Ijeremaya 6:19 - IWE ỌNỊNỊ

¹⁹ Ẹwụ nịnị anẹhẹ ọ wụ o; re, ọnị aa kụ ẹngụkata vee tu aza ẹnẹnị dị ẹ̀ rị ọgụ ụkọrọ ụvọ ẹnịnị ka, ẹnịnị ê yi ka ẹnị ẹ yị wụ́ ịrẹyị anị. Ẹnịnị ka ẹnị ẹ yị saasa ọda nị.

Ijeremaya 6:19 ပူးပေါင်းရင်းမြစ်များ

Ụhịrẹyị 15:26

Ịsị eenyisi aro aza edivi vị yị Ẹnẹyịmavara nị, ama ịrẹyị irenu aza ọyịza vị enee hine e ayị.

Ụhịrẹyị 28:9

Ẹnẹyịmavara ọ nyị ịhyẹrẹ aduwa ọza ọnị ẹ yị saasa ọda anị.

Ayịsaya 1:2

Ẹnẹyịmavara kà ihinẹba ọnịrị ẹtẹ ẹ wụ́ ịrẹyị ọnị ọnị aa vaa kà aanị. Ọ kà ezi ọnị ọnị pá, ẹ sị vịra, di e nyima dị ẹ yaa kụ̀ụ hịrẹ ọnị nị.

Ayịsaya 5:24

Wâ yẹ ịra mẹ̀ẹ rị avị ana sị wụ ịra, dị ẹpa anị ọnịrị ododo anị vụ̀ va ha. Avọọ gẹdẹ-gẹdẹ a mẹ̀ vaa mẹ aza ẹnẹẹ nị, agụvị ka ẹ ka ẹnị ẹ yị dọ ọda Ẹnẹyịmavara Ochẹtẹẹngụ. Ẹ raà sị eyi ịyẹyẹ re ịrẹyị Ohomorihi Anisirẹrị.

Ayịsaya 59:7

Eē zwe echi na mẹ odivi, dị ẹ yaa wụ̀ ọza ẹnẹ ẹ yị nyị ịsị ọ mẹ wa. Ịrẹyị odivi kẹnẹ eē ro nị. Avaba ịzị ẹ̀ẹ ngụ vị ọnị ẹẹ̄ gara chuku-chuku ha.

Ayịsaya 66:18

Ẹnẹyịmavara kà ọnị ọ yẹ ịsa ọnị e yee ro ọnịrị ebira ẹnịnị. Ọnị aa vẹ vaa kụ avaba anẹhẹ gụ. Ịjị ẹ̀ẹ sị gụ, ẹ vaa yẹ ụkata anị za.

Ijeremaya 11:11

Ẹnẹyịmavara kà agụvị avọọ, ọnị vee vu wa ẹtẹ ọnị ẹnịnị ẹ yị vaa ha hụụnị anị. Ẹnịnị ẹẹ nowu ka ọnị ọ gụ ẹnị ụvọ, ọnị e yi vee tụ́ ohi.

Ijeremaya 15:6

Ọ kà wa sị ọnị yi tịtẹ nịnị, wa sị ịrẹma và ka ọnị nịnị. Avọọ, ọnị vaa tana ụvọ za wụ nịnị dị ọnị vu u nịnị ẹtẹ, agụvị ka ịzị ọnị vayị awụ nịnị tu avọọ oo zee.

Ijeremaya 17:10

Ẹnẹyịmavara kà, ọnị ịnyara kẹnẹ ọọ gara ayị ọza, dị ọnị zama a re nị. Ebira ọzọza ọnịrị ịsị ọzọza aa mẹ ọọ́ mẹmẹ yà, avọọ ọnị mẹẹ mẹ ẹ hi wa nị.

Ijeremaya 19:15

Ẹnẹyịmavara Ochẹtẹẹngụ, Ohomorihi Anisirẹrị ọ́ sị ọ ka ka, ọnị vaa sị ụyaa rị Anijerusarẹmị nịnị ọnịrị avaba anẹkụra ana kara wa anka ọnị mẹ kà a, agụvị ka ẹnịnị aa mẹ ayị ọkatẹngụ, ẹnịnị ẹ yị saasa ịrẹyị anị.

Ijeremaya 19:3

Ijeremaya ka, Ẹnẹyịmavara kà ọnị kà a yị ohinọyị Anijuda nịnị ọnịrị Anijerusarẹmị nịnị ka, ẹnịnị ẹ̀ sị ụtọ pe ịrẹyị ọnị ọnị Ẹnẹyịmavara Ochẹtẹẹngụ aa kà. Ọnị ọ̀ Ohomorihi Anisirẹrị nịnị nị. Ẹnẹyịmavara kà ọnị vaa sị ụyaa rị ẹkụra ọnọnị divi-divi, dị o hi avaba aza anaa wụ ọ irenu.

