Ijeremaya 52:4 - IWE ỌNỊNỊ

⁴ Ịnị ẹkụhị ẹẹwụ, ịnị ụhwẹ ẹẹwụ, ịnị ịrayị ọhụhịịna ọnị Ịzẹdẹkaya rị ohinọyị, dị Inebukadineza ọnịrị avaba isoja anị kụ́ ịrẹkụ va ngụ Ijerusarẹmị nị. Ẹnịnị ệ jị udi tụ ẹhẹẹhẹ Ijerusarẹmị. Dị ẹnịnị họ̀ kara a eyi ụvọnị, dị ẹ gù Anijerusarẹmị nịnị hi tụ́ ịnị ẹkụra nị.

Ijeremaya 52:4 ပူးပေါင်းရင်းမြစ်များ

Ayịsaya 29:3

Ohomorihi vaa kụ́ ịrẹkụ kwẹẹtẹ tù Anariyẹrị okiri-okiri. Avọọ o mè vee tenyi ẹngụ ịrẹkụụ kara a dị ọ rị ọ nị.

Ijeremaya 21:2

Ẹnịnị ê ne tu Ijeremaya dị ẹ́ ka, aarịhịnị, ò pe ẹnị pe Ẹnẹyịmavara kà ịrẹyị agụvị ka Inebukadineza ohinọyị Ịbabịrọnị ọnịrị Isoja anị ẹ́ raa kụ ịrẹkụ ee vee tu Ijerusarẹmị. Ẹ ka ẹyịyara, Ẹnẹyịmavara vaa mẹ ịvọpa yị ẹnị dị ọ dụ Inebukadineza varẹma.

Ijeremaya 32:24

Wee re, Anibabironi nịnị ẹ sị kwẹẹtẹ tu yị, dị ẹ họ̀ kara Ijerusarẹmị ka ẹnị aa vaa za wa anị nị. Ịrẹkụ, ụngwẹ ọnịrị ụkụ, aza ẹnẹnị vị anaa za Ijerusarẹmị. Wee re ka vị avaba ịrẹyị ọnị ụ ka sị gẹ aanị nị.

Ijeremaya 34:1

Ijeremaya ka Ẹnẹyịmavara ộ kà ịrẹyị yị ọnị ụmẹ ọnị Inebukadineza ohinọyị Ịbabịrọnị ọnịrị ezirẹkụ anị sị kụ ịrẹkụ ve tu Ijerusarẹmị. Ezirẹkụ avaba ẹkụra ọnị Inebukadineza aa mẹ ohinọyị tụra ịrẹsụ vị ana saasa a kụ ịrẹkụ ve tu Ijerusarẹmị ọnịrị ẹkụra ana kara a ụmẹ ọnọọ.

Ijeremaya 39:1

Ịnị ụhwẹ ẹẹwụ ịrayị ọhụhịịna ọnị Ịzẹdẹkaya rị ohinọyị Ijuda, Inebukadineza, ohinọyị Ịbabịrọnị ọnịrị isoja anị ệ kụ́ ịrẹkụ va ngụ Ijerusarẹmị.

Ijeremaya 4:17

Ọ kà, ẹnịnị vaa taa kara Ijerusarẹmị anka aza enee sere aarẹ avọọ nị, agụvị ka Anijerusarẹmị nịnị ẹ raa kụ̀ hịrẹ ọnị.

Ijeremaya 52:7

Ẹnịnị ệ zị oze eyi ọnya dị ẹ chaka ọvọ ana a kara Ijerusarẹmị, dị avaba isoja ẹnịnị zị avọọ zwe tụ ẹhẹ ịrahụ nị. Isoja Anibabironi nịnị vị ana yị họ̀ kara Ijerusarẹmị ụmẹ ọnọọ. Isoja Anijerusarẹmị ệ zi oze ịnị ụbazị ohinọyị, dị ẹ zị oze ịnị oze ọbanyị ana yà ịnị akakana ọvọ ẹẹva jịnẹ tụ ẹhẹ nị. Ẹnịnị ee zwè, dị ẹ sị ịrẹsụ ka oze inozi Ijodani aa na nị.

