Ijeremaya 6:21 - IWE ỌNỊNỊ

²¹ Ọ kà, agụvị avọọ, ọnị vee zina ịrẹta jị wa ọvịdị ọnị ẹ vaa tụ ahụ ịnị anị dị ẹ sẹ ẹdụ. Ada rị ozi nịnị vee su, avọọ ọta-ọta nịnị ọnịrị aza ana ra gụrị ẹngụ ẹnị me re vee su nị.

Ijeremaya 6:21 ပူးပေါင်းရင်းမြစ်များ

2 Ịtọpa 36:17

Avọọ Ẹnẹyịmavara sị ohinọyị Ịbabịrọnị ka o va eyi ka wa nị. Dị ohinọyị wụ̀ ezi ọmụha Anijuda huu na ngụ ịnị irehi Ohomorihi. Ẹ yị nyị ọza ọnị ẹ vayị anị, ozweyi a vị ọzọkụ, ọnọrụ a vị ọnẹẹ, ọnụkụ a vị ọza ana nịya, Ohomorihi vị ana hụrẹ avaba ẹnịnị ụvọ chire ohinọyị Ịbabịrọnị ụvọ.

Ayịsaya 8:14

Ọ rẹ ka ọnị vị ọnịnị. Agụvị avọọ ọnị vị ana sị mẹẹ anka ịrẹta ana aza và anggaa jịnẹ dị ẹ hyẹdụ avọọ yị Anijuda ọnịrị Anisirẹrị. Dị ọ rẹ ka ịrẹpa ọnị vị yị Anijerusarẹmị nị.

Ayịsaya 8:15

Ọ kà ọrụrụ-ọrụrụ ẹnịnị vaa tụ́ ahụ, dị ẹ hyẹdụ, dị ẹ gara va ha. E vee horo ngụ ịrẹpa, dị a va za wa.

Ijeremaya 13:14

Ẹnẹyịmavara kà ọnị vee gù avaba ẹnịnịị chire ẹngụ. Ada rị ozi bẹẹ vị ọnị ọnị guu chire ẹngụ. Ọnị ẹ yị vaa vayị ẹnịnị ka ọnị ẹ yị vu wa ẹtẹ.

Ijeremaya 13:16

Waa sị ụbanyị yị Ẹnẹyịmavara, Ohomorihi awụ nịnị dị ọ̀ vaa mẹ ka ịrahụ ọ̀ za ụ nịnị, dị wa vaa vangga nịnị ịnị ataba. Sị ụbanyị yọ nịnị dị ọ̀ vaa vara ẹtohweyi ọnị wee zi eyi nịnị ịrahụ ruma-ruma.

Ijeremaya 18:21

Ama booro aanị Ẹnẹyịmavara ọ̀ navọ ụngwẹ ọ̀ wụ ezi ẹnịnị và ha; ọ̀ navọ à wụ̀ wa và ha eyi ịrẹkụ. Ẹnẹyịmavara ọ̀ navọ ọ̀ jị anyẹnẹẹ ẹnịnị osoku, dị ezi ẹnịnị ẹ̀ jị wa ụvọ. Ọ̀ navọ ụkụ ọ̀ wụ ọnọrụ ẹnịnị, dị à wụ ezwọọmụha ẹnịnị và ha eyi ịrẹkụ.

Ijeremaya 18:23

Ama Ẹnẹyịmavara waa yẹ́ avaba eyi ẹnẹ yaa gẹ ka à wụ ọnị. Ẹnẹyịmavara, asị ụ vagu wa ịnị ebira odivi ẹnịnị; asị ụ sị eyi hụụnị anị yị wa. Nyị ẹbẹẹba ẹnịnị dị wa gụ wa sẹ ẹdụ. Sị ọyịkụ tana ụvọ za wa o.

Ijeremaya 21:7

Ọ kà ama Ịzẹdẹkaya, ọdọvịdị ẹkụra anị nịnị, ọnịrị aza ana vọ ịrẹma ịrẹkụ, ụngwẹ ọnịrị ụkụ ọnọọ, vị ọnị ọnị vaa hụrẹ ụvọ yị Inebukadineza ọnịrị ọnịvị ẹnịnị enee si wa isu. Ẹnẹyịmavara kà Inebukadineza vaa wụ̀ wa, ọza ịnyara ẹ yị yaa vọ. Ẹ yị vaa vayị ẹnịnị vụrụ-vụrụ.

Ijeremaya 8:12

Ọ kà, ụhị waa vanaa nyị aza anị ka ẹnị ệ maanị mẹ ịsị edivi ẹnẹnị da? Ịzị ọ na vị. Ụhị ọ ma nyị waa vụrụ-vụrụ. Ẹnịnị ẹ ma sị eyi tẹ ka aza ee re ẹnị, avọọ ẹnịrị aza ana vọ ẹ vaa hyẹdụ nị. Ẹ́ ẹnịnị vaa ta ịhị ọnị aa sị ụyaa rị wa.

Ezikẹẹrị 3:20

Ẹnẹyịmavara kà, ọza ọyịza ọ̀ọ va hụụnị ebira ọyịza anị naa mẹ udivi, dị ọnị kụ́ ẹngụkata tu ọ nị, ọnị Ezikẹẹrị ẹ̀ yị kà a ọnọ, vị ee sù isu ebira odivi anị nị. Ọnị ẹ́ yị vaa tamayị ọyịza ọnị ọ́ vịdị mẹ, ama ọnị Ezikẹẹrị ọnị vaa họ̀ use anị nị.

Ezikẹẹrị 5:10

Ụyọrị ọnọọ, ada rị ozi nịnị vaa wụ̀ ẹngụụ rị Ijerusarẹmị. Ẹnẹyịmavara kà ọnị vaa sị ụyaa rị wụ nịnị, dị ọnị gara aza awụ nịnị ana vẹtẹ ne hi avaba aha.

Ireevi 26:37

Ẹnịnị vị ana vaa vanggaa jịnẹ ẹngụ ọza òo rere ee zwe ka a sị ịrẹkụ rị ọnị avọọ, ama ẹ́ yị nyị ọza ana aa dụ wa. Ẹnịnị ẹ́ yị kụkụ vaa nyị ụkata ọ̀ yị pe ọnịvị ẹnịnị kụ̀ ịrẹkụ.

Aniroomi 11:9

Idevidi ọnị ọ rẹ vịdị kà a ka, “À kà ka ịzị ẹ yà aa rị ịsa, ọ̀ vara ịrẹpa za wa, ẹnịnị ẹ̀ và angga, dị è sí wa atọ!

Aniroomi 9:33

 vịdị vavọọ chẹrẹẹ tụ́ ini Iwe Ohomorihi ka, “Re! Mâ sị ịrẹta ọnya tịtẹ Ịzayọnị; ịrẹta ọnị ọzaā tụ́ ahụ ịnị anị ọ vị nị; ịrẹta anaā mẹ ka ọza ọ̀ hyẹdụ ọ rẹ vị nị. Ama ọza ana àa sị ayị tụraa, ụhị ọyị vaa nyị ọọ.”

1Ipita 2:8

Ịrẹta ọnị ọzaā tụ́ ahụ ịnị anị dị ọ hyẹdụ ọ vị nị. Ệ vavọọ hyẹdụ, agụvị ka ẹnịnị ẹ́ yị dọ ịrẹyị Ohomorihi wụ. Avọọ Óhomorihi mẹ̀ vịdị mẹ eto anị tịtẹ nị.