Ijeremaya 21:14

Ọnị vaa sị ụyaa rị wa agụvị ebira odivi ẹnẹ ẹ mẹ. Ọ kà ọnị vaa jị ịra da irehi ohinọyị ẹnịnị dị ọọ rị avaba ịsa ana kara wa ịra.

Ijeremaya 22:29

Tee! ẹwụ nịnị anẹkụra, ẹwụ nịnị anẹkụra! Wụ́ ịrẹyị ọnị Ẹnẹyịmavara kà nịnị.

Ijeremaya 29:19

Ẹnẹyịmavara kà aanị ọ́ mẹ vaa yà yị wa nị, agụvị ka ẹnịnị ẹ́ yị saasa ịrẹyị anị ọnị ọnị aa sịị tụ ezi ahụ anị ọnịsẹ nịnị hi wa. Ẹnịnị ee yí ka ẹnị ẹ yị wụ.

Ijeremaya 4:14

Ẹwụ nịnị Anijerusarẹmị, hụụnị ebira odivi awụ nịnị dị wa ha. Ịzị ụ maanị vaa sị ịrẹyị odivi tụ ịnị ayị nee tu nịnị?

Ijeremaya 4:16

Ẹnẹyịmavara kà, kà a yị Anijerusarẹmị ọnịrị avaba anẹkụra ana kara wa ka ọnịvị nịnị ẹ raa kụ ịrẹkụ aa vẹ. Ẹkụra ene noze ẹ hụrẹ aa vẹ nị. Ẹẹ hụ agụvị avaba ẹtẹ Ijuda ee nowu ịrẹkụ.

Ijeremaya 4:4

Ọ kà, ẹwụ nịnị Anijuda ọnịrị Anijerusarẹmị ọ̀ hụụnị ebira odivi, dị wa sị ẹngụ awụ nịnị tụ irenyi yị ọnị nịnị, ọ ka ẹ̀ yị vị avọọ ọnị va hụ agụvị ebira odivi awụ nịnị nyị ọyịkụ hi wụ nịnị anka ịra anaa rị ọnị ọza è yi zụ mi avọọ.

Ijeremaya 49:37

Ọ kà, ọnị vaa mẹ ka Anerami ee hí angwa ọnịvị ẹnịnị enee sì wa isu. Ayị anaa kụ ọnị, ọnị vaa kụ ẹngụkata tu Anerami, dị ọnị tụ isoja ịrẹyị tu wa nee tu ọnị ọ sị wa vú ẹtẹ kwooze.

Ijeremaya 6:10

Dị ọnị tụ́ ohi ka, ọnị ọ̀ọ kà ịrẹyị yị wa, è naa wụ? Ayị ẹnịnị ọọ katẹngụ, ẹnịnị ee yi ka ẹnị ẹ yị wụ ụtụ ọnị ụ tụ. Ịrẹyị awụ vị ọnị ọnị ọ̀ọ sị ka, dị eyee sịị nyinyi.

Ijeremaya 6:18

Avọọ, ẹwụ nịnị anẹkụra ọ̀ wụ o, dị ẹwụ ịragụ ọ̀ yẹ ịsị ẹ vaa mẹẹ tu wa o.

Ijeremaya 8:5

Ọ kà, ẹwụ nịnị aza anị, sị ẹ vẹ dị ụ nyeeyi nịnị, dị wẹ yị kụkụ và ka ọnị vẹ nịnị? Ụ ka ẹwụ nịnị yị, evene yị, we yi ka wẹ yị và ka ọnị vẹ nịnị.

Ijeremaya 8:9

Ọyẹrẹyị awụ nịnị vị ana a vaa mẹ̀ ụhị nyị. Ẹnịnị vee hi ịnị ayịhụrịnẹ ọnịrị ẹngụkata ọnị ẹnịnị ẹ̀ yị va zụụ tụụ hụụnị anị. Ẹ ka ẹnị ẹ yị dọ ịrẹyị Ẹnẹyịmavara; ịrẹyọyẹ ịsị ẹ va nyị booro aanị?

Ịdanịyẹrị 9:11

Ọnị ka avaba ẹnị Anisirẹrị ệ raa sị ahụ jịnẹ ọda anị. Ẹnị ệ yị saasa ịrẹyị anị. Agụvị avọọ aa sị ụya rị ẹnị anka a mẹ chẹrẹ ẹ tụ ịnị ọda ọnị ộ sị tụ Imosiisi ana vị ọnụtụ anị hi ẹnị nị.

Ihoseya 10:13

Ama ebira odivi ọnị ê chire ẹ vaa ha nị. Ireche ọ vaa vị ẹtụtụ ọnị ẹ vaa rị nị.

