Ijeremaya 6:28 - IWE ỌNỊNỊ

²⁸ Avaba ẹnịnị vị ana nyị ayị ọkatẹngụ; vị ẹẹ kụụ hịrẹ ọza nị. Ẹnịnị ẹẹ katẹngụ huni enyusẹ. Ẹ kụ vụ, vị ẹnịnị kụ ọza ịrẹkaa zị nị.

Ijeremaya 6:28 ပူးပေါင်းရင်းမြစ်များ

Ahẹ Ụgama 14:1

Ọnụra vi ene eē ro o ịnị ayị ẹnịnị ka ẹ yị nyị Ohomorihi. Dị ẹnịnị aa mẹ̀ ebira edivi-edivi irenyi-irenyi; nyị ọza ikonya ana aa mẹ̀ ebira ana vọrọ.

Ahẹ Ụgama 50:20

Waa kà ịrẹyị odivi ọyịnyara awụ di wee du ọ ịrẹsụ.

Ụhịrẹyị 10:18

Anapẹ ọ sị ẹnyị tụ ịnị ịnẹ ka ọsa nị, ọnụra oō du ọza nị.

Ayịsaya 31:6

Ẹwụ nịnị Anisirẹrị, wa raà mẹ̀ ebira odivi hi Ohomorihi nịnị. Navọ wa varẹma ka a na nịnị.

Ijeremaya 18:18

Dị Anijuda nịnị ka, à vẹ dị ẹnị ẹ̀ mẹ Ijeremaya ọnyaa. Ẹnị ẹ̀ẹ mẹ ọnyaa, ohirẹsụ irehi Ohomorihi ị ve hi ẹtẹ ana vaa sị ịrẹyịị zụ ẹnị; aza ana yẹ ịrẹyị hi ẹtẹ ene vee pe ẹnịị jị uwe. Ọnịsẹ nịnị hi ẹtẹ ọnị Ohomorihi vaa yịị tụ́ hi ẹnị. Ẹ ka, à vẹ ẹnị ẹ̀ kwẹẹtẹ tu ọ, dị asị ẹnịnị kụkụ wụ́ ịrẹyị anị.

Ijeremaya 20:10

Ijeremaya ka ọnị aa wụ́ aza maa kà a chire ẹngụ ụtọ ka: Avaba aha vị ayịhụrịnẹ-ayịhụrịnẹ! avọọ, à jẹẹ ẹnị ẹ̀ sị ịrẹyị anị na tụ ọdọvịdị nịnị ịrẹka. Ọta anị nịnị bẹẹ vị enee zí ka ọnị ọ̀ sẹ ẹdụ. Ẹ ka, ẹyịyara, e vee zuu vene ọnị, dị ẹnị ẹ̀ zá ọnị. Ẹnị ẹ̀ẹ zá ọnị, dị ẹnị họ̀ oponu ịrẹyị ẹngụ ẹnịnị.

Ijeremaya 5:23

Ama ẹwụ nịnị vị anayọkatẹngụ, vị ụụ kụ̀ụ hịrẹ ọza nịnị nị. Wa sị ha tụ awụ nịnị, wẹ yị kụkụ saasa ọnị nịnị.

Ijeremaya 6:30

Ẹnẹyịmavara kà, enyusẹ ene si du ha a vanaa hị́ wa nị, agụvị ka ọnị ọ sị yi hụụnị aza anị.

Ijeremaya 7:28

Avọọ, ọnị ọ̀ kà a yị wa ka ẹnịnị vị anẹkụra ẹnị ẹ̀ yị ma wụ́ ịrẹyị Ohomorihi ẹnịnị Ẹnẹyịmavara. Ẹnịnị ma kọ ịrẹyọyẹ aa daka sị ụya rị wa. Ịzẹyịza ộ ta, aza ẹ yị kụkụ ka ịzẹyịza.

Ijeremaya 9:3

Ẹnịnị venee ne ịrarẹ ẹ nịnị tịtẹ ò yị cheeche Irikichi ẹ yaa mẹẹ ngụ ẹkụra ẹnịnịị zị nị; ẹnịnị ẹ ma ka ịzẹyịza. Ẹnẹyịmavara kà, aza anị vanaa hụrị ụvọ ebira odivi ẹnyị dị ẹ yaa sị ọsa. Ẹnịnị ẹ yị yẹ ọnị.

Ijeremaya 9:4

Ọzọza ọ sị ụvọ za ẹngụ anị ịnị ụvọ ọta anị o; dị asị a nyị ọza ana sị ayị tụra ọza ka ọnịrị ọ ọọ vị ẹyịnyara. Ka ẹyịnyara vene kuku e vene ẹngụ anka Ijekọvụ avọọ. Dị ọzọza kuku e du ọnọhụva anịị zị nị.

Ezikẹẹrị 2:7

Ẹnẹyịmavara kà, ịsị ọnị ọọ kà a yị ọnị kẹnẹ, ọnị vaa kà a yị wa nị, ẹẹ ka ẹnịị wù, ẹẹ ka ẹnị ẹ́ yị wụ. Asị ayị hi ọnị ka vị Anisirẹrị nịnịị kụ́ụ hịrẹ ọza nị.

Ezikẹẹrị 24:13

Ẹwụ nịnị Anijerusarẹmị, ebira ịrẹkọyịsẹ awụ nịnị ọ raa mẹ ka asị ụ kụkụ nị nịnị. Ọnị ộ sị vụrị ka ọnị ọ̀ dụ wụ hụụnị anị nịnị, ama vị waa yịị mẹẹ nịnị nị. Wẹ́ yị vaa hụụnị ịrẹkọyịsẹ nịnị ẹ̀ yị vị ọ̀ọ raa sị ọyịkụ anị zụ̀ wụ nịnị ẹtẹẹtẹrẹ.

Ireevi 14:43

Ịrẹma ana sị ịrẹta ana chị uru aanị hu kwooze, dị a sị ugene anị hara, dị a varẹma sị ọ sisi, irehi ọnọọ ọ̀ọ varẹma vanaa chi uru,

Ireevi 19:16

Ọ kà à sị ẹnịnị yà ịnị akakana anda ẹnịnị dị ee du ọza ịrẹma. À sị a nyị ọza ana na dọ ivenu ireche ana vaa mẹ ka à wụ ọnọhụva anị.

Ẹtore 11:18

Ayị anẹkụra nịnị aa dà ọva, ọyịkụ awụ ộ vẹ. O si tù ka à mẹ̀ ọkarẹyị yị oku nịnị, dị ụ wa sị ọgụ yị ezi ahụ awụ ọnịsẹ nịnị ọnịrị aza awụ beri aza ana nyị angwahi awụ, ẹ̀ẹ vị ozweyi, ẹ̀ẹ vị ọzọkụ. Ama aza ene vịdị ee du ẹhẹẹ ha, di u vu wa ẹtẹ.

Ẹtore 19:2

Ịzẹyịza ọ sịị̄ mẹ̀ ọkarẹyị anị nị, ọ mā nyị ireche. Ọ raà mẹ̀ ọkarẹyị yị ọsẹrẹka ọbanyị ọnọọ ana aa sị ịrẹkọyịsẹ anịị du ẹhẹ. O re reè si ọ atọ agụvị ezi ahụ anị ọnị ọ wụ̀.”