Ijeremaya 52:24 - IWE ỌNỊNỊ

²⁴ Inebuzaradani, ana vị ọdọvịdị isoja ene ee sere ohinọyị aanị ộ zá ohirẹsụ ịrẹsụ ọbanyị irehi Ohomorihi ana aā hị́ Iseraya. Dị ọ́ rẹ za ohirẹsụ irehi Ohomorihi ana va tụra a, ana aā hị́ Ịzẹhwanaya beri ọdọvịdị irehi Ohomorihi ọkọọka ọsa ẹẹta nị.

Ijeremaya 52:24 ပူးပေါင်းရင်းမြစ်များ

2 Ohinọyị 23:4

Ohinọyị ộ mẹ̀ ọda yị Ihirikaya ọnịrị ohirẹsụ irehi Ohomorihi nịnị anaā gụ ọ ụvọ beri ẹnị oserẹtẹ ana ya oze ụkọrọ ka ẹ kụ́ avaba ẹnya ori Ịbaarị, Asẹra ọnịrị ụzọmị hụụnị irehi Ẹnẹyịmavara. Dị ohinọyị rị wa ịra Ikidironi, dị a kụ́ atịtọ anị nọ Ịbẹtẹrị nị.

2 Ohinọyị 25:18

Ịrẹma ịsa ẹnẹnị, Inebuzaradani, ohi ịrẹkụ ộ kụ́ Iseraya, ohirẹsụ ọbanyị irehi Ohomorihi ohirẹsụ, Ịzẹhwanaya ohirẹsụ irehi Ohomorihi ana sị irenu tụra a, ọnịrị aza ọkọọka ẹẹta ịnị irehi Ohomorihi ọrịhị ịrẹkụ nọ Ịbabịrọnị.

1 Ịtọpa 6:14

dị Ihirikaya vị ada Azarịya nị. Azarịya ọ vị ada Iseraya nị, dị Iseraya ọnị vị ada Ijehozadaki nị.

Ẹzịra 7:1

Ịrẹma ịsa ẹnẹnị, ọnọrụ ọnya ana a hị́ Atazazasisi va vị ohinọyị Ipesiya nị. Ịnị ụmẹ anị Ẹzịra hụrẹ Ịbabịrọnị vẹ Ijerusarẹmị nị. Ẹzịra ọnọnị vị ozi Iseraya ọnị ada anị vị Azarịya, ozi Ihirikaya,

Ahẹ Ụgama 84:10

Ọza ọ̀ọ yà ini eehi awụ ẹkụhị ọnya, ô hine ọza huna ka ọ̀za ọ̀ na yà aha ọsa mẹ ẹkụhị otomiroku. Ọ̀ọ sị ka ọnị mị va naa ra ịnị ajẹngụ aza edivi, mâ vana dọ ka ma si eyi pè oze ini eehi Ohomorihi amị.

Ijeremaya 20:4

Ka, Ẹnẹyịmavara kà ọnị vaa mẹ ka Ipasihuri ọnị ụvọta òo chire ẹngụ anị angwa, dị ee chire avaba ọta anị angwa bẹẹ. Ọ kà eyi Ipasihuri goro-goro ọnịvị ẹnịnị vaa wụ̀ ọta anị ha nị. Ẹnẹyịmavara kà ọnị vaa sị avaba Anijudaa chire ohinọyị Ibabironii ụvọ, dị ọ za wa ọrịhị ne hi Ịbabịrọnị. Ẹnịnị vị ọnị ọ́ vaa wụ̀.

Ijeremaya 21:1

 nyị ohinọyị Ijuda ọnyaa ana aā hị́ Ịzẹdẹkaya. Ẹkụhị ọnya dị ọ́ tụ ọnọrụ ana aā hị́ Ipasihuri ana vị ozi Imikaya ọnịrị Ịzẹhwanaya ozi Imaseya ne tu Ijeremaya nị. Ịzẹhwanaya vị ohirẹsụ irehi Ohomorihi.

Ijeremaya 29:25

Ẹnẹyịmavara Ochẹtẹẹngụ, Ohomorihi Anisirẹrị ka, waa sị ịrẹha ẹngụ awụ chẹrẹ ịrẹta tu hi avaba aza ene hi Ijerusarẹmị, ọnịrị ohirẹsụ irehi Ohomorihi ana aā hị́ Ịzẹhwanaya ozi Imaseya beri avaba ohirẹsụ irehi Ohomorihi ana vọ, waa kà a yị Ịzẹhwanaya ka:

Ijeremaya 29:29

Ijeremaya ka Ịzẹhwanaya ộ ka ịrẹta ọnọọ zụ ọnị,

Ijeremaya 34:21

Ẹnẹyịmavara kà ọnị vaa kụ Ịzẹdẹkaya ohinọyị Ijuda ọnịrị ẹnị ọdọvịdị anị nịnị chire ọnịvị ẹnịnị enee si wa usu ụvọ. Ọnị vaa kụ wa chire isoja Anibabironi ana vịdị sị và hụrị ịrẹma awụ nịnị ụvọ.

