Ijeremaya 7:14 - IWE ỌNỊNỊ

¹⁴ Avọọ, ịsị ọnị mẹ Isiiro avọọ, vaa mẹ irehi anị ọnọnị ọnị ụ vavọọ sị ayị tụra nịnị nị. Ọ kà, ọnị ọ vịdị sị ịzọọ yị ẹwụrị ohiku awụ nịnị nị.

Ijeremaya 7:14 ပူးပေါင်းရင်းမြစ်များ

2 Ohinọyị 25:9

Dị Inebuzaradani rị irehi Ẹnẹyịmavara ọnịrị irehi ohinọyị ne beri irehi aza ọkọọka ene hi Ijerusarẹmị ịra nị.

2 Ịtọpa 7:21

Ịjị ụmẹ oo tu, irehi ọnọnị ana maanị ngụ ọza eyi, aanị vee hi aza eyi, dị aza ee, họ̀ use ka sị ẹ vẹ dị Ẹnẹyịmavara maanị mẹ anẹkụra ọnọnị ọnịrị irehi ọnọnị aanị?

Ahẹ Ụgama 78:60

Ohomorihi ọ sị wa hụrẹ ụvọ tụ́ Isiro ịzị ẹnịrị wa vịdị kụ́ udi tụ́, dị ọ ra ịzọọ.

Ayịsaya 64:11

A sị irehi ọnịnị ayị ana maanị zoza rị ịra. Ịzọọ ohiku ayị nịnị yaa gama wụ nị. Avaba aha ẹnị i sì ịrẹyị anị ẹ sị jị eburu.

Ijeremaya 12:7

Ẹnẹyịmavara kà, ọnị ọ sị va ịrẹma Anisirẹrị nịnị, ọnị ọ raa hụrẹ aza anị ụvọ. Ọnị ọ raa sị aza ọnị ọnị sì ịrẹyị anị chire ọnịvị ẹnịnị ụvọ.

Ijeremaya 23:39

Ọnị Ẹnẹyịmavara vee hí ayị ẹnịnị saka-saka. Ọnị vee ne ẹnịrị ẹkụra ọnị ọnị sị yị ẹnịrị ohiku ẹnịnịị ta huu nị.

Ijeremaya 26:18

Ụmẹ ọnị Ihezekaya sị vị ohinọyị Ijuda, ọnịsẹ ana aā hị́ Imika hụrị ẹtẹ Imoreseti ộ ka ịrẹyị Ẹnẹyịmavara Ochẹtẹẹngụ yị avaba aza ka: E vee hùru anka a mee huru aarẹ avọọ, ọ ka, a vaa jị Ijerusarẹmị eburu saka-saka dị Irehi Ohomorihi kụkụ vara iruku tịtẹ.

Ijeremaya 26:4

Ijeremaya ka Ẹnẹyịmavara kà ọnị ọ̀ kà a yị aza ẹnẹẹ ka, ẹnịnị èe yị ka ẹnị ẹ́ yị wụ́ ịrẹyị ọnị Ẹnẹyịmavara, dị ẹnịnị ẹẹ saasa ọda ọnị ọnị sị yị wa nị,

Ijeremaya 7:10

dị ụ varẹma va jẹẹ ọvịdị anị nịnị ịnị irehi ọnọnị ana a yaa hị́ ịrẹha anị dị ụ ka: Wa sị ha nịnị? Wa sị ha nịnị ka wa naa mẹ̀ ịsa anaa nyị ọnị ịhyẹrẹ aanị waa yọ?

Ijeremaya 7:12

Ọ kà, nọ ẹtẹ Isiiro nịnị booro aanị, ịzị a vịdị yaa hẹkẹ ọnị ịpaapa dị we re nịnị ịsị ọnị sị ọ mẹ agụvị ebira odivi Anisirẹrị nịnị.

Ijeremaya 7:4

Hụụnị ịrẹyị evene ọnị aza aa kà a wụ nịnị ọ̀yị dọ wụ. Ẹ ka, agụvị ka Irehi Ẹnẹyịmavara yịị ịda awụ nịnị, wa sị ha nịnị.

Arụwẹ 2:7

Ananyị yị o yí ụta ịsọvọ anị tịtẹ, dị ộ jịnẹ hụụnị irehi ọnịnị Anị nị. Dị ọ navọ ka ọnịvị ẹnịnị è ve wu ọvọ va hi ẹtẹ nị. Dị ẹ jẹẹ ịnị irehi Ohomorihi, dị ẹ̀ nowu hyịwụụ èe rere aa rị eche avọọ. Dị ẹ kà ẹnị ẹ raà nyị ẹbẹẹba ẹnịnị nị.

Arụwẹ 4:1

Kaaa! Ezi Anijerusarẹmị ana vịdị maanị nyị ụbanyị anka igooru ana za ẹtẹ avọọ ẹ maanị mi aanị nị? Ịrẹta ana sị da irehi Ohomorihi ẹ kụ gara và hí avaba oze ẹkụra.

Ezikẹẹrị 23:31

Ẹwụrị onyeyiza awụ ọ zị ụsẹ ọnyọọnya nị, agụvị avọọ, ụya ọnyọọnya ọnị raa sịị rị ẹwụrị ọ nị.

Ezikẹẹrị 24:21

Ọnị ọ̀ ka ụtụ ọnọnị yị Anisirẹrị nịnị ka ẹwụ nịnị Anisirẹrị vị enee wuu zị ka aa nyị ụkata ịnị irehi Ohomorihi nịnị. Uū sì ka wa vẹ ịnị Irehi Ohomorihi nịnị. Ama ọnị Ẹnẹyịmavara vaa mẹ Irehi anị ọnọọ ọsọọsa. Ezweyi-ezweyi awụ nịnị ana vọ hi Ijerusarẹmị vị ana a vaa kụ ịrẹkụ vaa wụ̀.

Iwe Ọhụhị Imosiisi ana aa hị́ Ọyịvatụrọda 12:5

Ama ẹnịnị e sì ịzị Ẹnẹyịmavara Ohomorihi vaa nyị ka ọ vị irehi anị ịnị avaba ịrẹsụ ẹnịnị, dị ẹẹ nọ ịzọọ na hẹkẹ ẹ.

Iwe Ọhụhị Imosiisi ana aa hị́ Ọyịvatụrọda 28:52

Ẹnịnị vaa kụ́ ịrẹkụụ ngụ avaba ẹkụra awụ nịnị, di e wú avaba ọvọ ana a jị kara awụ nịnị. Ọvọ ẹnẹẹ ụ sị ayị tụra ka ẹ yị vaa zẹẹ ka à nyị ịsị ẹ mẹ̀ wụ nịnị nị. A vaa kụ́ ịrẹkụụ ngụ avaba ẹkụra ene hi ịnị ẹtẹ ọnị Ẹnẹyịmavara aa sị wụ nịnị aanị.