Ijeremaya 51:9 - IWE ỌNỊNỊ

⁹ Anẹkụra ọsa ene hi ịzọọ ka, ẹnị ệ sị vụrị ka ẹnị ẹ̀ gụ Ịbabịrọnị ụvọ, ama, ụmẹ ọ sị parahu. Ẹ ka à vẹ vị ẹnị para a hu dị ẹnị ẹẹ nọ eehi ẹnịnị; ka Ohomorihi ọ raa sị ụmẹzụ-ụmẹzụ sị ụya rị Anibabironi nịnị, ọ sị wa vú ẹtẹ saka-saka.

Ijeremaya 51:9 ပူးပေါင်းရင်းမြစ်များ

2 Ịtọpa 28:9

 nyị ọnọrụ ọnya aanị ana aā hị́ Odedi ana vị ọnịsẹ Ẹnẹyịmavara ana ra ẹkụra Ịsamarịya, ộ na gẹrẹ isoja Anisirẹrị nịnị mẹ̀ kụ́ Anijuda nịnị ẹnẹ ẹ za orihi aa vaa ngụ ẹkụra Isamariya. O me tu wa, dị ọ kà a Ẹnẹyịmavara Ohomorihi ohiku ẹnịnị ộ kụ́ ayị hi Anijuda, dị ọ navọ wa ka a nyị ẹbẹẹba ẹnịnị nị. Ama booro aanị ộ wụ́ oze odivi ẹnẹ ẹ zị wụ̀ aza ẹnịnị va ha.

Ẹzịra 9:6

dị mị mẹ̀ aduwa, dị mị ka, Ẹwụ Ohomorihi amị ụhị aa nyị mị. Mẹ yị nyayịnẹ va eyi ka wụ o. Ebira odivi ayị ộ ta dẹngụ. Ọ va sị ngụ ẹbẹẹba bẹẹ.

Ayịsaya 13:14

Azọga ene hi Ịbabịrọnị vee zwee nọ eehi ẹnịnị. Ẹnịnị vị ana vaa sị mẹẹ anka atẹmẹ ẹnẹ ẹ̀ yị nyị ọza ana si eyi pè e nị.

Ayịsaya 47:15

Aza eneē re ẹtẹẹ wụ ọnị uū zwè nee tu ụ́ mẹ hụrẹ vẹ ẹhẹ awụ avọọ, avaba ọyịza ẹnẹ ẹ vaa mẹẹ wụ ọ vị ọnọọ nị. Ẹnịnị vị ana vaa navọ wụ, dị ẹ vàtụ ẹnịnị, ẹ yị nyị ọza ana vaa jẹẹ ka ọnị ọ̀ dọ wụ ha.

Ijeremaya 46:16

Isoja awụ nịnị ẹ́ kụ vangga, dị ẹ́ sẹ ẹdụ và hí ẹtẹ nị. Ẹyaa kà a yị ẹngụ ka, ọzọza ọ kwẹẹtẹ dị ẹnị ẹẹ ka anda ẹnịnịị na eehi; à vẹ dị ẹnị è zwe hụrị eyirẹkụ ọnị ọnịvị ẹnịnị kụ vẹ aanị o.

Ijeremaya 46:21

Isoja ẹnẹ ẹ na hị́ ka ẹ̀ vaa gụ ẹnị ụvọ vị ana tụ ọkụmị jẹẹ anka ozi ụnọ avọọ. Ẹnịnị ẹ́ yị va zụ jẹẹ kụ ịrẹkụ. Ẹnịnị vị ene zwe varẹma. Ẹkụhị ụyọrị ene e ve sii vu Ijipiti ẹtẹ o tù aanị nị ọ.

Ijeremaya 50:16

Asị ụ kụkụ zẹẹ ka è chire ịsa tụ ẹkụra ọnọọ nịnị, dị asị ụ kụkụ zẹẹ ka à kụ ịsa ọyịna gụ ịzọọ nịnị. Avaba azọga ene hi ịzọọ vee hí angwa ọkụrẹkụ enee pe wa kụ̀ ịrẹkụ, dị ẹnịnị varẹma aa nọ eehi ẹnịnị.

Ijeremaya 8:20

Dị aza na owu zẹtẹ, dị ẹ ka, ụmẹ ọhahị ọ sị parahu, á raa kụ ịsị ịnị aarẹ gụ, ama ọza ẹ yị vaa dọ ẹnị ha.

Ihoseya 7:13

Ka ẹnịnị e yi ọnị tịtẹ o vee du wa ku nị. E vee su agụvị ka ệ mẹ̀ akamawụ hi ọnị. Ọnị yaanị dọ wa ha ama e yee cheeche kú ọnị.

Ẹtore 18:4

Dị mị rẹ wụ́ ọngwẹ ọsa hụrẹ ẹbẹẹba, dị ọ ka: Ẹwụ nịnị aza anị, jịnẹ tụ́ ẹhẹ hụrị Ịbabịrọnị nịnị! Asị ụ nyị ụvọ tụ́ ịnị ebira odivi ẹnịnị! Agụvị asị ẹwụrị wa na rị ụya ọnyọọnya nịnị.

Ẹtore 18:5

Ebira odivi ẹnịnị ệ hyakụ va kụ́ ngụ ẹbẹẹba. Ohomorihi ê hí ayị ịsa edivi ẹnẹ ẹ mẹ.