Ijeremaya 35:4

dị ọnị kụ wa vẹ ịnị irehi Ẹnẹyịmavara nị, ọ ka ọnị ộ kụ wa ngụ ịnị akụ ezi ọza Ohomorihi ọnya ana aā hị́ Ihanani. Ada Ihanani â hị́ Igidarịya nị ọ ka aku ọnị ọnị kụ wa ngụ ịnị anị aanị vị ana gụrị aku ẹnị ọdọvịdị ịnị irehi Ẹnẹyịmavara, dị ọ yà ẹbẹẹba akụ ọnọrụ ana aā hị́ Imaseya ana vị ozi Isarumi nị.

Ijeremaya 37:3

Ijeremaya ka, ohinọyị Ịzẹdẹkaya ộ tụ ọnọrụ ọnya aanị ana aā hị́ Ijehukari, ozi Iseremaya beri Ịzẹhwanaya ozi Imaseya ve tu ọnị. Ịzẹhwanịya ọnị vị ohirẹsụ irehi Ohomorihi. Ọ kà, aarịhịnị, ọnị ò pe ẹnị mẹ̀ aduwa hi Ẹnẹyịmavara, Ohomorihi ẹnịnị de.

Ijeremaya 52:12

Ịnị ẹkụhị ẹẹwụ, ụhwẹ ọhụhị ịnị ana tụ ọ ịrayị ẹwụrịhịịna ọnị Inebukadineza rị ohinọyị Ịbabịrọnị, Inebuzaradani anaā sịị ajuwe yị ohinọyị, dị ọ́ rẹ vị ọdọvịdị isoja ene e sere ohinọyị, ộ ngụ Ijerusarẹmị.

Ijeremaya 52:15

Dị Inebuzaradani za aza ana vọ hi Ijerusarẹmị ọrịhị ne hi Ịbabịrọnị nị; aza ana yara mẹ̀ ụkọrọ ụvọ ẹnịrị avaba aza ene zwe vàka ohinọyị Ịbabịrọnị na ọ́ vavọọ kụ nị.

Arụwẹ 4:16

Ẹnẹyịmavara ọnị ụvọta ọ gara wa hi ozi ni. Ẹ yị kụkụ hị́ ịrẹyị ẹnịnị ịrẹyị. Ẹnịnị ẹ yị kụkụ nyị ụbanyị vụrụ-vụrụ.

Ezikẹẹrị 11:7

Avọọ, ọnị Ohomorihi Ananyị ụkata hu kere-kere aa kà a yị wụ nịnị ka, ịzẹyịza, Ijerusarẹmị vị ụnọkọ ana a sịị̄ mẹ̀ ịsa, ama oku aza ọnị ụ wụ nịnị ẹ̀ vị uye ana yà ịnị anị nị. Wẹ́ yị vaa ya ịnị anị nịnị, vị́ ọnị vaa dụ wụ nịnịị hi ẹhẹ nị.

Ezikẹẹrị 24:5

Uye ẹnẹ ẹ vaa sị ọ̀ vị uye atẹmẹ ene zoza hu kere-kere. Ẹnịnị è che ọkụ hi iruvo ụnọkọ ọnọọ ẹtẹẹtẹrẹ. Navọ enyi anị ọ̀ há; dị à hụ ẹchụkụ ọnịrị uye ẹnẹẹ.

Ezikẹẹrị 34:10

Ọnị Ẹnẹyịmavara Ochẹtẹẹngụ ka, ọnịvị awụ nịnị ọnị kụkụ vị nị. Ọnị vaa dọ atẹmẹ anị hụrẹ ẹwụ nịnị ụvọ. Ọnị ọ́ ma vana zẹẹ ka we sere wa nịnị. Ọnị ọ ma rẹ vana zẹẹ ka waa tẹsị ẹngụ awụ nịnị ịnyara kẹnẹ. Ọnị vaa dọ atẹmẹ anịị hụrẹ ẹwụ nịnị ụvọ ọnị ẹ́ ma vana zẹẹ ka waa sị waa mẹ ụngwẹ nịnị.