Ijeremaya 52:6 - IWE ỌNỊNỊ

⁶ Ịnị ẹkụhị ịhịịna ịnị ụhwẹ ọhụna ịnị ịrayị ọnọọ gẹdẹ-gẹdẹ, Anijerusarẹmị nịnị é yi kuku re ịsa rị, dị ụngwẹ nyayịnẹ aa kụ̀ wa ẹtẹẹtẹrẹ nị.

Ijeremaya 52:6 ပူးပေါင်းရင်းမြစ်များ

2 Ohinọyị 25:3

Ịnị ẹkụhị ịhịịna ịnị ụhwẹ ọhụna ịnị ịrayị ọnọọ, ụngwẹ odivi vavọọ ngụ ẹkụra, ọnọọ dị aza ẹ yị re ịsa rị nị.

Ayịsaya 3:1

O yi kuku vee kù dị Ananyị yị Ẹnẹyịmavara Ochẹtẹẹngụ Ochẹtẹngụ ọ̀ kụ́ avaba ịsa ọnịrị aza hụrẹ Ijerusarẹmị ọnịrị Ijuda. Avaba ịsa ẹnị ẹ sị eyi kà vị ọnị ọ vaa kụ́ụ kwooze saka-saka.

Ijeremaya 15:2

Ẹnịnị èe họ̀ use ka, ịzị ẹnị ẹẹ nọ, ọnị ọ̀ kà a yị wa ka, Ẹnẹyịmavara kà, aza ẹnyị ẹnịnị vị ọnị ụkụ vanaa za, dị o su, aza ẹnyị ẹnịnị va naa wụ eyi ịrẹkụ, aza ẹnyị ẹnịnị vị ọnị ụngwẹ vanaa wụ, aza ẹnyị vana vaa za ọrịhị nọ ẹkụra ọsa, ịzị ẹ vaa nọ ọ vị ọnọọ nị.

Ijeremaya 19:9

Ọnịvị Anijerusarẹmị nịnị vaa tara kara Ijerusarẹmị dị e yee si oze ka ẹnị ẹ̀ wụ̀ aza ene hi ịnị anị. Ịrẹyị ọnọọ vee divi ẹtẹẹtẹrẹ dị aza ene hi ịnị ẹkụra kụkụ aa wụ ẹngụ rị. Ẹ hyakụ vaa wụ̀ ezi ẹnịnị rị bẹẹ.

Ijeremaya 21:9

Ọza ana aa sị ahụ vaka ẹtẹ tu Ijerusarẹmị vị ọnị ịrẹkụ vaa rị; ẹ̀ yị vavọọ dị ụngwẹ à vị ụkụ wụ ọ. Ama ọza tụra ọza ana aa jịnẹ tụ ẹhẹ di ọ́ hụrẹ ẹngụ anịị ụvọ hẹẹ yị Anibabironi enee pe wa kụ ịrẹkụ booro aanị nị, e yi vee su.

Ijeremaya 25:10

Ọ kà ọnị ẹ yị ma vana zẹẹ ka à wụ́ ọngwẹ ẹnịnị ka eyee hine ayị; ọza ẹ yị ma vana wụ́ ọngwẹ ẹnị ka ẹ yaa jẹ agụvị ẹvarose anaa nyị ẹngụ nị. Ọza ẹ yị ma vana wụ́ ka ẹyaa kwọ ịsa. Ịra ẹ yị ma vana za ịnị ozotupa ẹnịnị.

Ijeremaya 37:21

Ịzẹyịza, dị Ịzẹdẹkaya ka è nee gu oze hi ọnị ohweje ohinọyị nị. Dị ọnị yà ịzọọ nị. Eyinị-eyinị dị aa sị ịbụrẹdị ikonyi ikonya hụụ ịdị aza anaā mẹ ịbụrẹdị vaa yị ọnị nị. Avọọ á mẹ sị yị ọnị pooro ne tu ụmẹ ọnị ịbụrẹdị ta hụụ ịdị aza anaā mẹẹ nị.

Ijeremaya 38:9

Taarụ ada ayị, vị aza ẹnẹnị aa chamayị kẹnẹ aanị nọ̀. Ẹ sị Ijeremaya ne ngụ ịkangga o. Ọnị ộ yẹ́ ka ịzọọ ee súu tụ nị, agụvị ka ẹ́ yị kụkụ nyị ịsọyịrị ịnị ẹkụra.

