Ijeremaya 6:15 - IWE ỌNỊNỊ

¹⁵ Ẹnẹyịmavara kà, ụhị waa vanaa nyị wa ka ẹnị ệ mẹ ụnọ da? Ịzị ọ na vị, ụhị ọ ma nyị wa vụrụ-vụrụ ụhị ọ ma nyị wa dị è sị eyi tẹ ka aza ee re nị. Avọọ ụmẹ ọnị ọnị ọọ vaa sị ụyaa rị Anijerusarẹmị nịnị, ẹnị nyẹmba vị ana vaa sẹ ẹdụ anka aza ana vọ. Ịsị ẹ vaa za ẹhẹ ẹnịnị ịrẹsụ ọ vị ọnọọ nị.

Ijeremaya 6:15 ပူးပေါင်းရင်းမြစ်များ

Oyinyima 19:34

Eyinẹhẹ anị, dị ana vị ọzọkụ rẹ kà a yị ana vị ozweyi dị ọ ka: ọ̀ọ yẹ ka ọnịrị ada anị ọ sụ ẹẹrị nị. Ọ̀ vẹ dị ẹnị ẹ̀ rẹ kà a eche ịrahụ ajịnị, dị ọnịrị ọ ọ̀ rẹ sụ, dị ẹnị ẹ zụ nyị ọza ana vaa dọ ẹnị ịrẹsụ.

Ọyịkụra 32:34

Ama we chii na booro aanị dị wa na kụ́ aza ẹnẹẹ dụ wa nọ ịzị mị ka wa kụ́ wa nọ. Mị vaa tụ́ anggẹẹrị amị ka ọ̀ tụ́ ọvịdị awụ nịnị dị waa na nịnị. Ama òo si tù ụmẹ ana vọrọ ka ma sị sị ụya rị wa, mị vaa sị ụyaa rị wa agụvị ebira odivi ẹnị ẹ mẹ̀.”

Ụhịrẹyị 29:1

Ọza anaa ka ọnị ọ mā dọ ohuvọ ọza, vị ana jị obo nee vu.

Ayịsaya 10:4

Aza ẹnyị awụ nịnị vi ene vee sú ịnị ịrẹkụ à yị vi avọọ dị a za wa ọrịhị nọ ẹkụra ọsa. Wàa daka maanị rị rị ụya nịnị, Ẹnẹyịmavara ọ yị vị vaa vàa hụụnị ọyịkụ anị. Vị aa tịị tana ụvọ za wụ nịnị nị.

Ayịsaya 3:9

Ẹ́ mẹmẹ ee re ẹtẹ ộ hyakụ sị zụ̀ ka ẹngụ ebira ẹnị ẹ yaa mẹ ọ vị ọnọọ nị. Ebira odivi ẹnị ẹ yaa mẹ ọ vị ọnọọ nị. Ebira odivi ẹnịnị vị ẹnị ẹ kụ́ tụra eyi anka Anisodọmị avọọ, ẹnịnị ẹ yị sị tẹ vụrụ-vụrụ. Ẹ sị dà ẹnị ụvọta ẹ sị ụvọ tura ụya ve kú ẹngụ ẹnịnị nị.

Ijeremaya 14:15

Ẹnẹyịmavara kà, ọnị aa ka ịsị ọnị vaa mẹ ọnịsẹ ẹnẹẹ ọnị ọnị ẹ yị tụ ụtụ ama dị ẹ naa ka a zị ka ịrẹkụ ẹ yị vaa ngụ ẹkụra; ụngwẹ ẹ yị rẹ vaa ngụ ịzọọ bẹẹ. Eyi ịrẹkụ ọnị vaa wụ̀ wa, dị ọnị sị ụngwẹ wụ̀ ẹnị ana vọ nị.

