Ijeremaya 51:7 - IWE ỌNỊNỊ

⁷ Ẹnẹyịmavara kà, Anibabironi nịnị vị ana sị mẹẹ anka ako ana a sị igooru mẹ̀ ọnị ọnị sị rị ụvọ, dị ẹnịnị kà avaba anẹhẹ eche nị. Ẹkụra-ẹkụra ê hú eche anị, ẹnịnị ẹ̀ yị kụkụ yẹ ịsị ẹyaa mẹ.

Ijeremaya 51:7 ပူးပေါင်းရင်းမြစ်များ

Ayịsaya 14:4

ahẹ ọnị ụ vaa jị Anibabironi ịhị ọnọọ yị. Dị ụ ka, “Ọza ana vịdị aa mẹ ẹchakaa yị, aanị ộ ta, ọ. Ọ yị kụkụ zụ kụ́ ayị hị́ ọza.

Ijeremaya 13:13

Ọ kà ịjọnọọ, dị Ijeremaya vaa ka ẹ yị wa ọgọnị ka ọnị Ẹnẹyịmavara vaa và avaba anẹkụra ọnọnịị zí anka aza ana a kà eche avọọ. Ọ kà ohinọyị ẹnịnị ana yaatụ ịrẹsụ aga ohinọyị Idevidi vị ọnị ọnị vaa kà eche, ẹnị ohirẹsụ irehi Ohomorihi nịnị, ọnịsẹ nịnị ọnịrị avaba Anijerusarẹmị vị ọnị ọnị vaa kà eche.

Ijeremaya 25:9

Ọnị vaa tụ́ụ hị́ avaba aza ene hi Ịbabịrọnị ọnịrị ozi ahụ anị, Inebukadineza, ohinọyị Ịbabịrọnị ka ẹ̀ kụ ịrẹkụ va ngụ Ijuda. E vee pè avaba aza ene hi Ijuda ọnịrị avaba ẹkụra ana kara waa kụ̀ ịrẹkụ. Ẹnẹyịmavara kà ọnị vee vu Ijuda ọnịrị aza ana kara wa ẹtẹ saka-saka ana ahịka aza èe ré e angwa vị ene vee hí wa pooro zịna-zịna.

Ijeremaya 50:38

Ọyị vaa jị ẹkụra ẹnịnị, dị avaba irehu ẹnịnị wụ. Ịbabịrọnị vị ẹtẹ ọnị ori edivi-edivi hi. Ori ẹnẹẹ ẹ́ sị wa tụ́ ụra.

Ezikẹẹrị 23:42

 wụ́ ọkọnị aza ịrẹyị, ọkọnị aza ẹnẹnị vị anọrụ ana kụ hụụnị ụnọmị vẹ. Ẹnịnị ệ kụ ịsụvọ hi anyẹnẹẹ ẹnẹnịị ụvọ, dị e ku wa amu ohinọyị ene zoza ẹtẹẹtẹrẹ ku wa ịrẹsụ nị.

Ịdanịyẹrị 2:32

Ịrẹsụ ịsa ọnọọ vị ana a sị igooru mẹ, dị a sị enyusẹ anaā hị́ isiriva mẹ ịrachị anị ọnịrị ụvọ nị. Hụụnị ịrẹka na ngụ ịnị usi anị vị ana a rẹ sị enyusẹ irenyi mẹ,

Ịdanịyẹrị 2:38

Ohomorihi ọ mẹ ka ọọ mẹ ọda tụra avaba anẹhẹ ọnịrị uye ịnị avị beri inomi nịnị ịrẹsụ nị. Agụvị avọọ Inebukadineza ohinọyị ọ vị̀ ịrẹsụ ana a sị igooru mẹ̀ ịnị ịsa oni o re nị.

Ẹtore 14:8

Dị anggẹẹrị ọsa aa saasa anggẹẹrị ịpaapa, dị aa hị́: “Ịbabịrọnị ọ sị hyẹdụ, ẹkụra ọbanyị ọnọọ ọ sị hyẹdụ; ọ sị ọyịkụ Ohomorihi yẹ, agụvị ka ọ raà kụ́ anẹhẹ ka ẹ̀ẹ sẹ̀ ịrẹka.”

Ẹtore 17:2

Ohinọyị anẹhẹ nịnị e reè pee sẹ̀ ịrẹka; ọ raà mẹ ka anẹhẹ è hú enyi ịrẹkọyịsẹ anị, dị ọ̀ọ mẹrị wa anka eche avọọ.”

Ẹtore 17:4

Dị ọnẹẹ ọnọọ hara ịta ovivi-ovivi hi ẹngụ, dị ọ hara igooru ọnịrị ọmọ beri uweyi hi ẹngụ nị. Ọ́ọ sị ako igooru ọnya rị ụvọ. Ako ọnọọ vị ohihi yị ebira odivi irenyi-renyi, ebira ịdọtị ọnịrị ịrẹkọyịsẹ.

Ẹtore 18:23

Ọza e mē vene re ẹtohweyi ozotupa ịnịnẹ anị paa; ọza ọ mā rẹ vana wụ́ ka ọnọrụ aa nyị ọnẹẹ ịnịnẹ anị paa. Ọ kà osohu Anibabironi nịnị ẹ vịdị vị azẹbanyị ẹhẹ nị. Ịbabịrọnị ọ raà sị ẹbẹ anị vene avaba anẹhẹ.

Ẹtore 18:3

Ọ raà mẹ ka avaba anẹkụra ẹ dọ ọda ebira ịdọtị ọnị ọọ̄ mẹ̀. Ohinọyị anẹhẹ nịnị e reè pe e sẹ̀ ịrẹka. Agụvị ka ụbanyị anị ẹ mā hụ ọọ, ọ raà mẹ ka osohu anẹhẹ nịnị ẹ̀ vara ọnyẹkẹhị.

Ẹtore 19:2

Ịzẹyịza ọ sịị̄ mẹ̀ ọkarẹyị anị nị, ọ mā nyị ireche. Ọ raà mẹ̀ ọkarẹyị yị ọsẹrẹka ọbanyị ọnọọ ana aa sị ịrẹkọyịsẹ anịị du ẹhẹ. O re reè si ọ atọ agụvị ezi ahụ anị ọnị ọ wụ̀.”