Ijeremaya 39:2

Ịnị ana tụ ọ ẹkụhị ịhịịna ịnị ụhwẹ ọhụna ịrayị ẹwụrọnya ọnị Ịzẹdẹkaya rị ohinọyị, dị ẹ chaka ọvọ ana a jị kara Ijerusarẹmị nị.

Arụwẹ 1:11

Avaba Anijerusarẹmị aà jị òrèrè ọngwọọngụ e mee si ịsọyịrị; Ẹ kụkụ aa sị ogu ẹnịnị na dọ ịsọyịrị agụvị asị ụngwẹ wụ̀ ẹnị. Dị Anijerusarẹmị kụkụ a jị òrèrè, dị ẹ yaa hị́ Ẹnẹyịmavara kà ọ̀ navọ ò re ụya ọnị ẹnị aa rị aanị nị.

Arụwẹ 5:10

Ẹngụ ayị ộ ta kayịra anka arasị avọọ, ụngwẹ maa vaa wụ̀ yị.

Ezikẹẹrị 14:13

Ozi-ọza, ẹkụra ọyịvụrụ ọ̀ọ mẹ̀ ebira odivi hi ọnị, dị ẹnịnị ẹ̀ yị sị ayị tụra ọnị nị, ọnị vee gù wa oze ịsọyịrị. Ọnị vaa mẹ ka ụngwẹ ọ̀ kụ̀ wa, dị ọnị wụ̀ aza ọnịrị ịsụpa nịnị va ha.

Ezikẹẹrị 14:21

Ẹnẹyịmavara Ananyị ụkata hu ka, ọnị vaa zị oze ẹẹna ene divi hu kere-kere ọnị ọnị zị sị ụya rị ọza, dị ọnị sị ụya rị Ijerusarẹmị, oze ẹẹna ẹnẹẹ ẹ vị ịrẹkụ, ụngwẹ ọbanyị, uye edivi ọnịrị ụkụ nị. Dị ọnị sị wụ̀ aza ẹnịrị ịsụpa nịnị và ha.

Ezikẹẹrị 31:1

Ezikẹẹrị ka, ịnị ẹkụhị ịpaapa ụhwẹ ọhụta ịrayị ana tụ ọ ịrayị ẹwụrọnya ana a za ẹnị ve hi Ịbabịrọnị, Ẹnẹyịmavara ộ kà a yị ọnị ka,

Ezikẹẹrị 5:16

Ọ kà ọnị vee gù wu nịnị oze ịsọyịrị dị ụngwẹ ọ̀ kụ̀ wụ nịnị ẹtẹẹtẹrẹ. Ụngwẹ vaa kụ̀ wụ nịnị, dị ẹngụ kụkụ aa zị wụ nịnị anka ee rere che ọza ọpa ka asị wụ ọ avọọ.

Ezikẹẹrị 7:15

Aa kụ̀ ịrẹkụ eyi ẹhẹ, ịsa aa zị aza ene hi ini eehi, dị ụngwẹ aa kụ̀ wa nị. Ọza ana àa jịnẹ tụ ẹhẹ hụụnị ẹkụra vị ọnị ịrẹkụ aa rị, ọza anaa va yà ịnị eehi, dị ụkụ ọnịrị ụngwẹ taa ku.

Ireevi 26:26

Ẹnẹyịmavara kà ọnị vee gù wa oze ịsọyịrị ẹnịnị, dị ọnyẹnẹẹ ẹẹwụ aa mẹ̀ ịsa ịnị arasị ọnya. Dị a kụkụ aa gà ịsọyịrị swẹ-swẹ tụ wa ụvọ. Ẹnịnị ẹ̀ẹ rị ọ, ịnẹ ẹ́ yị vaa há wa.

Ịzakaraya 8:19

Ộ kà: Awẹ ụhwẹ ẹẹna, ụhwẹ ẹẹhị, ụhwẹ ịhịmba, ụhwẹ ẹẹwụ ọnị ẹ za vaa vara ụmẹ eche ịrajẹ ọnịrị ụmẹ ayohine yị aza ene hi Ijuda; avọọ e sì ịrẹyị ịzẹyịza ọnịrị ẹngwọọrọ.

Iwe Ọhụhị Imosiisi ana aa hị́ Ọyịvatụrọda 32:24

Ụngwẹ vị ana vaa wụ̀ wa ha, dị ụkụ edivi-edivi za wa. Uye ịnị avị vị ana vaa va eyi ịrazị ka wa, Dị ẹwụ ẹnẹ ẹchịpa divi ẹ yaa mẹ wa.