Ijeremaya 52:31 - IWE ỌNỊNỊ

³¹ Ịnị ana tụ ọ ịrayị ohurẹwụrịhịmba ana za ohinọyị Ijuda ana aā hị́ Ijehoyakimi ọrịhị, na tu ịnị ẹngwa Ịbabịrọnị, ịnị ẹkụhị ẹwụrẹva ịnị ụhwẹ ẹwụrẹva ịrayị ọnọọ, dị a sị ọnọrụ ọnya aanị ana aā hị́ Evirimerodaki rị ohinọyị Ịbabịrọnị nị. Ịnị ịrayị ọnị ọ rị ohinọyị, dị ọ vayị Ijehoyakimi, dị ọ sị ọ hụụnị ẹngwa nị.

Ijeremaya 52:31 ပူးပေါင်းရင်းမြစ်များ

Oyinyima 40:13

Ọ kà ọ̀ọ naa mẹ ẹkụhị ẹẹta, ohinọyị vaa sị ọ hụụnị ẹngwa, dị ọ và a nọ udi anị ịyẹẹyẹ. Dị ọ raa sị ako ohinọyịị ká echee yọ anka ọ mẹ̀ vịdị mẹ ịnị ụmẹ ọnị ọ sịị ká echee yọ.

Oyinyima 40:20

Ịzẹyịza ịhyẹgwẹta anị ana vị ẹkụhị oni ohinọyị aa rị eche ẹkụhị ana a sị ma a, dị ọ mẹ̀ ịsa yị avaba ezi ahụ anị nị. Dị ọ tụ́ na kụ́ ọza anaā ká echee yọ ọnịrị ọza anaā mẹ̀ ịsaa yọ hụụnị ẹngwa nị. Dị ọ kụ́ wa ve tù ezi ahụ anị nị.

Ijoovu 22:29

Àa mẹ̀ ụhị nyị aza, dị ụ mẹ̀ aduwa nị, dị Ohomorihi dọ wa ha.

Ahẹ Ụgama 27:6

Ọ̀ọ vavọọ raà dọ mị tụ́, mi vee huna avaba ọnịvị amị ana kara mị Di mi nọ ini eehi anị, dị maa sị ịrajẹẹ jị ahẹ ga a. Màa jị ahẹ ọnọọ di mee hú ịsaa tụ́ ọ.

Ahẹ Ụgama 3:3

Ama ẹwụ Ẹnẹyịmavara, ẹwụ vị ana maanị jesi kara mị okiri-okiri wẹ yị zẹẹ ka à nyị ịsị ẹ kanyị mị. Wâ sị ụbanyị mị dị ụ mẹ ka ma nyị ehuna nị.

Ụhịrẹyị 21:1

Ayị ohinọyị sị mẹ anka okuha ịnị ụvọ Ẹnẹyịmavara avọọ nị. Ịzị o zee eyi kẹnẹ ọ vaa ịrẹsụ ka nị.

Ijeremaya 37:1

 nyị ọnọrụ ọnya aanị ana aā hị́ Ịzẹdẹkaya, ozi ọnọrụ ana aā hị́ Ijosaya ọ́ vị̀ nị. Inebukadineza, ohinọyị Ịbabịrọnị ộ sị ọ rị ohinọyị Ijuda. Ụmẹ avọọ, ozi ohinọyị Ijehoyakimi ana aā hị́ Ijehoyakimi a vọrọ ka ọ rị ohinọyị nị.