Ijeremaya 18:23

Ama Ẹnẹyịmavara waa yẹ́ avaba eyi ẹnẹ yaa gẹ ka à wụ ọnị. Ẹnẹyịmavara, asị ụ vagu wa ịnị ebira odivi ẹnịnị; asị ụ sị eyi hụụnị anị yị wa. Nyị ẹbẹẹba ẹnịnị dị wa gụ wa sẹ ẹdụ. Sị ọyịkụ tana ụvọ za wa o.

Ijeremaya 23:12

Ọ kà agụvị avọọ, oze ẹnẹ ẹyaa vaa tụra vị ana vaa swa wa ọsịrị. A vaa dụ wa ngụ ịrahụ, dị ẹ sẹ ẹdụ va hi ẹtẹ. Ẹnẹyịmavara kà ọnị vaa kụ ẹngụkata odivi tù wa, ịjị ụmẹ ẹnẹ ẹ vaa sị rị ụya oo tu.

Ijeremaya 3:3

Ọ kà, agụvị avọọ ọnị za orihi jẹẹ, di orihi ịrẹsụ ẹ yị zụ nị. Vị ụ sị mẹ nịnị anka ọsẹrẹka avọọ nị, ụhị ẹ yị nyị ụ nịnị.

Ijeremaya 44:10

Ama wẹ yị va ka ẹngụ awụ nịnị chi pooro va ngụ ajịnị. Wẹ́ yị sị ụbanyị yị ọnị Ẹnẹyịmavara nịnị. Wẹ́ yị saasa ọda ọnị ọnị mẹ yị ẹwụrị ohiku awụ nịnị.

Ijeremaya 5:29

Ẹnẹyịmavara kà, áá vọrọ ka asị ọnị sị ụya rị wa ụvị ebira ẹnẹnị, dị ọnị ọ̀ họ̀ oponu ịrẹyị ẹngụ anị ịrẹsụ ẹngụ aza ẹnẹnị?

Ijeremaya 5:9

Ẹnẹyịmavara kà, áá vọrọ ka asị ọnị sị ụya rị wa agụvị avaba ọsọnị, dị ọnị ọ̀ họ̀ oponu ịrẹyị ẹngụ anị ịrẹsụ ẹngụ ẹkụra ọnọnị?

Ijeremaya 8:12

Ọ kà, ụhị waa vanaa nyị aza anị ka ẹnị ệ maanị mẹ ịsị edivi ẹnẹnị da? Ịzị ọ na vị. Ụhị ọ ma nyị waa vụrụ-vụrụ. Ẹnịnị ẹ ma sị eyi tẹ ka aza ee re ẹnị, avọọ ẹnịrị aza ana vọ ẹ vaa hyẹdụ nị. Ẹ́ ẹnịnị vaa ta ịhị ọnị aa sị ụyaa rị wa.

Ijeremaya 8:9

Ọyẹrẹyị awụ nịnị vị ana a vaa mẹ̀ ụhị nyị. Ẹnịnị vee hi ịnị ayịhụrịnẹ ọnịrị ẹngụkata ọnị ẹnịnị ẹ̀ yị va zụụ tụụ hụụnị anị. Ẹ ka ẹnị ẹ yị dọ ịrẹyị Ẹnẹyịmavara; ịrẹyọyẹ ịsị ẹ va nyị booro aanị?

Ezikẹẹrị 13:14

Ọ kà, ọnị vee wú ọvọ ọnị ụ kú ọda ọvwọọvụ nịnị avọọ. Ọnị vaa gara a ha, dị e kuku ee ré a mẹmẹ ka a ẹtẹ chengede, ọ ka ọvọ ọnọọ vee wú, dị aa va wụ̀ avaba ẹnịnị ha. Ịjọnọọ, avaba aza vaa yẹ ka ọnị ọ̀ vị Ẹnẹyịmavara nị.

Ezikẹẹrị 2:4

Ayị ẹnịnị ọọ katẹngụ, ẹnịnị ẹ́ yị sị ụbanyị yị ọnị, ọnị aa tụ ọnị Ezikẹẹrịị hi wa, dị ọnị ọ̀ na kà a yị wa ịsị ọnị Ẹnẹyịmavara Ochẹtẹngụ aa kà a yị wa.

