Ijeremaya 6:12 - IWE ỌNỊNỊ

¹² Ẹnẹyịmavara kà ọnị vaa sị ụyaa rị Anijerusarẹmị nịnị. Ọnị vaa sị irehi ẹnịnị ọnịrị aarẹ ẹnịnị beri ose ẹnịnịị yị ọza ẹnẹsa.

Ijeremaya 6:12 ပူးပေါင်းရင်းမြစ်များ

1 Ịtọpa 21:16

Idevidi ô re anggẹẹrị ọnọọ ka ọ jẹẹ ịnị ahị. Ộ sị ụhwọ rị ụvọ enee ve sii vu Ijerusarẹmị ẹtẹ. Dị Idevidi ọnịrị azọkụ-azọkụ Anisirẹrị ana kụ́ ịta anaā sịị zị ẹngụ, dị ẹ ku ẹtẹ nị. Avaba ẹnịnị vị ana kụ́ ịta ana aa sịị̄ zị ẹngụ hi ẹngụ.

Ayịsaya 10:4

Aza ẹnyị awụ nịnị vi ene vee sú ịnị ịrẹkụ à yị vi avọọ dị a za wa ọrịhị nọ ẹkụra ọsa. Wàa daka maanị rị rị ụya nịnị, Ẹnẹyịmavara ọ yị vị vaa vàa hụụnị ọyịkụ anị. Vị aa tịị tana ụvọ za wụ nịnị nị.

Ayịsaya 5:25

Avọọ Ẹnẹyịmavara vị ana nyayịnẹ aa kụ́ ayịị hi aza anị. Ọ raà kwẹẹtẹ tù wa ka ọnị ọ̀ sị ụya rị wa. Ataba ee henyi jigi-jigi. Aza ene sú vị ana a maanị vaa navọ oku ẹnịnịị hi ini orere kẹnẹ anka ẹchịchị ini itutu avọọ. Ama ọsọnị ộ yị mẹ ka ọyịkụ Ohomorihi ọ̀ nọ ẹtẹ, vị a tịị tana ụvọọ za wa hu avọọ nị.

Ayịsaya 9:12

Anisiriya ene hi oze ọnị ọyịị̄ zịị vẹ ọnịrị Anihwirisiti ene hi oze ọnị ọyịị̄ zịị naa ngụ ẹtẹ vaa za Anisirẹrị dị ẹ wụ̀ wa va ha. Ẹ maanị sị ụya rị, Ohomorihi ọ yị vị vaa vàa hụụnị ọyịkụ anị. Vị aa tịị tana ụvọọ za wa hu avọọ nị.

Ayịsaya 9:17

Ẹsẹnị Ananyị yị ọ yị vaa zẹẹ ka à nyị ọpa ozweyi ana ha. Ọ yị rẹ vaa vayị ozi oku ọnịrị osoku nịnị. Avaba ẹnịnị vị ana aa mẹ̀ ebira odivi, dị ahịka ịrẹyị odivi ẹ rẹẹ̄ kà nị. Agụvị avọọ Ẹnẹyịmavara ọ yị vaa vàa hụụnị ọyịkụ anị. Vị aa tịị tana ụvọọ za wa nị.

Ayịsaya 9:21

Anịmanasẹ ọnịrị Anehwireemi vaa wụ̀ ẹngụụ rị. Ẹ rẹ vaa vabẹ tù Anijuda. Dị ẹ daka maanị aa rịị rị ụya, Ẹnẹyịmavara ọ yị vaa vàa hụụnị ọyịkụ anị, vị aa tịị tana ụvọọ za wa nị.

Ijeremaya 15:6

Ọ kà wa sị ọnị yi tịtẹ nịnị, wa sị ịrẹma và ka ọnị nịnị. Avọọ, ọnị vaa tana ụvọ za wụ nịnị dị ọnị vu u nịnị ẹtẹ, agụvị ka ịzị ọnị vayị awụ nịnị tu avọọ oo zee.

Ijeremaya 21:5

Ẹnẹyịmavara kà ọnị vaa sị ọyịkụ-ọyịkụ sị avaba ụkata anị pe Ịzẹdẹkayaa zyaazị.

Ijeremaya 38:22

Ijeremaya ka ọnị ô re ka, aa kụ avaba anyẹnẹẹ ana vọ tụ ịnị eehi ohinọyị Ijuda tụ ẹhẹ yị ezida ohinọyị Ịbabịrọnị. Dị anyẹnẹẹ ẹnẹẹ kụkụ aa ka yị ẹwụ ohinọyị ka. Avaba ọta awụ ẹnị ụ sị ayị tụra ẹ̀ reè vene wu, dị ẹ nyị ẹbẹẹba awụ nị. Wa raa ngụ ụdọ booro aanị, ẹnịnị ẹ́ sị zwe.

Ijeremaya 38:23

Ijeremaya ka ọnị ộ rẹ kà a yị ohinọyị Izedekaya ka; a vaa kụ avaba ese ewu ẹnịrị ezi ewu tụ ẹhẹ yị Anibabironi nịnị. Ẹwụ ụvọta ẹ́ yị vaa haa hụrẹ wa ụvọ, ohinọyị Ịbabịrọnị vị ana vaa za awụ, dị aa rị ẹkụra ọnọnịị ịra.

