Ijeremaya 7:15 - IWE ỌNỊNỊ

¹⁵ Ọ kà vị ọnị vaa dụ wụ nịnị hụrị ẹngụ anka ọnị mẹ mẹ ẹyịnyara awụ nịnị, Anehwireemi nịnị avọọ nị.

Ijeremaya 7:15 ပူးပေါင်းရင်းမြစ်များ

2 Ohinọyị 17:23

Dị Ẹnẹyịmavara va dụ wa kwooze ka à sị ọnị kuku re wa nị. Ộ vịdị vavọọ raà tụ ọnịsẹ anị nịnị va ka wa ọnọ ka ọnị vavọọ vaa mẹ wa. Avọọ á mẹmẹ va za Anisirẹrị nịnị ne hi Asiriya pooro ve tu ajịnị nị.

2 Ohinọyị 24:20

Ẹnẹyịmavara ô du ayị ẹtẹẹtẹrẹ agụvị avaba ịsa ọnị aza ene hi Ijerusarẹmị ọnịrị Ijuda mẹ̀, dị ọ dụ wa hụrẹ ọvịdị anị nị.

2 Ịtọpa 15:9

Aza ọrụrụ-ọrụrụ ệ hụrẹ ẹtẹ Ehwireemi, Ịmanasẹ, ọnịrị ẹtẹ Isimiyọnị vàka Asa vẹ. Ẹnịnị ệ ra pe ohinọyị, agụvị ka ê re ka Ẹnẹyịmavara yà a ịrẹma. Asa vị ana tụ́ hị́ avaba ẹnịnị ọnịrị Anijuda ọnịrị Anịbẹnjamịnị nịnị.

Ahẹ Ụgama 51:11

Navọ asị ụ kà ka waa dụ mịị hụrẹ ịdị awụ Navọ asị ụ rẹ sị Ụhwẹ Ọnịnị awụ hụụ ịnị ayị samị.

Ayịsaya 7:16

Ama dị ọ̀ vavọọ va vịra, ẹtẹ ohinọyị ẹyịva oni u maanị ee hí angwa anị aanị sị tụ́ osusu.

Ijeremaya 15:1

Ijeremaya ka Ẹnẹyịmavara ộ kà a yị ọnị ka, Imosiisi ọnịrị Ịsamụwẹrị ẹ̀ẹ daka va jẹẹ ọvịdị anị dị ẹ yaa dá ịpẹẹ yị ọnị nị, ọnị ẹ yị kụkụ aa vayị Anịjuda nịnị. Ẹnẹyịmavara kà, à dụ wa hụrẹ ọnị eyi, à kà a ka ẹnịnị ẹẹ na.

Ijeremaya 23:33

Ẹnẹyịmavara ộ kà a yị Ijeremaya ka, àa nyị ọza ịnị ẹngụ aza anị, ọ̀ọ vị ọnịsẹ, ọ̀ọ vị ohirẹsụ irehi Ohomorihi ana họ̀ ọ use ka, ụtụ sị Ẹnẹyịmavara tụ́ kẹ? Ọ̀ kà a yị ọza ọnọọ ka ẹnya ẹ vị yị Ẹnẹyịmavara nị. Ẹnẹyịmavara vaa kụ wa kwooze.

Ijeremaya 23:39

Ọnị Ẹnẹyịmavara vee hí ayị ẹnịnị saka-saka. Ọnị vee ne ẹnịrị ẹkụra ọnị ọnị sị yị ẹnịrị ohiku ẹnịnịị ta huu nị.

Ijeremaya 3:8

Ọ kà, Ijuda ẹnẹẹ yị nyị ịzẹyịza vị onyeyiza Isirẹrị. Oo re ka ọnị ộ jị Isirẹrị ịjẹvụ, dị ọnị da uwe yọ, dị ọnị dụ ọ kana kwooze nị, agụvị ka ộ và ịrẹma ka ọnị, ọ naa sẹ̀ ịrẹka. Ama angwa ẹ yị hụvị avọọ hi Ijuda, ọnị ọ́ rẹ naa sẹ̀ ịrẹka ụhị ẹ yị nyị ọ.

Ijeremaya 52:3

Dị ayị kụ Ẹnẹyịmavara tu Anijerusarẹmị nịnị ọnịrị Anijuda nịnị, dị ọ hụ́ wa hụrị ẹngụ anị eyi nị. Ịzẹdẹkaya ộ kụ̀ hịrẹ Inebukadineza ohinọyị Ịbabịrọnị.