Ezikẹẹrị 24:7

 wụ̀ aza ịnị ẹkụra Ijerusarẹmị, ọza ẹ̀ yị jị wa hi ini eteesu dị a zụ ku ezi ku ọ. Ịrẹsụ ịda a jị wa hi nị.

Ihoseya 4:5

Ọọdụ hi ịrahụ vị ọnị ẹnịrị ọnịsẹ ẹnịnị aa tụ́ ahụ vanga, ộ kà ọnị vu Isirẹrị ọnyị ẹnịnị ẹtẹ.

Ihoseya 9:7

Ụmẹ ụyọrị Anisirẹrị nịnị ọ sị ngụ tu wa, Ụmẹ ọnị Ohomorihi ee si si wa atọ ebira odivi ẹnịnị aa gụrị ẹtẹ. Ẹ yị jẹẹ dị Isirẹrị ẹ yẹ. Ẹnịnị ẹ yaa kà a ka ọnịsẹ ọnịrị ọnụtụ Ohomorihi nịnị vị onuvu. Ẹnịnị ệ nyị ịhyẹrẹ Ohomorihi agụvị ka ebira odivi ẹnịnị ọ sị vị ẹnẹmẹhị.

Imika 3:6

Ẹwụ nịnị ọnịsẹ we mē vene re ẹtẹ nịnị. Aawụ nịnị ộ ta ịnị ẹhẹ We yi mē vene re ẹtẹ dị wa va zụ kà ịsẹ nịnị agụvị ka waa kụ́ aza amịị nyee eyi.

Imika 7:4

Ana dahi hu ịnị ẹnịnị ê divi huna ikeyi Ọnịsẹ ệ vịdị kà wụ nịnị ọ̀nọ̀ ịhyọọ ka a vaa nyị ịrẹyị. Ịrẹyị ọnọọ ọ vẹ, o, ewee họ̀ use ka ụ mẹ̀ vaa zị.

Ịzẹhwanaya 2:1

Dị Ẹnẹyịmavara kà, ẹnịnị anẹkụra ọnị ụhị ẹ yị mā nyị aanị, ẹ́ẹ́ kụ ẹngụ gụ di ee ro ịnẹ varẹma?

Ịzẹhwanaya 3:5

Ẹnẹyịmavara vị ana yị yà pe wa, dị aa mẹ̀ ịsa ana vọrọ nị. Eyinị-eyinị Ẹnẹyịmavara aa sị ịzẹyịza anị zụ̀ wa, ama aza edivi ene hi ịzọọ vị ana yịị mẹ̀ ebira odivi ẹnịnị, dị ụhị ẹ yị nyị wa.

Ịzakaraya 13:4

Ịjị ụmẹ ọnọọ o tụ́, nyị ẹ yị ọza ene vee wo ka ọnị a kà ịsẹ, a vị ka ọnị ee re ẹtẹ, di o chire awuru ọnịsẹ ka ọnị ọ sị vene aza.

Imatiwu 15:14

Navọ wa, ka ogweyi ana aa zụ̀ ogweyi oze, ẹ vị nị. Ogweyi àaa zụ̀ ogweyi oze, ẹnị ẹyịva vị anaa hyẹdụ nee ngụ ini orosi.”

Anihwiripi 3:19

Oyivu ẹtẹ ọ vaa za ịrẹyị ẹnịnị ịrẹsụ nị. Izinẹ ẹnịnị ẹ́ sị mẹ Ohomorihi ẹnịnị nị; ịrẹyị ana a vọrọ ka ụhị ọ̀ sịị nyị wa, dị ẹyaa sịị mẹ ụbanyị. Ịsa ẹhẹ kẹnẹ ẹ sị ayị tụ́ ịnị anị nị.