Ijeremaya 7:20

Avọọ, Ẹnẹyịmavara Ochẹtẹẹngụ ka, ọnị vaa sị ọyịkụ anị zụ aza ana vẹ ịnị irehi anị ọnọnị ẹtẹẹtẹrẹ ọ ka, aza ẹnịrị uye nịnị, ọchị ịnị avị nịnị ọnịrị ịsa ịnị aarẹ vị ọnị ọnị vaa mẹ ọyịkụụ yị anka ịra anaa zá dị ọza e yi zụ mi ọ avọọ.

Ijeremaya 8:10

Ẹnẹyịmavara kà, agụvị avọọ, ose ẹnịnị vị ọnị ọnị vaa sị yị anọrụ ọsa, dị ọnị aarẹ ẹnịnị yị aza ọwọọwa. Hụụnị ozweyi na ngụ ọzọkụ ẹnịnị, avaba ẹnịnị vị anaa họ̀ ọhọha ogu kẹnẹ. Ọnịsẹ ọnịrị ohirẹsụ irehi Ohomorihi nịnị vanaa mẹ azaa rị.

Arụwẹ 2:8

Ananyị yị ọ vịdị sị ọ mẹ̀ ka ẹ yị zụ nyị ka ọza e yi vee wu ọvọ. Ộ vịdị sị ọ tọ ịrẹwa ka e vú ẹtẹ saka-saka. A sị ohurohuro anị ọnịrị ugene anị wu va hi ẹtẹ booro aanị.

Arụwẹ 3:3

Ộ tana ụvọ za ọnị ẹtẹẹtẹrẹ, dị ee tụ́ ọnị pooro kẹnẹ nị.

Arụwẹ 5:11

Ose ẹyị vị ọnị ọnịvị ayị nịnị kụkụ aa ngụụ chire ẹtẹ ịrẹsụ ataba Ịzayọnị; Avọọ ẹ mẹ raa sị ụkata-ụkata ngụ tu ezwoorihi ayị ẹnẹ ẹ yị yẹ́ ọnọrụ avaba ẹkụra ene hi ẹtẹ Ijudiya ni.

Arụwẹ 5:2

Azọga ẹ sị yị dọ ogu ọnị ohiku ayị hụrẹ ụvọ tịtẹ yị yị. Anẹkụra ọsa nịnị ẹ kụkụ ra ịnị eehi ayị nị.

Arụwẹ 5:3

Ya sị vara ezi oku ẹnẹ ẹ yị nyị ada; ọnyị ayị nịnị ẹ kụkụ sị vara osoku va hi ẹtẹ booro aanị.

Ezikẹẹrị 35:3

Ọ kà, ọnị ọ̀ ka a yị Anedomi nịnị ka ọnị Ẹnẹyịmavara Ochẹtẹẹngụ ka. Ré, ẹwụ ataba Ịsẹyị, ọnịvị awụ ọnị vị̀ nị o. Ọnị vaa tana ụvọ za wụ, dị ọnị tụ wụ osusu, dị ọnị re vu wu ẹtẹ.

Ezikẹẹrị 7:24

Agụvị avọọ, ọnị vaa mẹ ka anẹkụra ene divi hu kere-kere ẹ̀ vẹ ẹtẹ Isirẹrị, dị ẹ̀ vaa dọ wụ nịnị irehi awụ nịnị. Aza awụ nịnị ana kata hu kere-kere ẹ́ yị nyị otuturumaa jẹẹ, ịjị ọnị ọ̀ọ mẹ ka anẹkụra ọsa ẹ ngụ ịzị ụ yaa mẹ ahẹkẹ nịnị dị ẹ mẹẹ ọsọọsa nị.

Imika 2:4

Ẹnẹyịmavara kà ịrẹyị ene vee tù wa vị ẹnị vaa sịị pa ịta. Dị a maanị aa sị orere jị wa atẹ ka, “A sị yị wụ tụ̀ ịnị ẹhẹ o! Ịhị Ẹnẹyịmavara aa naa sị ẹtẹ ayịị yị? Ọ raà sị ẹtẹ ayị dị ọ gà ẹ yị ọnịvị ana kụ́ ịrẹkụ va hụ yị nị. Dị ọ za ẹyị ọrịhị ne hi ịnị ẹtẹ ọnịnị ayị ẹnẹẹ nị.”

Ịzẹhwanaya 1:13

A vaa dọ wa ogu ẹnẹ ẹ nyị. Ẹnịnị ẹ yị vaa ra ịnị irehi ẹnị ẹ sị ụvọta ẹnịnị da. Ẹnịnị e yi vee re oze mẹ eche hụụnị ụbazị ịvayịnị ẹnịnị, dị ẹ hyakụ vee hú ịnị anị. Irehi ẹnịnị vị ana vaa chaka, dị ẹ para eburu anị hu.

Ịzẹhwanaya 1:4

Ẹnẹyịmavara kà ọnị vaa tana ụvọ za aza ana ra hi Ijerusarẹmị ọnịrị avaba ẹtẹ Ijuda. Dị ọnị wu aza ana aa hẹkẹ ori ana aā hị́ Ịbaarị ọnịrị ọnụtụ ori ẹnẹẹ.