Ijeremaya 6:7 - IWE ỌNỊNỊ

⁷ Enyi meē hi ẹtẹ ịnị ịkangga avọọ, avọọ ebira odivi-odivi mẹ gwẹtẹ Ijerusarẹmị nị. Ebira ụkata-ụkata ọ̀yị sị mẹ ịrẹyị ọnịrị ịsa oyi du ha aa wụ́ ịzọọ nị. Ụkụ ọnịrị ụnava kẹnẹ ọnị ee re ịzọọ nị.

Ijeremaya 6:7 ပူးပေါင်းရင်းမြစ်များ

Ụhịrẹyị 4:23

Sị eyi pe ẹtẹ ụ mẹmẹ e ro ịrẹyị. Ọza mee ro ịrẹyị ọọ ra ẹhẹ anị nị.

Ayịsaya 1:6

Hụrẹ ịrẹsụ awụ huu na ngụ ahẹtẹ awụ, ẹ yị nyị ịzị ẹ dà tịtẹ ẹnẹ ẹ̀ yị nyị ụnava. Avaba ẹngụ awụ vị ịtahụ-ịtahụ dị ẹ yaa và nị. Ọza ọ yị nyee yọ dị à hyakụ va sụ́ ọ. Ọza ọ yị sị ahọ̀nọ tụ́ ọ.

Ayịsaya 57:20

Ama aza ẹhịmị vị ana vaa sị mẹẹ enyi ini òkū avọọ. Enyi ini òkū ẹ yị ma tịtẹ sisisii. Ahị vị anaā kụ ọ vaa hịrẹ dị ọ vị ọnịrị ịdọtị beri ụdọ.”

Ayịsaya 59:6

Ọ yị wụra mẹ achị ku ẹngụ; Ẹ yị nyị ọyịza ọnị ọ mẹ yị wa. Udivi kẹnẹ ọ vị ụkọrọ ụvọ ẹnịnị nị. Ụkọrọ eduha kẹnẹ ẹ sị ụvọ za nị.

Ijeremaya 20:8

Ọ kà ụmẹ tụra ụmẹ ọnị ọnị aa kà ịrẹyị vị ọnị ọnịị na owu ka, ezigi aa vẹ! Ee vee vú ẹnị ẹtẹ. Ọ kà, vị Ẹnẹyịmavara, waa kụkụ aa sị eyi wo nị dị aa mẹ̀ ọnị isiya pooro kẹnẹ, agụvị ka ọnị aa kà ụtụ ọnị ụ tụ ọnị nị?

Ijeremaya 30:12

Ẹnẹyịmavara kà, ọza ẹ yị zụ mẹ ụnava ana a tọ ụ nịnị aanị, ụnava ọnọnị ẹ yị kụkụ zụ vị.

Ijeremaya 30:13

Ẹ́ yị nyị ọza anaa da ịpẹ ịrẹyị awụ nịnị; ẹ́ yị nyị ịsị a zụ sị mẹ ịtahụ awụ nịnị, asị ụ tụra eyi ka ẹngụ awụ nịnị vaa nịya o.

Ijeremaya 30:15

Ẹnẹyịmavara kà, sị ẹ vẹ di we nowu zị nịnị agụvị ụnava awụ nịnị ọnị ọza ẹ̀ yị zụ mẹ? Ọ kà, agụvị ebira odivi ọrụrụ-ọrụrụ awụ nịnị ọnịrị ayịchama awụ nịnị ọnị maanị sị mẹ ụ nịnị nị.

Ijeremaya 32:31

Ọ kà, ẹkụra ọnọnị me hụrẹ nyima, pooro va ngụ ajịnị, aza ene hi ịnị anị hụrẹ aa mẹ ayịị kụ ọnị dị ayị aa dọva nị. Agụvị avọọ ọnị ka ọnị ee vu wa ẹtẹ nị.

Ijeremaya 8:22

Ọ kà, aanị ka ẹ yị kụkụ nyị ahọ̀nọ ẹtẹ Anigiriyadi? Aanị ka ẹ yị kụkụ nyị Idokita ịzọọ? Sị ẹ vavẹ dị ẹngụ aza anị ẹ̀ẹẹ yị va nịya?

Ezikẹẹrị 21:29

Ọ kà ẹtẹ ọnị wee ré nịnị vị apẹ. Ịsẹ ọnị waa kà nịnị vị ireche osusu. Ọza ọhịmị ụ vị nịnị nị. Wee divi nịnị. Ama ụmẹ awụ nịnị aa vẹ, ọnị ụ vaa rị ụya awụ nịnị ọdịrẹma. A vaa sị ụhwọọ tụra awụ nịnị ọrọkọ.

Ezikẹẹrị 24:7

 wụ̀ aza ịnị ẹkụra Ijerusarẹmị, ọza ẹ̀ yị jị wa hi ini eteesu dị a zụ ku ezi ku ọ. Ịrẹsụ ịda a jị wa hi nị.

Ezikẹẹrị 45:9

Ẹnẹyịmavara Ananyị ụkata hu ka, ẹwụ nịnị ọdọvịdị Anisirẹrị, ebira odivi awụ nịnị oo zé ọgọnị. Hụụnị ụkata-ụkata ọ̀ yị sị mẹ ịrẹyị nịnị, dị a sị ụ rẹ kụkụ mẹ ehuna yị aza nịnị. Waa sị ịzẹyịzaa mẹ ịrẹyị nịnị, dị waa mẹ̀ ịsa ana vọrọ nịnị. Ọ kà asị ẹ rẹ dụ aza anị hụụnị ẹtẹ ẹnịnị. Ọnị Ẹnẹyịmavara aa kà a yị wụ nịnị nị.

Ezikẹẹrị 7:11

Ebira jugu-jugu ana aza aa mẹ, ọ kụkụ raa mẹ ka ẹẹ chamayị hu avọọ. Ẹ́ yị nyị ịsị ẹnịnị ana navọọ tịtẹ; ẹ́ yị nyị ogu ẹnịnị ọnịrị ịsị ẹyaa sịị mẹ ụbanyị ana vaa vọ tịtẹ.

Ezikẹẹrị 7:23

Ọ kà avaba ẹtẹ Isirẹrị ọ sị vazi, aza vị ana a kụkụ aa wụ kẹnẹ, dị avaba ẹkụra kụkụ vị ohihi yị ebira odivi-odivi nị.

Ịzẹhwanaya 3:1

Ịrẹyị o tù Ijerusarẹmị ẹngụ agụvị ka ẹkụra ọnọọ o si du. Aza ana ra ịzọọ aa mẹ akamawụ, dị ẹ yaa chamayị yị ẹngụ nị.