Ezikẹẹrị 21:22

 nyị ọpa ana va eyi ka Ijerusarẹmị, dị ohinọyị Ịbabịrọnị ọnọnị sị ụvọrị ngwọ ọ nị. Ọpa ọnọọ ọ kà a yị ọ ka ọọ nọ Ijerusarẹmị dị ò ne tò ẹnya ịrẹkụ anị hi ẹtẹ nị, òo tu ịzọọ, ò nowu ịrẹkụ, dị ò tò ẹnya ịrẹkụ anị va eyi ka ozovwoovu ọbanyị ana a zịị̄ ngụ ịnị ẹkụra. Ọ̀ kụ ezi gụ, dị ọ̀ nẹba ẹtẹẹtẹrẹ, dị ọ̀ tụra ịsa na hịrẹ ọvọ Ijerusarẹmị.

Ezikẹẹrị 21:27

Evu-ẹtẹ! Evu-ẹtẹ aa vẹ nịnị o! Ẹnẹyịmavara kà ọnị aa jị Ijerusarẹmị eburu. Ama ọnị ẹ́ yị vaa mẹẹ, ẹ̀ yị vị ịjị ọza ọnị ọnị nyị ka ọ̀ va sị ụya rị ọ ọ̀ọ vẹ. Ọ̀ọ vẹ, dị ọnị sị Ijerusarẹmị chire e ụvọ.

Ezikẹẹrị 26:8

Avaba ịzị ụ ra hi ịnị eteesu obooro nịnị vị ọnị ọ vaa garaa ha. Ẹnịnị vaa chị́ ụsịị kara wụ nịnị, dị e gu ẹnya ịrẹkụ jẹẹ va ka ọvọ awụ nịnị, dị ẹ kụ ogonto ẹnịnị rị ụvọ.

Ezikẹẹrị 33:21

Ezikẹẹrị ka ịhị ẹ tụ ọ ẹkụhị ọhụhị, ịnị ụhwẹ ẹẹwụ ịrayị ana tụ ọ ịrayị ẹwụrẹva ana a za ẹnị ve hi Ịbabịrọnị, ọza ịnyara ô zwè hụrị Ijerusarẹmị vaa ka ẹ yị ọnị ka, Ijerusarẹmị ô tu ẹtẹ o.

Ezikẹẹrị 40:1

Ezikẹẹrị ka, ịhị ẹ tụ ọ ẹkụhị ẹẹwụ ịnị ịrayị ọwọọwa, ịrayị ọnọọ ọ tụ ọ ịrayị ohurẹẹhị ana a zá ẹnị ne hi ẹkụra ọsa nị. Ịrayị ọnọọ gẹdẹ-gẹdẹ ọ́ gụ ịrayị ẹwụrẹna ọnị ụvọ kara Ijerusarẹmị nị. Ịhị ọnọọ dị ụkata Ẹnẹyịmavara kà ọnị vẹ, dị ọ sị ọnị aa na nị.

Ireevi 26:25

Ọ kà ọnị vaa kụ ịrẹkụụ tù wa, dị ọnị sị sị ụya rị wa agụvị ka ẹnịnị ẹ́ yị saasa ịrẹyị ọnị ọnịrị wa hị́ eku yị ẹngụ tụ. Ẹnịnị ẹ̀ẹ kụ ẹngụ tụ ịnị ẹkụra ẹnịnị ka à sị a nyị ịsẹ mẹ ẹnị, ọnị vaa tụ wa ụkụ ẹnẹ ẹ̀ yị ma wụ ahọ̀nọ. Ọnọọ ọ vaa mẹ ka ẹnịnị ẹ̀ hụrẹ ẹngụ ẹnịnị ụvọ yị ọnịvị ẹnịnị nị.

Ịzakaraya 8:19

Ộ kà: Awẹ ụhwẹ ẹẹna, ụhwẹ ẹẹhị, ụhwẹ ịhịmba, ụhwẹ ẹẹwụ ọnị ẹ za vaa vara ụmẹ eche ịrajẹ ọnịrị ụmẹ ayohine yị aza ene hi Ijuda; avọọ e sì ịrẹyị ịzẹyịza ọnịrị ẹngwọọrọ.

Iruuku 19:43

Ẹkụhị aa vẹ ọnị ọnịvị vaa kụ́ ezii pe ugene ana kara wụ, dị ẹ rẹ kara wụ okiri-okiri ka asị u re oze zị.

Iruuku 21:20

“Ịhị wèe re nịnị ka isoja tatarata ẹ sị kara Ijerusarẹmị okiri-okiri, yẹ nịnị ka vi ee vee vú ọọ ẹtẹ avọọ nị.