Ijeremaya 9:19

Ẹ ka waa wụ a maa jị òrèrè. Ẹnị e si vu o! Asị ụhị mẹ nyị ẹnị saka-saka. O si tu ka ẹnị ẹ̀ hụrẹ ẹkụra ẹnịnị, agụvị ka a sị irehi ẹnịnị wú va hi ẹtẹ.

Ezikẹẹrị 23:31

Ẹwụrị onyeyiza awụ ọ zị ụsẹ ọnyọọnya nị, agụvị avọọ, ụya ọnyọọnya ọnị raa sịị rị ẹwụrị ọ nị.

Ezikẹẹrị 33:25

Ọ kà ọnị ọ̀ kà a yị wa ka ọnị Ẹnẹyịmavara Ochẹtẹẹngụ ka, waa rị uye nịnị, dị waa sẹ̀ ịrẹka nịnị nị. Sị ẹ mẹ ka wee rò o nịnị ka aa wụ nịnị ẹtẹ ọnọnị vị̀ nị?

Ihoseya 1:4

Dị Ẹnẹyịmavara kà Ihoseya ọ̀ yị́ ozi ọnọọ Ijezirẹẹrị. Ộ ka agụvị ka ọ yị vee ku dị ọnị ọ̀ sị ụya rị evere Ijehu agụvị aza anị ọnị Ijehu wụ̀ Ijezirẹẹrị. Ọ kà agụvị avọọ ọnị vee vu Anisirẹrị nịnị ẹtẹ.

Ihoseya 12:1

Anehwireemi nịnị vị ana sị avaba ụmẹ ẹnịnị tịtẹ aa sị dụ osusu ọnịrị oyidu kẹnẹ. Dị ẹ dà ụvọ tụ́ ụvọ ịnị ireche ọnịrị ezigidi ọyịmẹ̀ huu avọọ nị. Dị ẹnịrị Anisiriya mẹ̀ eto vabẹ, dị ẹyaa sẹ̀ ohu angwẹ nọ Ijipiti nị.

Ihoseya 13:16

Anịsamarịya vị ana a vaa sị ụya rị agụvị ka ẹnịnị ệ mẹ akamawụ hi Ẹnẹyịmavara. Eyi ịrẹkụ ẹnịnị vee su nị. Ezinụvọ ẹnịnị vị ana a vaa sẹ ku ẹtẹ, dị a sị ụhwọ ha avaba anẹẹ ẹnịnị ene zyẹẹ ịnẹ.

Ihoseya 7:13

Ka ẹnịnị e yi ọnị tịtẹ o vee du wa ku nị. E vee su agụvị ka ệ mẹ̀ akamawụ hi ọnị. Ọnị yaanị dọ wa ha ama e yee cheeche kú ọnị.

Ihoseya 9:13

Ọnị vịdị e re Isirẹrị ka o zoza anka ọsọchị ana aa hụ ịnị ẹtẹ zoza avọọ, ama booro aanị ẹnịnị ụvọta ẹ kụ́ ezi ẹnịnị tụ́ ẹhẹ ka aa wụ̀ wa nị.

Ihoseya 9:3

Ẹnịnị ẹ yị vaa ra ịnị ẹtẹ Ẹnẹyịmavara. Aza ẹnyị ẹnịnị vị ana vaa kụ varẹma nọ Ijipiti, dị aa kụ ọba ẹnyị nọ Asiriya ịzị ẹ vaa rị ịsa enyisi.

Ihoseya 9:9

Ẹnịnị vị ana nyayịnẹ du ha anka ẹ mẹ vịdị ya Igibiya ịyẹẹyẹ. Ohomorihi e yi vee hi ayị ebira ọhịmị ẹnịnị. Ọ vaa sị ụya anị rị wa.

Ijona 2:4

Ọ kà, ọnị ò ro ka Ẹnẹyịmavara ọ sị ọnị dụ hụrẹ ọvịdị anị, dị ọnị ẹ yị kụkụ zụ ngụ ịnị irehi ọnịnị anị nị.

Ịrịka 1:32

Evere Ehwireemi ana vi ozi Ijosẹẹhụ ana daa hụrị ịrayị ohu va hịrẹ ana sị hụ ọ tu ịrẹkụ ana a chẹrẹ ịrẹha ẹnịnị