Ijeremaya 7:19 - IWE ỌNỊNỊ

¹⁹ Ẹnẹyịmavara kà, ọnị ẹnịnị waa vana ka ẹnị aa mẹ ayị kụ nị? Ọ kà, ẹngụ ẹnịnị ẹ yaa zama nị. Ẹngụ ẹnịnị ẹ yaa mẹ̀ ụhị nyị nị.

Ijeremaya 7:19 ပူးပေါင်းရင်းမြစ်များ

Ẹzịra 9:7

Avaba ayị ọ sị ịvị rị hụụnị ụmẹ ohiku ayị. Agụvị avọọ ohinọyị a sị kụ yị, ohinọyị ayị nịnị beri ohirẹsụ irehi Ohomorihi ayị nịnị chire ohinọyị Anẹkụra ọsa nịnị ụvọ, dị ẹ wụ yị, dị ẹ za yị ọrịhị nị. Ệ kụ yị ẹnya, dị ẹ mẹ̀ ụhị nyị yị ẹtẹẹtẹrẹ pooro va ngụ ajịnị nị.

Ijoovu 35:6

Wàa mẹ̀ ebira odivi, ọnọọ ẹ yị zama Ohomorihi. Wàa mẹ ịrẹyị ẹnẹ ẹ yị vọrọ, dị ọ rụrụ pooro nị, vị ọ́ọ́ zụ zama Ohomorihi nị?

Ayịsaya 1:20

Ama wàa si eyi wụ̀ mị, ịrẹkụ ọ vaa wụ̀ wụ nị.

Ayịsaya 1:24

Avọọ sị ụtọ pe ẹtẹ dị wa wụ́ ịrẹyị ẹnị Ẹnẹyịmavara Ochẹtẹẹngụ aa ka. Ọnị ọ vị Ohomorihi Anisirẹrị nị. Ọnị ọ nyị ụkata nị. Ọ kà ọnị ka ọnị vee sí ẹwụ nịnị ọnịvị anị atọ ịrẹyị ọnọnị, dị ẹwụ nịnị ọ̀ sị ọnị tịtẹ hẹẹ.

Ayịsaya 45:16

Avaba aza ana mẹ ori yị ẹngụ ẹnịnị vị ọnị ụhị vaa nyị. A vaa mẹ̀ ụhị nyị wa.

Ijeremaya 15:9

Ọnyozi ọnị ezi ịhịmba su, vị ọnị ewu za, dị â tụ kẹẹkẹẹ. Ọọdụ anị ọ sị vara ịrahụ yọ; asị ụhị mẹ nyị ọ, dị ayị anị sị du nị. Ẹnẹyịmavara ọ́ sị ọ ka, ọnị vaa navọ ọnịvị Anijuda nịnị ka ẹ̀ vaa wụ́ ẹnịnị ana kụkụ yị yara.

Ijeremaya 2:17

Ẹnẹyịmavara kà, Anisirẹrị, ẹwụ nịnị ọ kụ ọsọnị tu ẹngụ awụ nịnị nọ. Ka vị ọnị Ẹnẹyịmavara ana vị Ohomorihi awụ nịnị aa zụ ụ nịnị oze dị ụ vana và hụrị ọnị ịrẹma nịnị kẹnẹ nị.

Ijeremaya 2:19

Ẹnẹyịmavara Ochẹtẹẹngụ ka ọnị ọ sị ọ ka: Ebira odivi awụ nịnị ọ vaa sị ụya rị ụ nịnị nị. Ụ vee vú ẹtẹ nịnị agụvị ka waa và ịrẹma anị nịnị nị. Ụ vee re ịsị aa hị́ ụya nịnị, dị wa yẹ́ nịnị ka ẹ yị zoza ka we yị Ẹnẹyịmavara ana vị Ohomorihi awụ nịnị tịtẹ, dị à sị ụ kụkụ nyị angwahi anị nịnị.

