Ijeremaya 52:11 - IWE ỌNỊNỊ

¹¹ Ịjị a sị wa ụ, dị Inebukadineza ka à tụ̀ Ịzẹdẹkaya eyi nị. A sị Ịzẹdẹkaya tụ eyi, dị Inebukadineza ka à kụ́ ẹba hi ọ ụvọ, dị à sị ọ aa nọ Ịbabịrọnị nị. Ê tu ịzọọ, dị ẹ sị ọ tụ ịnị ẹngwa pooro dị ẹkụhị isu anị tù nị.

Ijeremaya 52:11 ပူးပေါင်းရင်းမြစ်များ

Ijeremaya 21:7

Ọ kà ama Ịzẹdẹkaya, ọdọvịdị ẹkụra anị nịnị, ọnịrị aza ana vọ ịrẹma ịrẹkụ, ụngwẹ ọnịrị ụkụ ọnọọ, vị ọnị ọnị vaa hụrẹ ụvọ yị Inebukadineza ọnịrị ọnịvị ẹnịnị enee si wa isu. Ẹnẹyịmavara kà Inebukadineza vaa wụ̀ wa, ọza ịnyara ẹ yị yaa vọ. Ẹ yị vaa vayị ẹnịnị vụrụ-vụrụ.

Ijeremaya 39:7

Ịrẹma ọnọọ, dị ọ ka à tụ Ịzẹdẹkaya eyi, dị à sị ẹba sụ́ ọ, dị à sị ọ aa nọ Ịbabịrọnị nị.

Arụwẹ 2:6

Ộ chaka irehi Ohomorihi ịzị ịị̄ yaa hẹkẹ ẹ. Ẹ yị zẹ ka ẹnị ẹ̀ kụkụ rị eche ọnyọọnyị à vị ka ẹnị mẹ ahẹkẹ ẹkụhị ụhwọtụ. Ọ raà sị ọyịkụ Anị zụ ohinọyị nịnị ọnịrị ohirẹsụ irehi Ohomorihi nịnị.

Ezikẹẹrị 12:13

Ẹnẹyịmavara kà ọnị vaa và ịrẹpaa zi ọ, dị ọnị za a, ọnị ọ̀ọ sị ọ za, dị ọnị sị ọ va ngụ Ịbabịrọnị. É yị ve re e dị ò sú tụ ịzọọ.

Ezikẹẹrị 17:16

Ọ kà, àa vị ọnị ọ yị vị̀ Ohomorihi ana yara nị, ohinọyị Ijuda ọnọnị vị ene vee súu tu Ịbabịrọnị agụvị ka ộ jịnẹ eku ọnị ọ hị́ ọnịrị ịrẹyị ọnị ọ dọ beri ohinọyị Ịbabịrọnị tụ ịnị anị, ọza ana sị ọ rị ohinọyị ọ vị ọnọọ nị.

Ezikẹẹrị 23:24

Ẹnịnị vaa kwẹẹtẹ tu wu nịnị hụrị eyi ẹbẹẹba. Ẹ̀ẹ yaa vẹ dị ẹ kụ isoja tatarata beri ụkẹkẹ-ịrẹkụ ọnịrị umoto ịrẹkụ za. Ẹnịnị va kụ ogonto rị ụvọ, dị ẹ sị amu enyusẹ-enyusẹ ku, dị ẹ ta kara wụ nịnị, Ẹnẹyịmavara kà ọnị vaa hụrẹ ụvọ yị wa, dị ẹnịnị sị ọda ẹkụra ẹnịnị mẹ̀ ọkarẹyị yị wụ nịnị.