Ihoseya 4:6

Ẹnẹyịmavara kà eyogu aa wụ́ aza anị. Ohirẹsụ irehi anị nịnị ẹ yaa mẹ̀ akamawụ hị́ ọnị. Ọnị o yi wa tịtẹ agụvị ka ẹnịnị e hi ayị ịrẹyị anị. Agụvị avọọ ọnị ẹ yị vaa tamayị ezi ẹnịnị.

Emọsị 2:4

Ẹnẹyịmavara kà ọnị aa pịva yị Anịjuda agụvị ebira odivi ẹnẹ ẹ mẹ̀. Ẹnịnị ẹ yị dọ ịrẹyị Ẹnẹyịmavara tụ́ ịzọọ, dị ẹ yaa mẹ akamawụụ hi ọ nị. Ẹnịnị ệ saasa ohiku ẹnịnị nyeeyi agụvị ka ệ dọ ịrẹyị ireche ọnị ori ẹnịnị ka yị wa wụ.

Imika 1:2

Batọ nịnị o, avaba ẹwụ nịnị anẹhẹ; avaba ẹwụ nịnị ene hi ẹhẹ ò batọ dị ọ̀ wụ́ ịrẹyị. Ẹnẹyịmavara Ohomorihi vaa dọ ivenu ịsa ọn ị ụ mẹ̀. Batọ! Ọ vaa ka ịrẹyị hụrị ini eehi anị ịnị ihinẹba.

Imika 6:2

Ẹwụ nịnị ataba, wụ́ ịsa ọnị Ẹnẹyịmavara kà oni ô re. Ẹwụ nịnị ịsị ẹhẹ jẹẹ ịrẹsụ anị ọ̀ wụ́ ịrẹyị Ẹnẹyịmavara Ộ kà a nyị ịsị aza anị mẹ̀ ọnị. Aa vaa kà a ịsị Anisirẹrị mẹ̀ ọnị.

Ịjọọnụ 12:48

Ọza ene èe yi mi tịtẹ, dị ọ̀ yị dọ ịrẹyị amị nị, â nyị ịsị ẹ vaa mẹ̀ ọkarẹyị yọ. Ịrẹyị ọnị mị sị kà, ọnị gẹdẹ-gẹdẹ ọ vaa mẹ̀ ọkarẹyị yọ ịnị ẹkụhị ọdịrẹma nị.

Odeyi 8:22

Ro ịnẹ varẹma hụụnị ariro odivi awụ ọnọnị, dụ wa mẹ̀ aduwa hi Ohomorihi ka ọ̀ọ zụ vagu wu ịnị ịrẹyị oni u ro aanị!

Iwe Ọhụhị Imosiisi ana aa hị́ Ọyịvatụrọda 30:19

Ọnị aa sị oze yị wa booro aanị ka ẹ nyị ịnị akakana ẹhẹ ọnịrị usu, a vị Ohomorihi ọ mẹ ize yị a vị Ohomorihi ọ tụ ozirenu hi wa. Agụvị avọọ ọnị ọ sị ẹbẹẹba ọnịrị mẹ ivenu yị ịsị waa nyị. Nyị ẹhẹ.

Iwe Ọhụhị Imosiisi ana aa hị́ Ọyịvatụrọda 32:1

Imosiisi kà ẹbẹẹba ọnịrị ẹtẹ e batọ ịsị ọnị a vaa kà.

Iwe Ọhụhị Imosiisi ana aa hị́ Ọyịvatụrọda 4:26

Imosiisi ka ọnị ọ sị ẹbẹẹba ọnịrị ẹtẹ mẹ ivenu yị wa ka ẹnịnị ẹ̀ẹ mẹ akamawụ hi ọnị, ịjjịjọo e ye vu ẹtẹ nị. Ẹnịnị ẹ̀ yị vaa ra gọdọ ịnị ẹtẹ ana ya akẹnẹ irehu Ijodani ọnị ẹ yaa vaa dọ, dị ẹ ra ini anị. Ẹnịnị vi ene vee vu ẹtẹ saka-saka.

1 Ịsamụwẹrị 15:23

Ọza ana aa mẹ akamawụ vị ana rị ịvị anka ọza ana aa há ẹva. Aza ene re ẹngụ ẹnịnị hu ịsa ọsa ọnịrị aza ana aa mẹ ori vị ana rị ịvị ọnya-ọnya. Ụ ka wẹ yị kụkụ saasa ịrẹyị Ananyị yị, ọnị ọ rẹ raà sị wụ hụụnị ohinọyị.”

1 Ịsamụwẹrị 15:26

Dị Ịsamụwẹrị tụ Ịsọọrụ ohi ka, “Mẹ yị zụ saasa wụ varẹma na agụvị ka we re yi ịrẹyị Ẹnẹyịmavara tịtẹ. Agụvị avọọ Ẹnẹyịmavara ọnị o rere yi wu ka asị ụ kụkụ vị ohinọyị Anisirẹrị.”