Ijeremaya 20:11

Ijeremaya ka ama, Ẹnẹyịmavara ana nyị ụkata jẹẹ pe ọnị, avọọ aza anaa sị ụyaa rị ọnị e yi vee ree mẹ. Ụhị ọ vaa nyị wa nị. Ụhị ana vaa nyị wa ẹ yị vaa ta ọza eyi pàá.

Ijeremaya 22:22

Ọdọvịdị awụ nịnị vana ahị vaa kụụ kwooze. Aza ẹnẹ ẹwụrịị sì ịrẹyị ẹngụ nịnị vana vaa za ọrịhị eyi ịrẹkụ. Ẹkụra awụ nịnị vana vaa mẹ ụhịị nyị di ụhị aa nyị ụ nịnị agụvị ebira odivi ọnị ụ mẹ nịnị.

Ijeremaya 25:7

Ama Ẹnẹyịmavara kà wee yi ka wẹ yị wụ́ ịrẹyị anị nịnị. Waa mẹ ka ọnị ọ̀ kụ ayị hi u nịnị agụvị ori awụ nịnị, dị ụ sị kụ ụya tu ẹngụ awụ nịnị nị.

Ijeremaya 3:25

Ẹ ka, à jẹẹ vị ẹnị sụtẹẹtẹ và hí ẹtẹ ụhị-ụhị, agụvị ka ẹnịrị ohiku ẹnịnị ẹ sị ebira odivi mẹ hi Ẹnẹyịmavara, Ohomorihi ẹnịnị. Ẹ ka, ẹnị mẹ hụrẹ vị ozweyi, pooro va ngụ ajịnị, ẹnị ẹ yị wụ́ chire Ohomorihi da.

Ijeremaya 44:3

Ka Anị ịzọọ ệ mẹ̀ ebira odivi, ọnịrị ka ẹnịnị ệ mẹ ayị kụ ọnị, ọnị vavọọ mẹ wa nị. Ẹnịnị ẹ naa mẹ̀ ịsọvọ hi ori, dị ẹyaa hẹkẹ ori ọnị ẹwụrị wa ne beri ohiku awụ nịnị ẹ̀ yị vịdị yẹ́ da nị.

Ijeremaya 8:19

Sị ụtọ pe ẹtẹ, ịzị waa zị ịnị ẹkụra kẹnẹ, vị ọnị aa wụ̀ aza anị maa jị òrèrè. Ẹnịnị ka, aanị ka vị Ẹnẹyịmavara ẹ yị kụkụ ya nị? Aanị ka vị ohinọyị ẹ̀ yị kụkụ yà ịzọọ nị? Dị Ẹnẹyịmavara, ohinọyị ẹnịnị tụ́ ohi, dị ọ ka sị ẹ vẹ dị ụ na hẹkẹ ori nịnị, dị wee ku ẹtẹ yị ori ọzọga kẹnẹ-kẹnẹ ọnị ụ na dọ nịnị, dị waa sịị mẹ ayịị kụ ọnị nịnị?

Ijeremaya 9:19

Ẹ ka waa wụ a maa jị òrèrè. Ẹnị e si vu o! Asị ụhị mẹ nyị ẹnị saka-saka. O si tu ka ẹnị ẹ̀ hụrẹ ẹkụra ẹnịnị, agụvị ka a sị irehi ẹnịnị wú va hi ẹtẹ.

Ezikẹẹrị 16:26

Ẹwụrị ọnọhụva awụ nịnị, Anijipiti nịnị, ene eyi anị ẹ̀ yị ma hụrẹ, ê dudu sẹ̀ ịrẹka, dị ụ mẹ ka ọnị ọọ kụ ayị nịnị nị.

1 Anịkọrịntị 10:22

I yee sì ka ya mẹ ayị kụ́ Ohomorihi nị? I yéé ro ka yáa nyị ụkata hu ọọ nị?

Iwe Ọhụhị Imosiisi ana aa hị́ Ọyịvatụrọda 32:16

Ori ọnị ẹ yaa hẹkẹ vị ana mẹ Ẹnẹyịmavara kụ ụhị, di ebira odivi ẹnịnị ee du Ohomorihi ayị nị.