Ijeremaya 51:64 - IWE ỌNỊNỊ

⁶⁴ Dị ọ̀ kà aka, aanị ọ́ mẹ vaa yàa yị Ịbabịrọnị nị. O vee chì dị ẹ yị ma vana kwẹẹtẹ hịrẹ vẹ, agụvị ka Ẹnẹyịmavara ee vee vu ọ ẹtẹ. Ẹhwị ịrẹyị ọnị Ijeremaya ka yị o.

Ijeremaya 51:64 ပူးပေါင်းရင်းမြစ်များ

Ijoovu 31:40

Mèe chire ihwiiti ọnịrị ibaari tụ ịnị aarẹ, ẹ̀ vara avị ọnịrị ikeyi. Ịrẹyị Ijoovu ộ ta.

Ahẹ Ụgama 72:20

Ịzẹnị aduwa oni Idevidi Ozi Ijeese mẹ ta tụ́ nị.

Ahẹ Ụgama 76:12

Ohomorihi ộ za ohinọyị ene ee wo otoo zị, dị ọ và wa nẹtẹ nị. Ohinọyị ene hi ẹhẹ vi ene ee hí angwa anị.

Ayịsaya 47:13

Avaba ajuwe ana aza aa sịị wụ ẹ yị zụ sị ụkata yị wụ. Aza enee re ẹtẹẹ yị wụ, anaā zama a ịsị ụzọmị nịnị kà, ẹ̀ kwẹẹtẹ dị ẹ va dọ wụ ha daa re. Ẹnị ẹẹ̄ dà aha ẹbẹẹba, dị ẹyaa kà a wụ ụhwẹ-ụhwẹ ịsị ẹ vaa mẹ nị.

Ijeremaya 13:4

Ọnị ọ̀ kwẹẹtẹ dị ọnị ọ̀ sị ụbaja ọnị ọnị na hị́ di ọnị sị sụ́ ọtẹ aanị nị. Ọ kà ọnị ọ̀ nọ ụtọ irehu ana aā hí Iyuhwuretisi dị ọnị ọ̀ sị na tẹ̀ ịnị anaha ịrẹta ịzọọ.

Ijeremaya 19:10

Ijeremaya ka, dị Ẹnẹyịmavara vaa kà a yị ọnị ka ọnị ọ̀ chaka ụnọkọ ọnọọ eyi aza ana saasa ọnị aanị nị.

Ijeremaya 25:27

Dị Ẹnẹyịmavara kà a yị Ijeremaya ka ọ̀ kà a yị yị avaba aza ka, ọnị Ẹnẹyịmavara Ochẹtẹẹngụ, Ohomorihi Anisirẹrị ọọ mẹ ọda yị wa ka ẹnịnị è hú eche ọnọnị ne tu ịjị aa mẹrị wa dị ẹyaa hẹrẹ nị, ẹ̀ vavọọ hú ọ ne tu ka ẹnịnị ẹ̀ sẹ ẹdụ dị asị ẹ́ kụkụ zụ kwẹẹtẹ, agụvị ka ọnị aa kụ́ ịrẹkụ nee tù wa.

Ijeremaya 51:42

Ẹngụkata oo tu Ịbabịrọnị anka enyi ịnị oku ọ̀ọ rere aa jị ayị dị ọ dà ve ku ọ avọọ.

Ijeremaya 51:58

Ẹnẹyịmavara Ochẹtẹẹngụ ka, ọvọ Ịbabịrọnị bamị-bamị ọnọnị vị ana vaa kwọrọọ zẹtẹ, dị aa rị oze ana aā zịị ngụ ọ ana jẹ gogorogo aanị ịra. Ụkọrọ ọọhẹ kẹnẹ aza va mẹ nị, avaba ịsị ẹkụra-ẹkụra maanị rị ụya anị, aa rị ịra aanị nị.

Ijeremaya 9:5

Ọta-ọta venee vene ẹngụ; ẹ yị nyị ọza anaa kà ịzẹyịza. Ireche oyi che vị ẹnẹ kọsẹ anị. Ẹnịnị ẹ ma và hụụnị ebira odivi ọyị mẹ.

Ezikẹẹrị 28:19

Ịrẹyị awụ ộ za aza ọrụrụ-ọrụrụ ana vịdị yẹ wụ zizi ẹtẹẹtẹrẹ. Ịsị ẹ za ẹhẹ awụ ẹtẹ aanị ee chire aza angwa. Aawụ ộ ta pooro zịna-zịna.

Ihabaku 2:13

Ama Ẹnẹyịmavara Ochẹtẹẹngụ kà ọnị vaa sị ịra rị avaba ịsa ana aza ọnịrị ẹkụra sị ẹhị ẹnịnị sì nị.

Ẹtore 14:8

Dị anggẹẹrị ọsa aa saasa anggẹẹrị ịpaapa, dị aa hị́: “Ịbabịrọnị ọ sị hyẹdụ, ẹkụra ọbanyị ọnọọ ọ sị hyẹdụ; ọ sị ọyịkụ Ohomorihi yẹ, agụvị ka ọ raà kụ́ anẹhẹ ka ẹ̀ẹ sẹ̀ ịrẹka.”

Ẹtore 18:2

Dị ụkata-ụkata nowu tụ́ ẹba ka: Ịbabịrọnị ọ sị hyẹdụ. Echu ọnịrị ụhwẹ echu irenyi-irenyi e kuku hi ịnị anị nị. Inomi edivi irenyi-irenyi kẹnẹ e kuku hi ịzọọ nị.

Ẹtore 18:21

Dị anggẹẹrị ọnya aanị ana nyị ụkata sị ịrẹta ọnya anka ịrẹtọkwayị ọbanyị avọọ, dị o ne e ngụ oku, dị ọ ka: Aanị a mẹ̀ vaa sị ụkata-ụkataa ne Ịbabịrọnị ẹkụra ana maanị banyịị nya ẹtẹ nị. Dị ọza e me vene kuku re e nị.