Ijeremaya 6:30 - IWE ỌNỊNỊ

³⁰ Ẹnẹyịmavara kà, enyusẹ ene si du ha a vanaa hị́ wa nị, agụvị ka ọnị ọ sị yi hụụnị aza anị.

Ijeremaya 6:30 ပူးပေါင်းရင်းမြစ်များ

2 Ohinọyị 17:20

Ẹnẹyịmavara ô yi avaba Anisirẹrị nịnị, ộ sụ ụya rị wa, dị ọ hụrẹ wa ụvọ yị ọnịvị ẹnịnị ana ahịka ka ê divi nị. Avọọ ọ mẹ̀ mẹ wa pooro ne tu ịjị ọ́ raà dụ wa kwooze nị.

Ahẹ Ụgama 119:119

Avaba aza ana aa mẹ̀ ebira odivi vị ana yà anka ụsẹmụsẹ ini itutu avọọ éyi awụ. Emee sì ịrẹyị ọda ọnị ụ mẹ.

Ahẹ Ụgama 53:5

Ama Ohomorihi vee chire wa angwa ana ahịka ẹnịnị eè yi re da Aza ana àa kwẹẹtẹ tù aza Ohomorihi, Ohomorihi vị ana vaa tana ụvọọ za aza ẹnẹẹ Aza Ohomorihi ọ vaa nyị ehuna aza ẹnẹẹ nị, agụvị ka Ohomorihi ọ sị aza ẹnẹẹ yi tịtẹ.

Ụhịrẹyị 25:4

Aa raa sị ịra hụ akịka hụụnị enyusẹ anaā hị́ isiriva, dị ọ vị ịsa ọkụmị-ọkụmị ana a nyẹngụ sị tu ịsa ene ozoza.

Ayịsaya 1:22

Ẹwụ nịnị Anijerusarẹmị, wê vịdị zoza nịnị anka enyusẹ ana a sịị mẹ ẹkẹhị avọọ, ama booro aanị, wẹ yị kụkụ bẹrị nịnị. Ịrẹyị awụ nịnị ô vịdị hine ọza anka eche avọọ, ama booro aanị vị ụ kụkụ sị mẹẹ anka eche ana a dà enyi hi avọọ nị.

Ayịsaya 1:25

Ọ kà ụvọ anị vaa za wụ nịnị, dị ọnị ọ̀ hara ẹ̀vụ̀vụ̀ awụ nịnị ha.

Ijeremaya 14:19

Anijuda nịnị ka tee! Vị Ẹnẹyịmavara wa kụkụ sị ẹnị yi tịtẹ samị-samị nị? Ẹ ka, vị Ẹnẹyịmavara waa kụkụ nyị ịhyẹrẹ Anịzayọnị nịnị nị? Sị ẹ vẹ dị ọ maanị kụ ẹngụkata odivi tu ẹnị ka, asị ẹngụ ẹnịnị zụ nịya? Ẹnị ee zi ka ẹnị a vaa nyị ẹngwọọrọ, ama ẹ yị nyị ịsị ọyịza anaa mẹẹ tu ẹnị vụrụ-vụrụ. Ẹnị èe zị ka ẹngụ ẹnịnị aa vaa nịya, dị ahịka ayịhụrịnẹ ọ rẹ vẹ nị.

Ijeremaya 23:33

Ẹnẹyịmavara ộ kà a yị Ijeremaya ka, àa nyị ọza ịnị ẹngụ aza anị, ọ̀ọ vị ọnịsẹ, ọ̀ọ vị ohirẹsụ irehi Ohomorihi ana họ̀ ọ use ka, ụtụ sị Ẹnẹyịmavara tụ́ kẹ? Ọ̀ kà a yị ọza ọnọọ ka ẹnya ẹ vị yị Ẹnẹyịmavara nị. Ẹnẹyịmavara vaa kụ wa kwooze.

Ijeremaya 7:1

Ẹnẹyịmavara ọ maanị tụ Ijeremaya ụtụ nị.

Ijeremaya 7:29

Ọ kà, ẹwụ nịnị Anijerusarẹmị ọ̀ kụ ịrẹsụ awụ nịnị. Na yà ịnị ataba dị wa jị òrèrè nịnị agụvị ka Ẹnẹyịmavara aa kụ ayị hi anụmọgọnị. Ọ sị wa yi hụụnị aza anị.

Arụwẹ 5:22

Ẹnẹyịmavara ụ wáá sị yị yi tịtẹ saka-saka nị? Aanị ka ọyịkụ awụ ẹ yị vaa nyị ẹhwị?

Ihoseya 9:17

Isirẹrị ộ mẹ̀ akamawụ yị Ohomorihi anị. Ộ ka booro aanị ọnị vaa sị ụkata-ụkata dụ wa ka ẹ ngụ ẹkụra-ẹkụra zịịzị.

Ịzakaraya 11:8

Ịnị akakana ụhwẹ ọnya, ọnị ộ jị oseratẹmẹ ẹẹta agụvị ka ẹnịnị ệ nyị ịhyẹrẹ anị. Ọnị ẹ yị kụkụ nyẹngụ sị ẹngụ dọ ịrẹyị ẹnịnị.

Imatiwu 5:13

“Ẹwụ nịnị ọ vị anọ yị anẹhẹ nị. Ama anọ ọ̀ọ sị uhine anị ne ta, sị a kụkụ aa sịị vara a ka ò hine? Ẹ yị kụkụ nyị ịsị ọ rụra mẹ, à yị vị ka è ne e ta, dị aza ẹ̀ẹ kụ́ ahụụ hi ọọ.

Aniroomi 11:1

Jẹẹ, me re họ̀ use ịrẹyị ọnya, oo. Vị Ohomorihi wâ sị Anisirẹrị yi tịtẹ nị? Vụrụ-vụrụ, ọchị ọnọọ ịrẹsụ! Ẹmị nyẹmba vị Anisirẹrị. Obooro Abụrahamị mị chị hụrẹ vẹ nị; anovwoovu Ịbẹnjamịnị mị vị nị.