Ijeremaya 52:12 - IWE ỌNỊNỊ

¹² Ịnị ẹkụhị ẹẹwụ, ụhwẹ ọhụhị ịnị ana tụ ọ ịrayị ẹwụrịhịịna ọnị Inebukadineza rị ohinọyị Ịbabịrọnị, Inebuzaradani anaā sịị ajuwe yị ohinọyị, dị ọ́ rẹ vị ọdọvịdị isoja ene e sere ohinọyị, ộ ngụ Ijerusarẹmị.

Ijeremaya 52:12 ပူးပေါင်းရင်းမြစ်များ

Oyinyima 37:36

Ụmẹ oni maanị ee sụ ùnè aanị, Animidiya ẹ sị Ijosẹẹhụ na yị Ipotihwa ịnị ẹtẹ Ijipiti. Ipotihwa vị ọnya ini ohi ọnị ohinọyị ka oo pe ọnịị mẹ̀ ụkọrọ. Ọnị ọ vị ọga isoja ene ee sere irehi ohinọyị nị. Animidiya ẹ rẹ vị Anisimẹrị nị (re Ọdọvịdị nịnị 8.22, 24).

2 Ohinọyị 24:12

Ijehoyakini ohinọyị Ijuda ộ sị ẹngụ ọnịrị ọnya anị, ezi ahụ anị, ọdọvịdị anị nịnị beri aza ene hi ini eehi anị chire Inebukadineza ụvọ. Ịrayị ọnọọ ọ tụ́ ịrayị ịhịnta ọnị Inebukadineza vị ohinọyị Ịbabịrọnị nị.

2 Ohinọyị 25:8

Ịnị ẹkụhị ịhịmba ịnị ụhwẹ ọhụhị ịrayị ẹwụrịhịnna ọnị Inebukadineza rị ohinọyị Ịbabịrọnị, Inebuzaradani ana vị anajuwe anị ọnịrị ohi ịrẹkụ isoja anị ngụ Ijerusarẹmị nị.

Ẹzịra 5:12

Ama ohiku ẹnịnị ê du Ohomorihi ana nyị ẹbẹẹba ayị, dị ọ hụrẹ ẹnị ụvọ yị Inebukadineza ohinọyị Anikaridi nị. Dị Inebukadineza za wa ọrịhị nọ Ịbabịrọnị, dị ọ chaka irehi Ohomorihi ọnọọ ha nị.

Inehemaya 2:3

Dị Inehemaya kà, “taarụ! U vee ku orubo ọcha, orubo ẹya”. Ọ kà, sị ẹ vị ayohine anị ịrẹma ọnị ẹkụra ene e ne ohiku ẹnịnị tụ sị vara eburu, dị ukere oze ana na ngụ ẹkụra kụ rị ịra va ha.

Ahẹ Ụgama 79:1

Ohomorihi, wéē re anẹkụra ẹhịmị ẹnẹnị ẹnị ẹ̀ yị yẹ wụ mẹ̀ vẹ dị ẹ kụ́ ịrẹkụ ve tụ́ aza ọnị ụ sị mẹ aza awụ. Ệ za irehi awụ, e si o du ẹngụ, dị ẹ za Ijerusarẹmị dị ẹ jị ọ eburu nị.

Ijeremaya 1:3

Ẹnẹyịmavara ộ rẹ kà ịrẹyị yị ọ ịnị ụmẹ ọnị ozi Ijosaya ana aā hị́ Ijehoyakimi sị vị ohinọyị. Ịrẹma anị ộ vana rẹ kà ịrẹyị yị ọ ụmẹ ọrụrụ-ọrụrụ naa ngụ ana tụ ọ ịrayị ẹwụrọnya ọnị ozi Ijosaya ọsa ana aā hị́ Ịzẹdẹkaya sị vị ohinọyị nị.

Ijeremaya 32:29

dị ẹ jị ịra da a. Ẹnịnị vaa rị ọ ịra bẹrị avaba irehi ana aza ya mẹ ayị kụ ọnị. Aza ẹ ya ịrẹsụ irehi ẹnẹẹ aa rị eturare ịra yị ori ana aā hị́ Ịbaarị, dị ẹ́ rẹ yaa sị eche mẹ̀ ịsọvọ yị ori ana vọ nị.

Ijeremaya 39:11

Ama ohinọyị Inebukadineza ộ mẹ̀ ọda yị Inebuzaradani ka ọ̀ kà a ka:

Ijeremaya 39:9

Ọdịrẹma anị, â nyị ọnọrụ ana aā hị́ Inebuzaradani ana vị ohirẹsụ isoja Anibabironi. Ộ kụ aza ana vọ hí Ijerusarẹmị beri aza ene zwe ne tu ọ ne hi Ịbabịrọnị, dị ẹ vị ọrịhị tụ ịzọọ nị.

Ijeremaya 52:14

Dị isoja ọnị ọ́ kụ́ na wú ọvọ ana jị kara Ijerusarẹmị và ha nị.

Ijeremaya 52:29

Ịnị ana tụ ọ ịrayị ẹwụrịhịnta ọnị o rị ohinọyị, dị ọ́ za aza ẹnị ẹchẹhị-ẹchẹhị oze ịhịnta (akawụ ịhịnta) tụra ohurẹẹwụ tụra ẹẹta (832) hụrị Ijerusarẹmị nị.

Ịdanịyẹrị 1:1

 nyị ọnọrụ ọnya aanị ana aā hị́ Ijehoyakimi ana vị ohinọyị Ijuda ịnị ụmẹ ọnya aanị. Ụmẹ ọnọọ ọnọrụ ana aā hị́ Inebukadineza ọnị rẹ sị vị ohinọyị ẹtẹ Ịbabịrọnị nị. Ịnị ịrayị ọhụta ọnị Ijehoyakimi rị ohinọyị, dị Inebukadineza kụ ịrẹkụ ne tu anị Ijerusarẹmị dị ẹ họ̀ karaa okiri-okiri nị.

Ịdanịyẹrị 2:14

 nyị ọnọrụ ọnya aanị ana aā hị́ Ariyoki, ọnị ọ vị ọdọvịdị isoja ohinọyị nịnị nị. Ịjị ọ raà kụ aza ka à na wụ ẹnị ọyẹrẹyị Anibabironi, dị Ịdanịyẹrị tangwa sị ịrẹyọyẹ pe e kà ịrẹyị nị.

Ịzakaraya 8:19

Ộ kà: Awẹ ụhwẹ ẹẹna, ụhwẹ ẹẹhị, ụhwẹ ịhịmba, ụhwẹ ẹẹwụ ọnị ẹ za vaa vara ụmẹ eche ịrajẹ ọnịrị ụmẹ ayohine yị aza ene hi Ijuda; avọọ e sì ịrẹyị ịzẹyịza ọnịrị ẹngwọọrọ.