Ẹnẹyịmavara àa kụ́ ayị, ẹnẹ hụ ọ jẹẹ zi ọ? Ẹnẹ zụ ha hụụnị ọyịkụ ọkatẹngụ anị? Ọyịkụ anị vị ana sị mẹ anka ịra anaa rị ọsa avọọ. Dị avaba ịda nịnị sụ̀ atịtọ ọvịdị anị nị.

Ịzẹhwanaya 1:2

Ẹnẹyịmavara kà ọnị vee vu avaba ịsavịsavị ene hi ẹhẹ ẹtẹ saka-saka.

Ịzẹhwanaya 1:3

Oni e hì aza ọnịrị uye beri inomi ọnịrị ivovo nịnị hụrị ẹhẹ. Ọnị vaa mẹ ka aza edivi ọnịrị aza anaa tụ ọza ẹda ka ẹ hyẹdụ. Avaba aza ọnị vee vu ẹtẹ hụrẹ ịrẹsụ ẹtẹ nị.

Ịzakaraya 7:12

Ẹnịnị ệ mẹ ayị ẹnịnị katẹngụ hu ịrẹta agụvị asị ẹ wụ́ ọda ọnịrị ịrẹyị ọnị Ẹnẹyịmavara Ochẹtẹẹngụ raà sị ụhwẹ tụ ịnị ayị ọnịsẹ ịpaapa nịnị ka ẹ ka yị wa. Agụvị avọọ Ẹnẹyịmavara Ochẹtẹẹngụ kụ́ ayị hi wa nị.

Ịmarakayị 4:1

Ẹnẹyịmavara Ochẹtẹẹngụ ka, ẹkụhị aa vẹ ọnị aza ana aa sị ẹngụ tụ ẹba ọnịrị enebira odivi va rị ịra anka azịzẹ avọọ. Ịnị ụmẹ ọnọọ, ẹ va rị ịra saka-saka, dị ẹ yị nyị ịzị ẹ da tịtẹ vụrụ-vụrụ.

Imatiwu 3:12

Ọ vaa tụ́ azịzẹ ahịị hụụnị akụ obooro, dị a si a kụkụ nyị azịzẹ ịzọọ vụrụ-vụrụ. Dị ọ kụ́ akụ anị hi ịhị ụhwọ; ama dị ọ kụ azịzẹ hi ịnị ịra ene è yi mē mi pooro”.

Ẹtore 14:10

ọ vaa yẹ ọyịkụ Ohomorihi. Ọyịkụ anị ọnọọ vị ana sị mẹẹ anka ẹchịpa ohuru-ohuru avọọ, ọnọọ ká tụ́ ini ako ọyịkụ anị ana aza ẹnẹẹ vee hú. Dị ẹ yaa rị ụya ịnị ịra anaa sị ohuru tụ́ éyi anggẹẹrị ọnịnị nịnị ọnịrị Ozi Atẹmẹ ọnọọ.